საქართველოს მოქალაქეთა და საქართველოში მცხოვრებ უცხოელთა პირადობის დადასტურებისა და საქართველოს მოქალაქის პასპორტის საქართველოში მუდმივად მცხოვრები მოქალაქეობის არმქონე პირის სამგზავრო პასპორტის გაცემის წესის შესახებ ინსტრუქციის დამტკიცების თაობაზე

სახელმწიფო სარეგისტრაციო კოდი 010.130.000.22.027.006.853

საქართველოს იუსტიციის მინისტრის

ბრძანება №1398

2004 წლის 12 ნოემბერი

ქ. თბილისი

საქართველოს მოქალაქეთა, საქართველოში მცხოვრებ უცხოელთა და ლტოლვილთა პირადობის დადასტურებისა და საქართველოს მოქალაქის პასპორტის (სამგზავრო პასპორტისა და დოკუმენტის) გაცემის შესახებ ინსტრუქციის დამტკიცების თაობაზე

საქართველოს იუსტიციის მინისტრის 2008 წლის 18 აპრილის ბრძანება №119 - სსმ III, №59, 18.04.2008წ., მუხ.679

„საქართველოს მოქალაქეთა და საქართველოში მცხოვრებ უცხოელთა რეგისტრაციის, პირადობის/ბინადრობის მოწმობისა და საქართველოს მოქალაქის პასპორტის გაცემის წესის შესახებ” საქართველოს კანონის მე-20 მუხლის მე-2 პუნქტის შესაბამისად:

1. დამტკიცდეს თანდართული „საქართველოს მოქალაქეთა, საქართველოში მცხოვრებ უცხოელთა და ლტოლვილთა პირადობის დადასტურებისა და საქართველოს მოქალაქის პასპორტის (სამგზავრო პასპორტისა და დოკუმენტის) გაცემის შესახებ ინსტრუქცია.

2. ბრძანება ამოქმედდეს გამოქვეყნებისთანავე.

გ. პაპუაშვილი

შეტანილი ცვლილებები:

1. საქართველოს იუსტიციის მინისტრის 2004 წლის 28 დეკემბრის ბრძანება №1608- სსმ III, №154, 29.12.2004 წ., მუხ.1407

2. საქართველოს იუსტიციის მინისტრის 2005 წლის 17 თებერვლის ბრძანება №305 - სსმ III, №18, 17.02.2005წ., მუხ.175

3. საქართველოს იუსტიციის მინისტრის 2005 წლის 16 მარტის ბრძანება №457 - სსმ III, №31, 18.03.2005წ., მუხ.300

4. საქართველოს იუსტიციის მინისტრის 2005 წლის 22 მარტის ბრძანება №506 - სსმ III, №32, 22.03.2005წ., მუხ.310

5. საქართველოს იუსტიციის მინისტრის 2005 წლის 17 მაისის ბრძანება №857 - სსმ III, №57, 17.05.2005წ., მუხ.639

6. საქართველოს იუსტიციის მინისტრის 2005 წლის 31 აგვისტოს ბრძანება №1551 - სსმ III, №103, 01.09.2005წ., მუხ.1151

7. საქართველოს იუსტიციის მინისტრის 2005 წლის 27 სექტემბრის ბრძანება №1740 - სსმ III, №115, 30.09.2005წ., მუხ.1269

8. საქართველოს იუსტიციის მინისტრის 2006 წლის 30 იანვრის ბრძანება №215 - სსმ III, №13, 31.01.2006წ., მუხ.158

9. საქართველოს იუსტიციის მინისტრის 2006 წლის 17 აპრილის ბრძანება №411 - სსმ III, №54, 19.04.2006წ., მუხ.666

10. საქართველოს იუსტიციის მინისტრის 2006 წლის 19 ივნისის ბრძანება №594 - სსმ III, №83, 21.06.2006წ., მუხ.1106

11. საქართველოს იუსტიციის მინისტრის 2006 წლის 25 აგვისტოს ბრძანება №699 - სსმ III, №117, 31.08.2006წ., მუხ.1584

