საქართველოს პრეზიდენტის
ბრძანებულება №499
1998 წლის 26 აგვისტო
ქ. თბილისი
„საქართველოს ფინანსთა სამინისტროს დებულების დამტკიცების შესახებ“ საქართველოს პრეზიდენტის 1997 წლის 8 სექტემბრის №488 ბრძანებულებაში ცვლილებების შეტანის შესახებ
საქართველოს ფინანსთა სამინისტროში მიმდინარე რეფორმების განხორციელებისა და მისი სტრუქტურის შემდგომი სრულყოფისათვის „საქართველოს ფინანსთა სამინისტროს დებულების დამტკიცების შესახებ“ საქართველოს პრეზიდენტის 1997 წლის 8 სექტემბრის №488 ბრძანებულებით დამტკიცებულ ფინანსთა სამინისტროს დებულებაში შეტანილ იქნეს შემდეგი ცვლილებები:
1. გაუქმდეს და დებულების VI თავიდან შესაბამისად ამოღებულ იქნეს:
ა) „მაკროეკონომიკური პროგნოზირებისა და ანალიზის დეპარტამენტი“;
ბ) „საგადასახადო და საბაჟო პოლიტიკის დეპარტამენტი“.
2. შეიქმნას და დებულების VI თავს სამინისტროს აპარატის ჩამონათვალში დაემატოს:
ა) „ფისკალური პოლიტიკისა და მაკროეკონომიკური პროგნოზირების დეპარტამენტი“;
ბ) „აქციზური მარკების დეპარტამენტი“.
3. საქართველოს ფინანსთა სამინისტროს აპარატის სტრუქტურიდან სამხარეო საფინანსო ადმინისტრაციები გადატანილ იქნეს სამინისტროს სისტემის სახელმწიფო საქვეუწყებო დაწესებულებების ნუსხაში.
ე. შევარდნაძე