სახელმწიფო სარეგისტრაციო კოდი 010.320.010.22.033.011.678
საქართველოს ფინანსთა მინისტრის
ბრძანება №318
2008 წლის 28 მარტი
ქ. თბილისი
,,საქართველოს ფინანსთა სამინისტროს სახაზინო სამსახურის (სახაზინო დეპარტამენტის) სტრუქტურული ქვედანაყოფების (დეპარტამენტების) დებულებების, ქ. ფოთისა და რეგიონალური ხაზინების ტიპური დებულების დამტკიცების შესახებ“ საქართველოს ფინანსთა მინისტრის 2007 წლის 10 ოქტომბრის №1136 ბრძანებაში ცვლილებების შეტანის თაობაზე
მუხლი 1. ,,ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:
,,საქართველოს ფინანსთა სამინისტროს სახაზინო სამსახურის (სახაზინო დეპარტამენტის) სტრუქტურული ქვედანაყოფების (დეპარტამენტების) დებულებების, ქ. ფოთისა და რეგიონალური ხაზინების ტიპური დებულების დამტკიცების შესახებ“ საქართველოს ფინანსთა მინისტრის 2007 წლის 10 ოქტომბრის №1136 ბრძანებაში (სსმ III, 16.10.07 წ., №144, მუხლი 1606) შეტანილ იქნეს შემდეგი ცვლილებები:
ა) ,,სახელმწიფო ბიუჯეტის ხარჯების დეპარტამენტის დებულების“ (დანართი №1) მე-2 მუხლის ,,ა“ ქვეპუნქტი ჩამოყალიბდეს შემდეგი რედაქციით:
,,ა) წლიური საბიუჯეტო კანონის შესაბამისად ბიუჯეტის გადასახდელების ორგანიზაციული, ფუნქციონალური და ეკონომიკური კლასიფიკაციის მიხედვით სახელმწიფო ხაზინის მომსახურებაზე მყოფი ორგანიზაციების შესაბამისად დამუშავება და რეგისტრირება სახელმწიფო ხაზინის საინფორმაციო სისტემაში სათანადო წესით, ფინანსთა სამინისტროს საინფორმაციო ტექნოლოგიების დეპარტამენტთან ერთად;“;
ბ) სახელმწიფო ბიუჯეტის ხარჯების დეპარტამენტის დებულების“ (დანართი №1) მე-5 მუხლის მე-3 პუნქტის ,,ა“ ქვეპუნქტი ჩამოყალიბდეს შემდეგი რედაქციით:
,,ა) ფინანსთა სამინისტროს საინფორმაციო ტექნოლოგიების დეპარტამენტთან ერთად სახელმწიფო ხაზინის საინფორმაციო სისტემის მონაცემთა ბაზის შედგენა და განახლება ბიუჯეტის გადასახდელების ორგანიზაციული, ფუნქციონალური და ეკონომიკური კლასიფიკაციების მიხედვით;“;
გ) ,,აღრიცხვა-ანგარიშგების დეპარტამენტის დებულების“ (დანართი №2) მე-3 მუხლის ,,გ“ ქვეპუნქტი ჩამოყალიბდეს შემდეგი რედაქციით:
,,გ) ყოველი თვის ბოლოს და, ასევე, საჭიროების შემთხვევაში, ფინანსთა სამინიტროს საინფორმაციო ტექნოლოგიების დეპარტამენტიდან გამოითხოვოს, სახელმწიფო ხაზინის საინფორმაციო ბაზაში განთავსებული, ორგანიზაციების მიერ გასული წლების დავალიანებების დაფარვის შესახებ ინფორმაცია;“;
დ) ამოღებულ იქნეს ,,ინფორმატიკის დეპარტამენტის დებულება“ (დანართი №6).
მუხლი 2. ბრძანება ამოქმედდეს 2008 წლის 1 აპრილიდან.
ნ. გილაური