სახელმწიფო სარეგისტრაციო კოდი 100.110.000.22.027.009.238
საქართველოს იუსტიციის მინისტრის
ბრძანება №724
2006 წლის 14 სექტემბერი
ქ. თბილისი
საქართველოს იუსტიციის სამინისტროს სასჯელაღსრულების ბათუმის №3 საპყრობილეში, ზუგდიდის №4 საპყრობილეში და გეგუთის №8 დაწესებულებაში მყოფ პირთა სასურსათო ულუფების ნორმატივების განსაზღვრის შესახებ
,,პატიმრობის შესახებ” საქართველოს კანონის 36-ე მუხლის პირველი პუნქტის, ,,ნორმატიული აქტების შესახებ” საქართველოს კანონის მე-17 მუხლის მე-6 პუნქტისა და საქართველოს იუსტიციის მინისტრისა და ფინანსთა მინისტრის 2006 წლის 30 მარტის №374 ერთობლივი ბრძანების ,,საქართველოს სასჯელაღსრულების დაწესებულებებში მყოფ პირთა სასურსათო ულუფების ნორმატივების განსაზღვრის შესახებ” მეორე პუნქტის მოთხოვნათა შესაბამისად, საქართველოს იუსტიციის სამინისტროს სასჯელაღსრულების ზოგიერთ დაწესებულებაში მყოფ პირთა სასურსათო ულუფების ნორმატივების დარეგულირების მიზნით, ვბრძანებ:
1. სასჯელაღსრულების ბათუმის №3 საპყრობილეში, ზუგდიდის №4 საპყრობილეში და გეგუთის №8 დაწესებულებაში, კვების ულუფისათვის განკუთვნილი თანხის ნორმა თითოეულ პირზე განისაზღვროს 35 ლარის ოდენობით.
2. ბრძანების შესრულებაზე კონტროლი დაევალოს საქართველოს იუსტიციის მინისტრის მოადგილეს (მ. გელოვანი)
3. ეს ბრძანება ამოქმედდეს გამოქვეყნებისთანავე.
გ. ქავთარაძე
შეტანილი ცვლილებები:
1. ძალადაკარგულია - საქართველოს იუსტიციის მინისტრის 2011 წლის 21 თებერვლის ბრძანება №29 - ვებგვერდი, 22.02.2011 წ.