2007 წლის ჯანმრთელობის დაცვის პროგრამების დამტკიცების შესახებ

2007 წლის ჯანმრთელობის დაცვის პროგრამების დამტკიცების შესახებ

სახელწმიფო სარეგისტრაციო კოდი 470.230.000.22.035.009.942

საქართველოს შრომის, ჯანმრთელობისა და სოციალური დაცვის

მინისტრის ბრძანება №40/ნ

2007 წლის 7 თებერვალი

ქ. თბილისი

2007 წლის ჯანმრთელობის დაცვის პროგრამების დამტკიცების შესახებ

„საქართველოს 2007 წლის სახელმწიფო ბიუჯეტის შესახებ“ საქართველოს კანონის 52-ე მუხლის მე-2 პუნქტისა და „საქართველოს შრომის, ჯანმრთელობისა და სოციალური დაცვის სამინისტროს დებულების დამტკიცების შესახებ“ საქართველოს მთავრობის 2005 წლის 31 დეკემბრის №249 დადგენილებით დამტკიცებული დებულების მე-2, მე-3 და მე-5 მუხლის საფუძველზე, ვბრძანებ:

1. დამტკიცდეს:

ა) სიღარიბის ზღვარს ქვემოთ მყოფი მოსახლეობის სამედიცინო დახმარების პროგრამა (დანართი №1);

ბ) სამედიცინო პერსონალის მომზადება-გადამზადების სახელმწიფო პროგრამა“ (დანართი №2);

გ) პირველადი ჯანდაცვის სახელმწიფო პროგრამა (დანართი №3);

დ) მოსახლეობის სტაციონარული დახმარების სახელმწიფო  პროგრამა (დანართი №4);

ე) მოსახლეობის სპეციფიკური მედიკამენტებით უზრუნველყოფის სახელმწიფო პროგრამა (დანართი 5);

ვ) დამტკიცდეს დაავადებათა პროფილაქტიკის სახელმწიფო პროგრამა (დანართი 6);

ზ) დამტკიცდეს სოციალურად საშიში დაავადებების პროფილაქტიკისა და ეპიდემიოლოგიური უსაფრთხოების პროგრამა (დანართი 7);

თ) ვეტერანთა სამედიცინო მომსახურების პროგრამა (დანართი №8);

ი) ჯანმრთელობის დაცვის სფეროს ინსტიტუციური და ფუნქციური განვითარების ხელშეწყობის სახელმწიფო პროგრამა (დანართი 9);

კ) სამედიცინო და სამინიტროს სისტემის დაწესებულებათა რეაბილიტაციისა და აღჭურვის პროგრამა (დანართი 10).

საქართველოს შრომის, ჯანმრთელობისა და სოციალური დაცვის მინისტრის 2007 წლის 26 მარტის ბრძანება №101/ნ-სსმIII, №42, 28.03.2007წ.; მუხ.480

საქართველოს შრომის, ჯანმრთელობისა და სოციალური დაცვის მინისტრის 2007 წლის 28 მარტის ბრძანება №105/ნ-სსმIII, №43, 29.03.2007წ.; მუხ.488

საქართველოს შრომის, ჯანმრთელობისა და სოციალური დაცვის მინისტრის 2007 წლის 2 აპრილის ბრძანება №110/ნ-სსმIII, №46, 03.04.2007წ.; მუხ.518

საქართველოს შრომის, ჯანმრთელობისა და სოციალური დაცვის მინისტრის 2007 წლის 2 აპრილის ბრძანება №111/ნ-სსმIII, №46, 03.04.2007წ.; მუხ.519

საქართველოს შრომის, ჯანმრთელობისა და სოციალური დაცვის მინისტრის 2007 წლის 10 აპრილის ბრძანება №128/ნ-სსმIII, №49, 10.04.2007წ.; მუხ.549

საქართველოს შრომის, ჯანმრთელობისა და სოციალური დაცვის მინისტრის 2007 წლის 10 აპრილის ბრძანება №130/ნ-სსმIII, №49, 10.04.2007წ.; მუხ.550

2. ბრძანება ამოქმედდეს გამოქვეყნებისთანავე.

ლ. ჭიპაშვილი

 

შეტანილი ცვლილებები:

1. საქართველოს შრომის, ჯანმრთელობისა და სოციალური დაცვის მინისტრის 2007 წლის 27 თებერვლის ბრძანება №65/ნ-სსმIII, №27, 01.03.2007წ.; მუხ.319

2. საქართველოს შრომის, ჯანმრთელობისა და სოციალური დაცვის მინისტრის 2007 წლის 13 მარტის ბრძანება №76/ნ-სსმIII, №33, 13.03.2007წ.; მუხ.400

3. საქართველოს შრომის, ჯანმრთელობისა და სოციალური დაცვის მინისტრის 2007 წლის 26 მარტის ბრძანება №101/ნ-სსმIII, №42, 28.03.2007წ.; მუხ.480

4. საქართველოს შრომის, ჯანმრთელობისა და სოციალური დაცვის მინისტრის 2007 წლის 28 მარტის ბრძანება №105/ნ-სსმIII, №43, 29.03.2007წ.; მუხ.488

5. საქართველოს შრომის, ჯანმრთელობისა და სოციალური დაცვის მინისტრის 2007 წლის 2 აპრილის ბრძანება №110/ნ-სსმIII, №46, 03.04.2007წ.; მუხ.518

6. საქართველოს შრომის, ჯანმრთელობისა და სოციალური დაცვის მინისტრის 2007 წლის 2 აპრილის ბრძანება №111/ნ-სსმIII, №46, 03.04.2007წ.; მუხ.519

7. საქართველოს შრომის, ჯანმრთელობისა და სოციალური დაცვის მინისტრის 2007 წლის 10 აპრილის ბრძანება №128/ნ-სსმIII, №49, 10.04.2007წ.; მუხ.549

8. საქართველოს შრომის, ჯანმრთელობისა და სოციალური დაცვის მინისტრის 2007 წლის 10 აპრილის ბრძანება №130/ნ-სსმIII, №49, 10.04.2007წ.; მუხ.550

9. საქართველოს შრომის, ჯანმრთელობისა და სოციალური დაცვის მინისტრის 2007 წლის 31 მაისის ბრძანება №164/ნ-სსმIII, №76, 31.05.2007წ.; მუხ.825

10. საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

11. საქართველოს შრომის, ჯანმრთელობისა და სოციალური დაცვის მინისტრის 2007 წლის 27 სექტემბრის ბრძანება №286/ნ-სსმIII, №137, 01.10.2007წ.; მუხ.1489

12. საქართველოს შრომის, ჯანმრთელობისა და სოციალური დაცვის მინისტრის 2007 წლის 8 ოქტომბრის ბრძანება №291/ნ-სსმIII, №140, 09.10.2007წ.; მუხ.1555

13. საქართველოს შრომის, ჯანმრთელობისა და სოციალური დაცვის მინისტრის 2007 წლის 26 ნოემბრის ბრძანება №327/ნ-სსმIII, №168, 28.11.2007წ.; მუხ.1866

14. საქართველოს შრომის, ჯანმრთელობისა და სოციალური დაცვის მინისტრის 2007 წლის 4 დეკემბრის ბრძანება №344/ნ-სსმIII, №173, 06.12.2007წ.; მუხ.1917

15. ძალადაკარგულია - საქართველოს შრომის, ჯანმრთელობისა და სოციალური დაცვის მინისტრის 2012 წლის 12 ივნისის ბრძანება №01-34/ნ - ვებგვერდი, 13.06.2012წ.

დანართი №1

თავი I

სიღარიბის ზღვარს ქვემოთ მყოფი მოსახლეობის სამედიცინო დახმარების პროგრამა

    მუხლი 1. პრობლემების აღწერა

1. ქვეყნის სოციალურ-ეკონომიკური განვითარების თანამედროვე ეტაპზე მოსახლეობის გარკვეული ნაწილი განიცდის უკიდურეს ეკონომიკურ სიდუხჭირეს, რის გამოც მათთვის მიუწვდომელი ხდება ელემენტარული სამედიცინო დახმარება.

2. აღნიშნული მდგომარეობის გამოსწორების და მოსახლეობის ძირითადი კონსტიტუციური უფლების, სამედიცინო მომსახურების ხელმისაწვდომობის გაზრდის მიზნით სახელმწიფოს მიერ შემუშავებული იქნა მიზნობრივი ღონისძიებები, რომელიც უზრუნველყოფს ქვეყნის მოსახლეობისთვის დროული და მაღალხარისხიანი სამედიცინო დახმარების აღმოჩენას.

    მუხლი 2. მიზანი

სიღარიბის ზღვარს ქვემოთ მყოფი მოსახლეობისათვის სამედიცინო მომსახურებაზე ფინანსური ხელმისაწვდომობის გაზრდა.

    მუხლი 3. ამოცანები

1. სიღარიბის ზღვარს ქვემოთ მყოფი 478 ათასამდე მოსარგებლისათვის – სამედიცინო დახმარების ბარათის მფლობელისათვის (გარდა თბილისისა და იმერე­თის მაცხოვრებლებისა) პროგრამით გათვალის­წინებული მომსახურებით უზრუნველყოფა.

2. იმერეთსა და თბილისში მცხოვრები 196 ათა­სამდე მოსარგებლისათვის – სამედიცინო დაზღვევით უზრუნველყოფა.

საქართველოს შრომის, ჯანმრთელობისა და სოციალური დაცვის მინისტრის 2007 წლის 4 დეკემბრის ბრძანება №344/ნ-სსმIII, №173, 06.12.2007წ.; მუხ.1917

    მუხლი 4. პროგრამის ბენეფიციარები

1. პროგრამის მოსარგებლეები არიან სსიპ „სოცია­ლური სუბსიდიების სააგენტოს“ მიერ წარმოე­ბულ ,,სოციალურად დაუცველი ოჯახების მონაცემთა ერთიან ბაზაში“ 2007 წლის 1 ივლისამდე რეგისტრი­რებული ოჯახის წევრები, რომელთა სარეიტინგო ქულა ტოლია ან ნაკლებია 70 000-ზე, გარდა ამ მუხ­ლის მე-2 პუნ­ქტის ,,ბ“ და ,,გ“ ქვეპუნქტებით გათვალისწინებული შემთხვევებისა.

2. ორსულობასთან და/ან მშობიარობასთან დაკავშირებული ხარჯები აუნაზღაურდებათ ორსულებს ხელშეკრულებით გათვალისწინებულ სამედიცინო დაწესებულებებში შემდეგი პირობებით:

ა) ორსულს, რომელსაც მოქმედი კანონმდებლობის შესაბამისად, 2007 წლის 1 ივლისამდე შეტანილი აქვს ,,სოციალურად დაუცველი ოჯახების მონაცემთა ერთიან ბაზაში“ განაცხადი და მინიჭებული სარეიტინგო ქულა არ აღემატება 70 000-ს – მშობიარობასთან და­­კავ­­­­შირე­ბული ხარჯები 400 ლარის ოდენობით ქ. თბი­­­­ლის­ში, ხოლო სხვა ქალაქებსა და რაიონებში 300 ლარის ოდენობით.

ბ) „სოციალურად დაუცველი ოჯახების მონაცემთა ერთიან ბაზაში“ რეგისტრირებული ოჯახის წევრ-ორსულს, რომლის ოჯახის სარეიტინგო ქულა აღემატება 70 000 (რეგისტრაციის ვადის მიუხედავად), მშობიარობასთან დაკავშირებული ხარჯები – 200 ლარის ოდენობით; ასეთივე პირობებით მშობია­რობას­თან დაკავშირებული ხარჯები (200 ლარის ოდენობით) აუნაზღაურდებათ „სოციალურად დაუცველი ოჯახების მონაცემთა ერთიან ბაზაში“ რეგისტრირებული ოჯახის წევრ- ორსულს, რომლის სარეიტინგო ქულა ნაკლებია 70 000-ზე, მაგრამ განაცხადი ბაზაში რეგისტრაციის მიზნით შეტანილი აქვს 2007 წლის 1 ივლისიდან;.

გ) იმ ორსულებს, რომლებიც არ არიან რეგისტრი­რებული „სოციალურად დაუცველი ოჯახების ერთიან ბაზაში“, თავს თვლიან „სოციალურად დაუცველ ღარი­ბებად“ და, შესაბამისად, სურვილი აქვთ უფასო მშობიარობისა, შეავსებენ სპეციალური განაცხადის ფორმას სსიპ „სოციალური სუბსიდიების სააგენტოს“ რაიონულ განყოფილებებში, მშობიარობასთან დაკავში­რე­ბული ხარჯები – 200 ლარის ოდენობით (სოცია­ლურად დაუცველი ოჯახების მონაცემთა ერთიან ბაზაში რეგისტრაციის პროცესის დამთავრების მიუხედავად).

3. ამ მუხლის მე-2 პუნქტის „ა“ ქვეპუნქტში მშობიარობასთან დაკავშირებული ხარჯები 300- 400 ლარი და ორსულობის დროს წარმოშობილი პათოლოგიის ხარჯი მოიცავს როგორც სამედიცინო მომსახურების, ასევე არასამედიცინო (კვება, ბავშვის საფენები) ხარჯებს, ხოლო „ბ“ და „გ“ ქვეპუნქტებში შემავალი მშობიარობასთან დაკავშირებული ხარჯი (200 ლარი) მოიცავს მხოლოდ სამედიცინო ხარჯს.

4. ბენეფიციართა იდენტიფიკაცია ხორციელდება მოქალაქის პირადობის დამადასტურებელი მოწმობისა და სამედიცინო დახმარების ბარათის/უფასო მშობიარობის ბარათის საფუძველზე. სამედიცინო დახმარების ბარათი გაიცემა ამ პროგრამის მე-4 მუხლის პირველი პუნქტით გათვალისწინებულ პირებზე, ხოლო უფასო მშობიარობის ბარათი – მე-4 მუხლის მე-2 პუნქტის „ბ“ და „გ“ ქვეპუნქტებით გათვალისწინებულ პირებზე.

5. სამედიცინო დახმარების ბარათის, უფასო მშობიარობის ბარათის, სოციალურად დაუცველი ოჯახების მონაცემთა ერთიან ბაზაში რეგისტრაციის მიზნით განაცხადის შეტანის შესახებ ცნობის ფორმებს, აგრეთვე ამ პროგრამის განხორციელებისათვის საჭირო ფორმებს და მათი მოძრაობის შესახებ ინსტრუქციას განსაზღვრავს საქართველოს შრომის, ჯანმრთელობისა და სოციალური დაცვის მინისტრი ინდივიდუალური ადმინისტრაციულ-სამართლებრივი აქტით.

6. პროგრამის მე-4 მუხლის პირველი პუნქტით გათვალისწინებული მოსარგებლე რჩება პროგრამის ვადის დასრულებამდე, პროგრამით დაფარული მომსა­ხურების მიმღებად სსიპ „სოციალური სუბსიდიების სააგენტოს“ მიერ წარმოებულ ,,სოციალურად დაუცვე­ლი ოჯახების მონაცემთა ერთიან ბაზაში“ რეგისტრა­ციის გაუქმების ან მისი სარეიტინგო ქულებისა და სოცია­ლურ-ეკონომიკური სტატუსის ცვლილების მიუხე­დავად.

საქართველოს შრომის, ჯანმრთელობისა და სოციალური დაცვის მინისტრის 2007 წლის 27 თებერვლის ბრძანება №65/ნ-სსმIII, №27, 01.03.2007წ.; მუხ.319

საქართველოს შრომის, ჯანმრთელობისა და სოციალური დაცვის მინისტრის 2007 წლის 13 მარტის ბრძანება №76/ნ-სსმIII, №33, 13.03.2007წ.; მუხ.400

საქართველოს შრომის, ჯანმრთელობისა და სოციალური დაცვის მინისტრის 2007 წლის 4 დეკემბრის ბრძანება №344/ნ-სსმIII, №173, 06.12.2007წ.; მუხ.1917

    მუხლი 5. განხორციელების გეგმა

1. სიღარიბის ზღვარს ქვემოთ მყოფი მოსახლეობი­სათვის (თბილისის და იმერეთის რეგიონის მოსახლეო­ბის გარდა), სამედიცინო მომსახურების შესყიდვას აწარმოებს სახელმწიფო საქვეუწყებო დაწესებულება „ჯანმრთელობისა და სოციალური პროგრამების სააგენტო“.

2. ქალაქ თბილისში და იმერეთის რეგიონში მცხოვრები მოსარგებლეებისათვის განხორციელდება ჯანმრთელობის დაზღვევა სადაზღვევო ვაუჩერების მეშვეობით „ქალაქ თბილისსა და იმერეთში მცხოვრები სიღარიბის ზღვარს ქვემოთ მყოფი მოსახლეობისათვის ჯანმრთელობის დაზღვევის მიზნით გადასაცემი სადაზ­ღვევო ვაუჩერის პირობების განსაზღვრის შესახებ“ საქართველოს მთავრობის 2007 წლის 31 ივლისის №166 დადგენილების შესაბამისად.

3. ვაუჩერის განაღდებას ახორციელებს სახელმწიფო საქვეუწყებო დაწესებულება „ჯანმრთელობისა და სოციალური პროგრამების სააგენტო“.

4. ვაუჩერის განაღდების (ანგარიშსწორების) პირობე­ბი, ვადები, აგრეთვე აღნიშნულ საკითხთან დაკავში­რებული სხვა დეტალები მოწესრიგდება ჯანმრთე­ლობისა და სოციალური პროგრამების სააგენტოსა და სადაზღვევო ორგანიზაციებს შორის შეთანხმებით, „ქალაქ თბილისსა და იმერეთში მცხოვრები სიღარიბის ზღვარს ქვემოთ მყოფი მოსახლეობისათვის ჯანმრთე­ლობის დაზღვევის მიზნით გადასაცემი სადაზღვევო ვაუჩერის პირობების განსაზღვრის შესახებ“ საქართვე­ლოს მთავრობის 2007 წლის 31 ივლისის №166 დად­გენილების მოთხოვნათა შესაბამისად.

საქართველოს შრომის, ჯანმრთელობისა და სოციალური დაცვის მინისტრის 2007 წლის 4 დეკემბრის ბრძანება №344/ნ-სსმIII, №173, 06.12.2007წ.; მუხ.1917

    მუხლი 6. პროგრამით გათვალისწინებული მომსახურება

1. პროგრამის მე-4 მუხლის პირველი პუნქტით გათვალისწინებულ ქალაქ თბილისისა და იმერეთის რეგიონში მცხოვრები მოსარგებლეთათვის გათვალის­წ­ინებული მომსახურების მოცულობა განისაზღვრება „ქალაქ თბილისსა და იმერეთში მცხოვრები სიღარიბის ზღვარს ქვემოთ მყოფი მოსახლეობისათვის ჯანმრთე­ლობის დაზღვევის მიზნით გადასაცემი სადაზღვევო ვაუჩერის პირობების განსაზღვრის შესახებ“ საქართვე­ლოს მთავრობის 2007 წლის 31 ივლისის №166 დადგენილებით.

2. პროგრამის მე-4 მუხლის პირველი პუნქტით გათვა­ლისწინებულ მოსარგებლეთათვის (გარდა თბი­ლი­­სისა და იმერეთის რეგიონში მცხოვრებთათვის) მომსახურება განისაზღვრება შემდეგი მოცულობით (გარდა დანართ 1¹-ში მოცემული მომსახურებისა):

ა) ამბულატორიული მომსახურების ხარჯების ანაზ­ღაურებას, რომელიც არ იფარება პირველადი ჯან­­დაცვის სახელმწიფო პროგრამით:

ა.ა. გადაუდებელი ამბულატორიული მომსახურება;

ა.ბ. ოჯახის ექიმის, ექთნის, ექიმი-სპეციალისტების კონსულტაცია და სხვა სახის სამედიცინო მომსახურება ბინაზე სამედიცინო მომსახურების ჩათვლით საჭიროე­ბის შემთხვევაში;

ა.გ. ექიმის დანიშნულებით ექოსკოპიური და რენტგე­ნოლოგიური გამოკვლევები, გეგმურ ჰოსპიტა­ლიზაციას­თან დაკავშირებული ლაბორატორიული და ინ­სტრუ­მენ­ტული გამოკვლევები;

ბ) სტაციონარული მომსახურების ხარჯების ანაზ­ღაურების:

ბ.ა. გადაუდებელი სტაციონარული მომსახურება, მ.შ გართულებულ ორსულობასთან დაკავშირებული ჰოს­პიტალიზაცია;

ბ.ბ. გეგმური ქირურგიული ოპერაციები, ლიმიტი ერთ მოსარგებლეზე წლიური 12 000 ლარი;

ბ.გ. თანაგადახდის ხარჯები, რომელიც არ იფარება სტაციონარული მომსახურების სახელმწიფო  – პროგრა­მებით;

ბ.დ. ქიმიოთერაპიის და სხივური თერაპიის ხარჯე­ბი; ლიმიტი ერთ მოსარგებლეზე – 12 000 ლარი;

გ) მშობიარობასთან დაკავშირებული ხარჯები – ლიმიტი ერთ მოსარგებლეზე – 400 ლარი.

3. სიღარიბის ზღვარს ქვემოთ მყოფი მოსახლეობა, გარდა ამ პროგრამით გათვალისწინებული მომსახურე­ბისა, ითვლება დანართ 12-ში მითითებული სახელ­მწიფო ჯანდაცვითი პროგრამებით მოსარგებლედ.

4. „სახელმწიფო საქვეუწყებო დაწესებულება „ჯან­მრთე­ლობისა და სოციალური პროგრამების სააგენტო“ უზრუნველყოფს ამ პროგრამის მე-4 მუხლის პირველი პუნქტით განსაზღვრული (მ.შ. თბილისისა და იმერეთის რეგიონში მცხოვრებ) მოსარგებლეებისათვის პროგ­რამის ასიგნებების ფარგლებში პერიტონიალური და ჰემოდიალიზით 2007 წლის 1 ნოემბრიდან უზრუნველ­ყოფას.

5. ამ პროგრამის მე-4 მუხლის მე-2 პუნქტის „ბ“ და „გ“ ქვეპუნქტებით გათვალისწინებულ მოსარგებ­ლეებს მთელი საქართველოს მასშტაბით, მ.შ. თბილისსა და იმერეთში, მოემსახურება ჯანმრთელობისა და სოციალური პროგრამების სააგენტო.

საქართველოს შრომის, ჯანმრთელობისა და სოციალური დაცვის მინისტრის 2007 წლის 13 მარტის ბრძანება №76/ნ-სსმIII, №33, 13.03.2007წ.; მუხ.400

საქართველოს შრომის, ჯანმრთელობისა და სოციალური დაცვის მინისტრის 2007 წლის 4 დეკემბრის ბრძანება №344/ნ-სსმIII, №173, 06.12.2007წ.; მუხ.1917

    მუხლი 7. დაფინანსების მეთოდოლოგია

1. სადაზღვევო ვაუჩერის განაღდება განხორციელ­დება პროგრამაში მონაწილე სადაზღვევო ორგანიზაციე­ბის მიერ შესაბამისი ინფორმაციის (დოკუმენტების) წარ­­მოდ­გენის საფუძველზე „ქალაქ თბილისსა და იმერეთ­ში მცხოვრები სიღარიბის ზღვარს ქვემოთ მყო­ფი მოსახლეობისათვის ჯანმრთელობის დაზღვევის მიზნით გადასაცემი სადაზღვევო ვაუჩერის პირობების განსაზღვრის შესახებ“ საქართველოს მთავრობის 2007 წლის 31 ივლისის №166 დადგენილებით განსაზღვრული პირობების შესაბამისად.

2. მომსახურების ანაზღაურების წესი პროგრამის მოსარგებ­ლეებისათვის (გარდა თბილისისა და იმერეთის რეგიონის მოსახლეობისა) განისაზღვრება სახელმწიფო საქვეუწყებო დაწესებულება „ჯანმრთელობისა და სოციალური პროგრამების სააგენტოსა“ და პროგრამის განმახორციელებელ დაწესებულებებს შორის დადებუ­ლი ხელშეკრულების საფუძველზე.

3. ამ პროგრამით გათვალისწინებული მომსახურების ანაზღაუ­რება (გარდა თბილისისა და იმერეთის რეგიო­ნის მოსარგებლეთათვის) განხორციელდება 2007 წლის მოსახლეობის სტაციონარული დახმარების სახელ­მწიფო პროგრამით (ბავშვთა სამედიცინო დახმარების კომპონენტის; ონკოლოგიური დაავადებების დიაგნოს­ტიკისა და მკურნალობის კომპონენტის, მოსახლეობის ურგენტული დახმარების კომპონენტის და რეფერალური დახმარების კომპონენტის) განსაზღვრული ნოზოლო­გიური ჯგუფებისათვის დადგენილი გასაშუალოებული ღირებულებების შესაბამისად.

საქართველოს შრომის, ჯანმრთელობისა და სოციალური დაცვის მინისტრის 2007 წლის 4 დეკემბრის ბრძანება №344/ნ-სსმIII, №173, 06.12.2007წ.; მუხ.1917

    მუხლი 8. მონიტორინგისა და მართვის ხარჯები

მონიტორინგისა და მართვის ხარჯები ითვალის­წინებს შესაბამისი შრომითი ხელშეკრულების საფუძ­ველზე პროგრამის შესრულებაზე მეთვალყურეო­ბას, შე­დეგების კვლევასა და ანალიზს; ასევე საზოგა­დოების, მოსარგებლეებისა და სამედიცინო პერსონალის ინფორ­მირე­ბულობას, საინფორმაციო და სარეკლამო მომსახუ­რების უზრუნველყოფას.

საქართველოს შრომის, ჯანმრთელობისა და სოციალური დაცვის მინისტრის 2007 წლის 4 დეკემბრის ბრძანება №344/ნ-სსმIII, №173, 06.12.2007წ.; მუხ.1917

    მუხლი 9. პროგრამის ბიუჯეტი და მოქმედების ვადა

პროგრამის ბიუჯეტი 2007 წლის 31 დეკემბრის ჩათ­ვლით განისაზღვრება 44 590.0 ათასი ლარით, მათ შორის, მონიტორინგისა და მართვის ხარჯები 600 000 ლარი.

საქართველოს შრომის, ჯანმრთელობისა და სოციალური დაცვის მინისტრის 2007 წლის 4 დეკემბრის ბრძანება №344/ნ-სსმIII, №173, 06.12.2007წ.; მუხ.1917

    მუხლი 10. მომსახურების ანაზღაურებისა და ვაუჩერის განაღდების მეთოდოლოგია

1. პროგრამით განსაზღვრული მომსახურების შეს­ყიდ­ვა განხორციელდება „სახელმწიფო შესყიდვების შესა­ხებ“ საქართველოს კანონის მოთხოვნათა შესაბა­მისად, გარდა ქ. თბილისში და იმერეთის რეგიონში მცხოვრები მოსარგებლეებისათვის ვაუჩერის განაღდე­ბასთან დაკავშირებული ოპერაციებისა.

2. ვაუჩერის განაღდება არ წარმოადგენს სახელ­მწიფო შესყიდვას და მისი განაღდება ხორციელდება „ქალაქ თბილისსა და იმერეთში მცხოვრები სიღარიბის ზღვარს ქვემოთ მყოფი მოსახლეობისათვის ჯანმრთე­ლობის დაზღვევის მიზნით გადასაცემი სადაზღვევო ვაუჩერის პირობების განსაზღვრის შესახებ“ საქართვე­ლოს მთავრობის 2007 წლის 31 ივლისის №166 დადგენილებით განსაზღვრული წესით.

საქართველოს შრომის, ჯანმრთელობისა და სოციალური დაცვის მინისტრის 2007 წლის 4 დეკემბრის ბრძანება №344/ნ-სსმIII, №173, 06.12.2007წ.; მუხ.1917

 

დანართი №1¹

სამედიცინო მომსახურების ხარჯები, რომლებიც არ ფინანსდება სიღარიბის ზღვარს ქვემოთ მყოფი მოსახლეობის სამედიცინო დაზღვევის პროგრამის ფარგლებში

1. სხვა სახელმწიფო ჯანდაცვითი პროგრამებით (მათ შორის, მუნიციპალური) დაფარული ხარჯები და მომსახურებები.

2. თერაპიული პროფილის გეგმური ჰოსპიტალური მომსახურება.

3. სამედიცინო ჩვენების გარეშე, ექიმის დანიშ­ნულების გარეშე მკურნალობა, თვითმკურნალობა.

4. საზღვარგარეთ ჩატარებული სამედიცინო მომ­სახუ­რების ხარჯები.

5. სანატორიულ-კურორტული მკურნალობა.

6. ესთეტიკური ქირურგიის, კოსმეტიკური მიზნით ჩატარებული მკურნალობა.

7. სექსუალური დარღვევების, უშვილობის მკურ­ნალობის ხარჯები.

8. შიდსის, ქრონიკული ჰეპატიტის მკურნალობის ხარჯები.

9. თუ სამედიცინო მომსახურების საჭიროება დადგა თვითდაშავების, ტერორისტულ აქტებში, კრიმინალურ აქტებში მონაწილების, ან ნარკოტიკული ზემოქმედების შედეგად.

10. ტრანსპლანტაციის, ასევე ეგზოპროთეზირების ხარჯები.

საქართველოს შრომის, ჯანმრთელობისა და სოციალური დაცვის მინისტრის 2007 წლის 4 დეკემბრის ბრძანება №344/ნ-სსმIII, №173, 06.12.2007წ.; მუხ.1917

დანართი №1²

1. პირველადი ჯანდაცვის სახელმწიფო პროგრამა.

2. მოსახლეობის სტაციონარული დახმარების პროგრამის შემდეგი კომპონენტები:

ა) ფსიქიატრიული დახმარების კომპონენტი;

ბ) ფთიზიატრიული დახმარების კომპონენტი;

გ) ინფექციურ დაავადებათა მკურნალობის კომპონენტი;

დ) ორგანოთა და ქსოვილთა ტრანსპლანტაციისა და თირკმლის ჩანაცვლებითი თერაპიის კომპონენტი;

ე) ჰემოფილიით დაავადებულ ბავშვთა და მოზრდილთა სტაციონარული მომსახურების კომპონენტი;

ვ) შაქრიანი და უშაქრო დიაბეტით დაავადებული მოსახლეობის სტაციონარული მომსახურების კომპონენტი;

ზ) გულის ქირურგიის კომპონენტი;

3. მოსახლეობის სპეციფიკური მედიკამენტებით უზრუნველყოფის სახელმწიფო პროგრამა.

4. დაავადებათა პროფილაქტიკის სახელმწიფო პროგრამა.

 

დანართი №2

სამედიცინო პერსონალის მომზადება-გადამზადების პროგრამა

თავი I

პროგრამის ანოტაცია

    მუხლი 1. პროგრამის მიზანი

 პროგრამის მიზანია მოსახლეობისათვის ხარისხიანი სამედიცინო მომსახურების მიწოდება რეფორმირებული ჯანდაცვის სისტემისთვის ადეკვატური ადამიანური რესურსის განვითარების ხელშეწყობის გზით.

    მუხლი 2. პროგრამის ამოცანები

პროგრამის ამოცანებია ჯანდაცვის სფეროს პრიორიტეტული მიმართულებებისათვის ადამიანური რესურსების მომზადება-გადამზადება და მზადების პროცესის ორგანიზება.

    მუხლი 3. პროგრამის კომპონენტები

პროგრამა შედგება შემდეგი კომპონენტებისგან:

ა) საოჯახო მედიცინის მოდელისათვის ადამიანური რესურსის მზადება;

ბ) გადაუდებელი სამედიცინო დახმარების სამსახურებისათვის პერსონალის მზადება;

გ) ჯანდაცვის სექტორში მართვის შესაძლებლობების გაძლიერების მიზნით მენეჯერების მზადება;

დ) მზადების პროცესის ხარისხის უზრუნველყოფა;

ე) სპეციფიკურ დარგებში სამედიცინო პერსონალის კვალიფიკაციის ამაღლებისათვის სპეციალისტთა უცხოეთში სტაჟირება;

ვ) პროგრამის მართვა და მზადების ორგანიზება;

ზ) ფსიქოაქტიური ნივთიერებების მოხმარებისა და მიღების ფაქტების დადგენის და სამოხელეო დონეზე ადმინისტრირება.

საქართველოს შრომის, ჯანმრთელობისა და სოციალური დაცვის მინისტრის 2007 წლის 8 ოქტომბრის ბრძანება №291/ნ-სსმIII, №140, 09.10.2007წ.; მუხ.1555

    მუხლი 4. პრობლების აღწერა

1. საქართველოში წლების მანძილზე არ არსებობდა საკადრო რესურსების განვითარების ყოვლისმომცველი გეგმა. პროფესიული კადრების კვალიფიკაცია და გადანაწილება არაადეკვატური იყო, რაც უდიდეს პრობლემას ქმნიდა ხელმსაწვდომი და ხარისხიანი სამედიცინო მომსახურების მიღებისას. ყველზე მეტი ექიმი თავმოყრილია ქ. თბილისში, შემდეგ მოდის იმერეთი, აჭარა, სამეგრელო და ა.შ. დროთა განმალობაში ასევე მოძველდა პროფესიული სტანდარტები, რომლითაც ექიმები ხელმძღვანელობდნენ. დღესდღეობით მათი განახლება აქტიურად მიმდინარეობს. პოსტ-დიპლომური განათლება არ ესადაგებოდა არსებულ მოთხოვნებს და წლების განმავლობაში სამედიცინო საქმის რეგულირების სისტემა არაეფექტურად მუშაობდა. 2005 წლის მონაცემებით საქართველოში რეგისტრირებულია 20311 ექიმი, 21053 საშუალო სამედიცინო პერსონალი. საქართველოში ექიმებით უზრუნველყოფა 1000 სულ მოსახლეზე შეადგენდა 4,65-ს. რაც აღემატება ევროკავშირის მონაცემებს. ევროპაში 1000 სულ მოსახლეზე მოდის 2.4 ექიმი. საქართველოში ექიმებისა და ექთნების თანაფარდობა შეადგენს 1:1, მაშინ როცა მსოფლიო პრაქტიკით ეს თანაფარდობა მინიმუმ 1:2 უნდა იყოს. რაც შეეხება მომსახურების უტილიზაციას, საქართველოში ექიმემთან ვიზიტი 1 სულ მოსახლეზე არის 2.0/2,1, ევროკავშირში ეს მაჩვენებელი 6 შეადგენს. ერთი პჯდ ექიმის მიერ დღეში გასინჯული პაციენტების რაოდენობა არის 1,6. ევროკავშირში კი 20. ჯანდაცვის სამინისტროს და პარტნიორების მრავალი ცდის შედეგად, 5 წლის წინ დაიწყო პირველადი ჯანდაცვის მედპერსონალის გადამზადების პროცესი. მიუხედავად გადამზადების მოთხოვნისა, მხოლოდ 12% იქნა გადამზადებული უკანასკნელი 5 წლის განმავლობაში. აშკარაა, რომ გადამზადების მოცულობა უნდა იქნეს გაზრდილი.

2. არსებული სიტუაციიდან გამომდინარე საქართველოში მიმდინარე ჯანდაცვის სისტემის რეფორმის ფარგლებში ადამიანური რესურსის განვითარების მიზნით, შრომის, ჯანმრთელობისა და სოციალური დაცვის სამინისტრომ დაგეგმა რიგი ღონისძიებების განხორციელება, რის შედეგად მოხდება სისტემის დაკომპლექტება შესაფერისი კვალიფიკაციისა და რაოდენობის პერსონალით, რომლებიც მოსახლეობას უზრუნველყოფენ მაღალი ხარისხის სამედიცინო მომსახურებით. ჯანდაცვის სექტორის განვითარების სტრატეგიის შესაბამისად, პრიორიტეტულ სფეროებად განსაზღვრულია:

ა) პირველადი ჯანდაცვის სამედიცინო მომსახურების ხარისხის გაუმჯობესება ოჯახის ექიმებისა და ზოგადი პრაქტიკის ექთნების მზადების გზით;

ბ) გადაუდებელი დახმარების სამსახურებთან მოსახლეობის ოპტიმალური გეოგრაფიული ხელმისაწვდომობის უზრუნველყოფა და ამ მიზნით გადაუდებელი დახმარების ცენტრებისთვის შესაფერისი სამედიცინო პერსონალის პროფესიული მზადება;

გ) ჯანდაცვის სექტორში მართვის შესაძლებლობების გაძლიერება მენეჯერების მზადების გზით. აღწერილი პროგრამის მიზანია ხელი შეუწყოს ამ ამოცანების განხორციელებას.

    მუხლი 5. განხორციელების მეთოდოლოგია

1. „საქართველოს 2007 წლის სახელმწიფო ბიუჯეტის შესახებ“ საქართველოს კანონის შესაბამისად, პროგრამას განახორციელებს და, შესაბამისად, მის მართვას უზრუნველყოფს სსიპ „ჯანმრთელობისა და სოციალური დაცვის პროექტების განმახორციელებელი ცენტრი“. პროგრამის განხორციელებას კოორდინაციას უწევს საქართველოს შრომის, ჯანმრთელობისა და სოციალური დაცვის სამინისტროს რეფორმების კოორდინაციის ოფისი (დეპარტამენტი).

2. პერსონალის მზადების მომსხურების შესყიდვა განხორციელდება „სახელმწიფო შესყიდვების შესახებ“ საქართველოს კანონის შესაბამისად.

    მუხლი 6. პროგრამის ბიუჯეტი

  პროგრამის ბიუჯეტი განისაზღვრება 4 380 000 ათასი ლარით, თანდართული ცხრილი №1-ის შესაბამისად.

საქართველოს შრომის, ჯანმრთელობისა და სოციალური დაცვის მინისტრის 2007 წლის 8 ოქტომბრის ბრძანება №291/ნ-სსმIII, №140, 09.10.2007წ.; მუხ.1555

    მუხლი 7. განხორციელების ვადები

პროგრამა მოქმედებს მისი ძალაში შესვლიდან 2007 წლის 31 დეკემბრის ჩათვლით.

    მუხლი 8. პროგრამის შედეგები

 პროგრამის მოსალოდნელი შედეგებია:

 ა) ჯანდაცვის სფეროს პრიორიტეტულ მიმართულებებში ადამიანური რესურსების სიმძლავრის განვითარება;

ბ) სამედიცინო მომსახურების ხარისხის გაუმჯობესება;

გ) ჯანმრთელობის მდგომარეობის გაუმჯობესება და მოსახლეობის კმაყოფილების გაზრდა;

დ) ქვეყნის სამედიცინო პერსონალის არსებული რესურსის შესაბამისობა საჭიროებასთან;

ე) რეგიონებში გადამზადების სიმძლავრეების განვითარების ხელშეწყობა.

თავი II

საოჯახო მედიცინის მოდელისათვის ადამიანური რესურსის მზადების კომპონენტი

    მუხლი 9. კომპონენტის ამოცანა

კომპონენტის ამოცანაა ქ.თბილისის, გურიისა და სამეგრელოს რეგიონებში ოჯახის ექიმებისა და ზოგადი პრაქტიკის ექთნების მომზადება-გადამზადება.

