საქართველოს მთავრობის
დადგენილება №140
2008 წლის 26 ივნისი ქ. თბილისი
,,ტყით სარგებლობის ლიცენზიების გაცემის წესისა და პირობების შესახებ დებულების დამტკიცების თაობაზე“ საქართველოს მთავრობის 2005 წლის 11 აგვისტოს №132 დადგენილებით დამტკიცებულ დებულებაში ცვლილებების შეტანის თაობაზე“ საქართველოს მთავრობის 2007 წლის 24 სექტემბრის №203 დადგენილებაში დამატების შეტანის თაობაზე
1. ,,ნორმატიული აქტების შესახებ“ საქართველოს კანონის 36-ე მუხლის საფუძველზე ,,ტყით სარგებლობის ლიცენზიების გაცემის წესისა და პირობების შესახებ დებულების დამტკიცების თაობაზე“ საქართველოს მთავრობის 2005 წლის 11 აგვისტოს №132 დადგენილებით დამტკიცებულ დებულებაში ცვლილებების შეტანის თაობაზე“ საქართველოს მთავრობის 2007 წლის 24 სექტემბრის №203 დადგენილების (სსმ III, 2007 წ., №134, მუხლი 1452) მე-2 მუხლს დაემატოს შემდეგი შინაარსის 41 პუნქტი:
,,41. ამ დადგენილების ძალაში შესვლამდე გაცემული ხანგრძლივვადიანი ხე-ტყის დამზადების სპეციალური ლიცენზიის მფლობელები ვალდებული არიან საქართველოს გარემოს დაცვისა და ბუნებრივი რესურსების სამინისტროს 2009 წლის 1 იანვრამდე წარუდგინონ დასამტკიცებლად ტყით სარგებლობის გეგმა.“.
2. დადგენილება ამოქმედდეს გამოქვეყნებისთანავე.
პრემიერ-მინისტრი ვ. გურგენიძე