საერთაშორისო ტრანზაქციების ანგარიშგების სისტემის ფორმების და მათი შევსების ინსტრუქციის დამტკიცების თაობაზე

საქართველოს ეროვნული ბანკის

პრეზიდენტის ბრძანება №362

2008 წლის 29 დეკემბერი

ქ. თბილისი

საქართველოს ეროვნული ბანკის პრეზიდენტის 2023 წლის 4 აგვისტოს ბრძანება №215/04 - ვებგვერდი, 07.08.2023 წ.

„საქართველოს ეროვნული ბანკის შესახებ“ საქართველოს ორგანული კანონის მე-3 მუხლის მე-3 პუნქტის „თ“ ქვეპუნქტის, მე-15 მუხლის პირველი პუნქტის „ზ“ ქვეპუნქტის და 45-ე მუხლის საფუძველზე, ვბრძანებ:

საქართველოს ეროვნული ბანკის პრეზიდენტის 2010 წლის 28 დეკემბრის ბრძანება №168/01 - სსმ III, №171, 30.12.2010 წ., მუხ.2458

მუხლი 1

დამტკიცდეს კომერციული ბანკების და მიკრობანკების (შემდგომში – ბანკი):

ა) საერთაშორისო ტრანზაქციების ანგარიშგების სისტემის (ITRS) ფორმები – დანართი №1 და დანართი №2-ის შესაბამისად;

ბ) ეროვნული ბანკისადმი წარსადგენი საერთაშორისო ტრანზაქციების ანგარიშგების სისტემის ITRS ფორმის შესაბამისი Xml ფაილის და მისი ველების მოკლე აღწერა – დანართი №3-ის შესაბამისად;

გ) ბანკის ანგარიში საქართველოს არარეზიდენტებთან ფინანსური ოპერაციების შესახებ - ფორმა №1-ის შევსების ინსტრუქცია დანართი №4-ის შესაბამისად.

მუხლი 2

სტატისტიკური ანგარიშგების წარდგენა საქართველოს ეროვნულ ბანკში უნდა მოხდეს ელექტრონული სახით (დანართი №3-ის შესაბამისი Xml ფორმატი), ამ ბრძანებით დამტკიცებული ფორმის შესაბამისად და ეროვნული ბანკის მიერ დადგენილ ვადებში. დამატებით დანართი №2-ის ფორმა 2(სბ) ეროვნულ ბანკს უნდა წარედგინოს ამ ბრძანებით დადგენილი წესით.

მუხლი 3

ბანკებმა უზრუნველყონ ეროვნულ ბანკში წარსადგენი სტატისტიკური ინფორმაციის უტყუარობა და დადგენილ ვადებში ეროვნული ბანკისათვის მიწოდება.

მუხლი 4

ეს ბრძანება ამოქმედდეს 2008 წლის 31 დეკემბრიდან.

პრეზიდენტის მოვალეობის

შემსრულებელი დ. ამაღლობელი