სახელმწიფო სარეგისტრაციო კოდი 010.240.020.22.027.012.150
საქართველოს იუსტიციის მინისტრის
ბრძანება №213
2008 წლის 5 სექტემბერი
ქ. თბილისი
,,საქართველოს იუსტიციის სამინისტროს სამოქალაქო საკითხთა დეპარტამენტის დებულების დამტკიცების შესახებ“ საქართველოს იუსტიციის მინისტრის 2008 წლის 17 მარტის №59 ბრძანებაში ცვლილებების შეტანის თაობაზე
,,ნორმატიული აქტების შესახებ“ საქართველოს კანონის 36-ე მუხლისა და ,,საქართველოს იუსტიციის სამინისტროს დებულების დამტკიცების შესახებ“ საქართველოს მთავრობის 2004 წლის 30 აგვისტოს №70 დადგენილებით დამტკიცებული დებულების მე-6 მუხლის მე-3 პუნქტის ,,კ“ ქვეპუნქტის შესაბამისად, ვბრძანებ:
მუხლი 1. ,,საქართველოს იუსტიციის სამინისტროს სამოქალაქო საკითხთა დეპარტამენტის დებულების დამტკიცების შესახებ“ საქართველოს იუსტიციის მინისტრის 2008 წლის 17 მარტის №59 ბრძანებით (სსმ III, 2008 წ., №40, მუხლი 453) დამტკიცებულ საქართველოს იუსტიციის სამინისტროს სამოქალაქო საკითხთა დეპარტამენტის დებულებაში შეტანილ იქნეს შემდეგი ცვლილებები:
1. მე-7 მუხლის პირველი პუნქტის:
ა) ,,თ“ ქვეპუნქტი ჩამოყალიბდეს შემდეგი რედაქციით:
,,თ) პოლიტიკური გაერთიანებებისა და შემოქმედებითი კავშირების რეგისტრაცია;“;
ბ) ,,ი“ ქვეპუნქტი ამოღებულ იქნეს.
2. მე-8 მუხლის:
ა) ,,ე“ ქვეპუნქტი ჩამოყალიბდეს შემდეგი რედაქციით:
,,ე) განახორციელოს პოლიტიკური გაერთიანებებისა და შემოქმედებითი კავშირების რეგისტრაცია;“;
ბ) ,,ზ“ ქვეპუნქტი ამოღებულ იქნეს.
3. მე-10 მუხლის პირველი პუნქტის ,,კ“ ქვეპუნქტი ამოღებულ იქნეს.
მუხლი 2. ეს ბრძანება ამოქმედდეს გამოქვეყნებისთანავე.
ნ. გვარამია