სახელმწიფო სარეგისტრაციო კოდი 040.030.000.22.022.011.210
საქართველოს განათლებისა და მეცნიერების
მინისტრის ბრძანება №1254
2007 წლის 11 დეკემბერი
ქ. თბილისი
„ელენე ახვლედიანის სახელობის ბავშვთა სურათების გალერეის საჯარო სამართლის იურიდიული პირის ფორმით ჩამოყალიბების შესახებ“ საქართველოს განათლებისა და მეცნიერების მინისტრის 2002 წლის 9 დეკემბრის №280 ბრძანების ძალადაკარგულად გამოცხადების თაობაზე
,,ადგილობრივი მნიშვნელობის საგანმანათლებლო და სააღმზრდელო დაწესებულებების განსაზღვრის წესის შესახებ“ საქართველოს მთავრობის 2007 წლის 26 ივნისის №126 დადგენილების შესრულების მიზნით, ,,ნორმატიული აქტების შესახებ“ საქართველოს კანონის 50-ე მუხლის პირველი პუნქტის ,,ბ“ ქვეპუნქტის, საქართველოს ზოგადი ადმინისტრაციული კოდექსის 61-ე მუხლისა და ,,ადგილობრივი მნიშვნელობის საგანმანათლებლო და სააღმზრდელო დაწესებულებების განსაზღვრის წესის შესახებ“ საქართველოს მთავრობის 2007 წლის 26 ივნისის №126 დადგენილების მე-3 პუნქტის საფუძველზე, ვბრძანებ:
1. ძალადაკარგულად გამოცხადდეს „ელენე ახვლედიანის სახელობის ბავშვთა სურათების გალერეის საჯარო სამართლის იურიდიული პირის ფორმით ჩამოყალიბების შესახებ“ საქართველოს განათლებისა და მეცნიერების მინისტრის 2002 წლის 9 დეკემბრის №280 ბრძანება.
2. ბრძანება ძალაში შევიდეს გამოქვეყნებისთანავე.
მ. მიმინოშვილი