საქართველოს რესპუბლიკის სისხლის სამართლის კოდექსში დამატებების შეტანის შესახებ

საქართველოს რესპუბლიკის კანონი

საქართველოს რესპუბლიკის სისხლის სამართლის კოდექსში დამატებების შეტანის შესახებ

საქართველოს პარლამენტი ადგენს:

1. 1960 წლის 30 დეკემბერს დამტკიცებულ საქართველოს რესპუბლიკის სისხლის სამართლის კოდექსში (საქართველოს სსრ უმაღლესი საბჭოს უწყებები, 1961 წ., № 1, მუხ. 10) შეტანილ იქნეს შემდეგი დამატებები:

I. დაემატოს კოდექსს შემდეგი შინაარსის 238¹ მუხლი:

„მუხლი 238¹. უკანონო შეიარაღებული ფორმირების ორგანიზაცია ან მასში მონაწილეობა

უკანონო შეიარაღებული ფორმირების ორგანიზაცია, აგრეთვე ასეთ ფორმირებაში მონაწილეობა,  –

ისჯება თავისუფლების აღკვეთით ვადით ათ წლამდე“.

2. 8¹ მუხლში (მძიმე დანაშაულის ცნება) სიტყვების „(238-ე მუხლის მესამე და მეოთხე ნაწილები)“ შემდეგ დაემატოს სიტყვები „უკანონო შეიარაღებული ფორმირების ორგანიზაცია ან მასში მონაწილეობა (მუხლი 238¹)“.

3. 44-ე მუხლის (განსაკუთრებით საშიში რეციდივისტი) პირველი ნაწილის მეორე პუნქტში სიტყვების „(238-ე მუხლის მესამე და მეოთხე ნაწილები)“ შემდეგ დაემატოს სიტყვები „უკანონო შეიარაღებული ფორმირების ორგანიზაცია ან მასში მონაწილეობა (მუხლი 238¹)“.

4. 54¹ მუხლს (სასჯელისაგან ვადამდე პირობით გათავისუფლების და სასჯელის უფრო მსუბუქი სასჯელით შეცვლის გამოუყენებლობა) პირველი ნაწილის მესამე პუნქტში სიტყვების „(238-ე მუხლის მესამე და მეოთხე ნაწილები)“ შემდეგ დაემატოს სიტყვები „უკანონო შეიარაღებული ფორმირების ორგანიზაცია ან მასში მონაწილეობა (მუხლი 238¹)“.

II. ეს კანონი ძალაშია გამოქვეყნებისთანავე.

 

საქართველოს პარლამენტის თავმჯდომარე –

სახელმწიფო მეთაური                                        ედუარდ შევარდნაძე.

 

საქართველოს პარლამენტის

სპიკერი                                                                 ვახტანგ გოგუაძე.

თბილისი, 1993 წლის 17 მარტი.