    მუხლი 10. კომპონენტის ბენეფიციარები

კომპონენტის ფარგლებში გათვალისწინებულია 324 ოჯახის ექიმის (მათ შორის 24 ექიმის – გურიის რეგიონში, 120 ექიმის – სამეგრელოს რეგიონში და 180 ექიმის – თბილისში) და 324 ზოგადი პრაქტიკის ექთნების (მათ შორის, 24 ექთნის – გურიის რეგიონში, 120 ექთნის – სამეგრელოს რეგიონში და 180 ექთნის – თბილისში) მომზადება.

    მუხლი 11. კომპონენტის განხორციელების მეთოდოლოგია

1. ჯახის ექიმები მზადებას გაივლიან საქართველოს შრომის, ჯანმრთელობისა და სოციალური დაცვის სამინისტროს დიპლომისშემდგომი და უწყვეტი სამედიცინო განათლების საბჭოს მიერ  2006 წლის 16 ივნისს აკრედიტებული პროგრამის შესაბამისად, ხოლო ზოგადი პრაქტიკის ექთნები საქართველოს შრომის, ჯანმრთელობისა და სოციალური დაცვის მინისტრის 2005 წლის 13 მაისის № 129/ო ბრძანებით დამტკიცებული ,,ზოგადი პრაქტიკის ექთნის (ოჯახის ექთნის) გადამზადების პროგრამის“ შესაბამისად.

2. მოსამზადებელი კონტინგენტის ინფორმირებას შესაბამის ადმინისტრაციულ ტერიტორიულ ერთეულებში განახორცილებს საქართველოს შრომის, ჯანმრთელობისა და სოციალური დაცვის სამინისტროს მინისტრის აპარატის რეგიონული სამმართველო, ხოლო თბილისში სსიპ „ჯანმრთელობისა და სოციალური დაცვის პროექტების განმახორციელებელი ცენტრი“.

3. კომპონენტის ფარგლებში გადასამზადებელი პერსონალის შერჩევას განახორციელებს საქართველოს შრომის, ჯანმრთელობისა და სოციალური დაცვის მინისტრის ინდივიდუალური ადმინისტრაციულ-სამართლებრივი აქტით შექმნილი შესარჩევი კომისია შერჩევის წესისა და პირობების შესაბამისად, ხოლო შერჩევის პროცესის ორგანიზებას – სსიპ „ჯანმრთელობისა და სოციალური დაცვის პროექტების განმახორციელებელი ცენტრი“. მზადებისათვის შერჩეულ პირთა სიას შერჩევის შედეგების განხილვის საფუძველზე განსაზღვრავს შესარჩევი კომისია და ამტკიცებს შრომის ჯანმრთელობისა და სოციალური დაცვის მინისტრი.

4. გადამზადებულთა საბოლოო შეფასება ტარდება საოჯახო მედიცინის ცენტრის მიერ, რომელსაც ზედამხედველობას უწევს მზადების პროგრამების ხარისხის უზრუნველყოფის ჯგუფი, რომლის შემადგენლობასაც განსაზღვრავს მინისტრი ინდივიდუალური ადმინისტრაციულ-სამართლებრივი აქტით. საბოლოო შეფასების წარმატებით გავლის შემთხვევაში, ხარისხის უზრუნველყოფის ჯგუფის დასკვნის საფუძველზე, გადამზადებულ პირებზე გაიცემა მოწმობა შრომის, ჯანმრთელობისა და სოციალური დაცვის სამინისტროს მიერ (მოწმობების დამზადების ხარჯები გათვალისწინებულია პროგრამის ფარგლებში).

5. სამეგრელოსა და გურიის ადმინისტრაციულ ტერიტორიული ერთეულებიდან ჩამოსულ მსმენელებს მიეცემათ კვების ნორმა 8,30 ლარის ოდენობით დღეში. აღნიშნული ხარჯის გაცემას უზრუნველყოფს სსიპ „ჯანმრთელობისა და სოციალური დაცვის პროექტების განმახორციელებელი ცენტრი“ წინამდებარე კომპონენტის ფარგლებში.

6. ოჯახის ექიმების და ზოგადი პრაქტიკის ექთნების მზადების განმახორციელებელი დაწესებულებები შეირჩევა „სახელმწიფო შესყიდვების შესახებ“ საქართველოს კანონის შესაბამისად.

საქართველოს შრომის, ჯანმრთელობისა და სოციალური დაცვის მინისტრის 2007 წლის 8 ოქტომბრის ბრძანება №291/ნ-სსმIII, №140, 09.10.2007წ.; მუხ.1555

    მუხლი 12. კომპონენტის ბიუჯეტი

კომპონენტის ბიუჯეტი განისაზღვრება 1 513 692 ლარით.

თავი III

გადაუდებელი სამედიცინო დახმარების სამსახურებისათვის პერსონალის მზადების კომპონენტი

    მუხლი 13. კომპონენტის ამოცანები

კომპონენტის ამოცანაა გადაუდებელი დახმარების სამსახურებისათვის პერსონალის მზადების მიზნით სასწავლო პროგრამის შემუშავება და შემდგომში, პროგრამის შესაბამისად, გადაუდებელი სამედიცინო დახმარების სამსახურებისათვის პერსონალის მომზადება.

    მუხლი 14. კომპონენტის ბენეფიციარები

კომპონენტით გათვალისწინებულია ქ. თბილისში გადაუდებელი სამედიცინო დახმარების სამედიცინო პერსონალის, მათ შორის, 200 – გადაუდებელი დახმარების ექიმის და 200-გადაუდებელი დახმარების ექთნის მზადება. ასევე, კომპონენტით გათვალისიწნებულია 300 საპატრულო პოლიციის თანამშრომლისათვის პირველადი სამედიცინო დახმარების სწავლება.

საქართველოს შრომის, ჯანმრთელობისა და სოციალური დაცვის მინისტრის 2007 წლის 8 ოქტომბრის ბრძანება №291/ნ-სსმIII, №140, 09.10.2007წ.; მუხ.1555

    მუხლი 15. კომპონენტის განხორციელების მეთოდოლოგია

1. კომპონენტის ბენეფიციარების (გადაუდებელი სამედიცინო დახმარების ექიმები და ექთნები) მომზადების მიზნით განხორციელდება შესაბამისი სასწავლო პროგრამის შესყიდვა.

2. გადაუდებელი დახმარების პერსონალი მზადებას გაივლის აკრედიტებული სასწავლო პროგრამის შესაბამისად.

3. მოსამზადებელი კონტინგენტის ინფორმირებას განახორცილებს სსიპ ,,ჯანმრთელობისა და სოციალური დაცვის პროექტების განმახორციელებელი ცენტრი“.

4. კომპონენტის ფარგლებში გადასამზადებელი პერსონალის შერჩევას განახორციელებს საქართველოს შრომის, ჯანმრთელობისა და სოციალური დაცვის მინისტრის ინდივივიდუალური ადმინისტრაციულ-სამართლებრივი აქტით შექმნილი შესარჩევი კომისია შერჩევის წესისა და პირობების შესაბამისად, ხოლო შერჩევის პროცესის ორგანიზებას – სსიპ ,,ჯანმრთელობისა და სოციალური დაცვის პროექტების განმახორციელებელი ცენტრი“. მზადებისათვის შერჩეულ პირთა სიას შერჩევის შედეგების განხილვის საფუძველზე განსაზღვრავს შესარჩევი კომისია და ამტკიცებს შრომის, ჯანმრთელობისა და სოციალური დაცვის მინისტრი.

5. გადამზადებულთა საბოლოო შეფასება ტარდება მომსახურების მომწოდებლის მიერ, რომელსაც ზედამხედველობას უწევს მზადების პროგრამების ხარისხის უზრუნველყოფის ჯგუფი, რომელის შემადგენლობასაც განსაზღვრავს მინისტრი ინდივიდუალური ადმინისტრაციულ-სამართლებრივი აქტით. საბოლოო შეფასების წარმატებით გავლის შემთხვევაში, ხარისხის უზრუნველყოფის ჯგუფის დასკვნის საფუძველზე, გადამზადებულ პირებზე გაიცემა მოწმობა შრომის, ჯანმრთელობისა და სოციალური დაცვის სამინისტროს მიერ (მოწმობების დამზადების ხარჯები გათვალისწინებულია პროგრამის ფარგლებში).

6. გადასამზადებელ პატრულის თანამშრომელთა სიას განსაზღვრავს საქართველოს შინაგან საქმეთა სამინისტრო.

7. პატრულის თანამშრომელთა მომზადება მოხდება მოკლევადიანი პირველადი სამედიცინო დახმარების პროგრამის შესაბამისად.

8. გადაუდებელი დახმარების სამსახურებისათვის პერსონალის მზადების განმახორციელებელი დაწესებულებები შეირჩევა ,,სახელმწიფო შესყიდვების შესახებ“ საქართველოს კანონის შესაბამისად.

საქართველოს შრომის, ჯანმრთელობისა და სოციალური დაცვის მინისტრის 2007 წლის 8 ოქტომბრის ბრძანება №291/ნ-სსმIII, №140, 09.10.2007წ.; მუხ.1555

    მუხლი 16. კომპონენტის ბიუჯეტი:

კომპონენტის ბიუჯეტი განისაზღვრება 205 568 ლარით.

საქართველოს შრომის, ჯანმრთელობისა და სოციალური დაცვის მინისტრის 2007 წლის 8 ოქტომბრის ბრძანება №291/ნ-სსმIII, №140, 09.10.2007წ.; მუხ.1555

თავი IV

ჯანდაცვის სექტორში მართვის შესაძლებლობების გაძლიერების მიზნით მენეჯერების მზადების კომპონენტი

    მუხლი 17. კომპონენტის ამოცანები

კომპონენტის ამოცანაა პირველადი ჯანდაცვის, ჰოსპიტალური სექტორის დაწესებულებებისა და საქართველოს შრომის, ჯანმრთელობისა და სოციალური დაცვის სამინისტროს სისტემისათვის მენეჯერების მომზადება.

    მუხლი 18. კომპონენტის ბენეფიაციარები

კომპონენტის ბენეფიციარია ჯანდაცვის სისტემის 200 მენეჯერი, მათ შორის 100 – ჰოსპიტალური სექტორის სამედიცინო დაწესებულებებისთვის, 60 – პირველადი ჯანდაცვის დაწესებულებებისთვის და 40 – საქართველოს შრომის, ჯანმრთელობისა და სოციალური დაცვის სამინისტროს სისტემის მენეჯერი.

    მუხლი 19. კომპონენტის განხორცილების მეთოდოლოგია

1. მენეჯერები მზადებას გაივლიან აკრედიტებული სასწავლო პროგრამის შესაბამისად.

2. მოსამზადებელი კონტინგენტის ინფორმირებას შესაბამის ადმინისტრაციულ ტერიტორიულ ერთეულებში განახორცილებს საქართველოს შრომის, ჯანმრთელობისა და სოციალური დაცვის სამინისტროს მინისტრის აპარატის რეგიონული სამმართველო, ხოლო თბილისში სსიპ – „ჯანმრთელობისა და სოციალური დაცვის პროექტების განმახორციელებელი ცენტრი’’.

3. კომპონენტის ფარგლებში გადასამზადებელი პერსონალის შერჩევას განახორციელებს საქართველოს შრომის, ჯანმრთელობისა დ სოციალური დაცვის მინისტრის ინდივიდუალური ადმინისტრაციულ-სამართლებრივი აქტით შექმნილი შესარჩევი კომისია დადგენილი შერჩევის წესისა და პირობების შესაბამისად, ხოლო შერჩევის პროცესის ორგანიზებას – სსიპ „ჯანმრთელობისა და სოციალური დაცვის პროექტების განმახორციელებელი ცენტრი’’. მზადებისათვის შერჩეულ პირთა სიას შერჩევის შედეგების განხილვის საფუძველზე განსაზღვრავს შესარჩევი კომისია და ამტკიცებს შრომის, ჯანმრთელობისა და სოციალური დაცვის მინისტრი.

4. გადამზადებულთა საბოლოო შეფასება ტარდება მომსახურების მიმწოდებლის მიერ, რომელსაც ზედამხედველობას უწევს მზადების პროგრამების ხარისხის უზრუნველყოფის ჯგუფი, რომლის შემადგენლობასაც განსაზღვრავს მინისტრი ინდივიდუალური ადმინისტრაციულ-სამართლებრივი აქტით. საბოლოო შეფასების წარმატებით გავლის შემთხვევაში, ხარისხის უზრუნველყოფის ჯგუფის დასკვნის საფუძველზე, გადამზადებულ პირებზე გაიცემა მოწმობა შრომის, ჯანმრთელობისა და სოციალური დაცვის სამინისტროს მიერ (მოწმობების დამზადების ხარჯები გათვალისწინებულია პროგრამის ფარგლებში).

5. მენეჯერების მზადების განმახორციელებელი დაწესებულებები შეირჩევა „სახელმწიფო შესყიდვების შესახებ“ საქართველოს კანონის შესაბამისად.

    მუხლი 20. კომპონენტის ბიუჯეტი

კომპონენტის ბიუჯეტი განისაზღვრება 262 997 ლარით.

თავი V

მზადების პროცესის ხარისხის უზრუნველყოფა

    მუხლი 21. კომპონენტის ამოცანა

კომპონენტის ამოცანაა პროგრამით გათვალისწინებული მზადების პროგრამების ხარისხის უზრუნველყოფა.

    მუხლი 22. განხორციელების მეთოდოლოგია

1. პროგრამის ფარგლებში პერსონალის მზადების პროცესის ხარისხის უზრუნველყოფის მიზნით, შრომის, ჯანმრთელობისა და სოციალური დაცვის მინისტრის ინდივიდუალური ადმინისტრაციულ-სამართლებრივი აქტით შეიქმნება მზადების პროგრამების ხარისხის უზრუნველყოფის ჯგუფი. ჯგუფი შეისწავლის და შეაფასებს სასწავლო პროცესის მიმდინარეობის ხარისხს. ამ მიზნით, ჯგუფი მეთვალყურეობას გაუწევს სასწავლო პროცესს და მზადების საბოლოო შეფასებას. შედეგების ანალიზის საფუძველზე, ჯგუფი შეაფასებს შესრულებული სამუშაოს ხარისხს და შესაბამისობას მიმდინარე პროგრამების საჭიროებებთან, ამასთანავე, მოამზადებს რეკომენდაციებს სწავლების ხარისხის გაუმჯობესების მიზნით საჭირო ღონისძიებების (მ.შ., სასწავლო პროგრამის, შესარჩევი და საბოლოო შეფასების ინსტრუმენტების შემუშავების შესახებ) და მათი განხორციელების გზებთან დაკავშირებით.

2. ხარისხის უზრუნველყოფის ჯგუფი ტექნიკურ დახმარებას გაუწევს პრიორიტეტული მიმართულებების მიხედვით პერსონალის გადამზადებას როგორც სახელმწიფო პროგრამის ფარგლებში, ასევე დონორი ორგანიზაციების ფინანსური მხარდაჭერით მიმდინარე შესაბამის გადამზადების პროცესს.

3. პერსონალის მზადების ხარისხის უზრუნველყოფას კოორდინაციას გაუწევს საქართველოს შრომის, ჯანმრთელობისა და სოციალური დაცვის სამინისტროს რეგულირების დეპარტამენტი. პერსონალის მზადების ხარისხის უზრუნველყოფის ჯგუფი ანგარიშვალდებულია საქართველოს შრომის, ჯანმრთელობისა და სოციალური დაცვის სამინისტროს რეგულირების დეპარტამენტისა და სსიპ „ჯანმრთელობისა და სოციალური დაცვის პროექტების განმახორციელებელი ცენტრის“ მიმართ.

    მუხლი 23. კომპონენტის ბიუჯეტი

კომპონენტის ბიუჯეტი განისაზღვრება 55 000 ლარით.

საქართველოს შრომის, ჯანმრთელობისა და სოციალური დაცვის მინისტრის 2007 წლის 8 ოქტომბრის ბრძანება №291/ნ-სსმIII, №140, 09.10.2007წ.; მუხ.1555

თავი VI

სპეციფიკურ დარგებში სამედიცინო პერსონალის კვალიფიკაციის ამაღლებისათვის სპეციალისტთა უცხოეთში სტაჟირების კომპონენტი

    მუხლი 24. კომპონენტის ამოცანა

კომპონენტის ამოცანაა სამედიცინო პერსონალის კვალიფიკაციის ამაღლება მედიცინის სპეციფიკურ დარგებში, სადაც კვალიფიციური კადრის ნაკლებობაა.

    მუხლი 25. კომპონენტის ბენეფიციარები და ღონისძიებები

1. გადასამზადებელ პირთა სია, გადამზადების ადგილი და სპეციალობათა ჩამონათვალი, რომელშიც მოხდება მათი კვალიფიკაციის ამაღლება, განისაზღვრება არსებული საჭიროებების მიხედვით შრომის, ჯანმრთელობისა და სოციალური დაცვის მინისტრის შესაბამისი ინდივიდუალური ადმინისტრაციულ-სამართლებრივი აქტით.

2. პერსონალის სტაჟირება გათვალისწინებულია მედიცინის იმ სპეციფიკურ დარგებში, სადაც მოთხოვნა და საჭიროება სპეციალისტებზე განსაკუთრებით დიდია, მაგრამ ქვეყანას არ გააჩნია შესაბამისი სიმძლავრეები და შესაძლებლობები ადგილზე კადრების მოსამზადებლად.

    მუხლი 26. კომპონენტის ბიუჯეტი

კომპონენტის ბიუჯეტი განისაზღვრება 2 208 000 ლარით.

თავი VII

პროგრამის მართვა და მზადების ორგანიზება

    მუხლი 27. მზადების ორგანიზება

1. პროგრამის ორგანიზაციულ და ტექნიკურ მხარეს უზრუნველყოფს სსიპ „ჯანმრთელობისა და სოციალური დაცვის პროექტების განმახორციელებელი ცენტრი“.

2. პროგრამით გათვალისწინებულია გადამზადებული პერსონალისათვის მოწმობების ბეჭდვა და გაცემა როგორც სახელმწიფო პროგრამის ფარგლებში, ასევე დონორი ორგანიზაციების ფინანსური მხარდაჭერით მომზადებული კადრისათვის. მოწმობის ნიმუში მტკიცდება საქართველოს შრომის, ჯანმრთელობისა და სოციალური დაცვის მინისტრის მიერ.

    მუხლი 28. განხორციელების გეგმა

საქართველოს შრომის, ჯანმრთელობისა და სოციალური დაცვის მინისტრის 2007 წლის 8 ოქტომბრის ბრძანება №291/ნ-სსმIII, №140, 09.10.2007წ.; მუხ.1555

    მუხლი 29. პროგრამის მართვა

1. პროგრამის მართვას განახორციელებს სსიპ „ჯანმრთელობისა და სოციალური დაცვის პროექტების განმახორციელებელი ცენტრი“.

 2. პროგრამის მართვა მოიცავს:

ა) ტრენინგების მიწოდების შესყიდვასა და, შესაბამისად, ცენტრსა და მიმწოდებელს შორის დადებული კონტრაქტის ფარგლებში ინსპექტირებას და მონიტორინგს;

ბ) გადამზადების პროცესის ტექნიკურ-ორგანიზაციული უზრუნველყოფისთვის (პროცესის მონიტორინგის, მსმენელთა შერჩევის და ინფორმირების ორგანიზება/ადმინისტრირებისათვის) პროგრამის კოორდინატორების, შესყიდვის სპეციალისტისა და ფინანსური სპეციალისტის დაქირავებას.

3. პროგრამის განხორციელების პროცესს კოორდინაციას უწევს საქართველოს შრომის, ჯანმრთელობისა და სოციალური დაცვის სამინისტროს რეფორმების კოორდინაციის ოფისი (დეპარტამენტი), ხოლო მზადების ხარისხის უზრუნველყოფას კოორდინაციას უწევს საქართველოს შრომის, ჯანმრთელობისა და სოციალური დაცვის სამინისტროს რეგულირების დეპარტამენტი, რომლის წინაშეც ანგარიშვალდებულია მზადების პროგრამების ხარისხის უზრუნველყოფის ჯგუფი.

 4. ოჯახის ექიმებისა და ექთნების, ასევე გადაუდებელი დახმარების სპეციალისტების და მენეჯერების გადამზადების ორგანიზაციული და ფუნქციური მოწყობა ხორციელდება შემდეგი სქემის შესაბამისად:

 

 

    მუხლი 30. კომპონენტის ბიუჯეტი

კომპონენტის ბიუჯეტი განისაზღვრება 116 743 ლარით.

დანართი №2-ის  №1დანართი

სამედიცინო პერსონალის მომზადება-გადამზადების პროგრამის ბიუჯეტი

 

 ** დღეების რაოდენობა“

საქართველოს შრომის, ჯანმრთელობისა და სოციალური დაცვის მინისტრის 2007 წლის 26 მარტის ბრძანება №101/ნ-სსმIII, №42, 28.03.2007წ.; მუხ.480

საქართველოს შრომის, ჯანმრთელობისა და სოციალური დაცვის მინისტრის 2007 წლის 8 ოქტომბრის ბრძანება №291/ნ-სსმIII, №140, 09.10.2007წ.; მუხ.1555

 

თავი VIII

ფსიქოაქტიური ნივთიერებების მოხმარებისა და მიღების ფაქტების დადგენის და სამოხელეო დონეზე ადმინისტრირების კომპონენტი

საქართველოს შრომის, ჯანმრთელობისა და სოციალური დაცვის მინისტრის 2007 წლის 8 ოქტომბრის ბრძანება №291/ნ-სსმIII, №140, 09.10.2007წ.; მუხ.1555

    მუხლი 31. კომპონენტის ამოცანა

შინაგან საქმეთა სამინისტროს ნარკოლოგიურ ექსპერტიზაში დაკავებული ექიმებისათვის ფსიქოაქტიური ნივთიერებების მოხმარებისა და მიღების ფაქტების დადგენის და სამოხელეო დონეზე ადმინისტრირების სწავლება.

საქართველოს შრომის, ჯანმრთელობისა და სოციალური დაცვის მინისტრის 2007 წლის 8 ოქტომბრის ბრძანება №291/ნ-სსმIII, №140, 09.10.2007წ.; მუხ.1555

    მუხლი 32. კომპონენტის ბენეფიაციარები

კომპონენტის ფარგლებში გათვალისწინებულია საქართველოს მასშტაბით 45 ექიმის მომზადება, საქართველოს შინაგან საქმეთა სამინისტროს მიერ წარმოდგენილი სიის შესაბამისად.

საქართველოს შრომის, ჯანმრთელობისა და სოციალური დაცვის მინისტრის 2007 წლის 8 ოქტომბრის ბრძანება №291/ნ-სსმIII, №140, 09.10.2007წ.; მუხ.1555

    მუხლი 33. კომპონენტის განხორციელების მეთოდოლოგია

1. კომპონენტის ფარგლებში გადასამზადებელი პერსონალის შერჩევას განახორციელებს საქართვე-ლოს შინაგან საქმეთა სამინისტრო.

2. პერსონალი მზადებას გაივლის საქართველოს შრომის, ჯანმრთელობისა და სოციალური დაცვის სამინისტროს დიპლომის შემდგომი და უწყვეტი სამედიცინო განათლების საბჭოს მიერ 2007 წლის 14 მაისს აკრედიტებული №2007157 სასწავლო პროგ-რამის შესაბამისად.            

3. გადამზადებულთა საბოლოო შეფასება ტარდება მიმწოდებლის მიერ, რომელსაც ზედამხედველობას უწევს მზადების პროგრამების ხარისხის უზრუნველყოფის ჯგუფი, რომლის შემადგენლობასაც განსაზღვრავს მინისტრი ინდივიდუალური ადმინისტრაციულ-სამართლებრივი აქტით. საბოლოო შეფასების წარმატებით გავლის შემთხვევაში, ხარისხის უზრუნველ-ყოფის ჯგუფის დასკვნის საფუძველზე, გადამზადებულ პირებზე გაიცემა მოწმობა შრომის, ჯანმრთელობისა და სოციალური დაცვის სამინისტროს მიერ (მოწმობების დამზადების ხარჯები გათვალისწინებულია პროგრამის ფარგლებში).

4. კურსდამთავრებულებს მიეცემათ უფლება აწარმოონ საქმიანობა ფსიქოაქტიური ნივთიერებების მოხმარების ფაქტის დადგენის ექსპერტიზაში.

5. მზადების განმახორციელებელი დაწესებულება შეირჩევა ,,სახელმწიფო შესყიდვების შესახებ“ საქართველოს კანონის შესაბამისად.

საქართველოს შრომის, ჯანმრთელობისა და სოციალური დაცვის მინისტრის 2007 წლის 8 ოქტომბრის ბრძანება №291/ნ-სსმIII, №140, 09.10.2007წ.; მუხ.1555

    მუხლი 34. კომპონენტის ბიუჯეტი

კომპონენტის ბიუჯეტი განისაზღვრება 18 000 ლარით.

საქართველოს შრომის, ჯანმრთელობისა და სოციალური დაცვის მინისტრის 2007 წლის 8 ოქტომბრის ბრძანება №291/ნ-სსმIII, №140, 09.10.2007წ.; მუხ.1555

დანართი №3

პირველადი ჯანდაცვის სახელმწიფო პროგრამა

თავი I

ზოგადი დებულებები

           მუხლი 1. პროგრამის ანოტაცია

1. პროგრამის მიზანია, პირველადი ჯანდაცვის მომსახურებაზე საქართველოს მოსახლეობის გეოგრაფიული და ფინანსური ხელმისაწვდომობის გაზრდა.

2. პირველადი ჯანდაცვის პროგრამა შედგება შემდეგი კომპონენტებისაგან:

ა) მოსახლეობის (მათ შორის, მაღალმთიანი რეგიონების მოსახლეობის) ამბულატორიული დახმარების კომპონენტი, რომელიც მოიცავს:

ა.ა) ზოგადი ამბულატორიული დახმარების ქვეკომპონენტს;

ა.ბ) ოჯახის ექიმის მომსახურების ქვეკომპონენტს;

ა.გ) ინკურაბელური პაციენტების პალიატიური სამედიცინო დახმარების ქვეკომპონენტს;

ა.დ) ამოღებულია ;

ბ) სპეციალიზებული ამბულატორიული დახმარების კომპონენტი, რომელიც მოიცავს:

ბ.ა) ფსიქიატრიული დახმარების ქვეკომპონენტს;

ბ.ბ) ფთიზიატრიული დახმარების ქვეკომპონენტს;

ბ.გ) ანტენატალური, მ.შ. ფენილკეტონურიაზე ახალშობილთა სკრინინგი და ფენილკეტონურიითა და ჰიპერფენილალანინემიით დაავადებულ პაციენტთა ამბულატორიული დახმარების ქვეკომპონენტს;

ბ.დ) პატიმართა და მსჯავრდებულთა კომისიური წესით შემოწმების უზრუნველყოფის ქვეკომპონენტს;

გ) გადაუდებელი სასწრაფო დახმარების კომპონენტი;

დ) დიაბეტიან ბავშვთა და მოზარდთა მკურნალობის კომპონენტი (დიაბეტიან ბავშვთა დაცვის ასოციაციის ბაზაზე);

ე) საქართველოს სამხედრო ძალებში გასაწვევ მოქალაქეთა სამედიცინო შემოწმების კომპონენტი.

3. პროგრამის საერთო ბიუჯეტი შეადგენს 41, 400.0 ლარს.

4. პროგრამას 1 ივლისამდე ახორციელებს საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებული საჯარო სამართლის იურიდიული პირი – საქართველოს სოციალური დაზღვევის ერთიანი სახელმწიფო ფონდი (შემდგომში – ფონდი), ხოლო 1 ივლისიდან მისი უფლებამონაცვლე – ჯანმრთელობისა და სოციალური პროგრამების სააგენტო.

5. პროგრამა მოქმედებს მისი ძალაში შესვლიდან 2007 წლის 31 დეკემბრის ჩათვლით.

საქართველოს შრომის, ჯანმრთელობისა და სოციალური დაცვის მინისტრის 2007 წლის 31 მაისის ბრძანება №164/ნ-სსმIII, №76, 31.05.2007წ.; მუხ.825

საქართველოს შრომის, ჯანმრთელობისა და სოციალური დაცვის მინისტრის 2007 წლის 27 სექტემბრის ბრძანება №286/ნ-სსმIII, №137, 01.10.2007წ.; მუხ.1489

           მუხლი 2. არსებული მდგომარეობა

1. პირველადი ჯანდაცვის სახელმწიფო პროგრამა ერთიან ფორმატში პირველად შემუშავდა 2003 წელს, სადაც მოხდა წინა წლების სხვადასხვა სამკურნალო თუ პრევენციული სახელმწიფო პროგრამებით განსაზღვრული პირველადი სამედიცინო მომსახურების კომპონენტების ინტეგრირება. მისი მიზანი მოსახლეობის ჯანმრთელობის მდგომარეობის გაუმჯობესება იყო.

2. პირველადი ჯანდაცვის სახელმწიფო პროგრამის ღირებულება 13,335 ათას ლარსა (2003 წელს) და 21,340 ათას ლარს შორის (2006 წელს) ვარირებდა.

3. 2003 წელს პროგრამის ბენეფიციარებს წარმოადგენდა ქვეყნის მოსახლეობა, ქალაქების თბილისისა და ბათუმის 3 წელს ზემოთ მოსახლეობის გარდა, რაც შეადგენდა 3,483,575 ადამიანს, მათ შორის, მაღალმთიან რეგიონებში მცხოვრები 435 ათასი ადამიანი. 2005 წლიდან პროგრამაში გაერთიანდა ქ. თბილისისა და ქ. ბათუმის 3 წელს ზემოთ მოსახლეობაც.

4. სსიპ „ლ. საყვარელიძის სახ. დაავადებათა კონტროლისა და სამედიცინო სტატისტიკის ეროვნული ცენტრის“ 2005 წლის მონაცემებით პირველადი ჯანდაცვის დაწესებულებებში მიმართვების საშუალო მაჩვენებელი ერთ სულზე 1. 85 ვიზიტია წელიწადში; 2001 წლიდან 2005 წლამდე მიმართვების მაჩვენებელი მცირედ გაიზარდა 1,24-დან 1,85-მდე, მაგრამ ძირითადად 15 წლამდე ბავშვთა მიმართვების ხარჯზე. მიმართვები რეგიონების მიხედვით ასეთია:

           მუხლი 3. ინფრასტრუქტურა

1. ლ. საყვარელიძის სახ. დაავადებათა კონტროლისა და სამედიცინო სტატისტიკის ეროვნული ცენტრის 2004 წლის ინფორმაციით ამბულატორიულ-პოლიკლინიკური ქსელი მოიცავს 685 ამბულატორიულ დაწესებულებას სოფლად (ამბულატორია/პჯდ არის პირველადი დონის სამკურნალო-პროფილაქტიკური დაწესებულება, უპირატესად ორგანიზებული მოსახლეობის საცხოვრებელი ადგილის სიახლოვეში ოჯახის ექიმის ან ზოგადი თერაპევტისა და პედიატრის მიერ პირველადი ჯანდაცვის გუნდთან ერთად, რომელსაც შეადგენენ ზოგადი პრაქტიკის ექთნები).

2. 357 პოლიკლინიკას რაიონულ ცენტრებსა და ქალაქებში (პოლიკლინიკა არის პირველადი დონის სამკურნალო-პროფილაქტიკური დაწესებულება ორგანიზებული უპირატესად რაიონულ ცენტრებსა და ქალაქებში, რომელიც ახორციელებს ყველა ტიპის (ზოგადი და სპეციალიზებული) დახმარებას ადგილზე და ბინაზე), მაგრამ გარდა ამბულატორიული ტიპის დაწესებულებებისა ამავე ტიპის მომსახურება იწარმოება საავადმყოფო დაწესებულებების მიერ, რომელიც, სამწუხაროდ, ქვეყნის სტატისტიკურ სისტემაში ადეკვატურად არ აღირიცხება, ამიტომ ამ მომსახურების მოცულობაზე მხოლოდ კვლევებით მოპოვებული ინფორმაცია არსებობს.

3. 2003-2006 წლის პროგრამაში მონაწილეობდა სულ 1771-1870 სამედიცინო ბრიგადა. მათ შორის, მაღალმთიან რეგიონებში – 307, ქალაქებში – 246, სოფლად – 1218. 2005-2006 წლებში ქ. თბილისში პროგრამაში მონაწილე დაწესებულებების შერჩევა მოხდა ტენდერის გზით.

4. სამართლებრივ-ორგანიზაციული ფორმით პირველადი ჯანდაცვის სამედიცინო მომსახურების მომწოდებლები შემდეგნაირად იყოფიან:

ა) ამბულატორიები – 248 ერთული;

ბ) ამბულატორიულ-პოლიკლინიკურ გაერთიანებაში შემავალი ამბულატორიები – 437 ერთეული, ძირათადად კახეთში და აჭარაში (ამბულატორიულ-პოლიკლინიკური გაერთიანება არის პირველადი დონის ჯანდაცვის დაწესებულება, რომელიც ორგანიზებულია რაიონულ დონეზე. ამბულატორიულ-პოლიკლინიკური გაერთიანება შედგება პოლიკლინიკისა და მასზე დაქვემდებარებული ამბულატორიებისაგან);

გ) საფერშლო-საბებიო პუნქტები – 381, ძირითადად აჭარაში.

           მუხლი 4. პრობლემების აღწერა

1. ჯანდაცვის სტრატეგიის თანახმად, ამოსავალი პრობლემა დაბალი ფინანსური ხელმისაწვდომობის გამო, მოსახლეობის ჯანმრთელობის ცუდი/არასახარბიელო მაჩვენებლებია, რომელიც გარკვეულწილად განპირობებულია ამბულატორიული სამედიცინო მომსახურების დაბალი მოხმარებით.

2. საქართველოს ჯანმრთელობის დაცვის სისტემის რეფორმის ერთ-ერთი მთავარი მიზანი პირველადი ჯანდაცვის თანამედროვე და მოქნილი სისტემის შექმნაა, რომელიც აღიარებულ პრინციპებსა და კონცეფციას დაემყარება. ამგვარი ტრანსფორმაციისა და პირველადი ჯანდაცვის ეფექტური მოდელის ჩამოყალიბების აუცილებლობის ნათელი დადასტურებაა მოსახლეობის ჯანმრთელობის მდგომარეობის არასახარბიელო მაჩვენებლები, რომლებიც მრავალი ფაქტორის შედეგია, მათ შორის, უნდა აღინიშნოს მძიმე სოციალური მდგომარეობა, რის გამოც პაციენტების უმრავლესობას არა აქვს საშუალება გადაიხადოს სამედიცინო მომსახურების და მედიკამენტების საფასური, ამას ემატება ჯანმრთელობასთან დაკავშირებულ საკითხებზე მოსახლეობის განათლების დაბალი დონე და ამბულატორიულ-პოლიკლინიკური ქსელის მოძველებული ფიზიკური ინფრასტრუქტურა, რომელიც ყოფილი საბჭოთა სისტემის გადმონაშთია და არსებულ რეალობასთან – ფინანსური რესურსების სიმწირესთან და ინფრასტრუქტურაში ინვესტიციების მუდმივ ნაკლებობასთან არის მორგებული. ასეთი ქსელი ნაკლებად მიმზიდველია პაციენტების უმრავლესობისათვის. ყოველივე ზემოაღნიშნულის გამო, მოსახლეობა თითქმის არ მიმართავს პჯდ დაწესებულებებს. უკანასკნელ წლებში კატასტროფულად შემცირდა პჯდ დონეზე სახელმწიფო სამედიცინო მომსახურების უტილიზაცია (1990 წლიდან დღემდე ერთ სულ მოსახლეზე მიმართვიანობა 7-8-იდან შემცირდა 1.85 ვიზიტამდე – სამედიცინო სტატისტიკის დეპარტამენტის 2005 წლის მონაცემებით), სოფლის ამბულატორიებში უტილიზაციის დონე კიდევ უფრო ნაკლებია (ერთ სულ მოსახლეზე საშუალოდ 1 ვიზიტი წელიწადში). დაბალია სამიზნე მოსახლეობის მოცვის მაჩვენებელიც.

           მუხლი 5. დაფარვის ცნება

1. პროგრამის შედეგების იერარქიის გააზრებისას ტერმინი „პირველადი ჯანდაცვის მომსახურებით მოსახლეობის დაფარვა“ აერთიანებს ორ ასპექტს:

ა) მოსახლეობის მოცვას, ანუ მიუთითებს მოსახლეობის რაოდენობაზე, რომელიც მომსახურების არეში იმყოფება და რომელსაც გაუადვილეს მომსახურების მიღება/ყიდვა პროგრამით დაფინანსების შედეგად; ეს არ ნიშნავს, რომ მომსახურებით „დაფარული“ მოსახლეობა აუცილებლად სარგებლობს/იყენებს ამ სიკეთეს (შეიძლება არ არის საჭიროება, ანდა ამჯობინებენ სხვაგან მიიღონ მომსახურება გარკვეული მიზეზების გამო);

ბ) მომსახურების სრულფასოვნებას, ანუ რა ასორტიმენტისა და მოცულობის მომსახურებას სთავაზობს პროგრამა; ვინაიდან პირველადი ჯანდაცვის მომსახურება არის მრავალკომპონენტიანი, ანუ მომსახურების პაკეტები შეიძლება განსხვავდებოდნენ მათში შემავალი მომსახურების ასორტიმენტითა და მოცულობით, მნიშვნელოვანია გავიაზროთ პაკეტის „შიგთავსი“; სხგაგვარად, საკმარისი იქნებოდა გვესარგებლა ტერმინით „მოცვა“, რომელიც გეოგრაფიულ მოცვასთან არის გაიგივებული.

2. დაფარვის ცნება გულისხმობს, რა სრულფასოვნების პაკეტით მოსახლეობის რა ნაწილი იქნა მოცული; სრულფასოვნების ხარისხის განსაზღვრის მიზნით გამოყენებულია შემდეგი გრადაციები:

ა) მარტივი – მაგალითად, ერთი ვიზიტ-გასინჯვა სამედიცინო დაწესებულებაში, დაავადებების აქტიური გამოვლენისთვის ერთი ვიზიტი ბინაზე;

ბ) ნაწილობრივი – მარტივი, სპეციალისტების შეზღუდული რაოდენობა, ლაბორატორიული გამოკვლევების შეზღუდული რაოდენობა;

გ) სრული – ნაწილობრივი, სპეციალისტების სრული სპექტრი, გამოკვლევების სრული სპექტრი, აუცილებელი მედიკამენტები.

3. დღეისათვის როგორც ოჯახის ექიმის მომსახურების, ასევე ზოგადი ამბულატორიული დახმარების პროგრამები მოსახლეობას უზრუნველყოფს სერვისების ნაწილობრივი პაკეტით.

