სახელმწიფო სარეგისტრაციო კოდი 010.320.040.22.003.008.407
საქართველოს ფინანსთა მინისტრის
ბრძანება №304
2006 წლის 4 აპრილი
ქ. თბილისი
„საქართველოს ფინანსთა სამინისტროს სისტემისა და მისი სტრუქტურული ერთეულების საჯარო მოხელეთა და მოსამსახურეთა კონკურსისა და ატესტაციის ჩატარების საკონკურსო-საატესტაციო კომისიის დებულების დამტკიცების შესახებ“ საქართველოს ფინანსთა მინისტრის 2000 წლის 2 ოქტომბრის №89 ბრძანებაში ცვლილებისა და დამატების შეტანის თაობაზე
„ნორმატიული აქტების შესახებ” საქართველოს კანონის 36-ე მუხლის, „საჯარო სამსახურის შესახებ“ საქართველოს კანონისა და „საკონკურსო-საატესტაციო კომისიების დებულების დამტკიცების შესახებ“ საქართველოს პრეზიდენტის 1998 წლის 25 მარტის №174 ბრძანებულების მოთხოვნათა შესაბამისად, ვბრძანებ:
მუხლი 1. „საქართველოს ფინანსთა სამინისტროს სისტემისა და მისი სტრუქტურული ერთეულების საჯარო მოხელეთა და მოსამსახურეთა კონკურსისა და ატესტაციის ჩატარების საკონკურსო-საატესტაციო კომისიის დებულების დამტკიცების შესახებ” საქართველოს ფინანსთა მინისტრის 2000 წლის 2 ოქტომბრის №89 ბრძანებით (სსმ III, 2000 წ., №92, მუხ. 797) დამტკიცებულ დებულებაში შეტანილ იქნეს შემდეგი ცვლილება და დამატება:
ა) მე-20 მუხლის მე-3 პუნქტი ჩამოყალიბდეს შემდეგი რედაქციით:
„3. ატესტაცია ტარდება წერილობითი ტესტირებით და/ან გასაუბრებით. ტესტირების თემატიკას მოხელის მიერ დაკავებული თანამდებობის სპეციფიკის გათვალისწინებით განსაზღვრავს ფინანსთა მინისტრი.”.
ბ) 21-ე მუხლის მე-2 პუნქტს დაემატოს ,,ე” ქვეპუნქტი შემდეგი რედაქციით:
„ე) ექვემდებარება დაწინაურებას.”.
მუხლი 2. ბრძანება ამოქმედდეს გამოქვეყნებისთანავე.
ა. ალექსიშვილი