საქართველოს მთავრობის
დადგენილება №172
2006 წლის 6 სექტემბერი
ქ. თბილისი
,,სამუშაო ადგილებზე პროფესიული მომზადების მიზნობრივი სახელმწიფო პროგრამის დამტკიცების შესახებ“ საქართველოს მთავრობის 2006 წლის 2 აგვისტოს №148 დადგენილებაში ცვლილების შეტანის თაობაზე
1 ,,ნორმატიული აქტების შესახებ“ საქართველოს კანონის 36-ე მუხლის შესაბამისად, „ სამუშაო ადგილებზე პროფესიული მომზადების მიზნობრივი სახელმწიფო პროგრამის დამტკიცების შესახებ“ საქართველოს მთავრობის 2006 წლის 2 აგვისტოს №148 დადგენილებით (სსმ III, 2006 წ., №103, მუხლი 1391) დამტკიცებულ სამუშაო ადგილებზე პროფესიული მომზადების მიზნობრივ სახელმწიფო პროგრამაში შეტანილ იქნეს ცვლილება და მე-2 მუხლის ,,ბ“ ქვეპუნქტი ჩამოყალიბდეს შემდეგი რედაქციით:
,,ბ) პროგრამის ბენეფიციარებად შეირჩევიან შრომისუნარიანი პირები (ასაკის მიუხედავად), რომლებიც ეძებენ სამუშაოს და მზად არიან მის შესასრულებლად;“.
2. დადგენილება ამოქმედდეს გამოქვეყნებისთანავე.
პრემიერ-მინისტრი ზ. ნოღაიდელი