სახელმწიფო სარეგისტრაციო კოდი 360.160.000.22.023.009.582
საქართველოს გარემოს დაცვისა და ბუნებრივი რესურსების
მინისტრის ბრძანება №1242
2006 წლის 17 ნოემბერი
ქ. თბილისი
,,საშეშე მერქნის კანონიერების დამადასტურებელი დოკუმენტის ფორმისა და გაცემის წესის შესახებ“ საქართველოს გარემოს დაცვისა და ბუნებრივი რესურსების მინისტრის 2005 წლის 20 დეკემბრის №566 ბრძანებით დამტკიცებულ დებულებაში ,,საშეშე მერქნის კანონიერების დამადასტურებელი დოკუმენტის ფორმისა და გაცემის წესის შესახებ“ დამატების შეტანის თაობაზე
,,ნორმატიული აქტების შესახებ“ საქართველოს კანონის 36-ე მუხლის საფუძველზე, ვბრძანებ:
1. საქართველოს გარემოს დაცვისა და ბუნებრივი რესურსების მინისტრის 2005 წლის 20 დეკემბრის №566 ბრძანებით (სსმ III, 21.12.2005წ., №148, მუხ.1642) დამტკიცებული ,,საშეშე მერქნის კანონიერების დამადასტურებელი დოკუმენტის ფორმისა და გაცემის წესის შესახებ“ დებულების მე-2 მუხლს დაემატოს შემდეგი შინაარსის ,,გ“ ქვეპუნქტი:
,,გ) ადგილობრივი ტყის ფონდის მართვაზე უფლებამოსილი ადგილობრივი თვითმმართველობის შესაბამისი ორგანოები.“.
2. ეს ბრძანება ამოქმედდეს გამოქვეყნებისთანავე.
დ. ტყეშელაშვილი