სახელმწიფო სარეგისტრაციო კოდი 010.240.060.22.024.007.929
საქართველოს ეკონომიკური განვითარების მინისტრის
ბრძანება №1-1/1192
2005 წლის 9 დეკემბერი ქ. თბილისი
საქართველოს ეკონომიკური განვითარების მინისტრის 2005 წლის 23 აგვისტოს №1-1/948 ბრძანებით დამტკიცებულ ,,საქართველოს ეკონომიკური განვითარების სამინისტროს სახელმწიფო საქვეუწყებო დაწესებულების თავისუფალი ვაჭრობისა და კონკურენციის სააგენტოს დებულებაში” ცვლილებებისა და დამატებების შეტანის შესახებ
საქართველოს ეკონომიკური განვითარების მინისტრის 2005 წლის 23 აგვისტოს № 1-1/948 ბრძანებით დამტკიცებულ საქართველოს ეკონომიკური განვითარების სამინისტროს სახელმწიფო საქვეუწყებო დაწესებულების თავისუფალი ვაჭრობისა და კონკურენციის სააგენტოს დებულებაში (სსმ №101, მუხ. 1130, 2005 წლის 29 აგვისტო) შეტანილ იქნეს შემდეგი სახის ცვლილებები და დამატებები:
1. დებულების პირველი მუხლის მე-6 პუნქტი ჩამოყალიბდეს შემდეგი რედაქციით:
,,6. სააგენტოს აქვს დებულება, ბეჭედი სახელმწიფოს გერბის გამოსახულებითა და თავისი სახელწოდების აღნიშვნით, ემბლემა, შტამპი, დამოუკიდებელი ბალანსი, საკუთარი ხარჯთა ნუსხა და სათანადო ანგარიში საქართველოს სახელმწიფო ხაზინაში.”.
2. ამოღებულ იქნეს დებულების მე-4 მუხლის პირველი პუნქტის ,,ბ” და ,,კ” ქვეპუნქტები.
3. დებულების მე-5 მუხლის სათაური ჩამოყალიბდეს შემდეგი რედაქციით: ,,მუხლი 5. სააგენტოს მოვალეობები და უფლებამოსილებები”.
4. დებულების მე-8 მუხლის “კ” ქვეპუნქტი ჩამოყალიბდეს შემდეგი რედაქციით:
,,კ) სახელმწიფო ხელისუფლების ორგანოების მიმართ წარდგენილი მიწერილობის შეუსრულებლობის შემთხვევაში ამზადებს საჯარო განცხადების ტექსტის პროექტს და/ან სარჩელით მიმართავს სასამართლოს”.
5. ამოღებულ იქნეს დებულების მე-9 მუხლის ,,გ.ა” ქვეპუნქტი.
6. ბრძანება ძალაშია გამოქვეყნების დღიდან.
ი. ჩოგოვაძე