12. საქართველოს იუსტიციის მინისტრის 2007 წლის 14 მარტის ბრძანება №75 - სსმ III, №34, 14.03.2007წ., მუხ.409

13. საქართველოს იუსტიციის მინისტრის 2007 წლის 8 ივნისის ბრძანება №167- სსმ III, 08.06.2007წ., №80, მუხ.859

14. საქართველოს იუსტიციის მინისტრის 2007 წლის 28 დეკემბრის ბრძანება №413- სსმ III, №186, 28.12.2007წ., მუხ.2094

15. საქართველოს იუსტიციის მინისტრის 2008 წლის 18 თებერვლის ბრძანება №32 - სსმ III, №26, 20.02.2008წ., მუხ.287

16. საქართველოს იუსტიციის მინისტრის 2008 წლის 18 აპრილის ბრძანება №119 - სსმ III, №59, 18.04.2008წ., მუხ.679

17. საქართველოს იუსტიციის მინისტრის 2008 წლის 19 სექტემბრის ბრძანება №218 - სსმ III, №139, 19.09.2008წ., მუხ.1372

18. საქართველოს იუსტიციის მინისტრის 2009 წლის 23 იანვრის ბრძანება №15 - სსმ III, №9, 23.01.2009წ., მუხ.85

19. საქართველოს იუსტიციის მინისტრის 2009 წლის 2 აპრილის ბრძანება №69 - სსმ III, №41, 02.04.2009წ., მუხ.486

20. საქართველოს იუსტიციის მინისტრის 2009 წლის 28 ივლისის ბრძანება №149 - სსმ III, №94, 29.07.2009წ., მუხ.1002

21. საქართველოს იუსტიციის მინისტრის 2009 წლის 18 აგვისტოს ბრძანება №167 - სსმ III, №103, 19.08.2009წ., მუხ.1146

22. საქართველოს იუსტიციის მინისტრის 2009 წლის 19 ოქტომბრის ბრძანება №201 - სსმ III, №127, 20.10.2009წ., მუხ.1469

23. საქართველოს იუსტიციის მინისტრის 2010 წლის 26 იანვრის ბრძანება №17 - სსმ III, №8, 26.01.2010წ., მუხ.81

24. საქართველოს იუსტიციის მინისტრის 2010 წლის 24 მარტის ბრძანება №63 - სსმ III, №31, 24.03.2010წ., მუხ.468

25. საქართველოს იუსტიციის მინისტრის 2010 წლის 21 აპრილის ბრძანება №91 - სსმ III, №45, 21.04.2010წ., მუხ.679

26. საქართველოს იუსტიციის მინისტრის 2010 წლის 20 მაისის ბრძანება №99 - სსმ III, №56, 20.05.2010წ., მუხ.869

27. საქართველოს იუსტიციის მინისტრის 2010 წლის 29 ივლისის ბრძანება №139 - სსმ III, №93, 30.07.2010წ., მუხ.1370

28. საქართველოს იუსტიციის მინისტრის 2010 წლის 10 აგვისტოს ბრძანება №147 - სსმ III, №98, 12.08.2010წ., მუხ.1468

29. საქართველოს იუსტიციის მინისტრის 2010 წლის 2 სექტემბრის ბრძანება №162 - სსმ III, №110, 03.09.2010წ., მუხ.1697

30. საქართველოს იუსტიციის მინისტრის 2010 წლის 7 დეკემბრის ბრძანება №227 - სსმ III, №160, 07.12.2010წ., მუხ.2266

31. საქართველოს იუსტიციის მინისტრის 2010 წლის 31 დეკემბრის ბრძანება №249 - სსმ III, №172, 31.12.2010წ., მუხ.2537

32. საქართველოს იუსტიციის მინისტრის 2011 წლის 9 მარტის ბრძანება №35 - ვებგვერდი, 09.03.2011 წ.

33. საქართველოს იუსტიციის მინისტრის 2011 წლის 7 ივნისის ბრძანება №66 - ვებგვერდი, 07.06.2011 წ.

