სახელმწიფო სარეგისტრაციო კოდი 190.040.000.22.033.009.891
საქართველოს ფინანსთა მინისტრის
ბრძანება №61
2007 წლის 30 იანვარი
ქ. თბილისი
,,ავტოგასამართ სადგურებში მარიგებელი სვეტების მადოზირებელი და მრიცხველი მექანიზმების დალუქვის წესების შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2006 წლის 28 მარტის №258 ბრძანებაში ცვლილების შეტანის თაობაზე
,,ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:
1. ,,ავტოგასამართ სადგურებში მარიგებელი სვეტების მადოზირებელი და მრიცხველი მექანიზმების დალუქვის წესების შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2006 წლის 28 მარტის №258 ბრძანებაში (სსმ III, 2006წ., №44, მუხ. 499) შეტანილ იქნეს ცვლილება და მე-2 მუხლი ჩამოყალიბდეს შემდეგი რედაქციით:
,,მუხლი 2. საგადასახადო ორგანოებმა ამ ბრძანებით გათვალისწინებული მარიგებელი სვეტების მადოზირებელი და მრიცხველი მექანიზმების ლუქების გამოყენება დაიწყონ 2006 წლის 1 მაისიდან და 2007 წლის 1 ივლისამდე უზრუნველყონ მათ სამოქმედო ტერიტორიაზე არსებულ ავტოგასამართ სადგურებში მადოზირებელი და მრიცხველი მექანიზმების ამ ბრძანებით დადგენილი წესით დალუქვა“.
2. ბრძანება ამოქმედდეს გამოქვეყნებისთანავე.
ა. ალექსიშვილი