მოქალაქეობრივი მდგომარეობის აქტების ჩამწერი ორგანოების საქართველოს რესპუბლიკის იუსტიციის სამინისტროს, აფხაზეთის ასსრ და აჭარის ავტონომიური რესპუბლიკების იუსტიციის სამინისტროების დაქვემდებარებაში გადაცემასთან დაკავშირებული საკითხების შესახებ

1. გადაეცეს საქართველოს რესპუბლიკის იუსტიციის სამინისტროს, აფხაზეთის ასსრ და აჭარის ავტონომიური რესპუბლიკის იუსტიციის სამინისტროებს ყოფილი სახალხო დეპუტატთა რაიონული, საქალაქო, ქალაქის რაიონული საბჭოების აღმასკომების მოქალაქეობრივი მდგომარეობის, აქტების ჩამწერ განყოფილებათა, ქორწინების სასახლეთა და მოქალაქეობრივი მდგომარეობის აქტების ჩამწერ არქივთა საშტატო ერთეულები მათი შესანახი ხარჯებითურთ.

2. მოქალაქეობრივი მდგომარეობის რეგისტრაციის განყოფილებათა, ქორწინების სასახლეთა და მოქალაქეობრივი მდგომარეობის რეგისტრაციის არქივთა შტატებს ამტკიცებს საქართველოს რესპუბლიკის იუსტიციის მინისტრი ამ ორგანოებისათვის დადგენილი საშტატო ერთეულების რაოდენობისა და შრომის ანაზღაურების ფონდის ფარგლებში, თანამდებობრივი განაკვეთების დაცვით.

3. მოქალაქეობრივი მდგომარეობის რეგისტრაციის განყოფილებათა, ქორწინების სასახლეთა და მოქალაქეობრივი მდგომარეობის რეგისტრაციის არქივთა შენახვა რესპუბლიკის ბიუჯეტის ხარჯზე საქართველოს რესპუბლიკის იუსტიციის სამინისტროს ხარჯთაღრიცხვის მიხედვით.

4. დაევალოს საქართველოს რესპუბლიკის იუსტიციის სამინისტროს ერთი თვის ვადაში წარმოუდგინონ საქართველოს რესპუბლიკის მთავრობას ზემოაღნიშნული საკითხზე ადრე მიღებული გასაუქმებელი აქტების ნუსხა.

საქართველოს რესპუბლიკის მთავრობის  თავმჯდომარე                                  თ. სიგუა

საქართველოს რესპუბლიკის მთავრობის

სახელწმიფო კანცელარიის მმართველი                                                               გ. ბერიძე