საქართველოს მთავრობის
დადგენილება №228
2007 წლის 17 ოქტომბერი
ქ. თბილისი
,,ადგილობრივი მნიშვნელობის ბიბლიოთეკების, არაპროფესიული (სამოყვარულო) თეატრების, საკლუბო დაწესებულებების (კულტურის სახლების), მუზეუმებისა და სკოლისგარეშე სახელოვნებო და სასპორტო საგანმანათლებლო დაწესებულებების განსაზღვრის წესის შესახებ“ საქართველოს მთავრობის 2007 წლის 3 ივლისის №131 დადგენილებაში დამატების შეტანის თაობაზე
,,ნორმატიული აქტების შესახებ“ საქართველოს კანონის 36-ე მუხლის შესაბამისად:
1. ,,ადგილობრივი მნიშვნელობის ბიბლიოთეკების, არაპროფესიული (სამოყვარულო) თეატრების, საკლუბო დაწესებულებების (კულტურის სახლების), მუზეუმებისა და სკოლისგარეშე სახელოვნებო და სასპორტო საგანმანათლებლო დაწესებულებების განსაზღვრის წესის შესახებ“ საქართველოს მთავრობის 2007 წლის 3 ივლისის №131 დადგენილებას დაემატოს შემდეგი შინაარსის 31 პუნქტი:
,,31. აფხაზეთის მთავრობას მიეცეს უფლება აფხაზეთის განათლებისა და კულტურის სამინისტროს დაქვემდებარებაში მოქმედი სკოლისგარეშე სახელოვნებო და სასპორტო საგანმანათლებლო დაწესებულებების დაფინანსება ,,აფხაზეთის ავტონომიური რესპუბლიკის 2007 წლის რესპუბლიკური ბიუჯეტის შესახებ“ აფხაზეთის ავტონომიური რესპუბლიკის კანონით მათთვის გათვალისწინებულ ასიგნებათა ფარგლებში გააგრძელოს 2007 წლის 31 დეკემბრამდე, ხოლო 2008 წლის 1 იანვრიდან ზემოაღნიშნული დაწესებულებების დაფინანსება უზრუნველყონ შესაბამისმა ადგილობრივი თვითმმართველობის ერთეულებმა (დანართის მიხედვით).“.
2. დადგენილება ამოქმედდეს გამოქვეყნებისთანავე.
პრემიერ-მინისტრი ზ. ნოღაიდელი
შეტანილი ცვლილებები:
1.საქართველოს მთავრობის 2008 წლის 24 ოქტომბრის დადგენილება №211-სსმIII,№156,
28.10.2008წ.,მუხ.1548
დანართი
მონაცემები აფხაზეთის ავტონომიური რესპუბლიკის განათლებისა და კულტურის სამინისტროს დაქვემდებარებაში მოქმედი სახელოვნებო და სასპორტო სკოლების შესახებ
| № | დასახელება | საშტატო ერთეული | კონტინგენტი | ადგილმდებარეობა |
| 1. | აფხაზეთის №1 სამუსიკო სკოლა | 14 | 175 | ქ. თბილისი |
| 2. | აფხაზეთის №2 სამუსიკო სკოლა | 25 | 157 | ქ. თბილისი |
| 3. | აფხაზეთის №1 სამხატვრო სკოლა | 13 | 85 | ქ. თბილისი |
| 4. | აფხაზეთის №1 კომპლექსური სასპორტო სკოლა | 23 | 416 | ქ. თბილისი.”. |
საქართველოს მთავრობის 2008 წლის 24 ოქტომბრის დადგენილება №211-სსმIII,№156,
28.10.2008წ.,მუხ.1548