           მუხლი 6. ეტაპობრივი გადასვლა პჯდ ახალ მოდელზე

პროგრამა პასუხობს რა ჯანმრთელობის დაცვის რეფორმის პრიორიტეტებს, ასევე ითვალისწინებს პირველადი ჯანდაცვის ახალი მოდელის დანერგვის დინამიკას, ორიენტირებულია ჯანდაცვის სისტემის მდგრადობის უზრუნველსაყოფად:

ა) ერთის მხრივ, პჯდ-ის ახალი მოდელით მიწოდებული მომსახურებით მოსახლეობის მოცვით გაზრდის ხარჯზე;

ბ) ამბულატორიული მომსახურების არსებული სიმძლავრეების შენარჩუნებით და შემდგომი განვითარებით, რათა გადასვლა ახალ მოდელზე მოხდეს მოსახლეობისათვის უმტკივნეულოდ;

გ) ახალი სისტემა უზრუნველყოფს რა ჯანდაცვის სექტორში არსებული რესურსების ეფექტურ, სამართლიან და თანაბარ გადანაწილებას, ნაცვლად სამედიცინო დახმარების შეზღუდული პაკეტისა, მოსახლეობას შესთავაზებს ყოვლისმომცველ და ხარისხიან მომსახურებას, რომელიც ხელმისაწვდომი იქნება ყველა მოქალაქისათვის, მიუხედავად მისი ასაკის, სქესის თუ სოციალური მდგომარეობისა;

დ) სისტემის ტრანსფორმაცია ხანგრძლივი და რთული პროცესია და ითვალისწინებს პირველადი ჯანდაცვის მოდელზე ეტაპობრივად გადასვლას.

           მუხლი 7. გადახდის მექანიზმები

გადახდის მექანიზმების შერჩევისას გათვალისწინებული იქნა შემდეგი პრინციპები და მიდგომები (ჩამოთვლილი მნიშვნელობის მიხედვით):

ა) ადმინისტრირების სიმარტივე და მინიმალური ტრანზაქციული ხარჯები – როგორც გადამხდელთან ანგარიშგების სიმარტივის, ისე ანაზღაურების ოდენობის დადგენისა და გადახდის თვალსაზრისით;

ბ) სამედიცინო მომსახურების წარმოებისთვის მინიმალური სიმძლავრის უზრუნველყოფა;

გ) სამედიცინო პერსონალისათვის მოტივაციების შექმნა რაციონალური მკურნალობისათვის – პჯდ ახალ მოდელზე გადასვლასთან ერთად.

თავი II

მოსახლეობის ( მათ შორის, მაღალმთიანი რეგიონების მოსახლეობის) ამბულატორიული დახმარების კომპონენტი

           მუხლი 8. ამბულატორიული მომსახურება

1. ამბულატორიული მომსახურების პაკეტში არსებულ სერვისებს უფასოდ მიიღებს საქართველოს ყველა მოქალაქე ასაკის, სქესისა და სოციალური მდგომარეობის მიუხედავად.

2. ამბულატორიული მომსახურების პაკეტი მოიცავს შემდეგ სერვისებს:

ა) ექიმთან ვიზიტი;

ბ) ექთანთან ვიზიტი;

გ) სამედიცინო მომსახურების ახალი მომხმარებლის/პაციენტის რეგისტრაცია და შეფასება შემდგომი მეთვალყურეობის დაწესების მიზნით;

დ) ექიმის ან ექთნის ვიზიტი ბინაზე წელიწადში 4-ჯერ შემდეგი კატეგორიის პაციენტებისათვის:

დ.ა) მეორე მსოფლიო ომის მონაწილეები;

დ.ბ) მათთან გათანაბრებული და საქართველოს ტერიტორიული მთლიანობის საბრძოლო მოქმედებებში მონაწილე პირები;

დ.გ) მუდმივად მწოლიარე (გადაადგილების უნარს მოკლებული) პირები.

ე) ონკოინკურაბელურ პაციენტებთან ბინაზე ნებისმიერი გამოძახება ხდება უფასოდ უბნის ექიმისა და ონკოლოგის მიერ განსაზღვრული საჭიროების შესაბამისად;

ვ) ექიმის ან ექთნის ვიზიტი ბინაზე 3 წლამდე ბავშვებში (დანართი №3¹);

ზ) ექიმის მიერ მედიკამენტების გამოწერა (დანიშნულების მიცემა);

თ) გადაუდებელი ამბულატორიული მომსახურებისათვის აუცილებელი მედიკამენტებით და სამედიცინო დანიშნულების საგნებით პაციენტის უზრუნველყოფა ,,ექიმის ჩანთიდან“ (დანართი №3²);

ი) ბავშვებისა და მოზარდების განვითარებაზე მეთვალყურეობა (დანართი №3¹) ;

კ) ქრონიკული დაავადებების მართვა (ჰიპერტონული დაავადება, შაქრიანი დიაბეტი, გულის იშემიური დაავადება, ბრონქული ასთმა, ონკოინკურაბელური პაციენტები – IV კლინიკური ჯგუფი);

ლ) ჰიპერტონული დაავადების გამოვლენა და რეგისტრაცია;

მ) იმუნიზაცია და ვაქცინაცია იმუნიზაციის ეროვნული კალენდრის მიხედვით და სამიზნე მოსახლეობის ადეკვატური მოცვა;

ნ) ლაბორატორიული გამოკვლევები ექსპრეს დიაგნოსტიკური მეთოდით: შარდის ანალიზი, გლუკოზა პერიფერიულ სისხლში, ორსულობის ტესტი, ჰემოგლობინი, განავლის ანალიზი ფარულ სისხლდენაზე და სხვა;

ო) დიაგნოსტიკური გამოკვლევები: არტერიული წნევის გაზომვა, ანთროპომეტრია;

პ) რეფერალი კონტრაქტირებულ სპეციალისტებთან (იხ. პუნქტი 4); ექიმის რეფერალის გარეშე სპეციალისტების კონსულტაცია ანაზღაურდება პაციენტის მიერ;

ჟ) ლაბორატორიული გამოკვლევები (კონტრაქტირებულ შესაფერისი შესაძლებლობების ლაბორატორიაში); ექიმის რეფერალის გარეშე ლაბორატორიული გამოკვლევები ანაზღაურდება პაციენტის მიერ;

რ) ორსულების, ფთიზიატრიული და ფსიქიატრიული და ენდოკრინული პაციენტების გამოვლენა და რეფერალი სპეციალიზებულ დაწესებულებაში.

ს) ტუბერკულოზით დაავადებული პაციენტების უშუალო მეთვალყურეობის ქვეშ (DOT) მკურნალობის უზრუნველყოფა.

3. კომპონენტით გათვალისწინებულია შემდეგი კლინიკო-ლაბორატორიული გამოკვლევები (კლინიკო-ლაბორატორიული გამოკვლევები შეიძლება გაკეთდეს როგორც ამბულატორიაში, ასევე რაიონულ ან რეგიონულ ლაბორატორიებში):

ა) სისხლის საერთო ანალიზი;

ბ) შარდის საერთო ანალიზი;

ბ) კრეატინინი;

გ) ელექტროკარდიოგრაფია;

დ) რენტგენოგრაფია – 0-3 წლის ბავშვები და ფთიზიატრიული პროფილის პაციენტები.

4. კომპონენტით გათვალისწინებულია შემდეგი სპეციალისტების მონაწილეობა:

ა) სპეციალისტები: ნევროლოგი, ენდოკრინოლოგი; ქირურგი/ორთოპედი (ბავშვთა ასაკისათვის), ონკოლოგი; რენტგენოლოგი, ოტორინოლარინგოლოგი, ოფთალმოლოგი;

ბ) სპეციალიზირებული ამბულატორიული პროგრამით განსაზღვრული სპეციალისტები: ფთიზიატრი, ფსიქიატრი, მეან-გინეკოლოგი ორსულებისათვის.

საქართველოს შრომის, ჯანმრთელობისა და სოციალური დაცვის მინისტრის 2007 წლის 10 აპრილის ბრძანება №130/ნ-სსმIII, №49, 10.04.2007წ.; მუხ.550

           მუხლი 9. ოჯახის ექიმის მომსახურება

1. ოჯახის ექიმის მომსახურების პაკეტი მოიცავს შემდეგ სერვისებს:

ა) ექიმთან ვიზიტი;

ბ) ექთანთან ვიზიტი;

გ) სამედიცინო მომსახურების ახალი მომხმარებლის/პაციენტის რეგისტრაცია და შეფასება შემდგომი მეთვალყურეობის დაწესების მიზნით;

დ) ექიმის ან ექთნის ვიზიტი ბინაზე საჭიროების შემთხვევაში;

ე) ექიმის მიერ მედიკამენტების გამოწერა (დანიშნულების მიცემა);

ვ) გადაუდებელი ამბულატორიული მომსახურებისათვის აუცილებელი მედიკამენტებით და სამედიცინო დანიშნულების საგნებით პაციენტის უზრუნველყოფა ,,ექიმის ჩანთიდან“ (დანართი №3²);

ზ) ორსულების, ფთიზიატრიული და ფსიქიატრიული და ენდოკრინული პაციენტის გამოვლენა და რეფერალი;

თ) ორსულთა და მელოგინეთა მეთვალყურეობა პროფესიული პასუხისმგებლობის ფარგლებში (დანართი №3³);

ი) ოჯახის დაგეგმვასთან დაკავშირებული მომსახურება (დანართი №3⁴);

კ) ბავშვებისა და მოზარდების განვითარებაზე მეთვალყურეობა (დანართი №3¹);

ლ) ტუბერკულოზით დაავადებული პაციენტების უშუალო მეთვალყურეობის ქვეშ (DOT) მკურნალობის უზრუნველყოფა;

მ) მოსახლეობის სკრინინგული შემოწმება სპეციფიკური პრობლემების გამოვლენის მიზნით;

ნ) გავრცელებული ქრონიკული დაავადებების მართვა;

ო) იმუნიზაცია და ვაქცინაცია ქვეყნის ეროვნული იმუნიზაციის კალენდრის მიხედვით და სამიზნე მოსახლეობის ადეკვატური მოცვა;

პ) ლაბორატორიული გამოკვლევები ექსპრეს დიაგნოსტიკური მეთოდით: შარდის ანალიზი, გლუკოზა პერიფერიულ სისხლში, ჰემოგლობინი, ორსულობის დასადგენი ტესტი, განავლის ანალიზი ფარულ სისხლდენაზე და სხვა;

ჟ) დიაგნოსტიკური გამოკვლევები: ელექტროკარდიოგრაფია, ოტოსკოპია, ოფთალმოსკოპია, პიკფლუომეტრია, არტერიული წნევის გაზომვა, ანთროპომეტრია;

რ) რეფერალი კონტრაქტირებულ სპეციალისტებთან (ოჯახის ექიმის რეფერალის გარეშე სპეციალისტების კონსულტაცია ანაზღაურდება პაციენტის მიერ);

ს) ლაბორატორიული გამოკვლევები (კონტრაქტირებულ შესაფერისი შესაძლებლობების ლაბორატორიაში); ოჯახის ექიმის რეფერალის გარეშე ლაბორატორიული გამოკვლევები ანაზღაურდება პაციენტის მიერ.

2. ოჯახის ექიმის მომსახურებისას გათვალისწინებულია შემდეგი ლაბორატორიული გამოკვლევები:

ა) სისხლის საერთო ანალიზი;

ბ) შარდის საერთო ანალიზი;

ბ) კრეატინინი;

გ) ელექტროკარდიოგრაფია და სხვა;

დ) რენტგენოგრაფია 0-3 წლის ბავშვები და ფთიზიატრიული პროფილის პაციენტები.

3. კომპონენტში მონაწილე სპეციალისტთა ჩამონათვალი:

ა) სპეციალისტები: ნევროლოგი, ენდოკრინოლოგი; ქირურგი/ორთოპედი (ბავშვთა ასაკისათვის), ონკოლოგი; რენტგენოლოგი, ოტორინოლარინგოლოგი, ოფთალმოლოგი;

ბ) სპეციალიზებული ამბულატორიული პროგრამით განსაზღვრული სპეციალისტები: ფთიზიატრი, ფსიქიატრი, მეან-გინეკოლოგი – ორსულებისათვის.

საქართველოს შრომის, ჯანმრთელობისა და სოციალური დაცვის მინისტრის 2007 წლის 10 აპრილის ბრძანება №130/ნ-სსმIII, №49, 10.04.2007წ.; მუხ.550

           მუხლი 10. ინკურაბელურ პაციენტთა პალიატიური სამედიცინო დახმარება

მომსახურების პაკეტი ითვალისწინებს ქ. თბილისში ინკურაბელურ ავადმყოფთა ბინაზე პალიატიური მზრუნველობის განხორციელებას შესაბამისი მობილური გუნდის მიერ, რომელთა შემადგენლობაშიც შედიან:

ა) ორი სპეციალურად მომზადებული ექიმი (ძირითადი და სათადარიგო);

ბ) რაიონის ონკოლოგი, რომელიც უფლებამოსილია გამოწეროს ოპიოიდური ანალგეზური საშუალება;

გ) სამი სპეციალურად მომზადებული ექთანი.

           მუხლი 11. ამოღებულია

საქართველოს შრომის, ჯანმრთელობისა და სოციალური დაცვის მინისტრის 2007 წლის 10 აპრილის ბრძანება №130/ნ-სსმIII, №49, 10.04.2007წ.; მუხ.550

თავი III

სპეციალიზებული ამბულატორიული დახმარების კომპონენტი

           მუხლი 12. ფთიზიატრიული მომსახურება

1. ტუბერკულოზის საეჭვო შემთხვევის გამოვლენა ხდება პირველადი ჯანდაცვის დონეზე (ამბულატორია, პოლიკლინიკა, საოჯახო მედიცინის ცენტრი) მომუშავე სამედიცინო პერსონალის მიერ.

2. ზოგადი პროფილის ექიმის /ოჯახის ექიმის მიერ ტუბერკულოზის ყველა საეჭვო შემთხვევა გამოკვლევებისათვის რეფერალით იგზავნება სპეციალიზებულ ქსელში.

3. სპეციალიზებულ ქსელში თვითდინებით მისული ან რეფერალით გაგზავნილი ტუბერკულოზის ყველა საეჭვო შემთხვევის გამოკვლევა მოიცავს შემდეგ სერვისებს:

ა) ფთიზიატრის კონსულტაცია;

ბ) კლინიკო-დიაგნოსტიკური გამოკვლევები (რთული სადიაგნოსტიკო შემთხვევების დიაგნოზირებისათვის შეიძლება პაციენტი მიმართულ იქნეს სტაციონარში):

ბ.ა) ნახველის ბაქტერიოლოგიური გამოკვლევა (3-ჯერადი ბაქტერიოსკოპია, კულტურალური გამოკვლევა, წამლებისადმი მდგრადობის განსაზღვრა ჩვენების მიხედვით);

ბ.ბ) რენტგენოლოგიური გამოკვლევა;

ბ.გ) სისხლის საერთო ანალიზი;

გ) ორკვირიანი კურსი ფართო სპექტრის ანტიბიოტიკებით, დიფერენციალური დიაგნოზისთვის.

4. ტუბერკულოზის დიაგნოზის დადასტურების ან გამორიცხვის შემთხვევაში სპეციალიზებული ქსელიდან ინფორმაცია მიეწოდება პირველადი ჯანდაცვის დაწესებულებას.

5. დიაგნოზის დადასტურების შემთხვევაში ხდება პაციენტის რეგისტრაცია ტუბ. დაწესებულებაში (კაბინეტი, დისპანსერი) და ამბულატორიული ან სტაციონარული მკურნალობის სტრატეგიის განსაზღვრა.

6. ამბულატორიული მკურნალობისას ტუბერკულოზით დაავადებულთა მომსახურება ითვალისწინებს შემდეგ სერვისებს:

ა) ქიმიოთერაპიის სრული კურსი I რიგის ანტიტუბერკულოზური მედიკამენტებით (ინტენსიური და გაგრძელებითი ფაზა);

ბ) პირველად ჯანდაცვასთან მჭიდრო თანამშრომლობით უშუალო ზედამხედველობის ქვეშ მკურნალობის განხორციელება (DOT) შესაბამისი რეკომენდაციების შესაბამისად;

გ) ფილტვის აქტიური ბაქტერიაგამოყოფით მიმდინარე მგბ(+) ტუბერკულოზით დაავადებულ პაციენტებთან მჭიდრო კონტაქტში მყოფი პირების მოძიება და მათი გამოკვლევა.

დ) შემთხვევის მართვა და მკურნალობის მონიტორინგი (მკურნალობის სრული კურსის განმავლობაში პერიოდული გამოკვლევები გაიდლაინების შესაბამისად) პირველად ჯანდაცვასთან მჭიდრო თანამშრომლობით;

ე) პროგრამის ფარგლებში ინტენსიური და გაგრძელებითი ქიმიოთერაპია ჩაუტარდებათ: ფილტვის ტუბერკულოზით დაავადებულ ყველა მგბ(+) პაციენტს, რომელთაც უარი განაცხადეს სტაციონარულ მკურნალობაზე; ფილტვისა და ფილტვგარეშე ტუბერკულოზით დაავადებულ მგბ(–) პაციენტებს; იმ პაციენტებს, რომელთაც მკურნალობის ინტენსიური ფაზა გაიარეს სტაციონარში.

საქართველოს შრომის, ჯანმრთელობისა და სოციალური დაცვის მინისტრის 2007 წლის 10 აპრილის ბრძანება №130/ნ-სსმIII, №49, 10.04.2007წ.; მუხ.550

           მუხლი 13. ფსიქიატრიული მომსახურება

1. ფსიქიკური ჯანმრთელობის პრობლემების არსებობის დადგენა ხდება პირველადი ჯანდაცვის დონეზე (ამბულატორია, პოლიკლინიკა, ოჯახის ექიმის ცენტრი) მომუშავე სამედიცინო პერსონალის მიერ.

2. პირველადი ჯანდაცვის ექიმი რეფერალით პაციენტს აგზავნის ფსიქიატრთან.

3. ფსიქიატრიული დახმარება ითვალისწინებს მომსახურების შემდეგ პაკეტებს:

ა) ოჯახის ექიმის/ზოგადი პროფილის ექიმის მიმართვით გადაგზავნილი პაციენტების მომსახურება;

ბ) აღრიცხვაზე აყვანილი პაციენტების მომსახურება;

გ) იძულებით ამბულატორიულ ფსიქიატრიულ მკურნალობაზე მყოფი პაციენტების მომსახურება;

დ) ბავშვთა და მოზარდთა ფსიქოსოციალური რეაბილიტაცია;

ე) მოზრდილთა ფსიქოსოციალური რეაბილიტაცია.

  4. ამ მუხლის მესამე პუნქტის ,,ა“, ,,ბ“, ,,გ“, მომსახურების პაკეტები მოიცავს შემდეგ სერვისებს:

ა) პაციენტის პირველადი ვიზიტი ფსიქიატრთან;

ბ) დიაგნოზის დადასტურების შემთხვევაში პაციენტების აღრიცხვაზე აყვანა;

გ) პაციენტის განმეორებითი ვიზიტები;

დ) საჭიროების შემთხვევაში სხვა სპეციალისტების (ფსიქოლოგი, ნევროლოგი, მეორე ფსიქიატრი) კონსულტაცია;

ე) აღრიცხვაზე მყოფი პაციენტების უზრუნველყოფა (ნეიროლეფსიური საშუალებები, ტრანკვილიზატორები, პარკისონიზმის საწინააღმდეგო საშუალებები, ანტიდეპრესანტები, ნოოტროპული საშუალებები, კრუნჩხვის საწინააღმდეგო საშუალებები) მედიკამენტებით მკურნალი ექიმი-ფსიქიატრის დანიშნულების მიხედვით;

ვ) დინამიური მეთვალყურეობისა და მკურნალობის შემდგომი სტრატეგიის განსაზღვრა;

ზ) საჭიროების შემთხვევაში ექიმი-ფსიქიატრის ვიზიტი პაციენტთან ბინაზე;

თ) საჭიროების შემთხვევაში ექთნის ვიზიტი ბინაზე;

ი) ფსიქიკური აშლილობის მქონე პაციენტების უზრუნველყოფა ამ პუნქტის ,,გ“, ,,დ“, ,,ე“, ,,ვ“, ,,ზ“, ,,თ“ ქვეპუნქტებით განსაზღვრული მომსახურებით (დანართი 3¹⁴).

 5. ფსიქოსოციალური რეაბილიტაცია მოიცავს შემდეგ სერვისებს:

ა) იმ პაციენტების შერჩევა, რომელთაც ესაჭიროებათ სოციალურ უნარ-ჩვევათა და შემეცნებითი უნარების აღდგენა/გავარჯიშება;

ბ) შესაბამისი სამედიცინო პერსონალის მიერ (ექიმი, ფსიქოლოგი, სოციალური მუშაკი) პაციენტთა შეფასება სპეციალური ტესტებით და ჯგუფების დაკომპლექტება;

გ) ფსიქო-სოციალური რეაბილიტაციის მეთოდების ჩატარება (სოციალურ უნარ-ჩვევათა აღდგენა/გავარჯიშება, ინტეგრირებული ფსიქოლოგიური თერაპია) ;

დ) პაციენტის საბოლოო შეფასება ტესტების საშუალებით.

საქართველოს შრომის, ჯანმრთელობისა და სოციალური დაცვის მინისტრის 2007 წლის 10 აპრილის ბრძანება №130/ნ-სსმIII, №49, 10.04.2007წ.; მუხ.550

საქართველოს შრომის, ჯანმრთელობისა და სოციალური დაცვის მინისტრის 2007 წლის 27 სექტემბრის ბრძანება №286/ნ-სსმIII, №137, 01.10.2007წ.; მუხ.1489

           მუხლი 14. ანტენატალური ზედამხედველობა

1. ანტენატალური ზედამხედველობის მოცულობა განისაზღვრება 4 ანტენატალური ვიზიტით.

2. ძირითადი ვიზიტები ხორციელდება ორსულობის მე-13 კვირამდე, მე-20-22-ე, 30-32-ე და 36-ე კვირაზე და მოიცავს შემდეგ სერვისებს:

ა) სამედიცინო და სამეანო ანამნეზის შეკრება;

ბ) კლინიკური გასინჯვა;

გ) ლაბორატორიული ანალიზები (დანართი 3¹);

დ) კონსულტაცია და რჩევა-დარიგება.

3. ანტენატალური ზედამხედველობა ასევე მოიცავს რისკ-ჯგუფის ორსულების გამოვლენას.

საქართველოს შრომის, ჯანმრთელობისა და სოციალური დაცვის მინისტრის 2007 წლის 10 აპრილის ბრძანება №130/ნ-სსმIII, №49, 10.04.2007წ.; მუხ.550

           მუხლი 15. ფენილკეტონურიაზე ახალშობილთა სკრინინგი და ფენილკეტონურიითა და ჰიპერფენილალანინემიით დაავადებულ პაციენტთა ამბულატორიული დახმარება

მომსახურების პაკეტი მოიცავს შემდეგ სერვისებს:

ა) ჰიპერფენილალანემიის მქონე ახალშობილთა გამოვლენა ქვეყნის ყველა სამშობიარო დაწესებულებაში დაბადებული ყველა ახალშობილის სკრინინგის მეშვეობით;

ბ) ჰიპერფენილალანემიის მქონე ახალშობილთა მეორადი დიაგნოსტიკა დაავადების დადასტურების მიზნით;

გ) ფენილკეტონურიითა და ჰიპერფენილალანინემიით დაავადებულ ბავშვთა ყოველთვიური მონიტორინგი და ამბულატორიული დახმარება ;

დ) ამოღებულია;

ე) ფენილკეტონურიის პათოლოგიური გენების მატარებელი ოჯახების კონსულტირება ამ პათოლოგიათა პრევენციის მიზნით;

ვ) ფენილკეტონურიითა და ჰიპერფენილალანინემიით დაავადებულ ბავშვთა ოჯახების წევრებთან ტრენინგის ჩატარება;

ზ) დიგნოსტიკის დროს აღებული სისხლი ასევე გამოიყენება ჰიპოთირეოზზე სკრინინგისათვის. აღნიშნულ კვლევას აფინანსებს ვიშნევსკაია-როსტროპოვიჩის ფონდი.

საქართველოს შრომის, ჯანმრთელობისა და სოციალური დაცვის მინისტრის 2007 წლის 10 აპრილის ბრძანება №130/ნ-სსმIII, №49, 10.04.2007წ.; მუხ.550

           მუხლი 16. პატიმართა და მსჯავრდებულთა კომისიური წესით შემოწმების უზრუნველყოფა

ამ ქვეკომპონენტით ანაზღაურდება პატიმართა და მსჯავრდებულთა ავადმყოფობის გამო სასჯელისაგან გათავისუფლების შესახებ იუსტიციის სამინისტროსა და შრომის, ჯანმრთელობისა და სოციალური დაცვის სამინისტროს ერთობლივი კომისიის საქმიანობასთან დაკავშირებული ხარჯები.

 

           მუხლი 16 ¹ საქართველოს სამხედრო ძალებში გასაწვევ მოქალაქეთა სამედიცინო შემოწმების კომპონენტი

კომპონენტის ფარგლებში გათვალისწინებულია:

ა) მუდმივმოქმედი სამხედრო სამედიცინო-საექსპერტო კომისიის მიერ შესრულებული სამუშაოების ანაზღაურება;

ბ) საჭიროების შემთხვევაში დამატებითი სამედიცინო გამოკვლევების ჩატარების უზრუნველყოფა;

გ) დამატებითი სამედიცინო გამოკვლევები;

გ.ა) სისხლის საერთო ანალიზი;

გ.ბ) შარდის საერთო ანალიზი;

გ.გ) ფიბროგასტროდუოდენოსკოპია;

გ.დ) ელექტროკარდიოგრაფია;

გ.ე) სისხლის ჯგუფის და რეზუსის განსაზღვრა;

გ.ვ) ფლუოროგრაფია;

გ.ზ) რენტგენოგრაფია;

გ.თ) აივ ანტისხეულების (ანტიგენის) განსაზღვრა სისხლის შრატში სწრაფი/მარტივი მეთოდით;

გ.ი) ექოსკოპია;

გ.კ) HBsAG განსაზღვრა სისხლის შრატში სწრაფი/მარტივი მეთოდით;

გ.ლ) HCV საწინააღმდეგო ანტისხეულების განსაზღვრა სისხლის შრატში სწრაფი/მარტივი მეთოდით;

გ.მ) ათაშანგის დიაგნოსტიკა (ექსპრეს მეთოდით).

საქართველოს შრომის, ჯანმრთელობისა და სოციალური დაცვის მინისტრის 2007 წლის 27 სექტემბრის ბრძანება №286/ნ-სსმIII, №137, 01.10.2007წ.; მუხ.1489

თავი IV

გადაუდებელი სასწრაფო დახმარების კომპონენტი

           მუხლი 17. მომსახურების პაკეტი

სასწრაფო სამედიცინო დახმარება მოიცავს შემდეგ ძირითად სერვისებს:

ა) სასწრაფო სამედიცინო დახმარების ჯგუფის (ექიმი, ექთანი) ვიზიტი პაციენტთან ბინაზე საჭიროების მიხედვით;

ბ) მდგომარეობის კუპირებისათვის პაციენტის უზრუნველყოფა გადაუდებელი საჭიროების მედიკამენტებით, ექიმის ჩანთიდან;

გ) ჰოსპიტალიზაცია, საჭიროების შემთხვევაში;

დ) პატრიოტთა ბანაკების უზრუნველყოფა სასწრაფო სამედიცინო მომსახურებით.

საქართველოს შრომის, ჯანმრთელობისა და სოციალური დაცვის მინისტრის 2007 წლის 10 აპრილის ბრძანება №130/ნ-სსმIII, №49, 10.04.2007წ.; მუხ.550

           მუხლი 18. განხორციელების გეგმა

კომპონენტი განხორციელდება ქ. თბილისის გარდა მთელი საქართველოს მაშტაბით ფინანსური და გეოგრაფიული ხელმისაწვდომობის მაქსიმალური უზრუნველყოფით. მანქანებითა და სამედიცინო ბრიგადებით დაკომპლექტება რეკომენდებულია მოხდეს შემდეგი დაანგარიშებით: – ერთი მანქანა ყოველ 30 000 მოსახლეზე, მაგრამ არა უმცირეს ორისა, ყოველ რაიონზე (აუცილებლობის შემთხვევაში დაშვებული იქნება გამონაკლისი, რათა დაცული იყოს გეოგრაფიული და ფიზიკური ხელმისაწვდომობა) (დანართი №3 12 ).

თავი V

დიაბეტიან ბავშვთა და მოზარდთა მკურნალობის კომპონენტი ( დიაბეტიან ბავშვთა ასოციაციის ბაზაზე )

           მუხლი 19. მომსახურების პაკეტი

1. მომსახურების პაკეტი მოიცავს შემდეგ სერვისებს:

ა) საქართველოში მცხოვრებ შაქრიანი დიაბეტით დაავადებულ ბავშვთა და მოზარდთა (0-25 წლამდე) ადეკვატური სამედიცინო და სარეაბილიტაციო მომსახურებით უზრუნველყოფა;

ბ) საქართველოში მცხოვრებ შაქრიანი დიაბეტით დაავადებულ ბავშვთა და მოზარდთა (0-25 წლამდე) მშობლების სამედიცინო განათლება.

2. დიაბეტიან ბავშვთა და მოზარდთა (0-25 წწ.) სამედიცინო მომსახურების უწყვეტობის და ხარისხის შენარჩუნების მიზნით, მკურნალობის კომპონენტი ხორციელდება დიაბეტიან ბავშვთა დაცვის ასოციაციის ბაზაზე.

3. ასოციაცია უზრუნველყოფს:

ა) რეგისტრირებულ პაციენტთა ლაბორატორიულ გამოკვლევებს (გლიკოჰემოგლობინისა და მიკროალბუმინურიის განსაზღვრა);

ბ) თვალის დაავადებათა გართულებების მონიტორინგს;

გ) დიაბეტით დაავადებულთა და მშობელთა განათლებას;

დ) გლუკოზის თვითკონტროლის განხორციელებას.

თავი VI

მუხლი 20. პროგრამის ამოცანა და ღონისძიებები

1. პროგრამა ემსახურება ბაზისურ სამედიცინო მომსახურებაზე მოსახლეობის ფინანსური ხელმისაწვდომობის გაზრდას (დანართი 3 13 ).

2. ამბულატორიული მომსახურების მოხმარების შენარჩუნება და ოჯახის ექიმის მომსახურების მოხმარების გაზრდა. ამოცანა ჩაითვლება მიღწეულად, თუ 2007 წლისთვის მივიღებთ პირველადი ჯანდაცვის მომსახურების მოხმარების შემდეგი სურათს:

ა) ამბულატორიული მომსახურების საშუალო წლიური მაჩვენებელი მიაღწევს 2 ვიზიტს ერთ სულზე, მათ შორის:

ბ) 0-5 წლამდე ასაკის ბავშვებისთვის – 2 ვიზიტი ერთ სულზე;

გ) ორსულთა ადეკვატური მოცვა ანტენატალური მეთვალყურეობით – 95% (ანტენატალური მეთვალყურეობის ქვეშ მუდმივად (მინიმუმ 4 ვიზიტი) მყოფ ორსულთა ხვედრითი წილი წლის განმავლობაში ნამშობიარებ ქალებში).

3. სახელმწიფო შესყიდვების გეგმას, მოქმედი კანონმდებლობის თანახმად. შეიმუშავებს სსიპ – საქართველოს სოციალური დაზღვევის ერთიანი სახელმწიფო ფონდი (შემდგომში – ფონდი) და წარუდგენს დასამტკიცებლად საქართველოს შრომის, ჯანმრთელობისა და სოციალური დაცვის სამინისტროს (შემდგომში – სამინისტრო).

4. სახელმწიფო შესყიდვები უნდა განხორციელდეს პირველადი ჯანდაცვის პროგრამის ძალაში შესვლიდან 60 დღის განმავლობაში. ყველა იმ შემთხვევაში, როდსაც სახელმწიფო შესყიდვა ითვალისწინებს ერთ პირთან მოლაპარაკების გზით მომსახურების შესყიდვას, სამედიცინო მიმწოდებლებთან კონტრაქტები უნდა გაფორმდეს პირველადი ჯანდაცვის პროგრამის ძალაში შესვლიდან ერთი თვის განმავლობაში.

5. ზოგადი ამბულატორიული მომსახურების შესყიდვისას:

ა) ორი კვირის ვადაში ფონდის სპეციალისტები შეიმუშავებენ საკვალიფიკაციო მოთხოვნებს (პროგრამის მოთხოვნების შესაბამისად);

ბ) ორი კვირის ვადაში ფონდის სპეციალისტები შეიმუშავებენ სატენდერო პირობებს (პროგრამის მოთხოვნების შესაბამისად), რის შემდეგაც ფონდი აცხადებს ტენდერს;

გ) სამინისტრო ,,სახელმწიფო შესყიდვების შესახებ“ საქართველოს კანონის მე-10 მუხლის მე-3 პუნქტის ,,დ“ ქვეპუნქტის შესაბამისად ფონდს აწვდის პროგრამაში მონაწილე დაწესებულებების სიას (იქ, სადაც ხელშეკრულებები ფორმდება ერთ პირთან მოლაპარაკების გზით). ამის შემდეგ ფონდი აფორმებს დაწესებულებებთან ხელშეკრულებას ერთი თვის განმავლობაში. სამედიცინო მომსახურების მომწოდებელთან ხელშეკრულება დაიდება სამედიცინო ჯგუფების იმ რაოდენობაზე, რომელიც განსაზღვრულია კომპონენტით. კერძოდ, 2500-მდე მოსახლეზე ზოგადი პროფილის 1 სამედიცინო ჯგუფი, 2500 – 4500 მოსახლეზე – 2, 4500 – 6500 მოსახლეზე – 3, 6500 – 8000 მოსახლეზე – 4 და ა.შ. 8000-ის შემდეგ ყოველ 2000 კაცზე ერთი სამედიცინო ჯგუფი; ერთი პედიატრიული ჯგუფი – 800 ბავშვზე. მაღალმთიან რაიონებში, კონფლიქტურ და სასაზღვრო ზონებში განსხვავებული იქნება სამედიცინო ჯგუფის რაოდენობის დათვლის პრინციპი, გეოგრაფიული თავისებურებებისა და მდებარეობის გათვალისწინებით. სამედიცინო ჯგუფის შემადგენლობაში შედის 1 ექიმი და 1 ექთანი (მაღალმთიან რეგიონებში, ცალკეულ შემთხვევაში სამედიცინო ჯგუფის შემადგენლობაში შესაძლებელია დამატებითი ექთნის ფუნქციონირება). ვინაიდან ქვეკომპონენტის ფორმატით გათვალისწინებულია ბავშვთა კონტინგენტის სამედიცინო დახმარება, რეკომენდებულია სამედიცინო ჯგუფის შემადგენლობაში დამატებით პედიატრის და მედდის ფუნქციონერება;

დ) ფონდი აწარმოებს ანგარიშსწორებას სამედიცინო მომსახურების მომწოდებლებთან ხელშეკრულებით დადგენილი წესით;

ე) ხორციელდება ინკურაბელურ პაციენტთა პალიატიური მზრუნველობის მომსახურების შესყიდვა.

6. სპეციალიზებული ამბულატორიული მომსახურების შესყიდვისას:

ა) ფონდის სპეციალისტები შეიმუშავებენ ხელშეკრულების პირობებს ორი კვირის მანძილზე;

ბ) ფონდის სპეციალისტები განუმარტავენ მომსახურების მომწოდებლებს ხელშეკრულების პირობებს და აფორმებენ ხელშეკრულებას;

გ) ფონდი იღებს ანგარიშგებას სამედიცინო დაწესებულებიდან და ახდენს ანგარიშსწორებას ხელშეკრულების პირობების თანახმად.

7. ოჯახის ექიმის მომსახურების შესყიდვისას:

ა) ფონდის სპეციალისტები შეიმუშავებენ ხელშეკრულების პირობებს ორი კვირის ვადაში;

ბ) ფონდის სპეციალისტები განუმარტავენ მომსახურების მომწოდებლებს ხელშეკრულების პირობებს და აფორმებენ ხელშეკრულებას (ამბულატორიულ-პოლიკლინიკურ გაერთიანებებთან ხელშეკრულების გაფორმებისას გათვალისწინებული იქნება გაერთიანებაში შემავალი ცალკეული დაწესებულების გუნდების რაოდენობა);

გ) სამოქმედო არეალზე საოჯახო მედიცინის გუნდების რაოდენობის განსაზღვრა ხდება შემდეგი პრინციპის საფუძველზე: ერთი ოჯახის ექიმისა და ექთნისაგან შემდგარი გუნდი საშუალოდ 2000 მოსახლეზე (საშუალო ნორმატიული) გადაანგარიშებით. გამონაკლისები დაშვებულია შემდეგ შემთხვევებში: მაღალმთიან და რთულად მისადგომ სოფლებში, სადაც მოსახლეობის რაოდენობა არ შეესაბამება საშუალო ნორმატიულს; დაწესებულებასთან კონტრაქტის გაფორმება მოხდება მხოლოდ სრულად დაკომპლექტებული საოჯახო მედიცინის გუნდების რაოდენობის შესაბამისად;

დ) ფონდი იღებს ანგარიშგებას სამედიცინო დაწესებულებიდან და ახდენს ანგარიშსწორებას ხელშეკრულების პირობების თანახმად.

საქართველოს შრომის, ჯანმრთელობისა და სოციალური დაცვის მინისტრის 2007 წლის 10 აპრილის ბრძანება №130/ნ-სსმIII, №49, 10.04.2007წ.; მუხ.550

           მუხლი 21. პროგრამის მართვა, მონიტორინგი და შეფასება

1. პროგრამის მართვა გულიხმობს პროგრამის განხორციელებაზე ზედამხედველობას საპროგრამო ამოცანების შესრულების მიზნით.

2. სამინისტროში პროგრამების მართვაზე პასუხისმგებელი სამსახურია ჯანმრთელობის დაცვისა და საგანგებო სიტუაციების მართვის დეპარტამენტი (შემდგომში – დეპარტამენტი).

3. პროგრამის მართვა ითვალისწინებს თანამშრომლობას სამინისტროს, ფონდს, სამედიცინო საქმიანობის სახელმწიფო რეგულირების სააგენტოსა (შემდგომში – სააგენტო) და დონორ ორგანიზაციებს შორის.

4. ჯანდაცვის პროგრამების ზედამხედველობის მიზნით პროგრამის თითოეული კომპონენტისათვის იქმნება მონიტორინგის ჯგუფები. მონიტორინგის ჯგუფის შემადგენლობაში შედიან სამინისტროს, ფონდის, სააგენტოს და დონორის ორგანიზაციების წარმომადგენლები იმ შემთხვევაში, როდესაც ამ ორგანიზაციების მიერ ფინანსდება პროგრამით გათვალისწინებული მომსახურების შესყიდვა.

5. დეპარტამენტი ვალდებულია:

ა) უზრუნველყოს მოწოდებული ინფორმაციის (კვარტალური ანგარიშები) ანალიზი;

ბ) უზრუნველყოს სამინისტროს ხელმძღვანელობის ინფორმირება;

გ) შეიმუშავოს ანალიზის შესაბამისი რეკომენდაციები პროგრამის სრულყოფის მიზნით;

დ) უზრუნველყოს პროგრამის მართვაში მონაწილე მხარეების ეფექტური კოორდინაცია;

ე) უზრუნველყოს პროგრამის შეფასებებისათვის საჭირო დამოუკიდებელი კვლევების ჩატარება ფონდთან ერთად.

