სახელმწიფო სარეგისტრაციო კოდი 230.150.020.22.033.012.029
საქართველოს ფინანსთა მინისტრის
ბრძანება №594
2008 წლის 11 ივლისი
ქ. თბილისი
,,საბაჟო ორგანოების მიერ საბაჟო პროცედურების განხორციელების დროისა და ადგილის განსაზღვრის შესახებ“ საქართველოს ფინანსთა მინისტრის 2006 წლის 20 დეკემბრის №1765 ბრძანებაში ცვლილებების შეტანის თაობაზე
,,ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:
მუხლი 1. „საბაჟო ორგანოების მიერ საბაჟო პროცედურების განხორციელების დროისა და ადგილის განსაზღვრის შესახებ“ საქართველოს ფინანსთა მინისტრის 2006 წლის 20 დეკემბრის №1765 ბრძანებაში (სსმ III, 22.12.06, №172, მუხლი 2331) შეტანილ იქნეს შემდეგი ცვლილებები:
1. 81 პუნქტის ,,ა“ ქვეპუნქტი ჩამოყალიბდეს შემდეგი რედაქციით:
,,ა) საბაჟო საგუშაგო ,,თბილისის აეროპორტი“, საბაჟო გამშვები პუნქტი ,,ყაზბეგი“ – თბილისის რეგიონალურ ცენტრს (საგადასახადო ინსპექციას);“;
2. ამოღებულ იქნეს 81 პუნქტის ,,დ“ ქვეპუნქტი.
მუხლი 2. ბრძანება ამოქმედდეს 2008 წლის 1 აგვისტოდან.
ნ. გილაური