სახელმწიფო სარეგისტრაციო კოდი 010.240.070.22.023.010.372
საქართველოს გარემოს დაცვისა და ბუნებრივი რესურსების მინისტრის
ბრძანება №560
2007 წლის 17 მაისი
ქ. თბილისი
„საქართველოს გარემოს დაცვისა და ბუნებრივი რესურსების სამინისტროს სახელმწიფო საქვეუწყებო დაწესებულების – სატყეო დეპარტამენტის ტერიტორიული ორგანოს ტიპური დებულების დამტკიცების შესახებ“ საქართველოს გარემოს დაცვისა და ბუნებრივი რესურსების მინისტრის 2007 წლის 2 მარტის №178 ბრძანებით დამტკიცებულ დებულებაში ცვლილების შეტანის თაობაზე
„ნორმატიული აქტების შესახებ“ საქართველოს კანონის 36-ე მუხლის საფუძველზე, ვბრძანებ:
1. „საქართველოს გარემოს დაცვისა და ბუნებრივი რესურსების სამინისტროს სახელმწიფო საქვეუწყებო დაწესებულების – სატყეო დეპარტამენტის ტერიტორიული ორგანოს ტიპური დებულების დამტკიცების შესახებ“ საქართველოს გარემოს დაცვისა და ბუნებრივი რესურსების მინისტრის 2007 წლის 2 მარტის №178 ბრძანებით (სსმ III, 06.03.2007წ., №30, მუხ. 359) დამტკიცებული დებულების მე-7 მუხლის პირველი პუნქტის „გ“ ქვეპუნქტი ჩამოყალიბდეს შემდეგი რედაქციით:
„გ) წარუდგინოს რეკომენდაციები დეპარტამენტის თავმჯდომარეს სამმართველოს მოსამსახურეების სამსახურებრივი დაწინაურების ან დისციპლინური პასუხისმგებლობის ზომების გატარების მოზანშეწონილობის თაობაზე, გამოსცეს ინდივიდუალური ადმინისტრაციულ-სამართლებრივი აქტი.“
2. ეს ბრძანება ამოქმედდეს გამოქვეყნებისთანავე.
დ. ტყეშელაშვილი