6. ფონდი ვალდებულია:

ა) უზრუნველყოს სახელმწიფო შესყიდვების ორგანიზება;

ბ) უზრუნველყოს კონტრაქტების დროული შემუშავება-გაფორმება;

გ) უზრუნველყოს კონტრაქტით აღებული ვალდებულების შესრულებაზე ზედამხედველობა;

დ) უზრუნველყოს პერიოდული ანგარიშგება სამინისტროს მიმართ.

7. პროგრამის შეფასების ინდიკატორები მოცემულია შემდეგ ცხრილში:

 

მუხლი 22. პროგრამის ბიუჯეტი

1. ,,საქართველოს 2007 წლის სახელმწიფო ბიუჯეტის შესახებ“ საქართველოს კანონის შესაბამისად, პროგრამის ბიუჯეტი განისაზღვრა 41 850,0 ათასი ლარით, შემდეგი ცხრილის მიხედვით:

 

 2. მოსახლეობის (მათ შორის, მაღალმთიანი რეგიონების მოსახლეობის) ამბულატორიული დახმარების კომპონენტის ზოგადი ამბულატორიული დახმარების ქვეკომპონენტში:

ა) მონაწილეობას მიიღებენ ამბულატორიები, პოლიკლინიკები და ამბულატორიულ-პოლიკლინიკური გაერთიანებები;

ბ) ბიუჯეტი შეადგენს 17 090 ათას ლარს. პროგრამის დაფინანსების წყაროა ,,საქართველოს 2007 წლის სახელმწიფო ბიუჯეტის შესახებ” საქართველოს კანონით გათვალისწინებული სახსრები;

გ) დაფინანსების ერთეულია სამედიცინო ჯგუფი;

დ) ერთი სამედიცინო ჯგუფის ბიუჯეტის ხარჯების გაანგარიშების შესაბამისად განისაზღვრება თითოეული ჯგუფისათვის საჭირო ხარჯების მოცულობა (ხარჯები გათვლილია თიოთოეულ სამედიცინო ჯგუფზე და გამოყვანილია „საშუალო შეწონილი თანხა“ – პროგრამაში მონაწილე დაწესებულებებში შემავალი ჯგუფების რაოდენობის გათვალისწინებით. სამედიცინო ჯგუფების რაოდენობის მიხედვით განხორციელდა „მიმდინარე ხარჯების“ ოპტიმიზაცია, რის შედეგადაც სამედიცინო ჯგუფების რაოდენობის ზრდის პარალელურად შემცირდა „მიმდინარე ხარჯების“ ოდენობა ერთ სამედიცინო ჯგუფზე);

ე) სამედიცინო ჯგუფის ხარჯთაღრიცხვაში გათვალისწინებულია ჯგუფში შემავალი ექიმის, ექთნის, ადმინისტრაციისა და დამხმარე პერსონალის ხელფასები, „ექიმის ჩანთა“, მიმდინარე ხარჯები, ლაბორატორიული კვლევების ხარჯები, რომელიც ასევე ითვალისწინებს ექიმ-ლაბორანტის შრომის ანაზღაურებას და სხვა ხარჯებს შესაბამისი ფასებით (დანართი №36 );

ვ) სამედიცინო ჯგუფში შემავალი უბნის ექიმისათვის დარიცხული ხელფასი არ უნდა იყოს 146 ლარზე, ხოლო ექთნის – 112 ლარზე ნაკლები;

ზ) კომპონენტში მონაწილე სხვა სამედიცინო პერსონალის შრომის ანაზღაურების წესს, ფორმებს, ხელფასის ოდენობასა და სამედიცინო ჯგუფში გათვალისწინებულ დანაჩენ ხარჯებს პროგრამის საჭიროების მიხედვით განსაზღვრავს უშუალოდ სამედიცინო დაწესებულების ხელმძღვანელი;

თ) მაღალმთიან რაიონებში მდებარე ამბულატორიების ზოგადი პროფილის სამედიცინო ჯგუფის ხარჯთაღრიცხვის გათვლა განხორციელდება 1,1 კოეფიციენტის მიყენებით;

ი) კონფლიქტურ და სასაზღვრო ზონაში მდებარე დაწესებულებები, რომლებიც ახორციელებენ მხოლოდ ამბულატორიულ სერვისებს, დაფინანსდებიან სამედიცინო ჯგუფების პრინციპით და მათი ხარჯთაღრიცხვა გაითვლება ზოგადი სამედიცინო ჯგუფების ხარჯთაღრიცხვაზე 1,5 კოეფიციენტის მიყენებით (დანართი №37 ), ხოლო ის დაწესებულებები, რომლებიც ახორციელებენ როგორც ამბულატორიულ, ისე სტაციონარულ მომსახურებას, დაფინანსდებიან გლობალური ბიუჯეტის პრინციპით (დანართი №38 ).

კ) ქ. თბილისში ზოგადი პროფილის სამედიცინო ჯგუფის ხარჯთაღრიცხვის გათვლა განხორციელდება ზოგადი სამედიცინო ჯგუფების ხარჯთაღრიცხვაზე 1,2 კოეფიციენტის მიყენებით.

3. მოსახლეობის (მათ შორის, მაღალმთიანი რეგიონების მოსახლეობის) ამბულატორიული დახმარების კომპონენტის ოჯახის ექიმის მომსახურების ქვეკომპონენტში:

ა) მონაწილეობას მიიღებენ რეაბილიტირებული და სტანდარტების შესაბამისად აღჭურვილი პირველადი ჯანდაცვის ობიექტები, რომლებიც დაკომპლექტდება გადამზადებული ოჯახის ექიმებით, ექთნებითა და მენეჯერებით;

ბ) ბიუჯეტი შეადგენს 4,000 მლნ. ლარს. დაფინანსების წყაროა „საქართველოს 2007 წლის სახელმწიფო ბიუჯეტის შესახებ“ საქართველოს კანონით ამ დანიშნულებით გათვალისწინებული სახსრები;

გ) დაფინანსება ხორციელდება შერეული (საბიუჯეტო და კაპიტაციური) მეთოდით (დანართი №39 ):

გ.ა) საბიუჯეტო მეთოდით დაწესებულების სახელფასო, კომუნალური, საკომუნიკაციო, საექსპლუატაციო და ამორტიზაციის ხარჯების ანაზღაურება ხორციელდება ფიქსირებული მოცულობით, ფიქსირებული ბიუჯეტის ოდენობა განსაზღვრულია გუნდების რაოდენობის შესაბამისად;

გ.ბ) კაპიტაციის მეთოდით სამედიცინო დანიშნულების საგნების, მედიკამენტების, ტესტ-სისტემების, იმუნიზაციის, ლაბორატორიული მომსახურების, ვაქცინაციისა და საოფისე ხარჯების ანაზღაურება ხორციელდება ერთ სულ მოსახლეზე გადაანგარიშებით – 1,76 ლარის ოდენობით (3520 ლარი/2000 მოსახლე);

დ) დაწესებულების დაფინანსება ხორციელდება შემდეგი წესით: გუნდების რაოდენობა მრავლდება ერთი გუნდის საშუალო ბიუჯეტზე (შესაძლებელია ცვლილებების შეტანა ამორტიზაციის ფაქტობრივი დანარიცხებიდან გამომდინარე);

დ¹) საოჯახო მედიცინის გუნდის ხარჯების სახელფასო ფონდში გათვალისწინებულია გუნდში შემავალი ექიმის, ექთნის, მენეჯერისა (1 გუნდი – 0,1 შტატი) და დამხმარე პერსონალის შრომის ანაზღაურება;

ე) საოჯახო მედიცინის გუნდში შემავალი ექიმის დარიცხული ხელფასი არ უნდა იყოს 280 ლარზე და ექთნის 170 ლარზე ნაკლები;

ვ) მაღალმთიან რაიონებში მდებარე საოჯახო მედიცინის გუნდების ბიუჯეტის გათვლა განხორციელდება ზოგადი სამედიცინო ჯგუფების ხარჯთაღრიცხვაზე 1,2 კოეფიციენტის მიყენებით;

4. მოსახლეობის (მათ შორის, მაღალმთიანი რეგიონების მოსახლეობის) ამბულატორიული დახმარების კომპონენტის ზოგადი ამბულატორიული დახმარებისა და ოჯახის ექიმის მომსახურების ქვეკომპონენტებში მონაწილე დაწესებულებებმა უნდა იხელმძღვანელონ შემდეგი წესებით:

ა) პროგრამის რეალიზაციაში მონაწილე დაწესებულების დაფინანსების წლიური საკონტრაქტო მოცულობა განისაზღვრება პასპორტიზაციით დადგენილი მოსახლეობის რაოდენობის მიხედვით გათვლილი სამედიცინო ჯგუფების/გუნდების რაოდენობის საფუძველზე;

ბ) დაწესებულებას ყოველთვიურად გადაეხდება საკონტრაქტო ღირებულების წლიური ოდენობის 1/12 ნაწილი;

გ) ცალკეული დაწესებულების საკონტრაქტო ღირებულების წლიური ოდენობა განისაზღვრება ინდივიდუალურად, რომელიც დაფიქსირდება დაწესებულებასთან გაფორმებულ ხელშეკრულებაში;

დ) სპეციალიზებული სამედიცინო ჯგუფის დაკომპლექტება განხორციელდება შესაბამის სპეციალობაში სერტიფიცირებული სამედიცინო პერსონალით, რაიონული/რეგიონული/საქალაქო დონის დაწესებულებებში. ანაზღაურება განხორციელდება სპეციალისტების სახელფასო ფონდიდან, რომელიც შეადგენს 1000 ლარს. აღნიშნული სახელფასო ფონდიდან ასევე განხორციელდება სპეციალისტთა გუნდზე მიმაგრებული საშუალო სამედიცინო პერსონალის შრომის ანაზღაურება. ქ. თბილისის იმ პოლიკლინიკებისათვის, რომელთა კონტინგენტი აღემატება 45 000-სს და ემსახურებიან როგორც მოზრდილ ასევე ბავშვთა კონტიგენტს, გამოყოფილი იქნება გაორმაგებული სახელფასო ფონდი სპეციალისტებისათვის (2000 ლარის ოდენობით), კომპონენტის ფარგლებში სავალდებულოა მოხდეს პროგრამით განსაზღვრული ყველა სპეციალისტის კონტრაქტირება. კონტრაქტირებული სპეციალისტების ანაზღაურების წესი განისაზღვრება დაწესებულების ხელმძღვანელის მიერ;

ე) წელიწადში ერთჯერ განხორციელდება ზოგადი პროფილის/ოჯახის ექიმის 500-მდე (გუნდების/ჯგუფების რაოდენობა არის სავარაუდო) საუკეთესო ჯგუფის (გუნდის) პრემირება ე.წ. ბონუსების სისტემით, კერძოდ თითოეულ საუკეთესო შემსრულებელს გადაეცემა 400 ლარი პრემიის სახით. პირველ ეტაპზე გამოვლინდება საუკეთესო დაწესებულებები იმუნიზაციით მოცვის მაჩვენებლით (რაიონის საუკეთესო დაწესებულებებიდან ზემოაღნიშნული ინდიკატორების მიხედვით საუკეთესო გუნდებს გამოავლენს ფონდი შესაბამის სამსახურებთან ერთად), შემდეგ, ამ დაწესებულების ხელმძღვანელი წარმოადგენს საუკეთესო გუნდს/ჯგუფს (აღნიშნული საკითხი გათვალისწინებული იქნება კონტრაქტის სპეციფიკურ პირობებში):

ე.ა) ერთ წლამდე ასაკის ბავშვებში BCG, DPT-3, POLIO-3, მოცვა მინიმუმ 90% და HPB-3, მინიმუმ 80%;

ე.ბ) 1-დან 2 წლამდე ასაკის ბავშვებში DPT-4, POLIO-4 და MMR მოცვა მინიმუმ 90%;

ე.გ) რევაქცინაცია 5-დან 6 წლამდე ასაკში DT, POLIO-5, MMR მოცვა მინიმუმ 90% (აუცილებელია ვაქციებით რეგულარული უზრუნველყოფა);

ე.დ) რევაქცინაცია 13-14 წლის ასაკში TD, MMR მოცვა მინიმუმ 90%.

5. ამოღებულია .

6. ინკურაბელური პაციენტების პალიატიური მზრუნველობის ქვეკომპონენტის დაფინანსება განხორციელდება ფონდსა და გამარჯვებულ დაწესებულებას შორის გაფორმებული ხელშეკრულებით გათვალისწინებული წესებითა და პირობებით.

7. სპეციალიზებული ამბულატორიული დახმარების კომპონენტის ანტენატალური დახმარების ქვეკომპონენტში:

ა) ამოღებულია;

ბ) შრომის ანაზღაურება განხორციელდება დანართი 3¹-ში მოცემული ანტანატალური დახმარების მოცულობის მიხედვით შესრულებული სამუშაოს შესაბამისად. ერთი ორსულის მართვის ღირებულება განისაზღვრება 55 ლარის ოდენობით, შემდეგი სქემით: 1 ვიზიტი – 32 ლარი, II ვიზიტი – 9 ლარი, III ვი-ზიტი – 7 ლარი, IV ვიზიტი – 7 ლარი;

გ) ფენილკეტონურიაზე ახალშობილთა სკრინინგი და ფენილკეტონურიითა და ჰიპერფენილალანინემიით დაავადებულ პაციენტთა ამბულატორიული დახმარების ფარგლებში გაწეული მომსახურების ანაზღაურება განხორციელდება შესრულებული სამუშაოს მიხედვით.

8. სპეციალიზებული ამბულატორიული დახმარების კომპონენტის პატიმართა და მსჯავრდებულთა კომისიური წესით შემოწმების უზრუნველყოფის ქვეკომპონენტის ხარჯები განისაზღვრება შემდეგნაირად:

ა) კომისიის წევრთა მომსახურების ხარჯები – 49 520,0ლარი;

ბ) ექიმ-სპეციალსიტთა მომსახურების ხარჯები – 24 480,0 ლარი;

გ) კომისიის წევრთა მომსახურება ანაზღაურდება ყოველთვიურად. შრომის ანაზღაურება განხორციელდება ფონდთან გაფორმებული ინდივიდუალური ხელშეკრულებების საფუძველზე;

დ) ექიმ-სპეციალისტთა მომსახურება ანაზღაურდება დღიურად და ერთ სამუშაო დღეზე შრომის ანაზღაურება განისაზღვრება 204 ლარის ოდენობით;

ე) ექიმ-სპეციალისტთა შრომის ანაზღაურება განხორციელდება ფონდთან გაფორმებული ინდივიდუალური ხელშეკრულებების საფუძველზე.

9. სპეციალიზებული ამბულატორიული დახმარების კომპონენტის ფთიზიატრიული მომსახურების ქვეკომპონენტის ფარგლებში მონაწილე დაწესებულებების დაფინანსება განხორციელდება დანართი №311  -ის შესაბამისად.

10. სპეციალიზებული ამბულატორიული დახმარების კომპონენტის ფსიქიატრიული მომსახურების ქვეკომპონენტის ფარგლებში მონაწილე დაწესებულებების დაფინანსება განხორციელდება დანართი №310 -ის შესაბამისად, რომელიც გათვლილია წლიურ საპროგნოზო მაჩვენებლებზე დაყრდნობით, აღრიცხვაზე მყოფი კონტინგენტის რაოდენობის მიხედვით.

11. გადაუდებელი სასწრაფო დახმარების კომპონენტის ბიუჯეტი განისაზღვრა 13 730,0 ათასი ლარით, შემდეგი ცხრილის მიხედვით:

 

 

12. სასწრაფო სამედიცინო დახმარების სამსახურების დაფინანსება განხორციელდება პროგრამით გათვალისწინებული მომსახურების გაწევისათვის ერთიანი საფასურის გადახდით. პროგრამის შემსრულებელმა დაწესებულებამ მიღებული საფასურიდან პერსონალის შრომის ანაზღაურებისათვის უნდა გახარჯოს №3¹² დანართის I განაყოფის „ხელფასის ხარჯი~ სავალდებულო დაცვით. იმავე ცხრილის II განაყოფში „სხვა ხარჯები“ მითითებული დანახარჯებისათვის დაწესებულება მოიხმარს მიღებული საფასურის დანარჩენ ნაწილს ფონდთან გაფორმებული კონკრეტული ხელშეკრულებით განსაზღვრული საერთო საფინანსო ლიმიტის ფარგლებში. წლიური საფინანსო ლიმიტის ფორმირებისას გათვალისწინებულია თანამშრომლის კუთვნილი ყოველწლიური შვებულების პერიოდში შემცვლელი პირის შრომის ანაზღაურებისათვის საჭირო თანხა.

საქართველოს შრომის, ჯანმრთელობისა და სოციალური დაცვის მინისტრის 2007 წლის 28 მარტის ბრძანება №105/ნ-სსმIII, №43, 29.03.2007წ.; მუხ.488

საქართველოს შრომის, ჯანმრთელობისა და სოციალური დაცვის მინისტრის 2007 წლის 10 აპრილის ბრძანება №130/ნ-სსმIII, №49, 10.04.2007წ.; მუხ.550

12¹. პატრიოტთა ბანაკების უზრუნველყოფა სასწრაფო სამედიცინო მომსახურებით განხორცილედება შემდეგ რაიონებში: ლაგოდეხი, საგარეჯო, დუშეთი, ზუგდიდი, ბაღდათი, წალენჯიხა, ლანჩხუთი. ერთი ექიმის შრომის ანაზღაურება განისაზღვრება დღეში 20,5 ლარით.

საქართველოს შრომის, ჯანმრთელობისა და სოციალური დაცვის მინისტრის 2007 წლის 27 სექტემბრის ბრძანება №286/ნ-სსმIII, №137, 01.10.2007წ.; მუხ.1489

დანართი 3¹

 

საქართველოს შრომის, ჯანმრთელობისა და სოციალური დაცვის მინისტრის 2007 წლის 28 მარტის ბრძანება №105/ნ-სსმIII, №43, 29.03.2007წ.; მუხ.488

საქართველოს შრომის, ჯანმრთელობისა და სოციალური დაცვის მინისტრის 2007 წლის 10 აპრილის ბრძანება №130/ნ-სსმIII, №49, 10.04.2007წ.; მუხ.550

   დანართი № 3²

 

ექიმის ჩანთა

 

საქართველოს შრომის, ჯანმრთელობისა და სოციალური დაცვის მინისტრის 2007 წლის 28 მარტის ბრძანება №105/ნ-სსმIII, №43, 29.03.2007წ.; მუხ.488

საქართველოს შრომის, ჯანმრთელობისა და სოციალური დაცვის მინისტრის 2007 წლის 10 აპრილის ბრძანება №130/ნ-სსმIII, №49, 10.04.2007წ.; მუხ.550

დანართი№3³

ანტე და პოსტნატალური მეთვალყურეობის დანართი ოჯახის ექიმებისათვის

1. ორსულების გამოვლენა და ორსულობის პირველადი დადასტურება, შესაძლებელია მოხდეს პირველადი ჯანდაცვის დონეზე, შემდგომი რეფერალით სპეციალისტთან ანტენატალური ზედამხედველობის საბაზისო სერვისების მისაღებად;

2. ოჯახის ექიმი ორსულებს გაუწევს დამატებით ზედამხედველობას, თავისი კომპეტენციის ფარგლებში;

აღნიშნული მოიცავს შემდეგ სერვისებს:

● რჩევების მიცემა და კონსულტირება ორსულობის პერიოდში თავის მოვლისა და კვების შესახებ;

● წონის მატების კონტროლი და კონსულტირება ორსულობასთან დაკავშირებულ სხვადასხვა სახის ჩივილებზე და საჭიროებისამებრ შესაბამისი რეფერალის უზრუნველყოფა;

● რჩევების მიცემა და კონსულტირება ძუძუთი კვებისა და მშობიარობის შემდგომი ოჯახის დაგეგმვის შესახებ.

3. ზედამხედველობა ასევე მოიცავს ორსულობის რისკ-ფაქტორების გამოვლენას, რომელიც მოითხოვს შემდგომ დამატებით კვლევებს ან სპეციალიზებულ ზედამხედველობას, რეფერალს უახლოეს სპეციალიზებულ დაწესებულებაში და, საჭიროების შემთხვევაში, მეან-გინეკოლოგის უწყვეტ ზედამხედველობას

4. ორსულები, რომლებიც რეფერალით გადაიგზავნებიან დამატებითი გამოკვლევისა და მკურნალობისათვის, დაბრუნებისას უნდა იმყოფებოდნენ ოჯახის ექიმის მეთვალყურეობის ქვეშ, რათა უზრუნველყოფილ იქნეს მკურნალობის ეფექტურობა და თანმიმდევრობა შემდგომ ანტენეტალურ ვიზიტამდე.

5. თითოეულ ქალს, სამშობიაროდან გამოწერიდან ექვსი კვირის განმავლობაში, ეკუთვნის მშობიარობის შემდგომი ერთი ვიზიტი, რომელიც მოიცავს:

● კონსულტაციას, კლინიკურ გასინჯვასთან ერთად, მშობიარობის შემდგომი მდგომარეობის შეფასებისა და იმ შესაძლო გართულებების დადგენის მიზნით, რომლებიც ჩარევას მოითხოვს;

● კონსულტირებას ძუძუთი კვების, ქალის სრულფასოვანი კვების, თავის მოვლის და ოჯახის დაგეგემვის საკითხებზე;

● ლაბორატორიულ კვლევას საჭიროებისამებრ (ანემიაზე ეჭვის მიტანისას);

● ოჯახის დაგეგმვის მიზანშეწონილი მეთოდების მიწოდებას;

● რეფერალს/დანიშნულების მიცემას ინფექციების, ანემიის, მკერდთან დაკავშირებული პრობლემებისა ან სხვა ლოგინობის ხანის გართულებების გამო მკურნალობის ჩატარებისათვის.

საქართველოს შრომის, ჯანმრთელობისა და სოციალური დაცვის მინისტრის 2007 წლის 28 მარტის ბრძანება №105/ნ-სსმIII, №43, 29.03.2007წ.; მუხ.488

დანართი №3⁴

ოჯახის დაგეგმვასთან დაკავშირებული მომსახურება

1. მათ ვისაც სურთ თავიდან აიცილონ ორსულობა, გადაავადონ შემდეგი ორსულობა ან უკვე შექმნეს მათთვის სასურველი ზომის ოჯახი, ეკუთვნის კონსულტაცია ოჯახის დაგეგმვის თანამედროვე მეთოდების სრული სპექტრის შესახებ, და შეუძლიათ მიიღონ ზოგიერთი შერჩეული მეთოდი პირველადი ჯანდაცვის ცენტრში.

2. კონსულტაცია ოჯახის დაგეგმვასთან დაკავშირებით ეფუძნება ინფორმირებული თანხმობის პრინციპს, და მოიცავს კონსულტაციას ფერტილობასთან დაკავშირებულ განზრახვებზე, არჩევანზე, ცხოვრების სტილზე, და სამედიცინო და სამეანო მდგომარეობებზე, რომელთაც შესაძლოა გავლენა მოახდინონ მეთოდის არჩევაზე; სრულ ინფორმაციას საქართველოში ხელმისაწვდომ კონტრაცეპციის თანამედროვე მეთოდებზე, მათი ეფექტურობის, უპირატესობების და ნაკლოვანებების, ფასისა და გამოყენების მეთოდის ჩათვლით.

3. ოჯახის დაგეგმვის შემდეგი მეთოდები იქნება ხელმისაწვდომი პირველადი ჯანდაცვის ცენტრებში, და შესაძლოა მიეწოდოს ოჯახის ექიმის მიერ, რომელმაც გაიარა ტრენინგი ოჯახის დაგეგმვის საკითხებზე: კომბინირებული ორალური კონტრაცეპტივები; მხოლოდ პროგესტინის შემცველი ორალური კონტრაცეპტივები; პრეზერვატივები. ამ მეთოდების გამოყენება მოხდება გამოკვლევის შემდეგ. სხვა მეთოდების გამოყენების მსურველები გადაიგზავნებიან უახლოეს სპეციალიზებულ დაწესებულებაში, სადაც თავაზობენ ასეთ მეთოდებს.

4. ვიზიტები განისაზღვრება საჭიროების შესაბამისად, გვერდითი ეფექტების კონტროლისა და შესაფერის შემთხვევაში, ალტერნატიული მეთოდის გამოყენების თაობაზე კონსულტაციისათვის.

საქართველოს შრომის, ჯანმრთელობისა და სოციალური დაცვის მინისტრის 2007 წლის 28 მარტის ბრძანება №105/ნ-სსმIII, №43, 29.03.2007წ.; მუხ.488

დანართი 3⁵

სუბსიდირებული მედიკამენტით უზრუნველყოფის პაკეტი

ჰიპერტენზიული ავადმყოფობა

 

* 70% ენიშნება ატენოლოლი

** 30% ენიშნება ნორმოდიპინი

გულის იშემიური ავადმყოფობები

* Atenolol 10-15%-ს არ ენიშნება

** Isosorbide dinitrate - ენიშნება 20%-ს

*** Isosorbide dinitrate - ენიშნება 60%-ს

**** Isosorbide dinitrate - ენიშნება 50%-ს

საქართველოს შრომის, ჯანმრთელობისა და სოციალური დაცვის მინისტრის 2007 წლის 28 მარტის ბრძანება №105/ნ-სსმIII, №43, 29.03.2007წ.; მუხ.488

   დანართი №3⁶

ზოგადი პროფილის სამედიცინო ჯგუფების ხარჯები

საქართველოს შრომის, ჯანმრთელობისა და სოციალური დაცვის მინისტრის 2007 წლის 28 მარტის ბრძანება №105/ნ-სსმIII, №43, 29.03.2007წ.; მუხ.488

საქართველოს შრომის, ჯანმრთელობისა და სოციალური დაცვის მინისტრის 2007 წლის 10 აპრილის ბრძანება №130/ნ-სსმIII, №49, 10.04.2007წ.; მუხ.550

დანართი №3⁷

    სპეცდაფინანსებაზე მყოფი პჯდ დაწესებულებები

 

საქართველოს შრომის, ჯანმრთელობისა და სოციალური დაცვის მინისტრის 2007 წლის 28 მარტის ბრძანება №105/ნ-სსმIII, №43, 29.03.2007წ.; მუხ.488

საქართველოს შრომის, ჯანმრთელობისა და სოციალური დაცვის მინისტრის 2007 წლის 27 სექტემბრის ბრძანება №286/ნ-სსმIII, №137, 01.10.2007წ.; მუხ.1489

დანართი №3⁸

სპეცდაფინანსებაზე მყოფი დაწესებულებები

 

      

საქართველოს შრომის, ჯანმრთელობისა და სოციალური დაცვის მინისტრის 2007 წლის 28 მარტის ბრძანება №105/ნ-სსმIII, №43, 29.03.2007წ.; მუხ.488

საქართველოს შრომის, ჯანმრთელობისა და სოციალური დაცვის მინისტრის 2007 წლის 27 სექტემბრის ბრძანება №286/ნ-სსმIII, №137, 01.10.2007წ.; მუხ.1489

დანართი№3⁹

საოჯახო მედიცინის გუნდების ხარჯები ( წლიური)

 

საქართველოს შრომის, ჯანმრთელობისა და სოციალური დაცვის მინისტრის 2007 წლის 28 მარტის ბრძანება №105/ნ-სსმIII, №43, 29.03.2007წ.; მუხ.488

დანართი №3¹⁰

 

ფსიქიატრიული ამბულატორიული დახმარების კომპონენტი

 

საქართველოს შრომის, ჯანმრთელობისა და სოციალური დაცვის მინისტრის 2007 წლის 28 მარტის ბრძანება №105/ნ-სსმIII, №43, 29.03.2007წ.; მუხ.488

საქართველოს შრომის, ჯანმრთელობისა და სოციალური დაცვის მინისტრის 2007 წლის 10 აპრილის ბრძანება №130/ნ-სსმIII, №49, 10.04.2007წ.; მუხ.550

  დანართი №3¹¹

ფთიზიატრიული ამბულატორიული დახმარების კომპონენტი

საქართველოს შრომის, ჯანმრთელობისა და სოციალური დაცვის მინისტრის 2007 წლის 28 მარტის ბრძანება №105/ნ-სსმIII, №43, 29.03.2007წ.; მუხ.488

საქართველოს შრომის, ჯანმრთელობისა და სოციალური დაცვის მინისტრის 2007 წლის 10 აპრილის ბრძანება №130/ნ-სსმIII, №49, 10.04.2007წ.; მუხ.550

საქართველოს შრომის, ჯანმრთელობისა და სოციალური დაცვის მინისტრის 2007 წლის 27 სექტემბრის ბრძანება №286/ნ-სსმIII, №137, 01.10.2007წ.; მუხ.1489

დანართი №3¹²

სასწრაფო სამედიცინო დახმარების კომპონენტი

 

 

შენიშვნა: დანართი №3 ¹² -ის I განაყოფის მე-3, მე-6 და მე-9 გრაფებში მოტანილი სიდიდეები (სულ თვეში) წარმოადგენს სავალდებულო სამოქმედო ნორმატივებს, ხოლო II განაყოფში არსებული მონაცემები საორიენტაციო-სტატისტიკური ბუნებისაა და ემსახურება პროგრამით განსაზღვრული მომსახურების შესასყიდად საჭირო ხელშეკრულების გაფორმებისას დაწესებულების მიერ მისაღები საფასურის მაქსიმალური ლიმიტის დადგენას.

საქართველოს შრომის, ჯანმრთელობისა და სოციალური დაცვის მინისტრის 2007 წლის 28 მარტის ბრძანება №105/ნ-სსმIII, №43, 29.03.2007წ.; მუხ.488

დანართი№3¹³

პროგრამის ლოგიკური ჩარჩო

საქართველოს შრომის, ჯანმრთელობისა და სოციალური დაცვის მინისტრის 2007 წლის 28 მარტის ბრძანება №105/ნ-სსმIII, №43, 29.03.2007წ.; მუხ.488

 

       დანართი  №314

 

საქართველოს შრომის, ჯანმრთელობისა და სოციალური დაცვის მინისტრის 2007 წლის 27 სექტემბრის ბრძანება №286/ნ-სსმIII, №137, 01.10.2007წ.; მუხ.1489

 

დანართი №4

მოსახლეობის სტაციონარული დახმარების სახელმწიფო პროგრამა

თავი I

ზოგადი დებულებები

    მუხლი 1. ტერმინთა განმარტებები

1. სტაციონარული მომსახურება – სტაციონარულ მომსახურებად ითვლება სამედიცინო დაწესებულებაში გაწეული მომსახურება, რომლის ხანგრძლივობა აღემატება 24 საათს. სტაციონარული მომსახურება იყოფა სტაციონარულ სამედიცინო მომსახურებად და სასტუმრო მომსახურებად:

ა) სტაციონარული სამედიცინო მომსახურების ხარჯები – სამკურნალო-დიაგნოსტიკური ღონისძიებებისა და სამედიცინო პერსონალის მომსახურების ღირებულება;

ბ) სასტუმრო ხარჯები – ყველა არასამედიცინო მომსახურების ხარჯი, რომელიც არ არის გათვალისწინებული ამ პუნქტის ,,ა“ ქვეპუნქტით.

2. ურგენტული /გადაუდებელი სამედიცინო მომსახურება – სამკურნალო და დიაგნოსტიკური ღონისძიებების ერთობლიობა, რომლის დროში გადავადების პირობებში გარდაუვალია პაციენტის სიკვდილი ან ჯანმრთელობის მნიშვნელოვანი გაუარესება.

3. რეფერალური შემთხვევა – როდესაც აუცილებელია ჰოსპიტალიზირებული პაციენტის ორი და მეტი სასიცოცხლო ფუნქციის ერთდროული მართვა.

4. კრიტიკული მდგომარეობა – სასიცოცხლო ფუნქცი(ებ)ის დარღვევა, რომელიც მოითხოვს ნაწილობრივ ან სრულ კორექციას ან ჩანაცვლებას.

5. საწოლდღე – სტაციონარში გატარებული ერთი დღე-ღამის განმავლობაში გაწეული მომსახურება.

6. ნოზოლოგიათა ჯგუფი – პროგრამის ფარგლებში განსაზღვრული დაავადებათა ჩამონათვალი.

7. გლობალ ბიუჯეტი – პროგრამის ასიგნებებიდან ყოველთვიური ლიმიტირებული დაფინანსება.

    მუხლი 2. პროგრამის მიზანი

პროგრამის მიზანია მოსახლეობის ჯანმრთელობის მდგომარეობის გაუმჯობესება ფინანსური ხელმისაწვდომობის გაზრდის გზით.

    მუხლი 3. პროგრამის შემადგენელი კომპონენტები

1. პროგრამის ზოგადი სტაციონარული მომსახურება შედგება შემდეგი კომპონენტებისაგან:

ა) ბავშვთა სამედიცინო დახმარების კომპონენტი;

ბ) მოსახლეობის ურგენტული მომსახურების პროგრამა (ანტირაბიული საშუალებების გამოკლებით);

გ) რეფერალური დახმარების კომპონენტი.

2. პროგრამის სპეციალიზებული სტაციონარული მომსახურება შედგება შემდეგი კომპონენტებისაგან:

ა) ფსიქიატრიული დახმარების კომპონენტი;

ბ) ფთიზიატრიული დახმარების კომპონენტი;

გ) ონკოლოგიურ დაავადებათა დიანოსტიკისა და მკურნალობის კომპონენტი;

დ) ინფექციურ დაავადებათა მკურნალობის კომპონენტი;

ე) გულის ქირურგიის კომპონენტი;

ვ) ორგანოთა და ქსოვილთა ტრანსპლანტაციისა და თირკმლის ჩანაცვლებითი თერაპიის კომპონენტი;

ზ) ჰემოფილიით დაავადებულ ბავშვთა და მოზრდილთა მკურნალობის კომპონენტი;

თ) შაქრიანი და უშაქრო დიაბეტით დაავადებულთა სტაციონარული მომსახურება.

    მუხლი 4. ბიუჯეტი და დაფინანსების მეთოდოლოგია

1. დაფინასების ძირითადი პრინციპია შემთხვევის ანაზღაურება ნოზოლოგიური ჯგუფისათვის დადგენილი საშუალო ღირებულებით. დაფინანსების მეთოდოლოგია განსხვავდება პროგრამაში შემავალი კომპონენტების მიხედვით შემდეგი ცხრილის შესაბამისად:

 

2. პროგრამის ფარგლებში, გარკვეული შემთხვევებისათვის, განისაზღვრება თანაგადახდის პირობები და მოცულობა.

    მუხლი 5. სახელმწიფო შესყიდვები

1. მომსახურების შესყიდვა ხორციელდება ,,სახელმწიფო შესყიდვების შესახებ“ საქართველოს კანონის შესაბამისად.

2. საქართველოს თითოეული ადმინისტრაციულ-ტერიტორიული ერთეულისათვის მომსახურების მიმწოდებლის/მიმწოდებლების შერჩევა უნდა მოხდეს მომსახურებაზე გეოგრაფიული ხელმისაწვდომობისა და მოთხოვნილების ადეკვატური სიმძლავრეების უზრუნველყოფის პრინციპების დაცვით.

3. ყველა შესაბამისი ლიცენზიის მქონე სამედიცინო მომსახურების მიმწოდებელი, რომელიც თანახმაა გაწიოს შესაბამისი მომსახურება პროგრამით განსაზღვრული პირობების დაცვით, უფლებამოსილია დადოს შესაბამისი ხელშეკრულება სახელმწიფო შემსყიდველთან.

    მუხლი 6. პროგრამის საერთო ბიუჯეტი

,,საქართველოს 2007 წლის სახელმწიფო ბიუჯეტის შესახებ“ საქართველოს კანონის შესაბამისად. პროგრამის ბიუჯეტი განისაზღვრა 71 035.25 ათასი ლარით.

    მუხლი 7. პროგრამის მოქმედების ვადა

პროგრამა მოქმედებს მისი ძალაში შესვლიდან 2007 წლის 31 დეკემბრის ჩათვლით.

თავი II

ბავშვთა სამედიცინო დახმარების კომპონენტი

    მუხლი 8. ბენეფიციარები

1. კომპონენტის მოსარგებლედ განისაზღვრება 0-დან 15 წლამდე ასაკის მოსახლეობა.

2. კომპონენტის ფარგლებში განსხვავებული ბენეფიტის მოცულობით მოსარგებლეებად განისაზღვრება:

ა) 0-დან 3 წლამდე ასაკის მოსახლეობა;

ბ) 3-დან 15 წლამდე ასაკის მოსახლეობა;

გ) იშვიათი დაავადებების მქონე და მუდმივ ჩანაცვლებით მკურნალობას დაქვემდებარებული 0–15 წლამდე ასაკის მოსახლეობა;

დ) მშობელთა მზრუნველობას მოლებული და კონფლიქტურ ზონაში მცხოვრები 0–15 წლამდე ასაკის მოსახლეობა.

    მუხლი 9. კომპონენტით გათვალისწინებული ბენეფიტის მოცულობა

1. 0-დან 3 წლამდე ასაკის მოსახლეობისათვის კომპონენტი ფარავს სტაციონარული სამედიცინო მომსახურების ხარჯებს სრულად.

2. 3-დან 15 ანაზღაურდება მოსარგებლეთა სტაციონარული მომსახურების 80%. თანაგადახდას არ ექვემდებარება კრიტიკული მდგომარეობების მკურნალობის დაფინანსება.

3. მუდმივ ჩანაცვლებით მკურნალობას დაქვემდებარებული (დანართი – 4¹) და იშვიათი დაავადებების მქონე (დანართი – 4²) მოსარგებლეების სტაციონარული სამედიცინო მომსახურების ხარჯები ანაზღაურდება სრულად.

4. მშობელთა მზრუნველობას მოკლებული, მაღალმთიან და კონფლიქტურ რეგიონებში მცხოვრები მოსარგებლეების სტაციონარული მომსახურების ხარჯები ანაზღაურდება სრულად (მშობელთა მზრუნველობას მოკლებული ბავშვებისათვის კვების ჩათვლით).

საქართველოს შრომის, ჯანმრთელობისა და სოციალური დაცვის მინისტრის 2007 წლის 27 სექტემბრის ბრძანება №286/ნ-სსმIII, №137, 01.10.2007წ.; მუხ.1489

    მუხლი10. დაფინანსება და ანაზღაურების წესი

1. სიღარიბის ზღვარს ქვემოთ მყოფი მოსახლეობის სამედიცინო დახმარების პროგრამით მოსარგებლე მოსახლეობისათვის სტაციონარული მომსახურების ხარჯების ანაზღაურება დაუშვებელია წინამდებარე პროგრამის კომპონენტით განსაზღვრული სახსრებიდან.

