სახელმწიფო სარეგისტრაციო კოდი 300.230.000.22.024.009.413
საქართველოს ეკონომიკური განვითარების მინისტრის
ბრძანება №1-1/1054
2006 წლის 29 სექტემბერი
ქ. თბილისი
,,სახელმწიფო სახელისუფლებო ორგანოების, მათზე დაქვემდებარებული უწყებების, საჯარო სამართლის იურიდიული პირების, ორგანიზაციებისა და დაწესებულებების, რომელთა ფინანსირება ხორციელდება სახელმწიფო ან ადგილობრივი ბიუჯეტიდან, ბალანსზე რიცხული ამორტიზებული ან გამოუყენებელი ძირითადი საშუალებების ჩამოწერის და ჩამოწერის შედეგად მიღებული ჯართის რეალიზაციის წესის შესახებ დებულების დამტკიცების თაობაზე“ საქართველოს სახელმწიფო ქონების მართვის მინისტრის 2001 წლის 12 თებრვლის №1-3/77 ბრძანებაში დამატების შეტანის თაობაზე
,,ნორმატიული აქტების შესახებ“ საქართველოს კანონის 36-ე მუხლისა და საქართველოს მთავრობის 2004 წლის 10 სექტემბრის №77 დადგენილებით დამტკიცებული საქართველოს ეკონომიკური განვითარების სამინისტროს დებულების მე-8 მუხლის მე-3 პუნქტის ,,რ“ ქვეპუნქტის საფუძველზე, ვბრძანებ:
1. საქართველოს სახელმწიფო ქონების მართვის მინისტრის 2001 წლის 12 თებრვლის №1-3/77 ბრძანებით (სსმ III, 2001 წ., №13 მუხლი 128) დამტკიცებული ,,სახელმწიფო სახელისუფლებო ორგანოების, მათზე დაქვემდებარებული უწყებების, საჯარო სამართლის იურიდიული პირების, ორგანიზაციების და დაწესებულებების, რომელთა ფინანსირდება ხორციელდება სახელმწიფო ან ადგილობრივი ბიუჯეტიდან, ბალანსზე რიცხული ამორტიზებული ან გამოუყენებელი ძირითადი საშუალებების ჩამოწერის და ჩამოწერის შედეგად მიღებული ჯართის რეალიზაციის წესის შესახებ“ დებულებაში შევიდეს შემდეგი სახის დამატება და პირველ მუხლს დაემატოს შემდეგი 41 პუნქტი:
,,41. იმ შემთხვევაში, თუ საკითხი ეხება დიდი რაოდენობის თეატრალური დეკორაციის, რეკვიზიტის ან კოსტიუმის ბალანსიდან ჩამოწერას, ასეთ შემთხვევაში მე-4 პუნქტით გათვალისწინებული სალიკვიდაციო აქტი (დანართი №5) დგება მხოლოდ დასახელების მიხედვით (ყველა რაოდენობა ერთად აღებული).“.
2. ბრძანება ძალაში შევიდეს გამოქვეყნებისთანავე.
მინისტრის პირველი მოადგილე ნ. თურნავა