სახელმწიფო სარეგისტრაციო კოდი 040.030.000.22.026.012.069
საქართველოს თავდაცვის მინისტრის
ბრძანება №431
2008 წლის 28 ივლისი
ქ. თბილისი
,,საჯარო სამართლის იურიდიული პირის _ ,,სახელმწიფო სამხედრო სამეცნიერო-ტექნიკურ ცენტრ ,,დელტას“ დებულების დამტკიცების შესახებ“ საქართველოს თავდაცვის მინისტრის 2005 წლის 22 ნოემბრის №321 ბრძანებით დამტკიცებულ დებულებაში ცვლილების შეტანის თაობაზე
,,ნორმატიული აქტების შესახებ“ საქართველოს კანონის 36-ე მუხლის თანახმად, ვბრძანებ:
მუხლი 1. ,,საჯარო სამართლის იურიდიული პირის _ ,,სახელმწიფო სამხედრო სამაცნიერო-ტექნიკურ ცენტრ ,,დელტას“ დებულების დამტკიცების შესახებ“ საქართველოს თავდაცვის მინისტრის 2005 წლის 22 ნოემბრის №321 ბრძანებით დამტკიცებულ დებუ-ლებაში (სსმ III, 24.11.2005, №136, მუხ. 1515) შეტანილ იქნეს ცვლილება და დებულების მე-3 მუხლის მე-3 პუნქტის ,,ა“ ქვეპუნქტი ჩამოყალიბდეს შემდეგი რედაქციით:
,,ა) ასრულებს ,,ცენტრის“ წარმომადგენლობით ფუნქციას და პერსონალურად აგებს პასუხს ცენტრის საქმიანობის სწორი წარმართვისათვის, ანაწილებს ფუნქციებს სტრუქტურულ ქვედანაყოფებსა და თანამშრომლებს შორის;“.
მუხლი 2. ბრძანებას გაეცნონ საქართველოს თავდაცვის მინისტრის მოადგილეები, საქართველოს შეიარაღებული ძალების გაერთიანებული შტაბის უფროსი, მისი მოადგილეები და საქართველოს თავდაცვის სამინისტროს სტრუქტურული ქვედანაყოფები.
მუხლი 3. ბრძანება ძალაშია გამოქვეყნებისთანავე.
დ. კეზერაშვილი