2. მომსახურება ჯგუფდება კატეგორიების მიხედვით და ფინანსდება ნოზოლოგიური ჯგუფისათვის დადგენილი საშუალო ღირებულებით, რომელიც ემყარება საექსპერტო შეფასებას, სახელმწიფო სამედიცინო სტანდარტებს და ტარიფებს, სტატისტიკურ მაჩვენებლებს დანართი 4³-ის შესაბამისად:

3. ანტირაბიული სამედიცინო დახმარება (ანტირაბიული საშუალებების გარეშე) 18 წლამდე ასაკის ბენეფიციარებისთვის ანაზღაურდება ვიზიტების მიხედვით, I ვიზიტი – 12,0 ლარის, ხოლო შემდგომი ვიზიტები 6,0 ლარის ოდენობით.

4. ბავშვთა გადაუდებელი სამედიცინო დახმარების დაფინანსება განხორციელდება გასაშუალოებული ფასის მიხედვით – ერთი შემთხვევის საშუალო ფასი შეადგენს 40 ლარს (განმეორებითი ვიზიტის შემთხვევა ანზღაურებას არ ექვემდებარება.) ჰოსპიტალიზაციის შემთხვევები ანაზღაურდება ამავე მუხლის მე-2 პუნქტის შესაბამისად.

    მუხლი 11. სახელმწიფო შესყიდვა 

1. საქართველოს თითოეული ადმინისტრაციულ-ტერიტორიული ერთეულისათვის მომსახურების მიმწოდებლის/მიმწოდებლების შერჩევა უნდა მოხდეს მომსახურებაზე გეოგრაფიული ხელმისაწვდომობისა და მოთხოვნილების ადეკვატური სიმძლავრეების უზრუნველყოფის პრინციპების დაცვით.

2. სახელმწიფო შესყიდვის შედეგად გამოვლენილი მომსახურების მიმწოდებლის მიერ ქვეკონტრაქტორის შერჩევა უნდა მოხდეს მხოლოდ გეოგრაფიული ხელმისაწვდომობის პრინციპის დაცვით, ან იმ შემთხვევებში, როდესაც რაიმე მიზეზის გამო მთავარი კონტრაქტორი დაწესებულება ვერ უზრუნველყოფს მომსახურების სრული სპექტრის განხორციელებას.

3. ყველა იმ შემთხვევაში, როდესაც მთვარი კონტრაქტორი დაწესებულების სიმძლავრეები არ არის საკმარისი მომსახურების უზრუნველსაყოფად, მას უფლება აქვს მოახდინოს ერთჯერადი შესყიდვა სხვა ლიცენზირებული დაწესებულებიდან დაწესებულების ბიუჯეტის ხარჯზე.

4. დაწესებულებების შერჩევა უნდა განხორციელდეს შრომის, ჯანმრთელობის და სოციალური დაცვის სამინისტროსთან შეთანხმებული კრიტერიუმების საფუძველზე.

    მუხლი 12. ბიუჯეტი

,,საქართველოს 2007 წლის სახელმწიფო ბიუჯეტის შესახებ“ საქართველოს კანონის შესაბამისად კომპონენტის ბიუჯეტი განისაზღვრა 13 240,0 ათასი ლარით, შემდეგი ცხრილის მიხედვით:

 

თავი III

მოსახლეობის ურგენტული მომსახურების პროგრამა (ანტირაბიული საშუალებების გამოკლებით)

    მუხლი 13. პროგრამით გათვალისწინებული მომსახურება

1. პროგრამა ფარავს 15 წელს ზევით მოქალაქეების გადაუდებელი ჰოსპიტალური მკურნალობის ხარჯების 75 %-ს, თანაგადახდა შეადგენს 25%-ს.

2. პროგრამით სრულად ფინანსირდება მაღალმთიანი და კონფლიქტურ რეგიონებში არსებულ საავადმყოფოებში განხორციელებული მომსახურება.

3. კრიტიკული მდგომარეობებისათვის განსაზღვრულია ერთი საწოლდღის გასაშუალოებული ტარიფი, რომელიც განსხვავებულია სამედიცინო დაწესებულებებისა და რეანიმაციული სამსახურების დონეების შესაბამისად. კრიტიკული მდგომარეობების დროს სახელმწიფო მთლიანად უზრუნველყოფს პირველი 6 დღის მკურნალობის საფასურის ანაზღაურებას. არსებულ სტატისტიკურ მონაცემებზე დაყრდნობით, პირველი 6 დღის განმავლობაში საშუალო საწოლდაყოვნება არ აღემატება 3.5 დღეს. ადმინისტრირების გაუმჯობესების, სტაციონარში პაციენტების უსაფუძვლოდ დაყოვნების სტიმულის არარსებობის და ანგარიშსწორების სიმარტივის მიზნით, პირველი 6 დღისთვის განისაზღვრება შემთხვევის გასაშუალოებული ტარიფი, რომელიც უდრის ერთი საწოლდღის ფასი (თბილისი, ქუთაისი – 622,0, ბათუმი, რუსთავი, ზუგდიდი, გორი – 541,0, სხვ. – 503,0 ლარი) X 3.5-ზე. პირველი 6 დღის განმავლობაში გაწეული ხარჯები პაციენტის მხრიდან თანაგადახდას არ ექვემდებარება. 6 დღის შემდეგ მკურნალობის ხარჯები ანაზღაურდება პაციენტის მიერ.

4. იმ ნოზოლოგიების მკურნალობის თანხები, რომლებიც ითვალისწინებენ პათომორფოლოგიური და ბიოფსიური მასალების კვლევას, ანაზღაურდება მხოლოდ სათანადო დასკვნის არსებობის შემთხვევაში.

საქართველოს შრომის, ჯანმრთელობისა და სოციალური დაცვის მინისტრის 2007 წლის 27 სექტემბრის ბრძანება №286/ნ-სსმIII, №137, 01.10.2007წ.; მუხ.1489

    მუხლი 14. სახელმწიფო შესყიდვა

საქართველოს თითოეული ადმინისტრაციულ-ტერიტორიული ერთეულისათვის მომსახურების მიმწოდებლის/მიმწოდებლების შერჩევა უნდა მოხდეს მომსახურებაზე გეოგრაფიული ხელმისაწვდომობისა და მოთხოვნილების ადეკვატური სიმძლავრეების უზრუნველყოფის პრინციპების დაცვით.

    მუხლი 15. დაფინანსება და ანაზღაურების წესი

1. მომსახურება ჯგუფდება კატეგორიების მიხედვით და ფინანსდება ნოზოლოგიური ჯგუფისათვის დადგენილი საშუალო ღირებულებით, რომელიც ემყარება საექსპერტო შეფასებას, სახელმწიფო სამედიცინო სტანდარტებს და ტარიფებს, სტატისტიკურ მაჩვენებლებსა და ისტორიულ ბიუჯეტებს დანართი 4⁴  შესაბამისად.

2. სიღარიბის ზღვარს ქვემოთ მყოფი მოსახლეობის დაფინანსება ხორციელდება სიღარიბის ზღვარს ქვემოთ მყოფი მოსახლეობის სამედიცინო დახმარების პროგრამის ასიგნებებიდან.

    მუხლი 16. ბიუჯეტი

კომპონენტის ბიუჯეტი განისაზღვრება 11 850,0 ათასი ლარით, მათ შორის, პათომორფოლოგიური და პათანატომიური კვლევები – 150 000,0 ლარით.

თავი IV

რეფერალური დახმარების კომპონენტი

    მუხლი 17. კომპონენტით გათვალისწინებული მომსახურება

კომპონენტი ითვალისწინებს შემდეგ მომსახურებებს:

ა) მაღალი რისკის ორსულთა (მათ შორის, სეფსისით გართულებული) და ახალშობილთა სტაციონარული მომსახურება;

ბ) კრიტიკულ მდგომარეობაში მყოფი პაციენტების სტაციონარული მომსახურება;

გ) მაღალი რისკის ორსულთა, ახალშობილთა და კრიტიკულ მდგომარეობაში მყოფი პაციენტების (მათ შორის, ბავშვთა) გადაუდებელი სასწრაფო სამედიცინო მომსახურება, რაც ითვალისწინებს:

გ.ა) ადგილზე რეფერალური ბრიგადის მიერ კონსულტაციას და მდგომარეობის სტაბილიზირებას;

გ.ბ) გართულებული შემთხვევების სამედიცინო ტრანსპორტირებას;

დ) ინდივიდუალური სტაციონარული მომსახურება, რაც მოიცავს:

დ.ა) მნიშვნელოვან პირთა (საქართველოს საკანონმდებლო, აღმასრულებელი და სასამართლო ხელისუფლების უმაღლეს თანამდებობის პირთა და მათი ოჯახის წევრთა) სამედიცინო მომსახურებას;

დ.ბ) კონფლიქტურ ზონებში დაზარალებულ მოქალაქეთა სამედიცინო მომსახურებას;

დ.გ) შრომის, ჯანმრთელობის და სოციალური დაცვის სამინისტროს მიერ განსაზღვრულ შემთხვევებს (შესაბამისი წერილობითი ფორმით);

დ.დ) ანტირაბიული მომსახურების უზრუნველყოფას, შესაბამისი განცხადების საფუძველზე, გარდა იმ შემთხვევებისა, რომელიც გათვალისწინებულია სხვა სახელმწიფო ჯანდაცვითი პროგრამებით;

ე) ქვეყნის მასშტაბით ერთიანი სადისპეტჩეროს შექმნა და რეფერალურ შემთხვევათა მართვა. გადაუდებელი სამედიცინო დახმარების პრეჰოსპიტალური ეტაპის რეფორმირების მოსამზადებელი სამუშაოების განხორციელება.

    მუხლი 18. რეფერალური შემთხვევების მართვა

1. სახელმწიფო შესყიდვების შესაბამისად გამოვლენილი დაწესებულება პასუხისმგებელია სტაციონარული პროგრამებით (ყველა კომპონენტით) გათვალისწინებული მომსახურების ფარგლებში კრიტიკული შემთხვევების მართვაზე.

    მუხლი 19. სახელმწიფო შესყიდვა

შესყიდვა განხორციელდება ,,სახელმწიფო შესყიდვების შესახებ“ საქართველოს კანონის შესაბამისად.

    მუხლი 20. დაფინანსების მეთოდოლოგია და ანაზღაურების წესი

1. პროგრამის ფარგლებში კონტრაქტირებული დაწესებულებები დაფინანსდება გლობალური ბიუჯეტის პრინციპით, საბიუჯეტო ასიგნებების ფარგლებში დაფინანსდება სამედიცინო მომსახურების თითოეული ეპიზოდი.

2. ეპიზოდები დაჯგუფებულია 5 ჯგუფად. ერთი ჯგუფის ყველა ეპიზოდისთვის დაწესებულია ერთი საშუალო ღირებულება, შემდეგი ცხრილის შესაბამისად:

 

3. აჭარის ავტონომიურ რესპუბლიკაში განხორციელდება მხოლოდ კრიტიკული და გადაუდებელი მდგომარეობების რეფერალური შემთხვევების მართვა: ადგილზე კონსულტაცია და პაციენტთა ტრანსპორტირება.

4. სიღარიბის ზღვარს ქვემოთ მყოფი მოსახლეობის სამედიცინო დახმარების პროგრამით მოსარგებლე მოსახლეობისათვის, რომელთაც მინიჭებული აქვთ 70001-ზე ნაკლები სარეიტინგო ქულა, სტაციონარული მომსახურების ხარჯების ანაზღაურება დაუშვებელია წინამდებარე პროგრამის კომპონენტით განსაზღვრული სახსრებიდან.

5. ანტირაბიული მომსახურების საჭიროების შემთხვევაში პაციენტის მხრიდან დაიფარება მომსახურების ღირებულება სამკურნალო საშუალებების გარეშე, ხოლო სამკურნალო საშუალებების ანაზღაურება მოხდება დაწესებულების მხრიდან წარმოდგენილი გახარჯული მედიკამენტების მიხედვით, მაგრამ არა უმეტეს 160 ლარისა.

    მუხლი 21. ბიუჯეტი

კომპონენტის ბიუჯეტი განისაზღვრა 10 615,86 ათასი ლარით, შემდეგი ცხრილის შესაბამისად:

 

თავი V

ფსიქიატრიული დახმარების კომპონენტი

    მუხლი 22. კომპონენტით გათვალისწინებული მომსახურება

კომპონენტი ითვალისწინებს ფსიქოზური (მათ შორის, ფსიქოაქტიური ნივთიერებების მოხმარებით გამოწვეული) რეგისტრის აშლილობების მქონე პაციენტთა და იძულებით მკურნალობაზე მყოფ პაციენტთა სტაციონარულ მომსახურებას:

ა) პაციენტის ფსიქოფიზიკური მდგომარეობის (მწვავე, ქვემწვავე, ქრონიკული) შეფასებას;

ბ) სტაციონირების ფორმის განსაზღვრას (არანებაყოფლობითი სტაციონირების საჭიროების ჩათვლით);

გ) საჭიროების მიხედვით კლინიკო-ლაბორატორიულ გამოკვლევებს (სისხლის საერთო ანალიზი; შარდის საერთო ანალიზი; სისხლის ანალიზი გლუკოზაზე; ღვიძლის ფუნქციური სინჯები; ვასერმანის რეაქცია; ელექტროენცეფალოგრაფია);

დ) საჭიროების მიხედვით ექიმი-სპეციალისტის კონსულტაციას;

ე) მოკლევადიან სტაციონარულ მომსახურებას (მწვავე), რომელიც გულისხმობს იმ მდგომარეობების კუპირებას, რომლებიც მიმდინარეობს მწვავე ფსიქოზური სიმპტომებით (ან მასთან გათანაბრებული ემოციური და ნებითი სფეროს დარღვევებით), რაც განაპირობებს აუტო და ჰეტეროაგრესიის რისკს ან ფსიქოსოციალური ფუნქციონირების მწვავე მოშლას. მომსახურება საჭიროებს აქტიურ მედიკამენტოზურ მკურნალობას, გაძლიერებულ მეთვალყურეობას და მომსახურების სხვა ტიპებთან შედარებით მეტ სამედიცინო პერსონალს, ხანგრძლივობა 15 დღემდე;

ვ) საშუალოვადიან სტაციონარულ მომსახურებას (ქვემწვავე), რომელიც გულისხმობს მოკლევადიანი სტაციონარული მომსახურების შემდგომ მკურნალობას მდგომარეობის სტაბილიზაციის მიზნით, ან იმ მდგომარეობების მკურნალობას, რომლებიც მიმდინარეობს ზომიერად გამოხატული ფსიქოზური სიმპტომებით (ან მასთან გათანაბრებული ემოციური და ნებითი სფეროს დარღვევებით), რაც განაპირობებს ფსიქოსოციალური ფუნქციონირების მოშლას. მომსახურება საჭიროებს ფსიქო-ფარმაკოთერაპიასთან ერთად რეაბილიტაციას, მოკლევადიან სტაციონარულ მომსახურებასთან შედარებით ნაკლებ სამედიცინო პერსონალს, ხანგრძლივობა 45 დღემდე;

ზ) გრძელვადიან სტაციონარულ მომსახურებას (ქრონიკული), რომელიც გულისხმობს: მოკლევადიანი ან საშუალოვადიანი სტაციონარული მომსახურების შემდგომ შემანარჩუნებელ მკურნალობას, ან იმ მდგომარეობების მკურნალობას, რომლებიც მიმდინარეობს დეზაქტუალიზირებული, ფრაგმენტული სიმპტომებით ან/და პიროვნული დეფექტით გამოწვეული ფსიქოსოციალური ფუნქციონირების ღრმა მოშლით. მომსახურება საჭიროებს შემანარჩუნებელ ფსიქოფარმაკოთერაპიასთან ერთად სარეაბილიტაციო ღონისძიებათა განხორციელებას, აქცენტს მომვლელ პერსონალზე, ხანგრძლივობა 45 დღეზე მეტი;

თ) კლინიკური მდგომარეობების მართვას, რომელიც ხორციელდება სახელმწიფო სტანდარტების (პროტოკოლების) შესაბამისად.

    მუხლი 23. დამატებითი მომსახურება

დამატებითი მომსახურება მოიცავს:

ა) იმ პაციენტების ბადრაგირების უზრუნველყოფას, რომელთა მიმართ არ არის გამოტანილი აღმკვეთი ღონისძიება – პატიმრობა (პაციენტებს, რომელთაც მართლსაწინააღმდეგო ქმედების ჩადენის გამო გამოტანილი აქვთ აღმკვეთი ღონისძიება და სასამართლოს მიერ მისჯილი აქვთ იძულებითი მკურნალობა);

ბ) იძულებით მკურნალობაზე მყოფი პაციენტების დაცვის ხარჯებს.

    მუხლი 24. სარეაბილიტაციო მომსახურება

სარეაბილიტაციო მომსახურება ქვემწვავე და ქრონიკული მდგომარეობების დროს მოიცავს სხვადასხვა სარეაბილიტაციო მეთოდებით მომსახურების უზრუნველყოფას, საჭიროების მიხედვით ფსიქო-სოციალური რეაბილიტაციის სტანდარტების შესაბამისად.

    მუხლი 25. მომსახურების შესყიდვა

კომპონენტით გათვალისწინებული მომსახურების შესყიდვა განხორციელდება ერთ პირთან მოლაპარაკების გზით, საქართველოში ყველა ფსიქიატრიული პროფილის ლიცენზირებულ სამედიცინო დაწესებულებასთან.

    მუხლი 26. დაფინანსების მეთოდოლოგია და ანაზღაურების წესი

ანაზღაურების ერთეულს წარმოადგენს საწოლდღე, რომლის ღირებულება განისაზღვრება პაციენტის ფსიქიკური მდგომარეობიდან გამომდინარე (მწვავე – 32 ლარი (კვების ჩათვლით); ქვემწვავე – 15 ლარი (კვების ჩათვლით) და ქრონიკული – 8,6 ლარი (კვების ჩათვლით).

    მუხლი 27. ბიუჯეტი

კომპონენტის ბიუჯეტი განისაზღვრა 4960 ათასი ლარით, მათ შორის დაცვის ხარჯები – 365,0 ათასი ლარით.

თავი VI

ფთიზიატრიული დახმარების კომპონენტი

    მუხლი 28. კომპონენტით გათვალისწინებული მომსახურება

1. ფთიზიატრიული მომსახურების პაკეტი მოიცავს შემდეგ სერვისებს:

ა) დიაგნოსტიკური მომსახურება – ითვალისწინებს რთულ დიაგნოსტიკურ შემთხვევებს, რომლის დიაგნოსტირებისათვის აუცილებელია პაციენტის ჰოსპიტალიზაცია და მოიცავს ინსტრუმენტულ და ლაბორატორიულ გამოკვლევებს;

ბ) თერაპიული მომსახურება:

ბ.ა) პირველი რიგის ტუბსაწინააღმდეგო პრეპარატებისადმი მგრძნობიარე ტუბერკულოზის მკურნალობა;

ბ.ბ) პირველი რიგის ტუბსაწინააღმდეგო პრეპარატებისადმი რეზისტენტული ტუბერკულოზის მკურნალობა;

ბ.გ) პირველი რიგის ტუბსაწინააღმდეგო მედიკამენტებით უზრუნველყოფა;

გ) ქირურგიული მომსახურება:

გ.ა) ფილტვის ტუბერკულოზის ქირურგიული მკურნალობა;

გ.ბ) შარდ-სასქესო სისტემის ქირურგიული მკურნალობა;

გ.გ) ძვალ-სახსართა სისტემის ქირურგიული მკურნალობა;

გ.დ) ლიმფური სისტემის ქირურგიული მკურნალობა.

დ) DOT – სოციალური მეურვეობის სამსახური თბილისში;

ე) რეფერენს კონტროლი;

ვ) ზედამხედველობის ხარჯები.

    მუხლი 29. სახელმწიფო შესყიდვა

კომპონენტში მონაწილეობს საქართველოში ლიცენზირებული ფთიზიატრიული პროფილის ყველა სამედიცინო დაწესებულება.

    მუხლი 30. დაფინანსების მეთოდოლოგია

1. ანაზღაურების ერთეულია საწოლდღე, რომლის ღირებულება შეადგენს თბილისში – 20 ლარს, რეგიონში – 14 ლარს, ხოლო ტუბერკულოზის რეზისტენტული ფორმების (MDR) საწოლდღის ღირებულება განისაზღვროს 21 ლარით. ოპერაციული მკურნალობისთვის განისაზღვრა ნოზოლოგიური ჯგუფებისათვის დადგენილი საშუალო ღირებულება – 3220 ლარი.

2. მულტირეზისტენტული ტუბერკულოზის მკურნალობისთვის მედიკამენტებით მომარაგებას უზრუნველყოფს MSF – საერთაშორისო ორგანიზაცია ,,ექიმები საზღვრების გარეშე.“.

    მუხლი 31. ბიუჯეტი

კომპონენტის ბიუჯეტი განისაზღვრება 3 661,6 ათასი ლარით.

 

თავი VII

ონკოლოგიურ დაავადებათა დიაგნოსტიკისა და მკურნალობის კომპონენტი

    მუხლი 32. კომპონენტით გათვალისწინებული ღონისძიებები

ონკოლოგიური მომსახურების კომპონენტი ითვალისწინებს:

ა) ონკოლოგიურ დაავადებათა სტაციონარულ მკურნალობას;

ბ) ნეიროონკოლოგიურ დაავადებათა სტაციონარულ მკურნალობას;

გ) მოზრდილთა და ბავშვთა ონკოჰემატოლოგიურ პაციენტთა მკურნალობას;

დ) ონკოინკურაბელურ პაციენტთა პალიატიურ მზრუნველობას.

    მუხლი 33. კომპონენტით გათვალისწინებული მომსახურება

კომპონენტი მოიცავს:

ა) სპეციალისტების კონსულტაციას;

ბ) პაციენტების დიაგნოსტიკურ მომსახურებას;

გ) ქირურგიულ ოპერაციებს;

დ) ქიმიო და სხივურ თერაპიას:

დ.ა) ქიმიოთერაპიისათვის საჭირო ქიმიომედიკამენტები;

დ.ბ) ქიმიოთერაპია;

ე) ონკოინკურაბელური პაციენტების მოვლას და სიმპტომურ მკურნალობას.

    მუხლი 34. დაფინანსების მეთოდოლოგია და ანაზღაურების წესი

1. საბიუჯეტო ასიგნებების ფარგლებში დაფინანსდება მომსახურების თითოეული ეპიზოდი. სამედიცინო მომსახურების ეპიზოდები წარმოდგენილია 15 ჯგუფად. თითოეული ჯგუფის ყველა ეპიზოდისთვის დაწესებულია ერთი საშუალო ღირებულება. პროგრამით ფინანსდება შემთხვევის ღირებულების 70%. თანაგადახდის წილი განსაზღვრული იქნება ნოზოლოგიური ჯგუფების მიხედვით, შემდეგი ცხრილის შესაბამისად:

 

2. 0–18 წლამდე ბავშვთა ასაკის პაციენტებისთვის ფინანსდება შემთხვევის ღირებულების 100%.

3. ონკოლოგიურ დაავადებათა სტაციონარული მკურნალობის ქვეკომპონენტის ფარგლებში იმ ნოზოლოგიების მკურნალობის თანხები, რომლებიც ითვალისწინებენ პათომორფოლოგიური და ბიოფსიური მასალების კვლევას, ანაზღაურდება მხოლოდ სათანადო დასკვნის არსებობის შემთხვევაში. თუ შეუძლებელია მორფოლოგიური ვერიფიკაციის მიღწევა, ანაზღაურება განხორციელდება კლინიკურად დადასტურებული ონკოლოგიური დიაგნოზების მიხედვით, მაგრამ ასეთ შემთხვევათა რიცხვი არ უნდა აღემატებოდეს საერთო შემთხვევათა 5%-ს. ოპერაციის შემდგომი პათომორფოლოგიური გამოკვლევების ტარიფების ანაზღაურება და თანაგადახდა განხორციელდება იმავე წესით, როგორც სადიაგნოსტიკო კომპონენტში.

4. ონკოლოგიურ დაავადებათა სტაციონარული მკურნალობის ქვეკომპონენტის ფარგლებში დიაგნოსტიკაში პაციენტის თანაგადახდა შეადგენს ფაქტობრივი ხარჯის 30%-ს, ფონდის მიერ ასანაზღაურებელი თანხა იანგარიშება ასევე ფაქტობრივი ხარჯიდან (70%), მაგრამ არა უმეტეს 150 ლარისა. კომპიუტერული ტომოგრაფიის შემთხვევაში – არა უმეტეს 160 ლარისა. კომპიუტერული ტომოგრაფია აუცილებელია ამ მუხლის პირველი პუნქტით გათვალისწინებული ცხრილის №№1, 2, 4, 5, 6, 8, 10, 12, 13, და 14 პუნქტებისათვის (გარდა ონკოჰემატოლოგიისა).

5. სიღარიბის ზღვარს ქვემოთ მყოფი მოსახლეობის სამედიცინო დახმარების პროგრამით მოსარგებლე მოსახლეობისათვის მომსახურების ხარჯების ანაზღაურება დაუშვებელია წინამდებარე პროგრამის კომპონენტით განსაზღვრული სახსრებიდან.

    მუხლი 35. ქიმიოთერაპია

ანაზღაურდება ქიმიომედიკამენტების ღირებულების 50%, არა უმეტეს 250 ლარისა.

    მუხლი 36. ჰორმონოთერაპია

ჰორმონოთერაპიასთან დაკავშირებული ექიმის კონსულტაცია და სხვა სამკურნალო დახმარება პაციენტისთვის უფასოა.

    მუხლი 37. 0-21 წლამდე ბავშვთა ონკოჰემატოლოგია

1. ანაზღაურების ერთეულს წარმოადგენს საწოლდღე, რომლის ღირებულება შეადგენს 97 ლარს.

2. ამბულატორიული მომსახურის ხარჯების ანაზღაურება განხორციელდება ფაქტობრივი ხარჯის მიხედით, მაგრამ არა უმეტეს შემდეგ ცხრილში მოცემული წლიური ღირებულებისა:

 

3. სახელმწიფო პროგრამებით გათვალისწინებული მომსახურების ფარგლებში დონორი ან სხვა ტიპის ორგანიზაციების/კერძო პირების მიერ მიწოდებული საქონელი ან მომსახურება წარმოადგენს პროგრამის ფინანსური უზრუნველყოფის დამატებით წყაროს და ბიუჯეტური ასიგნებებიდან გამოქვითვას არ ექვემდებარება.

    მუხლი 38. მოზრდილთა ონკოჰემატოლოგია

ანაზღაურდება ქიმიომედიკამენტების ღირებულების 50%, არა უმეტეს 250 ლარისა.

    მუხლი 39. ონკოინკურაბელურ პაციენტთა პალიატიური მზრუნველობის კომპონენტი

ანაზღაურების ერთეულია საწოლდღე, რომლის ღირებულება შეადგენს 55 ლარს. სახელმწიფო აფი-ნანსებს ღირებულების 70%-ს.

    მუხლი 40. სახელმწიფო შესყიდვა

მომსახურების შესყიდვა ხორციელდება ,,სახელმწიფო შესყიდვების შესახებ“ საქართველოს კანონის შესაბამისად.

    მუხლი 41. ბიუჯეტი

კომპონენტის ბიუჯეტი განისაზღვრება 6 770.0 ათასი ლარით, შემდეგი ცხრილის შესაბამისად:

 

თავი VIII

ინფექციურ დაავადებათა მკურნალობის კომპონენტი

    მუხლი 42. პროგრამით გათვალისწინებული მომსახურება

1. დიაგნოსტიკური მომსახურება მოიცავს:

ა) პაციენტის მდგომარეობის სიმძიმის შეფასებას;

ბ) პროფილური მომსახურების განსაზღვრას;

გ) საჭიროების მიხედვით კლინიკო-ლაბორატორიულ და ინსტრუმენტულ გამოკვლევებს;

დ) საჭიროების მიხედვით სპეციალისტების კონსულტაციებს.

2. სტაციონარული მკურნალობა მოიცავს:

ა) გადაუდებელ მომსახურებას (რეანიმაცია);

ბ) სპეციალიზებულ განყოფილებაში სტაციონარულ მომსახურებას:

ბ.ა) ნეიროინფექციების სტაციონარული მომსახურება;

ბ.ბ) ნაწლავთა ინფექციების სტაციონარული მომსახურება;

ბ.გ) ჰეპატიტების სტაციონარული მომსახურება;

ბ.დ) ობსერვაციული-საიზოლაციო მომსახურება.

3. ეპიდაფეთქებების დროს ავადმყოფთა სამედიცინო მომსახურებით უზრუნველყოფა.

    მუხლი 43. აივ-ინფექცია/შიდსის სტაციონარული მომსახურება

1. დიაგნოსტიკური მომსახურება მოიცავს:

ა) პირველადი ჯანდაცვიდან ან სხვა სტაციონარიდან შემოსული დიაგნოზების დადასტურებას (საჭიროების მიხედვით კლინიკო-ლაბორატორიულ-ინსტრუმენტული გამოკვლევები);

ბ) საჭიროების მიხედვით სპეციალისტების კონსულტაციებს.

2. მკურნალობა მოიცავს:

ა) ანტირეტროვირუსულ მკურნალობას;

ბ) ინდიკატორული დაავადებების მკურნალობას (ოპორტუნისტული დაავადებები);

გ) შესაბამის მედიკამენტოზურ უზრუნველყოფას.

    მუხლი 44. განხორციელება

პროგრამაში მონაწილეობს საქართველოში ლიცენზირებული ინფექციური პროფილის ყველა სამედიცინო დაწესებულება.

    მუხლი 45. დაფინანსების მეთოდოლოგია და ანაზღაურების წესი

1. პროგრამის ფარგლებში კონტრაქტირებული დაწესებულებები დაფინანსდება საბიუჯეტო ასიგნებების ფარგლებში. დაფინანსდება მკურნალობის თითოეული ეპიზოდი დამტკიცებული სახელმწიფო სტანდარტის ტარიფის შესაბამისად შემდეგი ცხრილის მიხედვით:

 

2. ცალკეულ ნოზოლოგიებზე გათვალისწინებულია თანაგადახდა:

ა) ქრონიკული ჰეპატიტების მკურნალობა ითვალისწინებს 25%-იან თანაგადახდას პაციენტების მიერ (თანაგადახდა არ ეხება 15 წლამდე ასაკის ბავშვებს);

ბ) პარაზიტულ დაავადებათა მკურნალობა ითვალისწინებს 20%-იან თანაგადახდას პაციენტის მიერ (თანაგადახდა არ ეხება 3 წლამდე ასაკის ბავშვებს).

    მუხლი 46. ბიუჯეტი

კომპონენტის ბიუჯეტი განისაზღვრება 2 720.0 ათასი ლარით.

 

თავი IX

გულის ქირურგიის კომპონენტი

    მუხლი 47. კომპონენტით გათვალისწინებული მომსახურება

კომპონენტით გათვალისწინებული მომსახურება მოიცავს:

ა) გულის თანდაყოლილი და შეძენილი მანკებით დაავადებული პაციენტების კარდიოქირურგიულ მკურნალობას;

ბ) აორტო-კორონარულ შუნტირებას;

გ) ანგიო-პლასტიკას.

    მუხლი 48. სახელმწიფო შესყიდვა

შესყიდვები განხორციელდება ,,სახელმწიფო შესყიდვების შესახებ“ საქართველოს კანონის შესაბამისად.

    მუხლი 49. დაფინანსების მეთოდოლოგია და ანზღაურების წესი

1. მომსახურება ჯგუფდება კატეგორიების მიხედვით და ფინანსდება ნოზოლოგიური ჯგუფისათვის დადგენილი საშუალო ღირებულებით, რომელიც ემყარება საექსპერტო შეფასებას, სახელმწიფო სამედიცინო სტანდარტებს და ტარიფებს, სტატისტიკურ მაჩვენებლებს შემდეგი ცხრილის შესაბამისად:

 

 

2. მოზრდილთა კარდიოქირურგიული მკურნალობა ფინანსდება შემთხვევის ღირებულების 70%-ით. თანაგადახდა შეადგენს 30%-ს.

3. გულის თანდაყოლილი მანკებით დაავადებული პაციენტების კარდიოქირურგიული მკურნალობა ფინანსდება სრულად.

    მუხლი 50. ბიუჯეტი

,,2007 წლის სახელმწიფო ბიუჯეტის შესახებ“ საქართველოს კანონის შესაბამისად კომპონენტის ბიუჯეტი განისაზღვრა 8 000,0 ათასი ლარით, შემდეგი ცხრილის მიხედვით:

 

თავი X

ორგანოთა და ქსოვილთა ტრანსპლანტაციისა და თირკმლის ჩანაცვლებითი თერაპიის კომპონენტი

    მუხლი 51. კომპონენტით გათვალისწინებული მომსახურება

კომპონენტით გათვალისწინებული მომსახურება მოიცავს:

ა) ჰემო და პერიტონალური დიალიზით მომსახურებას (არსებული კლინიკური მდგომარეობის მართვა განისაზღვრება ეროვნული გაიდლაინებითა და პროტოკოლით):

ა.ა) ნეფროლოგის კონსულტაცია;

ა.ბ) სადიალიზე საშუალებებით/მასალით უზრუნველყოფა;

ა.გ) მედიკამენტებით უზრუნველყოფა;

ა.დ) კლინიკო-ლაბორატორიული გამოკვლევები საჭიროების მიხედვით;

ა.ე) სისხლძარღვოვანი მიდგომის უზრუნველყოფა;

ბ) თირკმლის ტრანსპლანტაციას:

ბ.ა) გადანერგვის ოპერაცია;

ბ.ბ) თირკმელგადანერგილ პაციენტთა ამბულატორიული მონიტორინგი;

ბ.გ) პოსტოპერაციული გართულებების მკურნალობა;

ბ.დ) სპეციფიკური მედიკამენტებით უზრუნველყოფა ოპერაციიდან ერთი თვის განმავლობაში.

    მუხლი 52.სახელმწიფო შესყიდვა

შესყიდვები განხორციელდება ,,სახელმწიფო შესყიდვების შესახებ“ საქართველოს კანონის შესაბამისად.

    მუხლი 53. დაფინანსების მეთოდოლოგია და ანაზღაურების წესი

1. ჰემოდიალიზის დაფინანსება მოხდება გასაშუალოებული ტარიფის მეშვეობით – ერთი სეანსის ღირებულება 90 ლარი (156 სეანსი წელიწადში, კვირაში სამჯერ).

2. პერიტონიალური დიალიზის შემთხვევაში ერთი სეანსის ღირებულება 12,50 ლარი (1460 სეანსი წელიწადში, დღეში ოთხჯერ).

3. სისხლძარღვოვანი მიდგომის ფასი განისაზღვრება შემდეგი ცხრილის შესაბამისად:

 

4. ტრანსპლანტაციის ოპერაციის დაფინანსება მოხდება გასაშუალოებული ტარიფის მეშვეობით, ერთი ოპერაციის ღირებულება – 14 947.0 ლარი.

5. პროგრამულ დიალიზზე პაციენტთა ჩართვა განხორციელდება პროგრამულ დიალიზზე პაციენტთა ჩართვის თანდართული ინსტრუქციის შესაბამისად (დანართი – 4⁵ ).

6. პროგრამის ბიუჯეტის ფარგლებში, პაციენტთა ინტერესებიდან გამომდინარე დასაშვებია სერვისებს შორის თანხების გადანაცვლება.

    მუხლი 54. ბიუჯეტი

თავი XI

შაქრიანი და უშაქრო დიაბეტით დაავადებულთა სტაციონარული მომსახურება

    მუხლი 55. კომპონენტით გათვალისწინებული მომსახურება

კომპონენტით გათვალისწინებული მომსახურება მოიცავს:

ა) ექიმის კონსულტაციას, პაციენტის სამედიცინო განათლებას;

ბ) ლაბორატორიულ გამოკვლევებს;

გ) სტაციონარულ პირობებში პაციენტის გამოკვლევას;

დ) პირველი ექვსი თვის განმავლობაში პერორალური ანტიდიაბეტური პრეპარატებით უზრუნველყოფას.

    მუხლი 56. განხორციელება

1. შესყიდვა განხორციელდება ,,სახელმწიფო შესყიდვების შესახებ“ საქართველოს კანონის მოთხოვნათა შესაბამისად.

2. შესყიდვებში გამარჯვებული დაწესებულება საბიუჯეტო ასიგნებების ფარგლებში უზრუნველყოფს შაქრიანი დიაბეტით დაავადებულ მოზრდილთა რეგისტრის წარმოებას.

    მუხლი 57. დაფინანსების მეთოდოლოგია და ანაზღაურების წესი

დაფინანსება ხორციელდება გლობალური ბიუჯეტის პრინციპით. დაფინანსების ერთეულია მკურნალობის ეპიზოდი და შეადგენს 170,0 ლარს.

    მუხლი 58. ბიუჯეტი

,,2007 წლის სახელმწიფო ბიუჯეტის შესახებ“ საქართველოს კანონის შესაბამისად კომპონენტის ბიუჯეტი განისაზღვრა 420,0 ათასი ლარით.

თავი XII

ჰემოფილიით დაავადებულ ბავშვთა და მოზრდილთა მკურნალობის კომპონენტი

    მუხლი 59. კომპონენტით გათვალისწინებული მომსახურება

კომპონენტით გათვალისწინებული მომსახურება მოიცავს:

ა) ამბულატორიულ მკურნალობას:

ა.ა) ექიმი/ჰემატოლოგის კონსულტაცია;

ა.ბ) ტრანსფუზია სისხლდენებისა და სისხლჩაქცევების დროს (სისხლის კომპონენტების, ჰემოსტატიკების და ფაქტორების);

ა.გ) გამოკვლევები: სისხლის საერთო ანალიზი, გადამოწმება ინფექციური დაავადებების მარკერებზე სწრაფ ტესტებზე B და C ჰეპატიტი;

ა.დ)ფაქტორებით უზრუნველყოფა გართულებულ შემთხვევებში და ჰოსპიტალიზაციების დროს;

ა.ე) მე-8, მე-9 და ვილებრანდის ფაქტორების გამოკვლევა;

ა.ვ) თრომბოციტების ფუნქციური გამოკვლევა;

ბ) სტაციონარულ მომსახურებას:

ბ.ა) ჰემორაგიული დიათეზის შემთხვევებში ჰოსპიტალური მომსახურება;

ბ.ბ) ჰემოფილიური ართროპათიით გამოწვეული ორთოპედიული მომსახურება.

    მუხლი 60. კომპონენტის განხორციელება

1. შესყიდვა განხორციელდება ,,სახელმწიფო შესყიდვების შესახებ“ საქართველოს კანონის მოთხოვნათა შესაბამისად.

2. გამარჯვებული დაწესებულება საბიუჯეტო ასიგნებების ფარგლებში უზრუნველყოფს დაავადებულთა რეგისტრის წარმოებას.

    მუხლი 61. დაფინანსების მეთოდოლოგია და ანაზღაურების წესი

დაფინანსება განხორციელდება გლობალური ბიუჯეტის პრინციპით. დაფინანსების ერთეულს შეადგენს ამბულატორიული და ჰოსპიტალური მომსახურების ეპიზოდები.

