სახელმწიფო სარეგისტრაციო კოდი 140.130.000.22.034.009.581
საქართველოს შინაგან საქმეთა მინისტრის
ბრძანება №1365
2006 წლის 22 ნოემბერი
ქ. თბილისი
,,საქართველოს შინაგან საქმეთა სამინისტროს ტერიტორიული ორგანოების საუბნო სამსახურების შესახებ ინსტრუქციის დამტკიცების თაობაზე“ საქართველოს შინაგან საქმეთა მინისტრის 2005 წლის 26 აგვისტოს №875 ბრძანებაში ცვლილების შეტანის თაობაზე
,,ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:
მუხლი 1. ,,საქართველოს შინაგან საქმეთა სამინისტროს ტერიტორიული ორგანოების საუბნო სამსახურების შესახებ ინსტრუქციის დამტკიცების თაობაზე“ საქართველოს შინაგან საქმეთა მინისტრის 2005 წლის 26 აგვისტოს №875 ბრძანებით (სსმ III, 31.08.2005, №102, მუხ. 1139) დამტკიცებული ინსტრუქციის მე-6 მუხლი ჩამოყალიბდეს შემდეგი რედაქციით:
,,მუხლი 6.
უბნის ინსპექტორი ანგარიშვალდებულია უშუალო უფროსის, სამინისტროს ტერიტორიულ ორგანოში შემავალი რაიონული განყოფილების უფროსისა და სამინისტროს ტერიტორიული ორგანოს უფროსის წინაშე“.
მუხლი 2. ბრძანება ამოქმედდეს გამოქვეყნებისთანავე.
ი. მერაბიშვილი