სახელმწიფო სარეგისტრაციო კოდი 190.040.000.22.033.013.569
საქართველოს ფინანსთა
მინისტრის ბრძანება №614
2009 წლის 25 სექტემბერი
ქ. თბილისი
„ბიუჯეტის შემოსულობების სახაზინო კოდების დამტკიცების შესახებ“ საქართველოს ფინანსთა მინისტრის 2007 წლის 22 ნოემბრის №1226 ბრძანებაში დამატებების შეტანის შესახებ
„ნორმატიული აქტების შესახებ“ საქართველოს კანონის 36-ე მუხლის საფუძველზე, ვბრძანებ:
მუხლი 1
„ბიუჯეტის შემოსულობების სახაზინო კოდების დამტკიცების შესახებ“ საქართველოს ფინანსთა მინისტრის 2007 წლის 22 ნოემბრის №1226 ბრძანებით (სსმ III, 29.11.07 წ., №169, მუხლი 1871) დამტკიცებულ დანართ №3-ში (ბიუჯეტის შემოსულობების სახის განმსაზღვრელი სახაზინო კოდები) შეტანილ იქნეს შემდეგი დამატებები:
1. სახაზინო კოდი – „2033“-ის („დღგ იმპორტირებულ შავი ან/და ფერადი ლითონების ჯართის ექსპორტზე“) შემდეგ დაემატოს შემდეგი შინაარსის სახაზინო კოდი:
| დღგ საფოსტო გზავნილით გადაადგილებულ საქონელზე | 2034 |
2. სახაზინო კოდი – „2117“-ის (საბაჟო გადასახადი შავი ან/და ფერადი ლითონების ჯართის ექსპორტზე) შემდეგ დაემატოს შემდეგი შინაარსის სახაზინო კოდი:
| საბაჟო გადასახადი საფოსტო გზავნილით გადაადგილებულ საქონელზე | 2118 |
მუხლი 2
ეს ბრძანება ამოქმედდეს 2009 წლის 1 ოქტომბრიდან.
კ. ბაინდურაშვილი