    მუხლი 62. ბიუჯეტი

,,2007 წლის სახელმწიფო ბიუჯეტის შესახებ“ საქართველოს კანონის შესაბამისად კომპონენტის ბიუჯე-ტი განისაზღვრა 100,0 ათასი ლარით.

თავი XIII

სამხედრო ძალებში გასაწვევ მოქალაქეთა დამატებითი სამედიცინო გამოკვლევის კომპონენტი

    მუხლი 63. მიზანი

საქართველოს სამხედრო ძალების ჯანმრთელი კონტინგენტით შევსება.

    მუხლი 64. კომპონენტით გათვალისწინებული მომსახურება

კომპონენტის ფარგლებში განხორციელდება წვევამდელთა დამატებითი სამედიცინო შემოწმება სამხედრო ძალებში გაწვევისათვის.

    მუხლი 65. დაფინანსების მეთოდოლოგია

 ორგანიზაციების დაფინანსება განხორციელდება შესრულებული სამუშაოს მიხედვით. ტენდერის ჩატარების შემთხვევაში მომსახურების ღირებულება განისაზღვრება სატენდერო პირობით.

    მუხლი 66. ბიუჯეტი

,,2007 წლის სახელმწიფო ბიუჯეტის შესახებ“ საქართველოს კანონის შესაბამისად კომპონენტის ბიუ-ჯეტი განისაზღვრა 250,0 ათასი ლარით.

    მუხლი 67. მონიტორინგი და შეფასება

მონიტორინგი და შეფასება ხორციელდება შემდეგი ცხრილის შესაბამისად:

 

საქართველოს შრომის, ჯანმრთელობისა და სოციალური დაცვის მინისტრის 2007 წლის 2 აპრილის ბრძანება №110/ნ-სსმIII, №46, 03.04.2007წ.; მუხ.518

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

დანართი №4¹

მუდმივ, ჩანაცვლებით მკურნალობას დაქვემდებარებული დაავადებები, რომლებიც მთლიანად უნდა დაფინანსდეს პროგრამის ფარგლებში:       

1. ბარძაყის თანდაყოლილი ამოვარდნილობა. ფიქსატორის ამოღება;

2. ბარძაყის თანდაყოლილი ამოვარდნილობები. ოპერაციის შემდგომ რეაბილიტაცია;

3. რეგიონული ენტერიტი;

4. მალაბსორბცია გამოწვეული ტოლერანტობის დარღვევით;

5. ცელიაკია;

6. ცისტური ფიბროზი (მუკოვისციდოზი);

7. იუვენილური დერმატომიოზიტი;

8. იუვენილური მაანკილოზებელი სპონდილიტი (ბეხტერევის დაავადება);

9. რეიტერის დაავადება;

10. სისტემური სკლეროზი (სკლეროდერმია);

11. სისტემური წითელი მგლურა;

12. იუვენილური პოლიარტერიტი, ვეგენერის გრანულომატოზი, კან-ლორწოვან-ლიმფური კვანძების სინდრომი;

13. არასრული ოსტეოგენეზი.

14. შაქრიანი დიაბეტი (18 წლის ასაკამდე);

15. ბარძაყის თანდაყოლილი ამოვარდნილობა – ცალმხრივი, ორმხრივი;

16. ოპერაცია: ბარძაყის თავის ჩაყენება, ძვალკვეთა, რეკონსტრუქცია;

17. ლულოვანი ძვლების ქრონიკული ოსტეომიელიტის გამწვავება, კონსერვატიული მკურნალობა;

18. ქრონიკული ოსტეომიელიტი – სეკვესტრექტომია;

19. მინკოვსკი-შოფარის ჰემოლიზური ანემია;

20. დიდი თალასემია (ჰემოლიზური კრიზით);

21. ანემია გამოწვეული ფერმენტული დარღვევებით;

22.  მედიკამენტოზური ჰემოლიზი;

23. შონლაინ-ჰენოხის დაავადება;

24.  იდიოპათიური თრომბოციტოპენიური პურპურა;

25. იუვენილური რევმატოიდული ართრიტი;

26. ჰიპერთირეოდიზმი ჩიყვით და ჩიყვის გარეშე.

საქართველოს შრომის, ჯანმრთელობისა და სოციალური დაცვის მინისტრის 2007 წლის 2 აპრილის ბრძანება №110/ნ-სსმIII, №46, 03.04.2007წ.; მუხ.518

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

 

დანართი №4²

 

იშვიათი დაავადების ჩამონათვალი, რომლებიც მთლიანად უნდა დაფინანსდეს პროგრამის ფარგლებში:

1. მწვავე ინტერმიტირებადი პორფირია;

2. ადისონის დაავადება;

3. ალსტრიომის სინდრომი;

4. ბარტერის სინდრომი;

5. ბეხჩეტის სინდრომი;

6. უიპლის დაავადება;

7. ბილიარული ატრეზია;

8. კონის სინდრომი;

9. კრონკჰაიტ-კანადას დაავადება;

10. უშაქრო დიაბეტი;

11. გარდნერის სინდრომი;

12. გლუკოზა ფოსფატდეჰიდროგენაზას დეფიციტი;

13.  ჰემოქრომატოზი;

14. ჰემოფილია;

15.  ინსულინომა;

16.  ლაიმის დაავადება;

17.  ფენილკეტონურია;

18.  ჰომოცისტინურია;

19. ფეოქრომოციტომა;

20. ვილმსის სიმსივნე;

21. ვულგარული იხთიოზი;

22. ჰიპოფიზარული ნანიზმი.

საქართველოს შრომის, ჯანმრთელობისა და სოციალური დაცვის მინისტრის 2007 წლის 2 აპრილის ბრძანება №110/ნ-სსმIII, №46, 03.04.2007წ.; მუხ.518

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

 

დანართი №4³

პროგრამულ დიალიზზე პაციენტთა ჩართვის ინსტრუქცია

1. ეს ინსტრუქცია ადგენს პაციენტთა პრედიალიზზე და შემდგომ დიალიზზე აყვანის პროცედურას.

2. პრედიალიზზე აყვანას ექვემდებარებიან თირკმლის ქრონიკული დაავადების III, IV, V სტადიის მქონე ავადმყოფები შემდეგი ნეფროლოგიური დაავადებით:

ა) პირველადი ქრონიკული გლომერულონეფრიტები: ბერჟეს დაავადება, ექსტრამემბრანული გლომერულონეფრიტი, სეგმენტური და ფოკალური ჰიალინოზი, ქრონიკული პროლიფერაციული გლომერულონეფრიტი;

ბ) მეორადი ქრონიკული გლომერულონეფრიტები: დიაბეტური ნეფროპათია, ამილოიდოზი, სისტემური დაავადებები, ვეგენერის დაავადება, გუდპასჩერის სინდრომი, პოსტინფექციური გლომერულონეფრიტი, ჰემოლიტიკო-ურემიული სინდრომი;

გ) ჰიპერტენზია და ნეფროანგიოსკლეროზი;

დ) ქრონიკული ინტერსტიციალური ნეფროპათია: ქრ. პიელონეფრიტი, შარდ-კენჭოვანი დაავადება (ნეფროკალცინოზი, ცისტინოზი, ოქსალოზი), მედიკამენტური ნეფროპათია (ანტიობიოტიკები, ანალგეზიური და ნეფროტოქსიკური პრეპარატები), უროლოგიური დაავადებით გამოწვეული ნეფროპათიები;

ე) თანდაყოლილი დაავადებები: თირკმლის ჰიპოპლაზია და დისპლაზია, თირკმლის პოლიცისტური დაავადებები, ალპორტის სინდრომი, Fabry-ს დაავადება და სხვ.;

ვ) უცნობი ეტიოლოგიის ნეფროპათიები.

3. პრედიალიზზე აყვანას არ ექვემდებარებიან პაციენტები შემდეგი დაავადებებით:

ა) ავთვისებიანი სიმსივნეები, ავთვისებიანი სიმსივნეები მეტასტაზებით, მათ შორის, მრავლობითი მიელომა;

ბ) გულის რთული დეკომპენსირებული მანკები, გულის სხვა ორგანული დაავადებები გართულებული გულის უკმარისობის IIბ, III სტადიით;

გ) სასუნთქი სისტემის დაავადებები გართულებული პნევმოსკლეროზითა და რესპირატორული უკმარისობით (დეკომპენსირებული სტადია);

დ) ღვიძლის ციროზი (III და IV სტადია);

ე) ფსიქიკური დაავადებები დაბალი ინტელექტით.

4. პირველადი პაციენტის პრედიალიზზე აყვანისას:

ა) სათანადო პროფილური განყოფილების მკურნალი ექიმის მიერ ივსება ფორმა №27, იხსნება ამბულატორიული ბარათი, რომელშიც მითითებული იქნება თირკმლის ქრონიკული დაავადებების სტადია და თანხმლები დაავადებები;

ბ) აღნიშნულ ფორმა №27-სა და ამბულატორიული ბარათის საფუძველზე ხდება პაციენტის რეგისტრაცია.

5. დიალიზის სახელმწიფო პროგრამაში ჩართვისას პრიორიტეტი ენიჭება:

ა) 18 წლამდე ასაკის პაციენტებს;

ბ) პაციენტებს თირკმლის ჩანაცვლებითი თერაპიის ერთი სახეობიდან მეორეზე გადაყვანისას.

საქართველოს შრომის, ჯანმრთელობისა და სოციალური დაცვის მინისტრის 2007 წლის 2 აპრილის ბრძანება №110/ნ-სსმIII, №46, 03.04.2007წ.; მუხ.518

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

დანართი №4³ -ს დანართი№ 4³

 

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

საქართველოს შრომის, ჯანმრთელობისა და სოციალური დაცვის მინისტრის 2007 წლის 27 სექტემბრის ბრძანება №286/ნ-სსმIII, №137, 01.10.2007წ.; მუხ.1489

დანართი 4³-ის დანართი №4⁴

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

საქართველოს შრომის, ჯანმრთელობისა და სოციალური დაცვის მინისტრის 2007 წლის 27 სექტემბრის ბრძანება №286/ნ-სსმIII, №137, 01.10.2007წ.; მუხ.1489

 

დანართი №5

მოსახლეობის სპეციფიკური მედიკამენტებით უზრუნველყოფის სახელმწიფო პროგრამა

    მუხლი 1. პროგრამის ანოტაცია

1. პროგრამის მიზანია ბაზისურ სამედიცინო მომსახურებაზე მოსახლეობის ფინანსური ხელმისაწვდომობის გაზრდა.

2. მოსახლეობის სპეციფიკური მედიკამენტებით უზრუნველყოფის პროგრამა შედგება შემდეგი კომპონენტებისაგან:

ა) დიაბეტით დაავადებულ მოზრდილ ავადმყოფთა მედიკამენტებით უზრუნველყოფის კომპონენტი;

ბ) დიაბეტიან ბავშვთა და მოზარდთა მედიკამენტებით უზრუნველყოფის კომპონენტი;

გ) ჰემოფილიით დაავადებულ ბავშვთა და მოზრდილთა მედიკამენტებით უზრუნველყოფის კომპონენტი;

დ) ონკოინკურაბელურ პაციენტთა მედიკამენტებით უზრუნველყოფის კომპონენტი;

ე) ორგანოგადანერგილთა მედიკამენტებით უზრუნველყოფის კომპონენტი;

ვ) უშაქრო დიაბეტით დაავადებულთა მედიკამენტებით უზრუნველყოფის კომპონენტი;

ზ) ანტირაბიული სამკურნალო საშუალებებით უზრუნველყოფის კომპონენტი;

თ) იმუნიზაციის კომპონენტი;

ი) ფენილკეტონურიით დაავადებულ ბავშვთა სამკურნალო საკვები დანამატით უზრუნველყოფის კომპონენტი;

კ) სპეციალურ სამკურნალო საშუალებათა განბაჟების, ტრანსპორტირების, შენახვისა და გაცემის ხარჯები;

ლ) მუკოვისციდოზით დაავადებულთა სპეციფიკური მედიკამენტებით უზრუნველყოფის კომპონენტი;

მ) ნარკომანიით დაავადებულთა ჩამანაცვლებელი ნარკოტიკით უზრუნველყოფის კომპონენტი.

3. პროგრამის საერთო ბიუჯეტი შეადგენს       9 670,0 ათას ლარს.

4. პროგრამის მოქმედების ვადაა 2007 წლის 31 დეკემბრამდე.

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

    მუხლი 2. პროგრამის ამოცანა

პროგრამის ამოცანაა მოსახლეობის სპეციფიკური მედიკამენტებით უზრუნველყოფის შენარჩუნება და გაზრდა.

    მუხლი 3. მომსახურების პაკეტი

1. დიაბეტით დაავადებულ მოზრდილ ავადმყოფთა მედიკამენტებით უზრუნველყოფის კომპონენტი მოიცავს:

ა) შაქრიანი დიაბეტით დაავადებულთა ინსულინის პრეპარატებით უზრუნველყოფას;

ბ) საქართველოში მცხოვრები შაქრიანი დიაბეტით დაავადებულ მოზრდილ ავადმყოფთა ადეკვატური მედიკამენტოზური მკურნალობით უზრუნველყოფას;

გ) მოზრდილი პაციენტებისთვის ინსულინისა და მათი ანალოგების შეძენა-შენახვა-განაწილების უზრუნველყოფას.

2. დიაბეტიან ბავშვთა და მოზარდთა მედიკამენტებით უზრუნველყოფის კომპონენტი მოიცავს დიაბეტით დაავადებულ ბავშვთა და მოზარდთთათვის ინსულინისა და გლუკაგონის შეძენას, შენახვას და გაცემას.

3. ჰემოფილიით დაავადებულ ბავშვთა და მოზრდილთა მედიკამენტებით უზრუნველყოფის კომპონენტი მოიცავს ჰემოფილიით დაავადებულ პაციენტთა უზრუნველყოფას ანტიჰემოფილური ფაქტორ კონცენტრატებით და სისხლის სხვა აუცილებელი პრეპარატებით.

4. ონკოინკურაბელურ პაციენტთა მედიკამენტებით უზრუნველყოფის კომპონენტი მოიცავს ონკოინკურაბელურ პაციენტთა ტკივილგამაყუჩებელი მედიკამენტებით უზრუნველყოფას.

5. ორგანოგადანერგილთა მედიკამენტებით უზრუნველყოფის კომპონენტი მოიცავს:

ა) ორგანოგადანერგილთა იმუნოსუპრესული მედიკამენტებით უზრუნველყოფას;

ბ) აღრიცხვაზე მყოფ პაციენტთა მონიტორინგს.

6. უშაქრო დიაბეტით დაავადებულთა მედიკამენტებით უზრუნველყოფის კომპონენტი მოიცავს უშაქრო დიაბეტით დაავადებულთა მედიკამენტებით უზრუნველყოფას.

7. ანტირაბიული სამკურნალო საშუალებებით უზრუნველყოფის კომპონენტი მოიცავს 0-18 წლამდე ასაკის ბავშვებისა და სიღარიბის ზღვარს ქვემოთ მყოფი პაციენტების ანტირაბიული საშუალებებით უზრუნველყოფას.

8. იმუნიზაციის კომპონენტი მოიცავს ვაქცინების შეძენას, შენახვასა და გაცემას ,,ცივი ჯაჭვის“ პრინციპების დაცვით.

9. ფენილკეტონურიით დაავადებულ ბავშვთა სამკურნალო საკვები დანამატით უზრუნველყოფის კომპონენტი მოიცავს ფენილკეტონურიით დაავადებულ ბავშვთა საკვები დანამატით უზრუნველყოფას.

10. სპეციალური სამკურნალო საშუალებათა განბაჟების, ტრანსპორტირების, შენახვისა და გაცემის ხარჯები ითვალისწინებს ჯანმრთელობის დაცვის სახელმწიფო პროგრამების ფარგლებში ცენტრალიზებულად შეძენილი სამკურნალო საშუალებების (მათ შორის საკვები დანამატების) მიღება-შენახვა-გაცემის ორგანიზაციულ ტექნიკური საკითხების უზრუნველყოფას ფარმაცევტული მომსახურების მეშვეობით, რომლებიც მოიცავს:

ა) სამკურნალო საშუალებების (მათ შორის საკვები დანამატები) მიღება-შენახვა-გაცემას სამკურნალო-პროფილაქტიკურ დაწესებულებებზე (მათ შორის აფთიაქებზე) ფარმაცევტული ბაზის მომსახურების მეშვეობით;

ბ) სამკურნალო საშუალებების (მათ შორის საკვები დანამატები) ავადმყოფებზე გაცემას სამკურნალო-პროფილაქტიკური დაწესებულებების მეშვეობით (მათ შორის აფთიაქების);

გ) ნარკოტიკული საშუალებების ადმინისტრაციულ – ტერიტორიულ ერთეულებში ტრანსპორტირებას ბადრაგირების მეშვეობით.

11. მუკოვისციდოზით დაავადებულთა სპეციფიკური მედიკამენტებით უზრუნველყოფის კომპონენტი მოიცავს მუკოვისციდოზით დაავადებულთა მედიკამენტებით უზრუნველყოფას.

12. ნარკომანიით დაავადებულთა ჩამანაცვლებელი ნარკოტიკით უზრუნველყოფის კომპონენტი მოიცავს ნარკომანიით დაავადებულთა ჩამანაცვლებელი ნარკოტიკით უზრუნველყოფას.

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

    მუხლი 4. პროგრამის ღონისძიებები

1. ამოცანა ჩაითვლება მიღწეულად, თუ სახელმწიფოს მიერ აღებული ვალდებულების შესაბამისად, სპეციფიკური მედიკამენტებით უზრუნველყოფილი იქნება ყველა სამიზნე ჯგუფი.

2. შესყიდვები განხორციელდება ,,სახელმწიფო შესყიდვების შესახებ“ საქართველოს კანონის შესაბამისად.

3. სსიპ საქართველოს სოციალური დაზღვევის ერთიანი სახელმწიფო ფონდი (შემდგომში – ფონდი) შეიმუშავებს ხელშეკრულების პირობებს ერთი თვის ვადაში.

4. ფონდი (სათავო ოფისში და ფილიალებში) განუმარტავს მომსახურების მომწოდებლებს ხელშეკრულების პირობებს და აფორმებს ხელშეკრულებას.

5. ფონდი იღებს ანგარიშგებას მომსახურების მომწოდებლებიდან და ახდენს ანგარიშსწორებას ხელშეკრულებით დადგენილი წესით.

6. პროგრამით გათვალისწინებული რუტინული ვაქცინების შესყიდვა განხორციელდება შრომის, ჯანმრთელობისა და სოციალური დაცვის სამინისტროსა და გაეროს ბავშვთა ფონდს შორის გაფორმებული მემორანდუმის საფუძველზე ერთ პირთან – გაეროს ბავშვთა ფონდთან, მოლაპარაკების გზით.

7. ბენეფიციართა აღრიცხვაზე აყვანა და ბარათების დარიგება განხორციელდება თანდართული წესის შესაბამისად (დანართი 5¹).

საქართველოს შრომის, ჯანმრთელობისა და სოციალური დაცვის მინისტრის 2007 წლის 26 ნოემბრის ბრძანება №327/ნ-სსმIII, №168, 28.11.2007წ.; მუხ.1866

    მუხლი 5. პროგრამის ბიუჯეტი

,,საქართველოს 2007 წლის სახელმწიფო ბიუჯეტის შესახებ“ საქართველოს კანონის შესაბამისად პროგრამის ბიუჯეტი განისაზღვრა 9 670,0 ათასი ლარით, შემდეგი ცხრილის მიხედვით:

 

საქართველოს შრომის, ჯანმრთელობისა და სოციალური დაცვის მინისტრის 2007 წლის 2 აპრილის ბრძანება №110/ნ-სსმIII, №46, 03.04.2007წ.; მუხ.518

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

 

დანართი 5¹

ბენეფიციართა აღიცხვაზე აყვანის, ბარათის შევსებისა და გაცემის წესი

1. ,,მოსახლეობის სპეციფიკური მედიკამენტებით უზრუნველყოფის სახელმწიფო პროგრამის“ მოსარგებლეთა აღრიცხვაზე აყვანა ხორციელდება შემდეგი კომპონენტების ფარგლებში:

ა) დიაბეტით დაავადებულ მოზრდილ ავადმყოფთა მედიკამენტებით უზრუნველყოფის კომპონენტი;

ბ) დიაბეტიან ბავშვთა და მოზარდთა მედიკამენტებით უზრუნველყოფის კომპონენტი;

გ) ჰემოფილიით დაავადებულ ბავშვთა და მოზრდილთა მედიკამენტებით უზრუნველყოფის კომპონენტი;

დ) ორგანოგადანერგილთა მედიკამენტებით უზრუნველყოფის კომპონენტი;

ე) უშაქრო დიაბეტით დაავადებულთა მედიკამენტებით უზრუნველყოფის კომპონენტი;

ვ) ფენილკეტონურიით დაავადებულ ბავშვთა სამკურნალო საკვები დანამატით უზრუნველყოფის კომპონენტი;

ზ) მუკოვისციდოზით დაავადებულთა სპეციფიკური მედიკამენტებით უზრუნველყოფის კომპონენტი.

2. აღრიცხვაზე აყვანისათვის პაციენტმა ან მისმა ნდობით აღჭურვილმა პირმა (ნოტარიალურად დამოწმებული დოკუმენტის საფუძველზე) ჯანმრთელობისა და სოციალური პროგრამების სააგენტოში უნდა წარადგინოს:

ა) შესაბამისი პროგრამის განმახორციელებელი დაწესებულების მიერ გაცემული ფორმა №IV-100/ა, რომელშიც დადასტურებული იქნება შესაბამისი დიაგნოზი;

ბ) პირადობის მოწმობის დედანი და ასლი;

გ) ბავშვების აღიცხვისას – ბავშვის დაბადების მოწმობის დედანი და ასლი (ასევე აუცილებელია ბავშვის მშობლის ან მეურვის პირადობის მოწმობის დედანი და ასლი, მეურვეობის დამადასტურებელი დოკუმენტის დედანი/ასლი).

დ) 2 ფოტოსურათი.

3. აღრიცხვაზე აყვანის შემდგომ პაციენტს მიეცემა ბარათი, რომელიც ივსება შემდეგი მონაცემებით:

ა) პაციენტის სახელი, გვარი;

ბ) დაბადების თარიღი;

გ) მისამართი, საკონტაქტო ტელეფონი;

დ) პირადობის დამადასტურებელი საბუთის ნომერი;

ე) ფოტოსურათი.

4. ბარათი მოწმდება სააგენტოს ბეჭდით.

5. ბარათის ერთი ნაწილი გადაეცემა პაციენტს, ხოლო მეორე იდენტური ნაწილი რჩება სააგენტოში.

6. ბარათის მფლობელი უფლებამოსილია მიიღოს კუთვნილი სპეციფიკური მედიკამენტები სახელმწიფო პროგრამის განმახორციელებელ შესაბამის დაწესებულებებში.

საქართველოს შრომის, ჯანმრთელობისა და სოციალური დაცვის მინისტრის 2007 წლის 26 ნოემბრის ბრძანება №327/ნ-სსმIII, №168, 28.11.2007წ.; მუხ.1866

 

დანართი 6

დაავადებათა პროფილაქტიკის სახელმწიფო პროგრამა

თავი I

          მუხლი 1. პროგრამის ანოტაცია

1. დაავადებათა პროფილაქტიკის სახელმწიფო პროგრამა წარმოადგენს ღონისძიებათა კომპლექსს, რომელთა რეალიზება განაპირობებს მოსახლეობის ჯანმრთელობის მდგომარეობის შენარჩუნებასა და პრევენციის ხელშეწყობას.

2. პროგრამის მიზანია მოსახლეობის ჯანმრთელობის მდგომარეობის გაუმჯობესება.

3. დაავადებათა პროფილაქტიკის სახელმწიფო პროგრამა შედგება შემდეგი კომპონენტებისა და ქვეკომპონენტებისაგან:

ა) დაავადებათა (მ.შ., ნარკომანიის) პროფილაქტიკის კომპონენტი:

ა.ა) საკვები პროდუქტების მიკრონუტრიენტებით გამდიდრების (ფორტიფიცირება) ხელშეწყობა;

ა.ბ) სქესობრივი გზით გადამდებ დაავადებათა პროფილაქტიკის ქვეკომპონენტი;

ა.გ) შიდსის პროფილაქტიკის ქვეკომპონენტი;

ა.დ) მოსახლეობის მიზნობრივი ჯგუფების უსაფრთხო სისხლით უზრუნველყოფის ქვეკომპონენტი;

ა.ე) დაავადებათა რეესტრის განხორციელების ქვეკომპონენტი;

ა.ვ) ნარკომანიის პროფილაქტიკურ ღონისძიებათა, ცხოვრების ჯანსაღი წესის დამკვიდრების და ავადობის აქტიური გამოვლინებისა და მოსახლეობის სამედიცინო-პროფილაქტიკური გასინჯვების ქვეკომპონენტი;

ა.ზ) ახალშობილთა სმენის სკრინინგული გამოკვლევის ქვეკომპონენტი;

ბ) საქართველოს პროფესიული ჯანმრთელობის პრევენციისა და მონიტორინგის კომპონენტი;

გ) გენეტიკური პათოლოგიის ადრეული დიაგნოსტიკის კომპონენტი;

დ) ეპილეფსიის პროფილაქტიკისა და მკურნალობის კომპონენტი.

4. პროგრამის ბიუჯეტი ,,საქართველოს 2007 წლის სახელმწიფო ბიუჯეტის შესახებ“ საქართველოს კანონის შესაბამისად განისაზღვრა 1 780,0 ათასი ლარით, შემდეგი ცხრილის მიხედვით:

 

 

5. პროგრამა მოქმედებს მისი ძალაში შესვლიდან 2007 წლის 31 დეკემბრის ჩათვლით.

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

 

თავი II

დაავადებათა (მ.შ., ნარკომანიის) პროფილაქტიკის კომპონენტი

    მუხლი 2. კომპონენტის ანოტაცია

1. საქართველოში ნარკომანიის გავრცელების საგანგაშო მასშტაბები, ონკოლოგიურ დაავადებათა გავრცელებისა და სიკვდილიანობის მიზეზთა შორის მაღალი დონე, მოსახლეობაში აივ ინფექცია/შიდსის, სგგდ, B და C ჰეპატიტის აგრეთვე მაღალი გავრცელების ტენდენციები – აღნიშნულ პრობლემებთან ბრძოლა მოითხოვს ჯანმრთელობის ხელშეწყობისათვის სახელმწიფო ღონისძიებების პერმანენტულ განხორციელებას.

2. დაავადებათა (მ.შ., ნარკომანიის) პროფილაქტიკის კომპონენტის (შემდგომში – კომპონენტი) მიზანია:

ა) სოციალურად საშიშ დაავადებათა (ინფექციური და არაინფექციური) ადრეული გამოვლენა, გავრცელების შეზღუდვა;    

ბ) ავადობის აქტიური გამოვლინების გზით საქართველოს მოსახლეობის ჯანმრთელობის მდგომარეობის შესწავლა-შეფასება და მისი გაუმჯობესების ხელშეწყობა გარკვეულ ფენებსა და სოციალურ ჯგუფებში;

 გ) საზოგადოებაში ჯანმრთელობის განვითარების ხელშეწყობა ცხოვრების ჯანსაღი წესის დამკვიდრების გზით.

3. კომპონენტი შედგება შემდეგი ქვეკომპონენტებისაგან:

ა) საკვები პროდუქტების მიკრონუტრიენტებით გამდიდრების (ფორტიფიცირება) ხელშეწყობა;

ბ) სქესობრივი გზით გადამდებ დაავადებათა პროფილაქტიკის ქვეკომპონენტი;

გ) შიდსის პროფილაქტიკის ქვეკომპონენტი;

დ) მოსახლეობის მიზნობრივი ჯგუფების უსაფრთხო სისხლით უზრუნველყოფის ქვეკომპონენტი;

ე) დაავადებათა რეესტრის განხორციელების ქვეკომპონენტი;

ვ) ნარკომანიის პროფილაქტიკურ ღონისძიებათა, ცხოვრების ჯანსაღი წესის დამკვიდრების და ავადობის აქტიური გამოვლინებისა და მოსახლეობის სამედიცინო-პროფილაქტიკური გასინჯვების ქვეკომპონენტი;

ზ) ახალშობილთა სმენის სკრინინგული გამოკვლევის ქვეკომპონენტი.

4. კომპონენტის საერთო ბიუჯეტი შეადგენს 1 316,0 ათას ლარს.

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

    მუხლი 3. კომპონენტის ღონისძიებები

1. საკვები პროდუქტების მიკრონუტრიენტებით გამდიდრების (ფორტიფიცირება) ხელშეწყობის ქვეკომპონენტი მოიცავს მიზნობრივ ჯგუფებში რკინადეფიციტური ანემიის მონიტორინგის გზით, ანემიის დაძლევის რეკომენდაციათა შემუშავებასა და საკვები პროდუქტების მიკრონუტრიენტებით გამდიდრების (ფორტიფიცირება) განხორციელების ხელშეწყობას.

2. სქესობრივი გზით გადამდებ დაავადებათა (სგგდ) პროფილაქტიკის ქვეკომპონენტი მოიცავს რისკჯგუფების სგგდ დიაგნოსტიკას.

3. შიდსის პროფილაქტიკის ქვეკომპონენტი მოიცავს რისკის ჯგუფების აივ ინფექცია/შიდსზე დაიგნოსტიკას.

4. მოსახლეობის მიზნობრივი ჯგუფების უსაფრთხო სისხლით უზრუნველყოფის ქვეკომპონენტი მოიცავს:

ა) დონორთა სისხლის დიაგნოსტიკას;

ბ) დონორთა საინფორმაციო ბანკის ფუნქციონირების ხელშეწყობას.

5. დაავადებათა რეესტრის განხორციელების ქვეკომპონენტი მოიცავს:

ა) კიბოსწინა დაავადებებისა და ავთვისებიანი სიმსივნეების ადრეული ფორმების გამოვლენის, ქვეყანაში ონკოდაავადებების აღრიცხვიანობის გაუმჯობესებას;

ბ) ორგანოთა ტრანსპლანტაციის საჭიროების მქონე პაციენტთა საინფორმაციო ბანკის მართვას.

6. ნარკომანიის პროფილაქტიკურ ღონისძიებათა, ცხოვრების ჯანსაღი წესის დამკვიდრების და ავადობის აქტიური გამოვლინებისა და მოსახლეობის სამედიცინო-პროფილაქტიკური გასინჯვების ქვეკომპონენტი მოიცავს:

ა) ნარკომანიით დაავადებულთა, მ.შ. არასრულწლოვანთა და ქალთა ნარკოლოგიურ სპეციალიზებულ დახმარებას;

ბ) ნარკომანიით დაავადებულთა რეაბილიტაციის ღონისძიებებს;

გ) ნარკოლოგიური ცენტრების ქმედითუნარიანობის გაზრდას, რაც გულისხმობს:

გ.ა) ფსიქოაქტიური ნივთიერებების მავნედ მოხმარების გამოვლენას და დიაგნოსტიკას;

გ.ბ) დაავადების პროგრესირების პრევენციას პაციენტის სწავლების, ადრეული დიაგნოსტიკისა და მკურნალობის, ან სხვა სპეციალისტთან მიმართვის გზით;

გ.გ) ნარკომანიის წინააღმდეგ მოსახლეობისა და მიზნობრივი ჯგუფის ინფორმირებას;

დ) ცხოვრების ჯანსაღი წესის დამკვიდრებას, რაც გულიხმობს:

დ.ა) მიზნობრივი ჯგუფების (სტუდენტობა-ახალგაზრდობა) ინფორმირებას ცხოვრების ჯანსაღი წესის დამკვიდრების საკითხებში (თამბაქოს კონტროლი, ფიზიკური აქტივობა, ჯანსაღი კვება და სხვ.);

დ.ბ) სარეკლამო კამპანიას ცხოვრების ჯანსაღი წესის დამკვიდრების მიზნით.

ე) ქალთა დისჰორმონული ოსტეოპოროზის პროფილაქტიკას დენსიტომეტრიის საშუალებით;

ვ) ავადობის აქტიურ გამოვლინებასა და მოსახლეობის სამკურნალო-პროფილაქტიკურ გასინჯვებს.

7. ახალშობილთა სმენის სკრინინგული გამოკვლევის ქვეკომპონენტი მოიცავს:

ა) ახალშობილებში სმენის სკრინინგულ გამოკვლევას;

ბ) კომპიუტერულ აუდიომეტრიას.

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

    მუხლი 4. მოსალოდნელი შედეგი

1. ნარკოტიკების არალეგალური მოხმარების შემცირება და მიზნობრივი ჯგუფის ინფორმირება.

2. საზოგადოებაში ნარკომანიის წინააღმდეგ უარყოფითი დამოკიდებულების ფორმირება, გამოვლენილ პირთა აღრიცხვიანობისა და პროფილაქტიკური მეთვალყურეობის მოწესრიგება, ქვეყანაში სამედიცინო-სოციალური რეაბილიტაციურ ღონისძიებათა გატარების მეთოდურ რეკომენდაციათა შემუშავება.

3. ნარკოტიკების მოხმარებით გამოწვეული არაინფექციური და ინფექციური დაავადებების პრევენცია.

4. ამოღებულია .

5. სქესობრივი გზით გადამდები დაავადებების გამოვლენა, მათი გავრცელების მასშტაბების დადგენა.

6. აივ ინფიცირებულთა დროული გამოვლენა მაღალი რისკის ჯგუფის პირთა (მ.შ. ნარკომანების, ჰომოსექსუალების, მეძავების და სხვა) ნებაყოფლობითი უფასო გამოკვლევის შედეგად და აივ ინფექცია/შიდსზე მათი ცოდნის დონის გაუმჯობესება.

7. დონორთა სისხლის აივ ინფექციაზე B და C ჰეპატიტებსა და სიფილისზე სკრინინგული კვლევის უზრუნველყოფა და სისხლის გადასხმის გზით აღიშნული ინფექციების გადაცემის შემცირება.

8. აივ ინფექციით, B და C ჰეპატიტებითა და სიფილისით დაავადებულთა გამოვლენა დაავადების ადრეულ სტადიაზე, აღნიშნული ინფექციების აღრიცხვიანობის მოწესრიგება.

9. ონკოლოგიურ დაავადებათა გამოვლენა ადრეულ სტადიაზე.

10. ორგანოთა ტრანსპლანტაციის საჭიროების მქონე პაციენტთა აღრიცხვიანობის მოწესრიგება.

11. საზოგადოებაში ცხოვრების ჯანსაღი წესის შენარჩუნება და გაძლიერება.

12. მოსახლეობის ჯანმრთელობის მდგომარეობის ავადობის გამოვლენა, ავადობის სტრუქტურის შესახებ ინფორმაციის მიღება, დამუშავების შედეგებიდან გამომდინარე გამოვლენილი გავრცელებული დაავადებების პროფილაქტიკისა და მათზე კონტროლის რეკომენდაციების შემუშავება.

    მუხლი 5. სახელმწიფო შესყიდვები

შესყიდვა განხორციელდება ,,სახელმწიფო შესყიდვების შესახებ“ საქართველოს კანონის მოთხოვნათა შესაბამისად.

    მუხლი 6. განხორციელებაში მონაწილე დაწესებულებები

2007 წლის 1 აპრილიდან ამ კომპონენტით გათვალისწინებული მომსახურების, მოქმედი კანონმდებლობის თანახმად, შესყიდვების დასრულებამდე სსიპ ,,სოციალური დაზღვევის ერთიანმა სახელმწიფო ფონდმა“ ხელშეკრულებები გააფორმოს მომსახურების იმავე მიმწოდებლებთან, რომლებთანაც საზოგადოებრივი ჯანდაცვის დეპარატმენტს ჰქონდა გაფორმებული 2007 წლის 1 აპრილამდე.

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

    მუხლი 7. კომპონენტის ბიუჯეტი და დაფინანსების მეთოდოლოგია

კომპონენტის ბიუჯეტი განისაზღვრება 1 316,0 (ათასი) ლარით შემდეგი ცხრილის შესაბამისად:

 

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

თავი III

საქართველოს პროფესიული ჯანმრთელობის პრევენციისა და მონიტორინგის კომპონენტი

    მუხლი 8. კომპონენტის ანოტაცია

1. ქვეყნის მზარდი ეკონომიკის პირობებში შემოდის უახლესი საწარმოო და მომსახურებითი ტექნოლოგიები, რომელთაც თან ახლავს ჯანმრთელობის სათანადო რისკები. მათი იდენტიფიცირება, ფიქსირება და საწარმოო პროცესის სათანადოდ შეფასება დასაქმებულის ჯანმრთელობის შესაბამისი მდგომარეობის უზრუნველყოფისათვის აუცილებელია.

2. კომპონენტის მიზანია:

ა) პროფესიულ დაავადებათა პრევენცია და ჯანმრთელობის დაცვა;

ბ) ზოგადი და პროფესიით განპირობებული ავადობის გამოვლინება, პრაქტიკული და მეთოდური ხასიათის რეკომენდაციების შემუშავება.

3. კომპონენტის ბიუჯეტია 190,0 ათასი ლარი (დაფინანსების მეთოდი – გლობალ ბიუჯეტი.

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

    მუხლი 9. კომპონენტით გათვალისწინებული ღონისძიებები

1. პროფესიული ჯანმრთელობის კვლევა და შრომის პროცესში მოქმედი გარე-ფაქტორების შეფასება;

2. პროფესიულ დაავადებათა პრევენციული ღონისძიებების გატარება პირველადი და მეორადი პროფილაქტიკის დონეზე;

3. მიზნობრივი ჯგუფების დიაგნოსტირება და პროფესიულ დაავადებათა მკურნალობის ხელშეწყობა;

4. პროფესიული ჯანმრთელობის ერთიანი მონიტორინგის სისტემის ფორმირება და ფუნქციონირების ხელშეწყობა.

5. პროფესიონალური სამოქმედო სქემების განსაზღვრა უხშირესი პროფესიული დაავადებების პროფილაქტიკისა და მკურნალობის მიხედვით;

6. პროფესიული ჯანმრთელობის დაცვის სამართლებრივი რეგულაციების მომზადების ხელშეწყობა;

7. პროფესიული ჯანმრთელობის კვლევისა და შეფასებისათვის შესაბამისი მატერიალურ-ტექნიკური ბაზის ფორმირება.

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

    მუხლი 10. მოსალოდნელი შედეგები

კომპონენტის მოსალოდნელი შედეგებია პროფესიულ დაავადებათა შემცირება, ჯანმრთელობის გაუმჯობესება.

    მუხლი 11. სახელმწიფო შესყიდვები

შესყიდვა განხორციელდება „სახელმწიფო შესყიდვების შესახებ“ საქართველოს კანონის მოთხოვნათა შესაბამისად.

