სახელმწიფო სარეგისტრაციო კოდი 010.320.010.22.034.009.030
საქართველოს შინაგან საქმეთა მინისტრის
ბრძანება №935
2006 წლის 2 აგვისტო
ქ. თბილისი
,,საქართველოს შინაგან საქმეთა სამინისტროს მოსამსახურეთა წოდებრივი სარგოების ყოველთვიური განაკვეთების განსაზღვრის თაობაზე“ მინისტრის 2006 წლის 3 ივლისის №836 ბრძანებაში ცვლილების შეტანის შესახებ
,,ნორმატიული აქტების შესახებ“ საქართველოს კანონის 36-ე მუხლის პირველი პუნქტისა და ,,საქართველოს შინაგან საქმეთა სამინისტროს დებულების დამტკიცების შესახებ“ საქართველოს პრეზიდენტის 2004 წლის 27 დეკემბრის №614 ბრძანებულებით დამტკიცებული დებულების მე-11 პუნქტის ,,ა“ და ,,ნ“ ქვეპუნქტების საფუძველზე, ვბრძანებ:
1. ,,საქართველოს შინაგან საქმეთა სამინისტროს მოსამსახურეთა წოდებრივი სარგოების ყოველთვიური განაკვეთების განსაზღვრის თაობაზე“ მინისტრის 2006 წლის 3 ივლისის №836 ბრძანებაში შეტანილ იქნეს ცვლილება და ბრძანებით დამტკიცებული დანართის მე-16 პუნქტით განსაზღვრული სამხედრო ან სპეციალური წოდება ჩამოყალიბდეს შემდეგი რედაქციით:
,,16. მასტერ-სერჟანტი, ზემდეგი.“.
2. ბრძანება ამოქმედდეს 2006 წლის 1 ივლისიდან.
ი. მერაბიშვილი