სახელმწიფო სარეგისტრაციო კოდი 010.240.030.22.027.010.114
საქართველოს იუსტიციის მინისტრის
ბრძანება № 74
2007 წლის 14 მარტი
ქ. თბილისი
„საქართველოს იუსტიციის სამინისტროს ადგილობრივი ორგანოების – არასაპატიმრო სასჯელთა აღსრულებისა და პრობაციის ბიუროების შესახებ“ საქართველოს იუსტიციის მინისტრის 2003 წლის 25 ივლისის №765 ბრძანებაში ცვლილებებისა და დამატებების შეტანის შესახებ
„ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:
მუხლი 1.
„საქართველოს იუსტიციის სამინისტროს ადგილობრივი ორგანოების – არასაპატიმრო სასჯელთა აღსრულებისა და პრობაციის ბიუროების შესახებ“ საქართველოს იუსტიციის მინისტრის 2003 წლის 25 ივლისის №765 ბრძანებაში (სსმ III, 2003 წ., №75, მუხ. 689) შეტანილ იქნეს შემდეგი სახის ცვლილებები და დამატებები:
ა) ბრძანების სათაური ჩამოყალიბდეს შემდეგი რედაქციით:
„საქართველოს იუსტიციის სამინისტროს ტერიტორიული ორგანოების – არასაპატიმრო სასჯელთა აღსრულებისა და პრობაციის ბიუროების შესახებ“;
ბ) ამ ბრძანებით დამტკიცებული მე-2 – მე-11 დანართების (ბიუროების დებულებების) მე-13 მუხლებს დაემატოს შემდეგი შინაარსის „ვ“ პუნქტი:
„ვ) განსაზღვრავს სპეციალისტის უფლებამოსილებებს.“;
გ) ამ ბრძანებით დამტკიცებული მე-12 დანართის (აჭარის პრობაციის ბიუროს დებულების) მე-13 მუხლს დაემატოს შემდეგი შინაარსის მე-6 პუნქტი:
„6. განსაზღვრავს სპეციალისტის უფლებამოსილებებს.“;
დ) ამ ბრძანებით დამტკიცებული მე-2 – მე-12 დანართების (ბიუროების დებულებების) მე-15 მუხლები ჩამოყალიბდეს შემდეგი რედაქციით:
„მუხლი 15. პრობაციის ოფიცერს აქვს ბეჭედი, რომელზეც გამოსახულია პრობაციის ბიუროს დასახელება და პრობაციის ოფიცრისათვის საქართველოს იუსტიციის მინისტრის ბრძანების შესაბამისად განსაზღვრული საიდენტიფიკაციო ნომერი.“.
მუხლი 2.
ეს ბრძანება ამოქმედდეს გამოქვეყნებისთანავე.
გ. ქავთარაძე