სახელმწიფო სარეგისტრაციო კოდი 140.010.000.22.033.012.955
საქართველოს ფინანსთა მინისტრის
ბრძანება №196
2009 წლის 30 მარტი
ქ. თბილისი
,,მკაცრი აღრიცხვის ფორმების (დოკუმენტების) ნუსხის, მკაცრი აღრიცხვის ფორმების (დოკუმენტების) რეგისტრაციის წესისა და მკაცრი აღრიცხვის ფორმების (დოკუმენტების) რეგისტრაციის ჟურნალის ფორმის დამტკიცების თაობაზე“ საქართველოს ფინანსთა მინისტრის 2005 წლის 2 აგვისტოს №669 ბრძანებაში ცვლილებებისა და დამატებების შეტანის შესახებ
,,ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:
1. ,,მკაცრი აღრიცხვის ფორმების (დოკუმენტების) ნუსხის, მკაცრი აღრიცხვის ფორმების (დოკუმენტების) რეგისტრაციის წესისა და მკაცრი აღრიცხვის ფორმების (დოკუმენტების) რეგისტრაციის ჟურნალის ფორმის დამტკიცების თაობაზე“ საქართველოს ფინანსთა მინისტრის 2005 წლის 2 აგვისტოს №669 ბრძანებით (სსმ III, 03.08.2005 წ., №91, მუხ. 1035) დამტკიცებულ ,,მკაცრი აღრიცხვის ფორმების (დოკუმენტების) ნუსხის“ (დანართი №1) მე-2 პუნქტში შეტანილ იქნეს შემდეგი ცვლილებები და დამატებები:
ა) ,,ყ“ ქვეპუნქტი ამოღებულ იქნეს;
ბ) დაემატოს შემდეგი შინაარსის ,,ყ1“ და ,,ყ2“ ქვეპუნქტები:
,,ყ1) საგადასახადო სამართალდარღვევის ოქმი;
ყ2) საბაჟო სამართალდაღვევის ოქმი;“;
გ) ,,ჰ.მ“ ქვეპუნქტი ამოღებულ იქნეს;
დ) დაემატოს შემდეგი შინაარსის ,,ჰ.მ2–ჰ.მ5“ ქვეპუნქტები:
,,ჰ.მ2) მოწმობა (დიპლომისშემდგომი განათლების (პროფესიული მზადების) კურსის გავლის დამადასტურებელი, ერთიანი რეზიდენტურის და რეზიდენტურის ალტერნატიული დიპლომისშემდგომი განათლებისათვის (პროფესიული მზადებისათვის));
ჰ.მ3) სუბსპეციალობის მოწმობა (სუბსპეციალობაში დამოუკიდებელი საექიმო საქმიანობის უფლების (დამადასტურებელი საბუთები);
ჰ.მ4) სამკურნალო საშუალებების სარეგისტრაციო მოწმობა;
ჰ.მ5) რეგისტრაცია-აღნუსხვის მოწმობა;“;
ე) ,,ჰ.ჰ.ჰ.ჰ.ო“, ,,ჰ.ჰ.ჰ.ჰ.პ“ და ,,ჰ.ჰ.ჰ.ჰ.ტ“ ქვეპუნქტები ამოღებულ იქნეს.
2. ეს ბრძანება ამოქმედდეს გამოქვეყნებისთანავე.
კ. ბაინდურაშვილი