სახელმწიფო სარეგისტრაციო კოდი 010.240.030.22.027.010.694
საქართველოს იუსტიციის მინისტრის
ბრძანება №248
2007 წლის 1 აგვისტო
ქ. თბილისი
„საქართველოს იუსტიციის სამინისტროს სასჯელაღსრულების დეპარტამენტის დებულების დამტკიცების შესახებ“ საქართველოს იუსტიციის მინისტრის 2006 წლის 6 სექტემბრის №712 ბრძანებაში ცვლილებებისა და დამატებების შეტანის თაობაზე
„ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:
1. საქართველოს იუსტიციის მინისტრის 2006 წლის 6 სექტემბრის №712 ბრძანებით (სსმ III, 06.09.2006, №121, მუხ. 1626) დამტკიცებულ ,,საქართველოს იუსტიციის სამინისტროს სასჯელაღსრულების დეპარტამენტის დებულებაში“ შევიდეს შემდეგი სახის ცვლილებები და დამატებები:
ა) მე-6 მუხლს დაემატოს შემდეგი სახის ,,ს“ ქვეპუნქტი:
„ს) ექიმ-ექსპერტთა ჯგუფი.“;
ბ) მე-7 მუხლის მე-2 პუნქტი ჩამოყალიბდეს შემდეგი რედაქციით:
„2. შტაბის შემადგენლობაშია:
ა) სამსახურებრივი კონტროლის განყოფილება;
ბ) სამორიგეო.“;
გ) მე-7 მუხლის მე-3 პუნქტის „დ“ ქვეპუნქტი ჩამოყალიბდეს შემდეგი რედაქციით:
„დ) სამსახურებრივი კონტროლის განყოფილება აკონტროლებს სასჯელაღსრულების სისტემის ორგანოთა მოსამსახურეების მიერ საქართველოს პრეზიდენტის 1999 წლის 31 დეკემბრის №706 ბრძანებულებით დამტკიცებული „საქართველოს იუსტიციის სამინისტროს სასჯელაღსრულების ორგანოებში სახელმწიფო სამსახურის გავლის წესის“ მე-17 მუხლით გათვალისწინებული სამსახურებრივი დისციპლინის დაცვას;“.
დ) მე-8 მუხლის პირველ პუნქტს დაემატოს ,,დ“ ქვეპუნქტი:
„დ) ოპერატიულ-ტექნიკური უზრუნველყოფის განყოფილება.“;
ე) დებულებას დაემატოს შემდეგი შინაარსის 131 მუხლი:
„მუხლი 131. ექიმ-ექსპერტთა ჯგუფი
პატიმართა და მსჯავრდებულთა, აგრეთვე დეპარტამენტის სავალდებულო სამხედრო მოსამსახურეთა ჯანმრთელობის მდგომარეობაზე ზედამხედველობის განხორციელების და პატიმართა და მსჯავრდებულთა მკურნალობის მიზნით დეპარტამენტში იქმნება ექიმ-ექსპერტთა ჯგუფი, რომლის დებულებას ამტკიცებს იუსტიციის მინისტრი დეპარტამენტის თავმჯდომარის წარდგინებით.“;
ვ) მე-18 მუხლის მე-3 პუნქტს დაემატოს შემდეგი შინაარსის „ს“ ქვეპუნქტი:
„ს) დეპარტამენტის გამშვები საგუშაგო.“.
2. ეს ბრძანება ამოქმედდეს გამოქვეყნებისთანავე.
გ. ქავთარაძე