თავი IV

გენეტიკური პათოლოგიის ადრეული დიაგნოსტიკის კომპონენტი

    მუხლი 12. კომპონენტის ანოტაცია

1. საქართველოში პერინატალური დაავადების და სიკვდილობის, ახალშობილთა თანდაყოლილი განვითარების მანკების და დედათა სიკვდილობის მაღალმა მაჩვენებლებმა გამოავლინა პერინატალური კონტროლის გაძლიერების აუცილებლობა. განსაკუთრებით აღსანიშნავია ის სავალალო სიტუაცია, რომელიც შეიქმნა თანდაყოლილ სიმახინჯეებთან მიმართებაში. ბოლო 15 წლის განმავლობაში ეკონომიკური, სოციალური და ბუნებრივი ფაქტორების ზეგავლენით მოიმატა თანდაყოლილი სიმახინჯეების რიცხვმა. ადრეული დიაგნოსტიკის შემთხვევაში შესაძლებელი ხდება ორსულობის სწორი მართვა და საუკეთესო შედეგებით მისი დასრულება. ადრეულ დიაგნოსტიკას აქვს უდიდესი ეკონომიკური ეფექტიც, რაც გამოიხატება იმ თანხების დაზოგვაში, რომელიც უნდა დაიხარჯოს ინვალიდი ახალშობილის, ბავშვის და მოზრდილის რეაბილიტაციაში.

2. პროგრამის მიზანია:

ა) თანდაყოლილი სიმახინჯეებით დაავადებულთა დროული დიაგნოსტიკა;

ბ) თანდაყოლილი სიმახინჯეებით დაავადებულთა დროული გამოვლენა და უნარშეზღუდული მოსახლეობის რაოდენობის შემცირება.

3. კომპონენტის საერთო ბიუჯეტია 100,0 (ათასი) ლარი (ანაზღაურებაშესრულებული სამუშაოს მიხედვით დანართის შესაბამისად, ცხრილი №6).

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

    მუხლი 13. კომპონენტის ღონისძიებები

კომპონენტის ღონისძიებებია:

ა) გენეტიკურ პათოლოგიებზე სკრინინგული გამოკვლევა სამმაგი ტესტ-სისტემით რისკის მქონე ორსულთა ჯგუფებში (დანართი 6¹) ქ. თბილისის მასშტაბით;

ბ) სკრინინგით ვერიფიცირებული ორსულების ინვაზიური კვლევა (ამნიოცენტეზი) კარიოტიპირების მეთოდით.

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

    მუხლი 14. მოსალოდნელი შედეგები

საზოგადოების დაინვალიდების პროცენტის შემცირება.

    მუხლი 15. სახელმწიფო შესყიდვები

შესყიდვა განხორციელდება ,,სახელმწიფო შესყიდვების შესახებ“ საქართველოს კანონის მოთხოვნათა შესაბამისად.

თავი V

ეპილეფსიის პროფილაქტიკისა და მკურნალობის კომპონენტი

    მუხლი 16. კომპონენტის ანოტაცია

1. საქართველოში მცხოვრები სულ ცოტა 35-40 ათასი აქტიური ეპილეფსიით დაავადებული საჭიროებს ხანგრძლივ ანტიეპილეფსიურ მკურნალობასა და მუდმივ მეთვალყურეობას; 70-80 ათას ფიზიკურ პირს ეპილეფსია სიცოცხლის რომელიმე ეტაპზე აქვს გადატანილი და ისინი გულყრების განახლების მაღალი რისკის ქვეშ იმყოფებიან. საქართველოში სიღარიბის კატასტროფული მასშტაბები შეუძლებელს ხდის ეპილეფსიის სპეციფიკური პროფილაქტიკისა და მკურნალობის უზრუნველყოფას მხოლოდ პაციენტის შესაძლებლობებზე დაყრდნობით. ეპილეფსია სოციალური ხასიათის პრობლემაა: სწორი მართვის პირობებში, სამედიცინო შედეგის თვალსაზრისით, შემთხვევათა 70-75% განკურნებადია, ხოლო 85-90%-ში შესაძლებელია ასეთი ადამიანების სოციალურად სრულყოფილ პიროვნებებად ფორმირება.

2. კომპონენტის მიზანს წარმოადგენს საქართველოს მოსახლეობაში ეპილეფსიის ავადობის შემცირება, პრობლემის მართვა, დაავადებულთა და მათი ოჯახების ფსიქოსოციალური რეაბილიტაცია.

3. კომპონენტის საერთო ბიუჯეტია 174,0 ათასი ლარი (დაფინანსების მეთოდი – გლობალ ბიუჯეტი).

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

    მუხლი 17. კომპონენტის ღონისძიებები

კომპონენტის ღონისძიებებია:

ა) ეპილეფსიის რეგისტრი და მისი ფუნქციონირება;

ბ) ეპილეფსიის პროფილაქტიკა და დაავადების სტიგმის შემცირება;

გ) ეპილეფსიის მკურნალობის ხელშეწყობა ამბულატორიულ და მაღალტექნოლოგიურ სპეციალიზებულ დონეზე.

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

    მუხლი 18. მოსალოდნელი შედეგები

პრობლემის მართვა, აღრიცხვიანობის გაუმჯობესება, დაავადებულთა ჯანმრთელობის გაუმჯობესება, დაავადებიანობის შემცირება, დაავადებულებისა და მათი ოჯახების ფსიქოსოციალური რეაბილიტაცია.

    მუხლი 19. სახელმწიფო შესყიდვები

შესყიდვა განხორციელდება „სახელმწიფო შესყიდვების შესახებ“ საქართველოს კანონის მოთხოვნათა შესაბამისად.

    მუხლი 20. განხორციელებაში მონაწილე დაწესებულებები

2007 წლის 1 აპრილიდან ამ კომპონენტით გათვალისწინებული მომსახურების, მოქმედი კანონმდებლობის თანახმად, შესყიდვების დასრულებამდე სსიპ ,,სოციალური დაზღვევის ერთიანმა სახელმწიფო ფონდმა“ ხელშეკრულებები გააფორმოს მომსახურების იმავე მიმწოდებლებთან, რომლებთანაც საზოგადოებრივი ჯანდაცვის დეპარატმენტს ჰქონდა გაფორმებული 2007 წლის 1 აპრილამდე.

 

ცხრილი 1

სქესობრივი გზით გადამდებ დაავადებათა პროფილაქტიკის ქვეკომპონენტი

 

ცხრილი 2

 

შიდსის პროფილაქტიკის ქვეკომპონენტი:

 

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

 

ცხრილი 3

მოსახლეობის მიზნობრივი ჯგუფების უსაფრთხო სისხლით უზრუნველყოფის ქვეკომპონენტი

                                                                                                                                                                                                                                                                              

       ცხრილი 4 (ამოღებულია)

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

 

                                                                                                                                                                                                                                                                                                                        ცხრილი 5

 

ახალშობილთა სმენის სკრინინგული გამოკვლევის ქვეკომპონენტი

 

                                                                                                                                                                                                                                                                                                                  

 

                                                                                                                                                                                                                                                                                                                   ცხრილი 6

გენეტიკური პათოლოგიის ადრეული დიაგნოსტიკის კომპონენტი

 

 

საქართველოს შრომის, ჯანმრთელობისა და სოციალური დაცვის მინისტრის 2007 წლის 2 აპრილის ბრძანება №111/ნ-სსმIII, №46, 03.04.2007წ.; მუხ.519

დანართი 6¹

ორსულთა რისკ-ჯგუფები თანდაყოლილი პათოლოგიის სკრინინგისათვის:

1. ქრომოსომული პათოლოგიის არსებობა ერთ-ერთ მშობელთან და/ან ოჯახის წევრთან;

2. გენური პათოლოგიის არსებობა ერთ-ერთ მშობელთან და/ან ოჯახის წევრთან;

3. ნაადრევი ბავშვის დაბადება თანდაყოლილი განვითარების მანკით;

4. ანამნეზში მკვდრადშობადობა;

5. დაუდგენელი მიზეზით ნეონატალურ პერიოდში ახალშობილის სიკვდილი;

6. ქალის ასაკი 35 და მეტი წლის;

7. ინფექციური დაავადებები (აქტიური ციტომეგალოვირუსი, ჰერპესი, ტოქსოპლაზმოზი, B და C ჰეპატიტი, წითელა);

8. აუტოსომ-დომინანტური ტიპის მემკვიდრული დაავადებების არსებობა მშობლებში;

9. აუტოსომ-რეცესიული დაავადებების ჰეტეროზიგოტური მატარებლობა ორივე მშობელში;

10. ნაყოფის ულტრაბგერითი გამოკვლევით განვითარების მანკის ნიშნების აღმოჩენა;

11. ორსულობის პერიოდში ძლიერმოქმედი წამლების მიღება;

12. ერთ-ერთი მშობლის ნარკომანია და ალკოჰოლიზმი;

13.  ხელოვნური განაყოფიერება;

14. მედიკამენტოზური და/ან ქიმიური ინტოქსიკაცია ორსულობის პირველი ტრიმესტრის დროს;

15. რადიაციის და სხვა დამაზიანებელი ფაქტორების ზემოქმედება ორსულობისას.

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

დანართი 7

სოციალურად საშიში დაავადებების პროფილაქტიკისა და ეპიდემიოლოგიური უსაფრთხოების პროგრამა

თავი I

          მუხლი 1. პროგრამის აქტუალობა და მიზანი

სოციალურად საშიში დაავადებების პროფილაქტიკისა და ეპიდემიოლოგიური უსაფრთხოების პროგრამა წარმოადგენს საზოგადოებრივი ჯანდაცვის ფუნდამენტალურ ღონისძიებათა კომპლექსს, რომელთა რეალიზება განაპირობებს მოსახლეობის ჯანმრთელობის მდგომარეობის შენარჩუნებასა და პრევენციის ხელშეწყობას.

    მუხლი 2. პროგრამის დაფინანსება

პროგრამის ბიუჯეტი განისაზღვრა 350 000 ლარით, შემდეგი ცხრილის შესაბამისად:

 

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

მუხლი 3. პროგრამის მოქმედების ვადა

პროგრამა მოქმედებს 2007 წლის 1 იანვრიდან 31 დეკემბრის ჩათვლით.

თავი II

ეპიდემიოლოგიური მონიტორინგის ლაბორატორიების ფუნქციონირების უზრუნველყოფის კომპონენტი

    მუხლი 4. კომპონენტის აქტუალობა და მიზანი

საქართველოში არც თუ იშვიათადაა ისეთი ინფექციების ეპიდაფეთქებები, როგორიცაა მალარია, ცოფი, ტურალემია, ნაწლავური ინფექციები, ციმბირის წყლული (ჯილეხი), გრიპი, დიფთერია, პოლიომიელიტი, წითელა, ყივანახველა, ტეტანუსი და სხვა. ასეთი ეპიდაფეთქებები დიდ საშიშროებას უქმნიან მოსახლეობის ჯანმრთელობას და მოითხოვენ გადაუდებელი სალიკვიდაციო ღონისძიებების გატარებას.

კომპონენტის მიზანია ინფექციურ და არაინფექციურ დაავადებათა დროული გამოვლენა, გავრცელების შეზღუდვა.

    მუხლი 5. კომპონენტის ბიუჯეტი

კომპონენტის ბიუჯეტი განისაზღვრა 205 000 ლარით.

    მუხლი 6. კომპონენტის ღონისძიებები

ა) რეფერენს-ლაბორატორიების ფუნქციონირება – დასავლეთ საქართველო, თბილისი;

ბ) ეპიდემიოლოგიური კვლევების წარმოება (ეპიდაფეთქებების და სხვა სიტუაციური გართულებების დროს);

გ) ეპიდაფეთქებებზე რეაგირება, კერაში კვლევების წარმოება;

დ) ლაბორატორიის რეაქტივებით და ტესტ-სისტემებით უზრუნველყოფა.

    მუხლი 7. სახელმწიფო შესყიდვები

შესყიდვა განხორციელდება ,,სახელმწიფო შესყიდვების შესახებ“ საქართველოს კანონის მოთხოვნათა შესაბამისად.

    მუხლი 8. მოსალოდნელი შედეგები

კომპონენტის ეფექტური განხორციელების შემთხვევაში შესაძლებელი იქნება:

ა) ლაბორატორიული სამსახურების გამოყენებაზე დაფუძნებული ეპიდზედამხედველობის გამართული სისტემის შექმნა;

ბ) ეპიდაფეთქებების კონტროლისათვის საჭირო მასალების მინიმალურად აუცილებელი მარაგების შექმნა ჯანმრთელობის ეროვნული პოლიტიკის შესაბამისად;

გ) საქართველოში გავრცელებული ინფექციური სნეულებების, აგრეთვე სხვა საშიში გადამდები დაავადებების აღმოცენებისა და გავრცელების საწინააღმდეგო ღონისძიებათა შემუშავების და შესრულების (ჯანდაცვის სისტემის კომპეტენციის ფარგლებში) შედეგად ქვეყნის მთელ ტერიტორიაზე აღნიშნულ დაავადებათა შემთხვევების რიცხვის შემცირება.

თავი III (ამოღებულია)

შიდსზე კვლევების წარმოება სასჯელაღსრულებით დაწესებულებებსა და ფოკუს-ჯგუფებში

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

    მუხლი 9.  ამოღებულია.

    საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

    მუხლი 10.  ამოღებულია.

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

    მუხლი 11.  ამოღებულია.

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

    მუხლი 12.  ამოღებულია.

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

    მუხლი 13.  ამოღებულია.

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

თავი IV (ამოღებულია)

ტუბერკულოზზე კვლევების წარმოება სასჯელაღსრულებით დაწესებულებებსა და ფოკუს- ჯგუფებში

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

    მუხლი 14.  ამოღებულია.

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

    მუხლი 15.  ამოღებულია.

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

    მუხლი 16.  ამოღებულია.

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

    მუხლი 17.  ამოღებულია.

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

    მუხლი 18.  ამოღებულია.

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

თავი V

სქესობრივი გზით გადამდებ დაავადებებზე კვლევების წარმოება სასჯელაღსრულებით დაწესებულებებსა და ფოკუს-ჯგუფებში

    მუხლი 19. კომპონენტის აქტუალობა და მიზანი

საქართველოში კვლავ იზრდება ისეთი ინფექციების რიცხვი, როგორიცაა შიდსი, სქესობრივი გზით გადამდები დაავადებები. ამ ინფექციებთან საბრძოლველად გამოკვლევები ტარდება პირველ რიგში მოსახლეობის რისკ-ჯგუფებში, მათ შორის, სასჯელაღსრულებით დაწესებულებებში. ასეთი კვლევების დროს ხშირად ვლინდება დაავადების ლატენტური ფორმები, რომლებიც ეპიდემიოლოგიური თვალსაზრისით უფრო დიდ საშიშროებას წარმოადგენს მოსახლეობისათვის, ვიდრე დაავადების მანიფესტირებული ფორმა.

    მუხლი 20. კომპონენტის ბიუჯეტი

კომპონენტის ბიუჯეტი განისაზღვრა 60 000 ლარით.

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

 

    მუხლი 21. კომპონენტის ღონისძიებები

მსჯავრდებულთა სკრინინგული კვლევა სიფილისის გამოვლინების მიზნით.

საქართველოს შრომის, ჯანმრთელობისა და სოციალური დაცვის მინისტრის 2007 წლის 25 ივლისის ბრძანება №232/ნ-სსმIII, №106, 27.07.2007წ.; მუხ.1172

    მუხლი 22. კომპონენტის განმახორციელებლები და კომპონენტის სამიზნე

1. კომპონენტის განმახორციელებლების შერჩევა მოხდება ,,სახელმწიფო შესყიდვების შესახებ“ საქართველოს კანონის შესაბამისად.

2. კომპონენტის სამიზნეს წარმოადგენს საქართველოს სასჯელაღსრულებითი დაწესებულებების 4000-მდე მსჯავრდებული (მ.შ. სრულად 18 წლამდე ასაკის მოზარდები და ქალები) და ფოკუს-ჯგუფები.

    მუხლი 23. მოსალოდნელი შედეგები

მსჯავრდებულთა შორის სქესობრივი გზით გადამდები დაავადებების გამოვლენა და ეპიდსიტუაციის შეფასება.

თავი VI

მალარიის კონტროლის ღონისძიებები

    მუხლი 24. კომპონენტის აქტუალობა და მიზანი

1. მალარია მივიწყებულ დაავადებას წარმოადგენდა მთელ ევროპაში, მაგრამ მისმა ხელახლა აღმოცენებამ დიდი პრობლემები შეუქმნა განვითარებულ ქვეყნებსაც კი. საქართველოში ჯერ კიდევ არსებობს მალარიის გავრცელების საშიშროება, რაც გამოწვეულია გადამტანი კოღო ანოფელესის არსებობით და ამ პარაზიტის გამრავლებისათვის ბუნებრივად ხელსაყრელი პირობებით. მოსახლეობის 93% ცხოვრობს იმ ტერიტორიებზე, სადაც მალარიის განვითარების მაღალი რისკია. მსოფლიოს ბევრ ქვეყანაში მალარიის ,,შემობრუნებას“ ვერც საქართველო აცდა, რაც გლობალური დათბობის პრობლემებსაც უკავშირდება. ბოლო წლებში საქართველოში, ისევე როგორც მეზობელ ქვეყნებში, აღირიცხა მალარიის ადგილობრივი შემთხვევები. მოცემულ ეტაპზე მალარიის საწინააღმდეგო ღონისძიებათა დროული განხორციელება მალარიის ეფექტური კონტროლის საშუალებას იძლევა.

2. პროგრამის მიზანია აღმოჩენილი მალარიის ადგილობრივი კერების ელიმინაცია და საქართველოს ტერიტორიაზე მალარიის მასობრივი გავრცელების თავიდან აცილება.

    მუხლი 25. კომპონენტის ბიუჯეტი

კომპონენტის ბიუჯეტი განისაზღვრა 85 000 ლარით.

    მუხლი 26. კომპონენტის ღონისძიებები

მალარიის კონტროლი და პროფილაქტიკა (შემთხვევათა დროული გამოვლენის ხელშეწყობა, დადასტურება, ეპიდკონტროლი და პროფილაქტიკური ღონისძიებები კერაში) – სტანდარტული დიაგნოსტიკა (იხ. ცხრილი).

    მუხლი 27. კომპონენტის განმახორციელებლები და კომპონენტის სამიზნე

1. კომპონენტის განმახორციელებლების შერჩევა მოხდება ,,სახელმწიფო შესყიდვების შესახებ“ საქართველოს კანონის შესაბამისად.

2. კომპონენტის სამიზნეა მოსახლეობა, რომელიც ცხოვრობს ქვეყნის ტერიტორიის  მალარიოგენულ ზონებში.

    მუხლი 28. მოსალოდნელი შედეგები

1. მალარიის საწინააღმდეგო ღონისძიებათა დროული განხორციელება მალარიის ეფექტური კონტროლისათვის.

2. საქართველოს ტერიტორიაზე აღმოჩენილი მალარიის კერების ელიმინაცია და მომავალში  მალარიის აფეთქებების თავიდან აცილების ხელშეწყობა.

                                                                                                                                                       ცხრილი

საქართველოს შრომის, ჯანმრთელობისა და სოციალური დაცვის მინისტრის 2007 წლის 2 აპრილის ბრძანება №111/ნ-სსმIII, №46, 03.04.2007წ.; მუხ.519

დანართი 8

ვეტერანთა სამედიცინო მომსახურების პროგრამა

    მუხლი 1. პროგრამის აქტუალობა

1. ქვეყანაში მოქმედი კანონმდებლობის თანახმად ომის ვეტერანები და მათთან გათანაბრებული პირები 60 წლის მანძილზე სხვა სოციალურ პრივილეგიებთან ერთად სარგებლობდნენ უფასო სამედიცინო მომსახურებით, რომლის უზრუნველსაყოფად შექმნილი იყო ომის ვეტერანთა სამედიცინო დახმარების ერთიანი სისტემა. აღნიშნულ კონტინგენტს ყოველწლიურად უტარდებოდათ კომპლექსური ამბულატორიული გამოკვლევები და შესაბამისი ჰოსპიტალური მომსახურება.

2. საქართველოში მცხოვრები მე-2 მსოფლიო ომის ვეტერანების, საქართველოს თავისუფლებისთვის და ქვეყნის ტერიტორიული მთლიანობისთვის მებრძოლ ვეტერანებში მაღალია შეზღუდული შესაძლებლობების ხარისხი. ომის ვეტერანებს და ინვალიდებს, გარდა ძველი ჭრილობებისა თანდართული აქვთ ქრონიკული დაავადებები, ახალგაზრდებს მძიმე ფიზიკურ ტრავმებთან ერთად (ამპუტირებული კიდურები) პოსტსტრესული ფაქტორი.

    მუხლი 2. მიზანი

პროგრამის მიზანია ომის ვეტერანებისათვის სტაციონარული და ამბულატორიული სამედიცინო დახმარების მიწოდება.

    მუხლი 3. ამოცანა

პროგრამის ამოცანაა ომის ვეტერანების ჯანმრთელობის მდგომარეობის სტაბილიზაცია, გაუმჯობესება და გართულებათა პრევენცია.

    მუხლი 4. პროგრამის ბენეფიციარები

პროგრამის მოსარგებლენი არიან ვეტერანთა საქმეების დეპარტამენტში არსებულ საინფორმაციო ბაზაში რეგისტრირებული 83 291 ბენეფიციარი (ომის ვეტერანები და მათი ოჯახის წევრები).

    მუხლი 5. ღონისძიებები

1. ამბულატორიული სამკურნალო-პროფილაქტიკური სამედიცინო დახმარების მიზანია ომის ვეტერანების და მათთან გათანაბრებული პირების უფასო ამბულატორიული პროფილაქტიკური დახმარება:

ა) პრევენციული და სამკურნალო ღონისძიებების განხორციელება დაავადებებისა და მათ გართულებათა მიმართ;

ბ) სამედიცინო დახმარების მიწოდება ომის ვეტერანებისა და მათთან გათანაბრებული პირებისათვის;

გ) დაავადებათა კონტროლი, დიაგნოსტიკა და პრევენცია;

დ) სრულყოფილი ინფორმაციის მიწოდება პროგრამის ფარგლებში გასაწევ მომსახურებაზე.

2. სტაციონარული სამკურნალო-დიაგნოსტიკური დახმარების მიზანია ომის ვეტერანების სტაციონარული სამედიცინო დახმარების უზრუნველყოფა:

ა) ომის ვეტერანებისთვის სამედიცინო დახმარების გაწევა და ნოზოლოგიების მართვა ჰოსპიტლის ფარგლებში და ბინაზე;

ბ) სტაციონარში კვებით უზრუნველყოფა;

გ) ავადმყოფის გადმოყვანა სტაციონარში (საჭიროების შემთხვევაში).

მუხლი 6. სახელმწიფო შესყიდვები

შესყიდვა განხორციელდება ,,სახელმწიფო შესყიდვების შესახებ საქართველოს კანონის“ შესაბამისად სსიპ სოციალური დაზღვევის ერთიანი სახელმწიფო ფონდის მიერ 2007 წლის 1 ივლისამდე, ხოლო 2007 წლის 1 ივლისიდან მისი უფლებამონაცვლის – ჯანმრთელობისა და სოციალური პროგრამების სააგენტოს მიერ.

    მუხლი 7. ბიუჯეტი

პროგრამის ბიუჯეტი განისაზღვრება 505 000 ლარით.

    მუხლი 8. განხორციელების ვადა

პროგრამა ხორციელდება 2007 წლის 31 დეკემბრის ჩათვლით.

საქართველოს შრომის, ჯანმრთელობისა და სოციალური დაცვის მინისტრის 2007 წლის 10 აპრილის ბრძანება №128/ნ-სსმIII, №49, 10.04.2007წ.; მუხ.549

დანართი 9

 

ჯანმრთელობის დაცვის სფეროს ინსტიტუციური და ფუნქციური განვითარების ხელშეწყობის სახელმწიფო პროგრამა

    მუხლი 1. პროგრამის ანოტაცია

1. პროგრამის მიზანია მოსახლეობისათვის ფინანსურად და გეოგრაფიულად ხელმისაწვდომი გახადოს ხარისხიანი სამედიცინო მომსახურება.

2. პროგრამის ამოცანაა ჯანდაცვის სფეროს ინსტიტუციური და ფუნქციური რეფორმის მწყობრი და თანამიმდევრული განხორციელების ხელშეწყობა.

3. ჯანმრთელობის დაცვის სფეროს ინსტიტუციური და ფუნქციური განვითარების ხელშეწყობის სახელმწიფო პროგრამა შედგება შემდეგი კომპონენტებისაგან:

ა) ჯანმრთელობის დაცვის რეფორმის კოორდინაციის უზრუნველყოფის კომპონენტი;

ბ) ჯანმრთელობის დაცვის პოლიტიკის შემუშავების მტკიცებულებაზე დაფუძნებული ციკლის დანერგვის კომპონენტი;

გ) ჯანმრთელობის დაცვის სექტორის სახელმწიფო რეგულირების გაუმჯობესების კომპონენტი;

დ) სამედიცინო მომსახურების დაფინანსების ახალი მეთოდების შემუშავებისა და დანერგვის მომზადების კომპონენტი;

ე) ჯანმრთელობის დაცვის ეროვნული ანგარიშებისა და ეროვნული მოხსენების მომზადების პროცესის ხელშეწყობის კომპონენტი.

4. პროგრამის ბენეფიციარები არიან: სამედიცინო პერსონალი; შრომის, ჯანმრთელობის და სოციალური დაცვის სამინისტროს სისტემაში დასაქმებული თანამშრომლები.

5. „2007 წლის სახელმწიფო ბიუჯეტის შესახებ“ საქართველოს კანონის შესაბამისად, პროგრამის ბიუჯეტი განისაზღვრა 1198,0 ათასი ლარით.

6. პროგრამა ხორციელდება 2007 წლის 31 დეკემბრის ჩათვლით.

    მუხლი 2. სიტუაციის აღწერა:

საქართველოში მიმდინარე ჯანმრთელობის დაცვის რეფორმის ერთ-ერთი უმთავრესი მიზანია მოსახლეობისათვის ფინანსურად და გეოგრაფიულად ხელმისაწვდომი გახდეს ხარისხიანი სამედიცინო მომსახურება. სისტემაში უკანასკნელ პერიოდში განხორციელდა მნიშვნელოვანი დადებითი ძვრები როგორც შრომის, ჯანმრთელობისა და სოციალური დაცვის სამინისტროს ფუნქციური, ადმინისტრაციული და სტრუქტურული რეორგანიზაციის თვალსაზრისით, ასევე მთლიანად სექტორის ინფრასტრუქტურის რეაბილიტაციისა და ადამიანური რესურსების გადამზადების კუთხით. აღნიშნული მიმართულებების წარმატებული და ეფექტიანი განხორციელებისათვის მნიშვნელოვანი ფინანსური და ადამიანური რესურსის მობილიზებაა საჭირო.

    მუხლი 3. პრობლემის განსაზღვრა

1. რეფორმის მრავალმხრივობა, აგრეთვე რეფორმის პროცესში არაერთი მონაწილის ჩართვა განაპირობებს კოორდინაციის სირთულეს. არსებობს საჭიროება შეიქმნას სათანადო სტრუქტურული და საკადრო ბაზა შესაბამისი პროგრამული დახმარებით, რათა შესაძლებელი გახდეს რეფორმის ფორსირებული ტემპითა და გაზრდილი მასშტაბებით ეფექტურად განხორციელება.

2. აღნიშნული სირთულე, თავის მხრივ, შემდეგი პრობლემებითაა გამოწვეული:

ა) ჯანმრთელობის დაცვის რეფორმის პროცესში ჩართული მხარეების კოორდინაცია არასათანადოა და რესურსების მობილიზაცია არასრულად ხორციელდება; არ არის შემუშავებული რეფორმის განხორციელების ერთიანი, განახლებული გეგმა, მონიტორინგისა და შეფასების მწყობრი სისტემით, კვლავაც არსებობს რეფორმაში ჩართულ მხარეებს შორის გეგმებისა და აქტივობების ურთიერთგადაფარვა. ამასთანავე, რეფორმის განხორციელება რესურსტევადი ამოცანაა და მოითხოვს კვალიფიციური კადრის მობილიზებას რეფორმის ცალკეული პრიორიტეტული მიმართულებით. ამგვარი კადრის მოზიდვის შესაძლებლობა შეზღუდულია საქართველოს შრომის, ჯანმრთელობისა და სოციალური დაცვის სამინისტროში არსებული ანაზღაურების ფარგლებში;

ბ) ჯანმრთელობის დაცვის პოლიტიკის არჩევანი გადაწყვეტილების მიღების სხვადასხვა დონეზე არ ეფუძნება პოლიტიკის საფუძვლიან ანალიზს, პრობლემის დაზუსტებასა და მიზანმიმართული, შედეგზე ორიენტირებული სტრატეგიის შერჩევას. გადაწყვეტილებები არაა გამყარებული სამეცნიერო მტკიცებულებებით, რაც გარკვეულწილად განპირობებულია არასაკმარისი ადგილობრივი მტკიცებულებების არსებობით;

გ) სამედიცინო მომსახურების ხარისხი სისტემის დიდ ნაწილში კვლავაც მნიშვნელოვნად გასაუმჯობესებელია. სახელმწიფოს მხრიდან ხარისხის რეგულირების არსებული სისტემა ვერ უზრუნველყოფს სათანადო ხარისხის სამედიცინო მომსახურებას;

დ) შესამუშავებელი და დასანერგია სისტემის სხვადასხვა დონეზე სამედიცინო მომსახურების მიმწოდებელთა ანაზღაურების სათანადო მექანიზმები;

ე) რეგიონულ დონეზე არ არსებობს ჯანმრთელობის დაცვის ინფორმაციის აკუმულირებისა და ანალიზის სიმძლავრეები.

    მუხლი 4. მიდგომები და მეთოდოლოგია

1. პროგრამის შედეგებისა და ღონისძიებების ფორმულირებისა და შერჩევისას სახელმძღვანელოდ გამოყენებულ იქნება შემდეგი პრინციპები:

ა) შრომის, ჯანმრთელობისა და სოციალური დაცვის სამინისტროს მიერ ჯანმრთელობის დაცვის რეფორმის პროცესში ჩართული მხარეების კოორდინაცია;

ბ) არსებული რესურსების მობილიზაციის გაზრდა;

გ) გადაწყვეტილების მიღების ეფექტიანობის გაზრდა (შედეგზე ორიენტირებული გადაწყვეტილებების მიღება);

დ) გადაწყვეტილებების პროცესის გამჭვირვალობის გაზრდა;

ე) გადაწყვეტილების მისაღებად და ტექნიკური ამოცანის შესასრულებლად სიმძლავრეების განვითარება;

ვ) სექტორში არსებული პრობლემების შეფასების საფუძველზე მიზანმიმართული, კონკრეტულ შედეგებზე ორიენტირებული პოლიტიკის შემუშავება და გატარება;

ზ) სახელმწიფო პოლიტიკის განსაზღვრისათვის საჭირო მტკიცებულებების (მონიტორინგისა და შეფასების ჩარჩოს მაჩვენებლების) პრიორეტიზაცია წლების მიხედვით;

თ) სამედიცინო მომსახურების ხარისხის გასაუმჯობესებლად სახელმწიფოს მხრიდან ხარისხის რეგულირების ახალი მექანიზმების/ნორმების შემუშავება ყველა დაინტერესებული მხარეების ინტენსიური მონაწილეობით.

2. პროგრამის ღონისძიებები შეეხება რეფორმის პრიორიტეტულ სფეროებს და ითვალისწინებს ამ რეფორმის განხორციელების პროცესში შრომის, ჯანმრთელობისა და სოციალური დაცვის სამინისტროს მაკოორდინირებელი როლის გაძლიერებას. პროგრამის ფარგლებში მობილიზებული ტექნიკური რესურსი მოხმარდება გადაწყვეტილების მიღებისა და პოლიტიკის შემუშავების პროცესის ხელშეწყობისთვის მტკიცებულებების მოძიებას და საფუძვლიან ანალიზს; სამედიცინო მომსახურების ხარისხის მარეგულირებელი გარემოს სრულყოფას; სამედიცინო მომსახურების მიმწოდებელთა ანაზღაურების სისტემის დახვეწას.

3. პროგრამის ამოცანების ფარგლებში დეტალურ სამუშაოთა აღწერილობებს შეიმუშავებს შრომის, ჯანმრთელობისა და სოციალური დაცვის სამინისტრო.

4. ,,საქართველოს 2007 წლის სახელმწიფო ბიუჯეტის შესახებ“ საქართველოს კანონის შესაბამისად, პროგრამას განახორციელებს და, შესაბამისად, მის მართვასა და მონიტორინგს უზრუნველყოფს შრომის, ჯანმრთელობისა და სოციალური დაცვის სამინისტრო (ცენტრალური აპარატი).

    მუხლი 5. პროგრამის შედეგები

1. ჯანმრთელობის დაცვის სფეროს ინსტიტუციური და ფუნქციური რეფორმის მწყობრი და თანამიმდევრული განხორციელების უზრუნველსაყოფად, აუცილებელია შემდეგი ქვეამოცანების მიღწევა:

ა) ჯანმრთელობის დაცვის რეფორმის ჯეროვანი კოორდინაციის უზრუნველყოფა; ჯანმრთელობის დაცვის რეფორმის განხორციელების რეალისტური, ერთიანი განახლებული გეგმის შექმნა, მონიტორინგისა და შეფასების ერთიანი მწყობრი სისტემით; საქართველოს შრომის, ჯანმრთელობისა და სოციალური დაცვის სამინისტროს, როგორც რეფორმის პროცესის წარმმართველის როლის განმტკიცება და, შესაბამისი სიმძლავრეების შექმნა;

ბ) ჯანმრთელობის დაცვის პოლიტიკის შემუშავების მტკიცებულებაზე დაფუძნებული ციკლის დანერგვა და ინსტიტუციონალიზაცია;

გ) სამედიცინო მომსახურების ხარისხის სახელმწიფო რეგულირების სისტემის სრულყოფა და ქმედითუნარიანობის გაზრდა;

დ) სამედიცინო მომსახურების მიმწოდებელთა ანაზღაურების სისტემის დახვეწა, დიაგნოსტიკური ჯგუფების სისტემის შემუშავება და დანერგვა;

ე) ჯანმრთელობის დაცვის რეფორმის მხარდაჭერისა და ჩართულობის უზრუნველყოფა მოსახლეობისა და სამედიცინო საზოგადოების მხრიდან სათანადო საკომუნიკაციო სტრატეგიის განხორციელების მეშვეობით.

    მუხლი 6. პროგრამის რისკები და დაშვებები

პროგრამით გათვალისწინებული შედეგების მისაღწევად აღიარებული რისკებისა და დაშვებების შეფასების შედეგად გამოიკვეთა შემდეგი ანგარიშგასაწევი ფაქტორები:

ა) პროგრამის წარმატებული განხორციელებისათვის დონორი და განმახორციელებელი ორგანიზაციები გამოთქვამენ მზადყოფნას შესაბამისობაში მოიყვანონ თავიანთი განხორციელების გეგმები სექტორის განვითარების სახელმწიფო სტრატეგიასა და რეფორმის განხორციელების ერთიან გეგმასთან;

ბ) ქვეყანაში შენარჩუნებულია მაკროეკონომიკური სტაბილურობა;

გ) სამინისტროს შესწევს უნარი მოიზიდოს და დაამაგროს მაღალკვალიფიციური პერსონალი;

დ) მიღებული და ცხოვრებაში გატარებულია გადაწყვეტილებები სამინისტროს სტრუქტურისა და ფუნქციის შესახებ;

ე) მიღებული და ცხოვრებაში გატარებულია გადაწყვეტილებები სამედიცინო დაწესებულებების ხელმძღვანელობისა და მართვის შესახებ;

ვ) ადამიანური რესურსების გადამზადება წარიმართება დამტკიცებული გეგმის შესაბამისად.

    მუხლი 7. პროგრამის აქტივობები კომპონენტების მიხედვით

1. ზემოაღწერილი ქვეამოცანების მიღწევა შესაძლებელი გახდება ქვემოთ განსაზღვრული ღონისძიებების განხორციელებისა და შესაბამისი დაშვებების მატერიალიზაციის შედეგად.

2. შრომის, ჯანმრთელობისა და სოციალური დაცვის სამინისტროს რეფორმის კოორდინაციის ოფისის (დეპარტამენტის) სიმძლავრის გაზრდისა და ეფექტიანი ფუნქციონირებისათვის დაგეგმილია შემდეგი ღონისძიებების გატარება:

ა) რეფორმის კოორდინაციის ოფისის ფუნქციათა პაკეტის განსაზღვრა;

ბ) რეფორმის კოორდინაციის ოფისის დამხმარე პერსონალისთვის დეტალურ სამუშაოთა აღწერილობის შემუშავება;

გ) რეფორმის კოორდინაციის უზრუნველყოფისთვის კონკრეტულ მიმართულებებში დაგეგმილი ღონისძიებების შესასრულებლად, სათანადო კვალიფიკაციის ადამიანური რესურსის მობილიზება;

დ) რეფორმის კოორდინაციის ოფისის თანამშრომელთა განვითარების გეგმის შემუშავება.

3. ჯანმრთელობის დაცვის რეფორმის ერთიანი, ხარჯების საშუალოვადიანი დაგეგმვის ჩარჩოსთან შეთანხმებული სამოქმედო გეგმის შესამუშავებლად იგეგმება:

ა) რეფორმის მიმდინარეობის პროცესში დაინტერესებული მხარეების საყოველთაო მონაწილეობის, გამჭვირვალობისა და რეფორმის ერთიანი ლოგიკური ჩარჩოს შესამუშავებლად სამუშაო შეხვედრების ორგანიზება რეფორმის კოორდინაციის ოფისის მიერ;

ბ) რეფორმის სამოქმედო გეგმის Microsoft project-ში გაწერა და სინქრონიზირების უზრუნველყოფა საკოორდინაციო ოფისის მიერ;

გ) ღონისძიებების ურთიერთდამოკიდებულებების იდენტიფიცირება და ოპტიმიზაცია;

დ) რეფორმის საკოორდინაციო ოფისის მიერ განსახორციელებელი პროექტების მხარდაჭერა (ეს პროექტები განხორციელდება ამ და სხვა სახელმწიფო პროგრამების ფარგლებში განსაზღვრული ღონისძიებების მიხედვით);

ე) რეფორმის განხორციელების მონიტორინგის და შეფასების უზრუნველყოფა.

4. ჯანმრთელობის დაცვის პოლიტიკის შემუშავების მტკიცებულებაზე დაფუძნებული ციკლის დანერგვისა და ინსტიტუციონალიზაციის მიზნით იგეგმება:

ა) მტკიცებულებების საჭიროებების განსაზღვრა, ჩასატარებელი კვლევების თვისობრივი და რაოდენობრივი მახასიათებლების იდენტიფიცირება.

ბ) კვლევა ჯანმრთელობის დაცვის საჭიროებათა განსაზღვრისათვის ტერიტორიული პრინციპის მიხედვით პრიორიტეტების გამოვლენისა და ბიუჯეტების განსაზღვრის მიზნით;

გ) ინსტიტუციონალური კვლევა ჰოსპიტალური მომსახურების ღირებულების განსაზღვრისათვის დიაგნოზზე დამოკიდებული ჯგუფების (PRG) შემუშავების საფუძვლების შექმნის მიზნით;

დ) კვლევა სამედიცინო შეცდომების სისტემური ანალიზის მიზნით, სამედიცინო შეცდომების შემცირების სტრატეგიის შემუშავება და მისი დანერგვის ხელშეწყობა სამედიცინო პერსონალისთვის სასწავლო პროგრამების ორგანიზების გზით.

