საქართველოს კანონი
„საქართველოს სახელმწიფო ჯილდოების დაწესების შესახებ“ საქართველოს კანონში დამატებებისა და ცვლილების შეტანის თაობაზე
მუხლი 1
„საქართველოს სახელმწიფო ჯილდოების დაწესების შესახებ“ საქართველოს კანონში (საქართველოს პარლამენტის უწყებები, №2, 1992 წელი, მუხ. 100) შეტანილ იქნეს შემდეგი დამატებები და ცვლილება:
1. პირველ პუნქტს დაემატოს შემდეგი შინაარსის „გ1“–„გ3“ ქვეპუნქტები:
„გ1) თამარ მეფის ორდენი;
გ2) ბრწყინვალების საპრეზიდენტო ორდენი;
გ3) წმინდა ნიკოლოზის ორდენი;“.
2. მე-2 პუნქტი ჩამოყალიბდეს შემდეგი რედაქციით:
„2. საქართველოს სახელმწიფო ჯილდოების – ორდენებისა და მედლების დებულებას საქართველოს პარლამენტი ამტკიცებს დადგენილებით.“.
3. მე-3 პუნქტს დაემატოს შემდეგი შინაარსის „გ1“ და „გ2“ ქვეპუნქტები:
„გ1) თამარ მეფის ორდენზე – 4 000 ლარი;
გ2) ბრწყინვალების საპრეზიდენტო ორდენზე – 4 000 ლარი;“.
მუხლი 2
ეს კანონი ამოქმედდეს გამოქვეყნებისთანავე.
საქართველოს პრეზიდენტი მიხეილ სააკაშვილი
თბილისი,
2009 წლის 31 ივლისი.
№1553–რს