საქართველოს ტრანსპორტისა და კომუნიკაციების მინისტრის
ბრძანება №6
2001 წლის 22 იანვარი
ქ. თბილისი
საქართველოს ტრანსპორტის მინისტრის 1998 წლის 16 ივლისის №48 ბრძანებით დამტკიცებულ „საქართველოს ნავსადგურებში დატვირთვა-გადმოტვირთვის სამუშაოებისა და მომსახურების ტარიფებში“ დამატების შეტანის თაობაზე
საქართველოს პრეზიდენტის 1999 წლის 31 მაისის №344 „სუფსის საზღვაო ნავსადგურის შექმნისა და საქართველოში უცხოეთის გემებისათვის ღია ნავსადგურის ნუსხის დამტკიცების შესახებ“ ბრძანებულების საფუძველზე, ვ ბ რ ძ ა ნ ე ბ:
საქართველოს ტრანსპორტის მინისტრის 1998 წლის 16 ივლისის №48 ბრძანებით დამტკიცებულ „საქართველოს ნავსადგურებში დატვირთვა-გადმოტვირთვის სამუშაოებისა და მომსახურების ტარიფების“ პირველი კარის მე-14 მუხლის პირველ პუნქტში მოცემული ცხრილის პირველ გრაფაში („ნავსადგურები“), სიტყვა „ფოთი“-ს შემდეგ დაემატოს სიტყვა „სუფსა“.
ბრძანება ძალაში შევიდეს ოფიციალურ ბეჭდვით ორგანოში გამოქვეყნებისთანავე.
მინისტრი მ. ადეიშვილი