საქართველოს პრეზიდენტის
ბრძანებულება №713
2005 წლის 24 აგვისტო
ქ. თბილისი
,,საქართველოს მეცნიერებათა აკადემიისათვის მფლობელობასა და უსასყიდლო სარგებლობაში მიწის ნაკვეთებისა და შენობა-ნაგებობების გადაცემის შესახებ“ საქართველოს პრეზიდენტის 2000 წლის 3 თებერვლის №30 ბრძანებულებაში ცვლილებების შეტანის თაობაზე
1. ,,ნორმატიული აქტების შესახებ“ საქართველოს კანონის 36-ე მუხლის შესაბამისად, ,,საქართველოს მეცნიერებათა აკადემიისათვის მფლობელობასა და უსასყიდლო სარგებლობაში მიწის ნაკვეთებისა და შენობა-ნაგებობების გადაცემის შესახებ“ საქართველოს პრეზიდენტის 2000 წლის 3 თებერვლის №30 ბრძანებულებაში (სსმ III, 2000 წ., №8, მუხ.70) შეტანილ იქნეს ცვლილებები და ბრძანებულებით დამტკიცებულ საქართველოს მეცნიერებათა აკადემიის მფლობელობაში არსებული ქონების ნუსხის მე-11 პუნქტით გათვალისწინებული ,,ძირითადი კორპუსებიდან“ ამოღებულ იქნეს ცხრასართულიანი შენობა და ნუსხის მე-11 პუნქტი ჩამოყალიბდეს შემდეგი რედაქციით:
| № რიგზე | დაწესებულება–ორგანიზაციის დასახელება | მისამართი | მიწის ფართობი (ჰექტ.) | შენობის ფართობი (კვ.მ.) | ძირითადი საშუალებების საბალანსო ღირებულება (ლარობით) |
| 11 | ჰიდრომეტეოროლოგიის ინსტიტუტი, მათ შორის: 1. ა)ორსართულიანი შენობა ბ) ერთსართულიანი შენობა გ) ავტოფარეხი 2.ავტოფარეხი
3. საცდელი ბაზა
4. მაღალმთიანი აგრომეტეოროლოგიური პავილიონი 5. დუშეთის ელექტრომაგნიტური პავილიონი | ქ.თბილისი, აღმაშენებლის გამზ. 150ა ქ.თბილისი, აღმაშენებლის გამზ. 150ა ქ.თბილისი, კახეთის გზატკეცილი 140 ქ.სიღნაღი, სოფ.ძველი ანაგა ქ.ნინოწმინდა, სოფ.რადიონოვკა
ქ.დუშეთი |
- - -
1,0 1,5
3,0
- |
637.06 216.38 170.6
1200 200
700
50 | 563335 |
2. საქართველოს განათლებისა და მეცნიერების სამინისტრომ (ა. ლომაია) და საქართველოს მეცნიერებათა აკადემიამ (თ. გამყრელიძე) კანონმდებლობით დადგენილი წესით უზრუნველყონ საქართველოს მეცნიერებათა აკადემიის ჰიდრომეტეოროლოგიის ინსტიტუტის შემდგომი განთავსება საქართველოს მეცნიერებათა აკადემიის მფლობელობაში არსებულ სათანადო ფართობში.
მ. სააკაშვილი