5. თითოეული მიმართულებით კვლევის ჩასატარებლად განხორციელდება შემდეგი სამუშაოები:

ა) ტექნიკური დავალებების შემუშავება;

ბ) ტენდერის გამოცხადება ადგილობრივი კონსულტანტის დასაქირავებლად;

გ) კვლევების განმახორციელებლების შერჩევა;

დ) კვლევების განხორციელების მონიტორინგი და შედეგების შეფასება.

6. ჯანმრთელობის დაცვის სექტორის სახელმწიფო რეგულირების გაუმჯობესების მიზნით, დაგეგმილია:

ა) სამედიცინო დაწესებულებების ნებართვების სისტემის პილოტირება, რომლის ფარგლებშიც ადგილობრივი ექსპერტისაგან (სათანადო კვალიფიკაციის სპეციალისტი, საქართველოს მოქალაქე) ინტელექტუალური მომსახურების შესყიდვის მიზნით მომზადდება ტექნიკური დავალება (შესასრულებელი სამუშაოს აღწერილობა), მოხდება ადგილობრივი ექსპერტის შერჩევა, შერჩეული ექსპერტის მიერ რეგულირების დეპარტამენტთან ერთად ნებართვების სტანდარტების ტესტირება. ტესტირების ფორმა განისაზღვრება სამუშაოს ტექნიკური აღწერილობით. ტესტირების საფუძველზე სტანდარტების განხილვა დაინტერესებულ მხარეებთან, განახლება და ნებართვების სტანდარტების საბოლოო ვარიანტის დასამტკიცებლად ნორმატიული დოკუმენტის პროექტის მომზადება;

ბ) ცალკეული სპეციალობისათვის პროფესიული სტანდარტების (პასპორტების) შექმნისათვის მოხდება სპეციალობათა არსებული ნუსხის განახლება (სამუშაო ითვალისწინებს: სამუშაო ჯგუფის ტექნიკური დავალების მომზადებას, შერჩევას და ჯგუფის ფორმირებას, სამუშაო ჯგუფის მიერ სპეციალობათა არსებული ნუსხის შეფასებას და განახლებული ნუსხის შემუშავებას); თითოეული სპეციალობისათვის პროფესიული სტანდარტების (პასპორტების) შემუშავება (სამუშაო ითვალისწინებს: ტექნიკური დავალების მომზადებას ინტელექტუალური მომსახურების შესასყიდად ადგილობრივი ექსპერტისაგან, ადგილობრივი ექსპერტის შერჩევას, შერჩეული ექსპერტის მიერ შრომის, ჯანმრთელობისა და სოციალური დაცვის სამინისტროს რეგულირების დეპარტამენტთან ერთად სპეციალობების მიხედვით პროფესიული სტანდარტების შემუშავებას, შემუშავებული სტანდარტების ტესტირებას, ტესტირების ფორმა განისაზღვრება სამუშაოს ტექნიკური აღწერილობით. ტესტირების საფუძველზე სტანდარტების განხილვას დაინტერესებულ მხარეებთან და სტანდატების განახლებას); სპეციალობების მიხედვით პასპორტების საბოლოო ვარიანტის დასამტკიცებლად ნორმატიული დოკუმენტის პროექტის მომზადება, ასევე საკანონმდებლო ცვლილებად გაწერა;

გ) განახლებული პროფესიული სტანდარტების მიხედვით რეზიდენტურის პროგრამების შემუშავებისთვის დაგეგმილია: ტექნიკური დავალების მომზადება ინტელექტუალური მომსახურების შესასყიდად ადგილობრივი ექსპერტისაგან, ადგილობრივი ექსპერტების შერჩევა, შერჩეული ექსპერტების მიერ შრომის, ჯანმრთელობისა და სოციალური დაცვის სამინისტროს რეგულირების დეპარტამენტთან ერთად რეზიდენტურის პროგრამების შემუშავება;

დ) სასერტიფიკაციო გამოცდების ჩატარების განახლებული მეთოდოლოგიის, წესისა და ინსტრუმენტების შესამუშავებლად დაგეგმილია: ტექნიკური დავალების მომზადება ინტელექტუალური მომსახურების შესასყიდად, ადგილობრივი ექსპერტების/ორგანიზაციის შერჩევა, შერჩეული ექსპერტ(ებ)ის მიერ შრომის, ჯანმრთელობისა და სოციალური დაცვის სამინისტროს რეგულირების დეპარტამენტთან ერთად პერსონალის სასერტიფიკაციო გამოცდების ჩატარების ინსტრუმენტების ტესტირება (ტესტირების ფორმა განისაზღვრება სამუშაოს ტექნიკური აღწერილობით). ტესტირების საფუძველზე სტანდარტების განხილვა დაინტერესებულ მხარეებთან, სტანდარტების განახლება, სასერტიფიკაციო გამოცდების ჩატარების განახლებული წესების შემუშავება და მათ დასამტკიცებლად ნორმატიული დოკუმენტის პროექტის მომზადება;

ე) შემუშავებული პროგრამებისა და ტესტ-კითხვარების დამტკიცებამდე ჩატარდება სამუშაოს ექსპერტიზა, რისთვისაც მომზადდება ტექნიკური დავალება ინტელექტუალური მომსახურების შესასყიდად იმ ადგილობრივი ექსპერტებისაგან, რომლებიც არ მონაწილეობდნენ პროგრამებისა და კითხვარების შემუშავების პროცესში. მოხდება ადგილობრივი ექსპერტების შერჩევა და შერჩეული ექსპერტების მიერ მომზადებული პროგრამებისა და ტესტ-კითხვარების ექსპერტიზა.

7. სამედიცინო მომსახურების დაფინანსების ახალი მეთოდების (დიაგნოსტიკური ჯგუფების სისტემა (DRG)) შემუშავებისა და დანერგვის მომზადების მიზნით განხორციელდება შემდეგი ღონისძიებები: ნოზოლოგიების განფასების სისტემის მეთოდოლოგიის შექმნა; დიაგნოსტიკური ჯგუფების კატეგორიების განსაზღვრა და განფასება. მეთოდოლოგიის შემუშავება სამომავლოდ სისტემის ფუნქციონირებისათვის, სადაც გათვალისწინებული იქნება ისეთი ფაქტორები, როგორიცაა: შემთხვევათა ნაზავი, გართულებებისა და თანმხლები დაავადებების არსებობა, პაციენტთა ასაკი და სქესი; სამედიცინო მომსახურების მიმწოდებლების მხრიდან დიაგნოსტიკური ჯგუფების შემოღებაზე შესაძლო არასასურველი პასუხის გათვლა და თავიდან აცილების სტრატეგიების შემუშავება; ტექნიკური დავალების მომზადება და მომსახურების შესყიდვა; დიაგნოსტიკური ჯგუფების ტესტირება, ტესტირების ფორმა განისაზღვრება სამუშაოს ტექნიკური აღწერილობით.

8. სამედიცინო მომსახურების ხარისხის გაუმჯობესების მიზნით დაგეგმილია კლინიკური პრაქტიკის ეროვნული რეკომენდაციების (გაიდლაინების) შემუშავებისა და დანერგვის ხელშეწყობა. პაციენტის უსაფრთხოებისა და ჰოსპიტალური სექტორის მიმდინარე რეფორმის საჭიროებების გათვალისწინებით, პრიორიტეტულია საავადმყოფოს შიდა ინფექციების კონტროლის გაუმჯობესებისთვის სიტუაციის ანალიზის, ინფექციების კონტროლის სტრატეგიისა და შესაფერისი სახელმძღვანელოების შემუშავებისა და დანერგვის საკითხი. კლინიკური პრაქტიკის ეროვნული რეკომენდაციების შემუშავებისა და დანერგვის ხელშეწყობისთვის გათვალისწინებული სამუშაო მოიცავს: ტექნიკური დავალების მომზადებას და მომსახურების შესყიდვას სიტუაციური ანალიზისა და სტანდარტული კლინიკური პრაქტიკის გაიდლაინების შემუშავებისთვის; სტანდარტული პრაქტიკის გაიდლაინების შემუშავებას, დასამტკიცებლად მომზადებას (პროექტი) და გამოცემას, ასევე სტანდარტული პრაქტიკის გაიდლაინების დანერგვის ხელშეწყობას სამედიცინო პერსონალის პროფესიული მზადების პროგრამების განხორციელების გზით.

9. ჯანმრთელობის დაცვის ეროვნული ანგარიშებისა და ეროვნული მოხსენების სრულყოფისა და სინქრონიზაციის მიზნით აუცილებელია აღნიშნული დოკუმენტების შემუშავების მეთოდოლოგიისა და ფორმატის გადასინჯვა და დახვეწა, რაც მოითხოვს დამატებით კონსულტირებასა და საექსპერტო დახმარებას. ახლებური ანალიზის საფუძველზე შესაძლებელი გახდება დარგის განვითარების პროგნოზირება და რეფორმირების მიმართულებების დაგეგმვა პოლიტიკის პრიორიტეტების შესაბამისად. აღნიშნული ამოცანის განხორციელების მიზნით დაგეგმილი სამუშაო ითვალისწინებს: ეროვნული ანგარიშებისა და მოხსენების მომზადების მეთოდოლოგიის სრულყოფას და ახალი ფორმატის შემუშავებას; ეროვნული ანგარიშებისა და მოხსენების ანალიტიკური ნაწილის მომზადებას.

    მუხლი 8. პროგრამის განხორციელების გეგმა

პროგრამის ცალკეული კომპონენტის განხორციელების გეგმა კალენდარული წლის განმავლობაში მოცემულია შემდეგ ცხრილში:

 

მუხლი 9. პროგრამის მონიტორინგი და შეფასება

პროგრამის მონიტორინგი და შეფასება განხორციელდება მონიტორინგისა და შეფასების შემდეგი

ცხრილის შესაბამისად:

 

    მუხლი 10. პროგრამის ბიუჯეტი

1. პროგრამის ბიუჯეტი ცალკეული კომპონენტების მიხედვით განისაზღვრება შემდეგი ცხრილის

შესაბამისად:

 

საქართველოს შრომის, ჯანმრთელობისა და სოციალური დაცვის მინისტრის 2007 წლის 10 აპრილის ბრძანება №130/ნ-სსმIII, №49, 10.04.2007წ.; მუხ.550

დანართი №10

სამედიცინო და სამინისტროს სისტემის დაწესებულებათა რეაბილიტაციისა და აღჭურვის პროგრამა

    მუხლი 1. პროგრამის ანოტაცია

1. პროგრამის მიზანია მოსახლეობისთვის გეოგრაფიულად ხელმისაწვდომი გახადოს ხარისხიანი სამედიცინო მომსახურება.

2. პროგრამის ამოცანაა ჯანმრთელობის დაცვის სექტორის ფიზიკური ინფრასტრუქტურის განვითარება (მშენებლობა, რეაბილიტაცია/რეკონსტრუქცია, აღჭურვა) განახლებული სტანდარტებისა და პირველადი ჯანმრთელობის დაცვისა და ჰოსპიტალური სექტორის განვითარების გენერალური გეგმების შესაბამისად.

3. სამედიცინო და სამინისტროს სისტემის დაწესებულებათა რეაბილიტაციისა და აღჭურვის პროგრამა შედგება შემდეგი კომპონენტებისაგან:

ა) სამედიცინო დაწესებულებათა რეაბილიტაციისა და აღჭურვის კომპონენტი, რომელიც, თავის მხრივ, შედგება შემდეგი ქვეკომპონენტებისაგან: საოჯახო მედიცინის ცენტრების რეაბილიტაცია/აღჭურვა; ჰოსპიტალური სექტორის რეაბილიტაცია; ჰოსპიტალური სექტორის განვითარების გეგმის ხელშეწყობა; 2006 წელს ჰოსპიტალური დაწესებულებების რეაბილიტაცია – აღჭურვაზე გაფორმებული ხელშეკრულებების ფარგლებში ასანაზღაურებელი სავარაუდო თანხა;

ბ) სამინისტროს სისტემის დაწესებულებათა რეაბილიტაციისა და აღჭურვის კომპონენტი.

4. 2007 წლის ,,სახელმწიფო ბიუჯეტის შესახებ“ საქართველოს კანონის შეაბამისად, პროგრამის ბიუჯეტი განისაზღვრა 54 120.0 ათასი ლარით.

5. პროგრამის განხორციელების ვადაა 2007 წლის 31 დეკემბრის ჩათვლით პერიოდი.

    მუხლი 2. სიტუაციის აღწერა

1. საქართველოს შრომის, ჯანმრთელობისა და სოციალური დაცვის სამინისტრო ახორციელებს ჯანმრთელობის დაცვის სისტემის რეფორმას, რომლის ერთ-ერთი პრიორიტეტია მოსახლეობისათვის ხარისხიანი სამედიცინო მომსახურებისადმი გეოგრაფიული ხელმისაწვდომობის გაუმჯობესება. ეს ითვალისწინებს ჯანდაცვის ინფრასტრუქტურის განვითარებას, კერძოდ რეაბილიტაციას, მშენებლობას და აღჭურვას.

2. უკანასკნელი წლების მანძილზე სამედიცინო ინფრასტრუქტურაში ინვესტიციები ძირითადად მიმართული იყო დაწესებულებათა ან დაწესებულებათა სეგმენტების რეაბილიტაციაზე და აღჭურვაზე.

3. პირველადი ჯანმრთელობის დაცვის სფეროში 2005-2006 წლებში აშენდა/გარემონტდა და აღიჭურვა:

ა) საოჯახო მედიცინის ცენტრები სოფლად იმერეთში, აჭარაში, კახეთსა და შიდა ქართლში;

ბ) საოჯახო მედიცინის ცენტრები საგარეჯოში, თელავში, ქუთაისში, ოზურგეთში, ბათუმში, ქობულეთში, მესტიაში, ბორჯომში, თბილისში;

გ) საოჯახო მედიცინის ფაკულტეტი თბილისში.

4. ჰოსპიტალურ სექტორში დღემდე სახელმწიფო დაფინანსებით რეაბილიტირებულია ფიზიკური ინფრასტრუქტურა 1000-მდე საწოლისთვის; კერძოდ 2005-2006 წლებში შესრულდა და კვლავ მიმდინარეობს სარეაბილიტაციო/ სამშენებლო სამუშაოები შემდეგ ჰოსპიტლებში:

ა) რეფერალური და მრავალპროფილური საავადმყოფოები ქუთაისსა და თბილისში:

ბ) ტუბერკულოზის ეროვნული ცენტრი;

გ) აბასთუმნის ტუბერკულოზის საავადმყოფო;

დ) პერინატალური და ტუბერკულოზის ცენტრები ქუთაისში;

ე) ზუგდიდის მრავალპროფილური საავადმყოფო;

ვ) გორის სამხედრო ჰოსპიტალი;

ზ) შპს თბილისის ფსიქიატრიული საავადმყოფო;

თ) ხონის ფსიქიატრიული საავადმყოფო.

    მუხლი 3. პრობლემების აღწერა

1. 2005 წლის მდგომარეობით საქართველოში ფუნქციონირებდა 269 საავადმყოფო, 686 ამბულატორიულ-პოლიკლინიკური დაწესებულება, 81 სასწრაფო დახმარების სადგური.[1] ამავე წლის მონაცემებით გამოყენებული იყო არსებული სიმძლავრების 31%, რაც გარდაუვლად წარმოშობდა კითხვას ჭარბი ინფრასტრუქტურის შენარჩუნების საჭიროების შესახებ. პრობლემატურია არსებული ინფრასტრუქტურის ფიზიკური მდგომარეობის საკითხიც: ამ შენობათა უდიდესი ნაწლილი (70%-ზე მეტი) 40 წელზე ძველია და სავალალო მდგომარეობაში იმყოფება.

2. 2003 წლამდე ჩატარებული სამედიცინო ობიექტების რეაბილიტაცია უმეტეს შემთხვევაში იყო უსისტემო, არამიზნობრივი; სარეაბილტაციო დაწესებულებათა შერჩევა ხშირად არ იყო დაფუძნებული სამედიცინო მომსახურების ხელმისაწვდომობის პრინციპზე. შესაბამისად, ინვესტიციების უმეტესობა არაეფექტურად განხორციელდა, რის გამოც უამრავი ჯანმრთელობის დაცვის ობიექტის მდგომარეობა დღემდე სავალალოდ დარჩა, რაც ელემენტარულ პირობებსაც არ ტოვებს სამედიცინო მომსახურების მიწოდებისათვის.

3. გამომდინარე შენობა-ნაგებობების ასაკიდან და ფიზიკური მდგომარეობიდან, აუცილებელია დაწესებულებათა უმეტესობის რეაბილიტაცია, იდეალურ შემთხვევაში კი უმჯობესია არსებულის ჩანაცვლება ახალი ინფტრასტრუქტურით. ამასთან, სახელმწიფო საკუთრებაში არსებული სამედიცინო ინფრასტრუქტურა საჭიროებს ოპტიმიზაციას. შესაბამისად, სტრატეგიულად გააზრებული, მიზნობრივი დაფინანსება ჯანმრთელობის დაწესებულებების რეკონსტრუქცია/რეაბილიტაციისა და მოდერნიზაცისათვის, რაც თანხვედრილი იქნება ჯანდაცვის განვითარების პოლიტიკის ძირითად მიმართულებებთან, აუცილებელობას წარმოადგენს.

4. ქვემოთ გრაფიკულად გამოსახულია პრობლემების იერარქია, რომელიც ასაბუთებს პროგრამის საჭიროებასა და აქტუალობას.

 

    მუხლი 4. მიდგომები

1. პროგრამის შედეგებისა და ღონისძიებების ფორმულირებისა და შერჩევისას სამედიცინო დაწესებულების რეაბილიტაცია (ან ახლის აშენება/შექმნა) ეფუძნება:

ა) მყარ ეკონომიკურ გათვლებს;

ბ) გეოგრაფიული ხელმისაწვდომობის (მოსახლეობის გეოგრაფიული მოცვის პრინციპებს);

გ) მომსახურების მიწოდების რაციონალიზაციის პრინციპს.

2. სამედიცინო დაწესებულებების სტანდარტების დადგენისას გათვალისწინებული იქნება:

ა) (სტანდარტთან მიახლოებისთვის) საფინანსო რესურსების ოდენობა და მიზანშეწონილობა;

ბ) (ახალი სტანდარტით) დაწესებულებების ფუნქციონირების (და, შესაბამისად, სამედიცინო მომსახურების) ხარჯების გაზრდის შესაძლებლობა და მიზანშეწონილობა;

გ) სარეაბილიტაციო დაწესებულების საკუთრების ფორმა.

    მუხლი 5. მეთოდოლოგია

1. გადაწყვეტილება ჯანმრთელობის დაცვის ობიექტების რეაბილიტაციასა და აღჭურვაზე მიღებულია ჯანმრთელობის დაცვის პოლიტიკის პრიორიტეტებზე და არსებულ საჭიროებებზე დაფუძნებით; ეს პრიორიტეტებია:

ა) ჯანმრთელობის დაცვის მომსახურებაზე მოსახლეობის ოპტიმალური გეოგრაფიული ხელმისაწვდომობის უზრუნველყოფა;

ბ) ხარისხიან ჰოსპიტალურ მომსახურებაზე მოსახლეობის ბაზისური საჭიროებების დაკმაყოფილება.

2. აღნიშნული პრიორიტეტების გათვალისწინებით, უნდა მოხდეს საავადმყოფოთა საჭირო სიმძლავრის შექმნა და ამბულატორიულ-პოლიკლინიკური ქსელის ფიზიკური ინფრასტრუქტურის განახლება/რეკონსტრუცია და აღჭურვა.

3. რეაბილიტაციისა და აღჭურვის პროგრამა სრულ თანხვედრაში უნდა იყოს ჰოსპიტალური და პირველადი ჯანმრთელობის დაცვის განვითარების გენერალურ გეგმებთან.

4. 2006 წელს საქართველოს მთავრობის მიერ შემუშავებული ჰოსპიტალური სექტორის განვითარების გენერალური გეგმის თანახმად მოსახლეობის ჰოსპიტალურ მომსახურებაზე მოთხოვნილებათა დასაკმაყოფილებლად ქვეყანაში იფუნქციონირებს 7800 საწოლი, რომელთა უმეტესი წილი კერძო სექტორიდან მოზიდული ინვესტიციით შეიქმნება.

5. ერთგუნდიანი საოჯახო მედიცინის ცენტრებისთვის შენობების რეაბილიტაცია/მშენებლობა გაგრძელდება პჯდ გენერალური გეგმის შესაბამისად.

6. გამომდინარე აღნიშნულიდან, სახელმწიფო დაფინანსება 2007 წელს განხორციელდება:

ა) საზოგადოებრივი ჯანმრთელობის დაცვის ფუნქციის მქონე ჰოსპიტალების (ტუბერკულოზი, ფსიქიატრია) საავადმყოფოების რეაბილიტაცია-აღჭურვისათვის;

ბ) საოჯახო მედიცინის ცენტრებისთვის შენობების ობიექტების რეაბილიტაციასა და აღჭურვისათვის;

გ) სამინისტროს სტრუქტურებისათვის შენობის რეაბილიტაცია – აღჭურვისათვის;

დ) დიაბეტიან ბავშვთა დაცვის ცენტრის რეაბილიტაცია.

7. საინვესტიციო თანხის გარკვეული ნაწილი განისაზღვრება გადაუდებელ სარეაბილიტაციო/აღჭურვით სამუშაოებზე, რაც დაკავშირებული იქნება ჰოსპიტალური სექტორის განვითარების გენერალური გეგმის განხორციელებისას მომსახურების დისლოკაციის საჭიროებებთან.

8. დაფინანსების პროგრამის მნიშვნელოვანი ნაწილი (23, 659 292 ლარი) არის 2006 წელს დადებული კონტრაქტებით 2007 წელს შესასრულებელი სამუშაოს ღირებულება.

9. პროგრამაში სარეაბილიტაციო, სამშენებლო და აღჭურვის თანხები გათვლილია წინა წლებში განხორციელებული საინვესტიციო პროგრამების განხორციელებით დაგროვილ მტკიცებულებებზე დაყრდნობით.

10. სარეაბილიტაციო ფართი არსებულ შენობებში გათვლილია ფუნქციურად აუცილებელი სიმძლავრეების განვითარების საჭიროებიდან გამომდინარე; ხოლო სამშენებლო ფართი გათვლილია ახალი სტანდარტების შესაბამისად (50 კვ.მ ერთ საწოლზე მცირე ზომის საავადმყოფოებისათვის, და 75 კვ.მ ერთ საწოლზე 50 და მეტსაწოლიანი საავადმყოფოებისათვის.

    მუხლი 6. პროგრამის ამოცანა და ქვეამოცანები

1. ჯანმრთელობის დაცვის სექტორის ფიზიკური ინფრასტრუქტურის განვითარების (მშენებლობა, რეაბილიტაცია/რეკონსტრუქცია, აღჭურვა) ამოცანა (განახლებული სტანდარტებისა და პირველადი ჯანმრთელობის დაცვისა და ჰოსპიტალური სექტორის განვითარების გენერალური გეგმების შესაბამისად) ითვალისწინებს შემდეგი ქვეამოცანების მიღწევას:

ა) სამედიცინო დაწესებულებები რეაბილიტირებულია;

ბ) სამედიცინო დაწესებულებები აღჭურვილია;

გ) სამინისტროს სისტემაში შემავალი დაწესებულებების კონსოლიდაციისათვის ერთი შენობა რეაბილიტირებულია.

2. პროგრამის მართვის გაუმჯობესება მოიაზრება ასევე როგორც ერთ-ერთი ქვეამოცანა და ითვალისწინებს პროგრამის შედეგების შეფასებას და საზოგადოების მხრიდან კეთილგანწყობისა და მხარდაჭერის მოპოვებას პროგრამით გათვალისწინებული ღონისძიებების მიმართ.

3. პროგრამა ხელს შეუწყობს მიზანთან მიახლოებას იმ შემთხვევაში, თუ მოხდება:

ა) დაწესებულებების ეფექტიანი მართვა;

ბ) მოთხოვნებთან პროფესიული კადრების რაოდენობისა და კომპეტენციების შესაბამისობის უზრუნველყოფა;

გ) ადეკვატური დაფინანსება.

    მუხლი 7. პროგრამის მოსალოდნელი შედეგები

1. პროგრამის ფარგლებში (სამედიცინო დაწესებულებების ფიზიკური ინფრასტრუქტურის განვითარების და აღჭურვის კომპონენტი) დაგეგმილია 152 პირველადი ჯანმრთელობის დაცვის ობიექტის რეაბილიტირება და აღჭურვა.

2. სამედიცინო დაწესებულებების ფიზიკური ინფრასტრუქტურის განვითარების და აღჭურვის კომპონენტის ფარგლებში დაგეგმილია ასევე შემდეგი საავადმყოფოების რეაბილიტირება/აშენება და/ან აღჭურვა:

ა) შპს თბილისის ფსიქიატრიული საავადმყოფო;

ბ) ხონის ფსიქიატრიული საავადმყოფო;

გ) აკად. ნ. ყიფშიძის სახ. ცენტრალური კლინიკური საავადმყოფო თბილისში (თანადაფინანსება);

დ) სს ,,იავნანა“ გორის ბავშვთა საავადმყოფო;

ე) ქურთის საავადმყოფო;

ვ) თამარაშენის ამბულატორია;

ზ) დიაბეტიან ბავშვთა სარეაბილიტაციო ცენტრი.

3. პროგრამის ფარგლებში, ასევე დაიფარება 2006 წლის ვალდებულებები; შესყიდული იქნება სასწრაფო დახმარების მანქანები და განხორციელდება სიღნაღის საავადმყოფოს დისლოკაცია.

4. საქართველოს მთავრობის დავალებათა შესრულების უზრუნველსაყოფად (საქართველოს მთავრობის 2007 წლის 6 თებერვლის სხდომის №5 ოქმი), ასევე გათვალისწინებულია ჰოსპიტალური სექტორის განვითარების გეგმით გათვალისწინებული სამედიცინო დაწესებულებების ტერიტორიების განთავსების საპროექტო-გეგმარებითი დოკუმენტების, უძრავი ქონებისა და მიწის რეგისტრაციისათვის საჭირო დოკუმენტების მომზადება.

4. პროგრამის განხორციელების შედეგად, უზრუნველყოფილი იქნება სერვისების შეუფერხებელი დისლოკაცია ჰოსპიტალური სექტორის განვითარების გენერალური გეგმის ფარგლებში.

5. სამინისტროს სისტემის დაწესებულებათა რეაბილიტაციისა და აღჭურვის კომპონენტის ფარგლებში იგეგმება სამინისტროს სისტემის /სტრუქტურული ერთეულების შენობის რეაბილიტაცია და აღჭურვა.

    მუხლი 8. პროგრამის რისკები და დაშვებები

1. პროგრამით გათვალისწინებული შედეგების მისაღწევად აღიარებული რისკებისა და დაშვევების შეფასების შედეგად გამოიკვეთა ანგარიშგასაწევი ფაქტორები.

2. პროგრამის განხორციელებისას ანგარიშგასაწევი ფაქტორები და მათი მართვის მექანიზმები მითითებულია ქვემოთ მოყვანილ ცხრილში:

 

ანგარიშგასაწევი დაშვებები	რისკის მართვის მექანიზმები
სამინისტროს/მთავრობის სტრატეგიული მიმართულებები მოულოდნელად არ იცვლება	სტრატეგიული მიმართულებები შეთანხმებულია მთავრობასთან
უზრუნველყოფილია უწყვეტი დაფინანსება	თანამშრომლობა ფინანსთა სამინისტროსთან და ჯანმრთელობის დაცვის რეფორმის სამთავრობო კომის ი ასთან
სახელმწიფო სახსრებით რეაბილიტირებული დაწესებულების საკუთრების ფორმა უცვლელია საშუალო ვადიან პერსპექტივაში	შეთანხმებულია მთავრობასთან; შემუშავებულია სათანადო სარეგულაციო მექანიზმები
საზოგადოების და სამედიცინო პესრონალის მხრიდან წინააღმდეგობა თავიდან აცილებულია	მიმდინარეობს სათანადო საინფორმაციო კამპანია; მაქსიმალურად გათვალისწინებულია მოსახლეობის ინტერესები; შემუშავებულია ადეკვატური საკომპენსაციო პაკეტები გამოთავისუფლებული მედპერსონალისათვის
ამჟამად განსაზღვრული სარეაბილიტაციო დაწესებულებათა ნუსხა შეიძლება შეიცვალოს	ცვლილება შეთანხმდება მთავრობასთან
დამტკიცებული სამედიცინო დაწესებულების სტანდარტები დროულად არის მოწოდებული და არ იცვლება	სამინისტროს სათანადო სტრუქტურები მუშაობენ სტანდარტებზე; სტანდარტები შეთანხმებულია მთავრობასთან;
სამედიცინო დაწესებულების მართვა შესაბამისად ხორციელდება	სახელმწიფო ახორციელებს დაფინანსებას მენეჯერების სიმძლავრის ფორმირებისათვის; შემუშავებულია და დანერგილია მართვის სისტემები, ანგარიშგებისა და მონიტორინგის მექანიზმების ჩათვლით.

მუხლი 9. პროგრამის ლოგიკური ჩარჩო

1. პროგრამით განსაზღვრული მიზანი, ამოცანები, მისაღწევი შედეგები, მათი შეფასების კრიტერიუმები, კრიტერიუმების გაზომვის საშუალებები და ანგარიშგასაწევი დაშვებები მოცემულია ცხრილის სახით:

შედეგების იერარქია	ინდიკატორები	გაზომვის საშუალებები	დაშვებები / რისკები
მიზანი
მოსახლეობისათვის სამედიცინო მომსახურების გეოგრაფიული ხელმისაწვდომობა გაზრდილია	● მოსახლეობის ხვედრითი წილი, რომელსაც ესაჭიროება გენგეგმით განსაზღვრული სამგზავრო დრო შესაბამის სამედიცინო დაწესებულებამდე:  ● სოფლის ამბულატორია  ● რაიონული სამედიცინო დაწესებულება  ● რეგიონალური ჰოსპიტალი	● გეოგრაფიული ინფორმაცი უ ლი სისტემის ანგარიშები
ამოცანა
გენერალური გეგმით გათვალისწინებული პჯდ და ჰოსპიტალური ფიზიკური ინფრასტრუქტურა რეაბილიტირებულია და ფუნქციონირებს	● რეაბილიტირებული დაწესებულების ხვედრითი წილი გენერალური გეგმით დადგენილი რაოდენობიდან:   ● ამბულატორიული   ● რაიონული   ● რეგიონალური   ● მოფუნქციონირე დაწესებულებების ხვედრითი წილი რეაბილიტირებულისგან   ● პაციენტთა დაკმაყოფილება მიღებული მომსახურების ხარისხით	● პროგრამის ანგარიშები, კონტრაქტორების ანგარიშები, მონიტორინგის შედეგები.   ● პაციენტთა კმაყოფილების კვლევები	● დაწესებულებების მართვა ეფექტიანია   ● დაწესებულებები დაკომპლექტებულია მოთხოვნების (საჭიროებების) შესაბამისი, მაღალკვალიფიციური პროფესიული კადრებით
შუალედური ამოცანები
პჯდ და ჰოსპიტალური სამედიცინო დაწესებულებები რეაბილიტირებულია	რეაბილიტირებული დაწესებულებების რაოდენობა: პჯდ ამბულატორიები, ჰოსპიტლები, რეაბილიტირებული ფართის ოდენობა, ინვესტიციის ოდენობა რეაბილიტაციის ერთეულზე	პროგრამის ანგარიშები	მთავრობის პრიოროტეტები ინვესტიციების სფეროში არ იცვლება. პჯდ და ჰოსპიტალური სექტორის განვითარების გენერალური გეგმები შემუშავებულია და მიღებულია მთავრობის მიერ
პჯდ და ჰოსპიტალური სამედიცინო დაწესებულებები აღჭურვილია	აღჭურვილი დაწესებულებების რაოდენობა: პჯდ ამბულატორიები, ჰოსპიტლები	● პროგრამის ანგარიშები	შერჩეული მედპერსონალი მომზადებულია სათანადოდ ახალი აღჭურვილობის ოპტიმალურად გამოყენებისათვის
სამინისტროს სისტემაში შემავალი დაწესებულებების კონსოლიდაციისათვის რეაბილიტირებული და აღჭურვილია ერთი შენობა	სამინისტროს სტრუქტურული ქვედანაყოფების ფუნქციონირება ახალ შენობაში	● პროგრამის ანგარიშები	სამინისტროს სტრუქტურული ქვედანაყოფების კონსოლიდაციის გეგმა უცვლელია

    მუხლი 10. ღონისძიებები

პროგრამით განსაზღვრული ამოცანების მიღწევა შესაძლებელი გახდება ქვემოთ განსაზღვრული ღონისძიებების განხორციელებისა და შესაბამისი დაშვებების მატერიალიზების შედეგად.

1. საპროექტო სამუშაოებისა და არქიტექტურული ზედამხედველობის განხორციელება:

ა) სატენდერო პირობების მომზადება და ტენდერის გამოცხადება სამედიცინო დაწესებულებების ტიპების მიხედვით საპროექტო სამუშაოებისა და მშენებლობის არქიტექტურული ზედამხედველობის წარმოებისათვის;

ბ) არქიტექტურული მომსახურების მომწოდებლის შერჩევა და კონტრაქტირება;

გ) ზედამხედველობა სამედიცინო დაწესებულების საპროექტო სამუშაოების შესრულებაზე;

დ) მიმდინარე სამუშაოების შეფასება და ანგარიშსწორება;

ე) საბოლოო შედეგების ექსპერტული შეფასება და მიღება-ჩაბარება.

2. სამშენებლო-სარეაბილიტაციო სამუშაოების განხორციელება:

ა) სარეაბილიტაციო / სამშენებლო დაწესებულებების ნუსხისა და შემუშავებული პროექტის საფუძველზე სამშენებლო სამუშაოების შესრულებაზე ტენდერის ჩატარება;

ბ) სამშენებლო სამუშაოების მიმდინარეობაზე ზედამხედველობა;

გ) მიმდინარე სამუშაოების შეფასება და ანგარიშსწორება;

დ) საბოლოო შედეგების ექსპერტული შეფასება და მიღება-ჩაბარება.

3. რეაბილიტირებული დაწესებულებების აღჭურვა:

ა) აუცილებელი აღჭურვილობის მახასიათებლების და საჭირო რაოდენობის განსაზღვრა თითოეული კონკრეტული დაწესებულებისათვის;

ბ) აღჭურვილობის მომწოდებლის შერჩევა და კონტრაქტირება;

გ) აღჭურვილობის მოწოდებასა და ინსტალაციაზე ზედამხედველობა;

დ) აღჭურვილობის მოწოდების პროცესის მონიტორინგი და ანგარიშსწორება;

ე) აღჭურვილობის ექსპლუატაციაში მიღება და საბოლოო ანგარიშსწორება.

    მუხლი 11. პროგრამის განხორციელების გეგმა

პროგრამის ცალკეული კომპონენტის განხორციელების გეგმა კალენდარული წლის განმავლობაში განისაზღვრება შემდეგი ცხრილის შესაბამისად:

    მუხლი 12. პროგრამის მონიტორინგი და შეფასება

პროგრამის მონიტორინგი და შეფასება განხორციელდება მონიტორინგისა და შეფასების შემდეგი

ცხრილის შესაბამისად:

 

    მუხლი 13. პროგრამის ბიუჯეტი

1. პროგრამის პირველი კომპონენტის (პირველადი ჯანმრთელობის დაცვის დაწესებულებების (სოფლად საოჯახო მედიცინის ცენტრების) და ჰოსპიტლების ფიზიკური ინფრასტრუქტურის განვითარება და აღჭურვა) საერთო ბიუჯეტი შეადგენს 45 320 000 ლარს. მათ შორის:

ა) საოჯახო მედიცინის ცენტრების რეაბილიტაცია/აღჭურვისათვის – 9200408 ლარი.

ბ) ჰოსპიტალურ სექტორში რეაბილიტაცია/აღჭურვისათვის – 9 118 000 ლარი;

გ) ჰოსპიტალური სექტორის განვითარების გეგმის ხელშეწყობისათვის – 10 642 300 ლარი.

დ) 2006 წელს ჰოსპიტალური დაწესებულებების რეაბილიტაცია-აღჭურვაზე გაფორმებული ხელშეკრულებების ფარგლებში 2007 წელს ასანაზღაურებელი სავარაუდო თანხა – 16 359 292 ლარი.

2. პროგრამის მეორე კომპონენტის – შრომის, ჯანმრთელობის და სოციალური დაცვის სამინისტროს სისტემაში შემავალი დაწესებულებებისათვის შენობის რეაბილიტაციისა და აღჭურვისათვის გათვალისწინებულია 8800000 ლარი. აქედან 7300000 ლარი წარმოადგენს სამინისტროს სისტემის შენობის რეაბილიტაციისათვის 2006 წელს გაფორმებული ხელშეკრულების ფარგლებში 2007 წელს ასანაზღაურებელ სავარაუდო თანხას, 1500000 ლარი კი მოხმარდება აღნიშნული შენობის აღჭურვას.

3. სულ ორივე კომპონენტისთვის პროგრამის ბიუჯეტში გათვალისწინებულია 2006 წელს დაწესებულებების რეაბილიტაცია-აღჭურვაზე გაფორმებული ხელშეკრულებების ფარგლებში ასანაზღაურებელი სავარაუდო თანხა 23659292 ლარის ოდენობით.

4. პროგრამის დეტალური ბიუჯეტი თითოეული ქმედებისათვის რესურსების ტიპის, ერთეულის რაოდენობისა და ერთეულის ფასის მითითებით მოცემულია შემდეგ ცხრილში:

 

 

 

5. 2006 წელს შესაბამისი პროგრამის ფარგლებში გაფორმებული ხელშეკრულებების ღირებულების, მიმდინარე წელს ასანაზღაურებელი სავარაუდო თანხისა და შესრულებული სამუშაოს შესახებ ინფორმაცია წარმოდგენილია ცხრილის სახით[2] :

 

 

 

 

უნდა იყოს

7. პროგრამის ფარგლებში პჯ დაწესებულებები დაექვემდებარება რეაბილიტაციას შემდეგ ცხრილში მითითებულ დასახლებულ პუნქტებში:

სამეგრელო-ზემო სვანეთი რეგიონი

 

გურიის რეგიონი

 

 

 

რაჭა-ლეჩხუმის რეგიონი

 

სამცხე-ჯავახეთის რეგიონი

 

მცხეთა მთიანეთის რეგიონი

 

საქართველოს შრომის, ჯანმრთელობისა და სოციალური დაცვის მინისტრის 2007 წლის 10 აპრილის ბრძანება №130/ნ-სსმIII, №49, 10.04.2007წ.; მუხ.550