საქართველოს მთავრობის
დადგენილება №117
2006 წლის 21 ივნისი
ქ. თბილისი
,,საჯარო სამართლის იურიდიული პირის – საქართველოს ტექნიკური ზედამხედველობის სახელმწიფო ინსპექციის დებულების დამტკიცების შესახებ“ საქართველოს მთავრობის 2005 წლის 20 დეკემბრის №227 დადგენილებით დამტკიცებულ დებულებაში ცვლილების შეტანის თაობაზე
1. ,,ნორმატიული აქტების შესახებ“ საქართველოს კანონის 36-ე მუხლის შესაბამისად, ,,საჯარო სამართლის იურიდიული პირის – საქართველოს ტექნიკური ზედამხედველობის სახელმწიფო ინსპექციის დებულების დამტკიცების შესახებ“ საქართველოს მთავრობის 2005 წლის 20 დეკემბრის №227 დადგენილებით (სსმ III, 2005 წ., №147, მუხლი 1636) დამტკიცებული საჯარო სამართლის იურიდიული პირის – საქართველოს ტექნიკური ზედამხედველობის სახელმწიფო ინსპექციის დებულების მე-2 მუხლის მე-2 პუნქტის ,,ზ“ ქვეპუნქტი ჩამოყალიბდეს შემდეგი რედაქციით:
,,ზ) ამწე მანქანების, ლიფტების, ესკალატორების, ფუნიკულიორების, საბაგირო გზების, რთული საინჟინრო კონსტრუქციის ატრაქციონების, საქვაბე დანად-გარების, წნევაზე მომუშავე ჭურჭლების, ორთქლისა და ცხელი წყლის მილგაყვანილობის დამზადებას, მოწყობასა და ექსპლუატაციას, აგრეთვე წნევაზე მომუშავე ჭურჭლების ამვსებ საწარმოებს;“.
2. დადგენილება ამოქმედდეს 2006 წლის 15 სექტემბრიდან.
პრემიერ-მინისტრი ზ. ნოღაიდელი