34. საქართველოს იუსტიციის მინისტრის 2011 წლის 1 ივლისის ბრძანება №79 - ვებგვერდი, 01.07.2011 წ.

35. ძალადაკარგულია - საქართველოს იუსტიციის მინისტრის 2011 წლის 27 ივლისის ბრძანება №98 - ვებგვერდი, 27.07.2011 წ.

ინსტრუქცია საქართველოს მოქალაქეთა, საქართველოში მცხოვრებ უცხოელთა და ლტოლვილთა პირადობის დადასტურებისა და საქართველოს მოქალაქის პასპორტის (სამგზავრო პასპორტის და დოკუმენტის) გაცემის შესახებ

თავი I. საქართველოს მოქალაქეთა, საქართველოში მცხოვრებ უცხოელთა და ლტოლვილთა რეგისტრაციისა და პირადობის დადასტურების წესი

მუხლი 1. რეგულირების სფერო

1. ინსტრუქციის ეს თავი აწესრიგებს საქართველოს მოქალაქეთა, საქართველოში მცხოვრებ უცხოელთა და ლტოლვილთა რეგისტრაციისა და პირადობის დადასტურების წესს.

2. საქართველოს მოქალაქეთა, საქართველოში მცხოვრებ უცხოელთა და ლტოლვილთა რეგისტრაციისა და პირადობის დადასტურების წინამდებარე წესის შემოღების მიზანია საქართველოს მოქალაქეთა, საქართველოში მცხოვრებ უცხოელთა და ლტოლვილთა რეგისტრაციისა და პირადობის დადასტურების გამართული სისტემის შექმნა.

მუხლი 2. საქართველოს მოქალაქეთა, საქართველოში მცხოვრებ უცხოელთა და ლტოლვილთა რეგისტრაციისა და პირადობის დადასტურების პროცესი

საქართველოს მოქალაქეთა, საქართველოში მცხოვრებ უცხოელთა და ლტოლვილთა რეგისტრაცია და პირადობის დადასტურება არის ერთიანი სამართლებრივი პროცესი და მოიცავს:

ა) პირის პირადობის დამადასტურებელი მონაცემების დადგენა-დაფიქსირებას;

ბ) პირის მოქალაქეობის დადგენას.

გ) პირის რეგისტრაციას საცხოვრებელი ადგილის მიხედვით;

დ) პირისათვის პირადი ნომრის მინიჭებას;

ე) პირადობის დამადასტურებელი შესაბამისი დოკუმენტის გაფორმება-გაცემას.

საქართველოს იუსტიციის მინისტრის 2009 წლის 23 იანვრის ბრძანება №15 - სსმ III, №9, 23.01.2009წ., მუხ.85

მუხლი 3. საქართველოს მოქალაქეთა, საქართველოში მცხოვრებ უცხოელთა და ლტოლვილთა პირადობის დამადასტურებელი ძირითადი დოკუმენტები

1. საქართველოს მოქალაქეთა, საქართველოში მცხოვრებ უცხოელთა და ლტოლვილთა პირადობის დამადასტურებელი ძირითადი დოკუმენტებია:

ა) საქართველოს მოქალაქის პირადობის მოწმობა, რომელიც ადასტურებს პირის მოქალაქეობასა და ვინაობას;

ბ) ბინადრობის მოწმობა, რომელიც ადასტურებს საქართველოში მცხოვრებ უცხოელთა და ლტოლვილთა ვინაობას.

2. საქართველოში მცხოვრებ უცხოელი არის საქართველოში მუდმივად მცხოვრები უცხო ქვეყნის მოქალაქე და მოქალაქეობის არმქონე პირი.

3. უცხოელი, რომელიც საქართველოში იმყოფება სხვა კანონიერ საფუძველზე 90 დღეზე მეტი ვადით, ითვლება საქართველოში დროებით მყოფად და ვალდებულია აიღოს ბინადრობის მოწმობა.

4. ლტოლვილად ითვლება „ლტოლვილთა შესახებ” საქართველოს კანონის თანახმად ლტოლვილად ცნობილი პირი.

5. საქართველოს მოქალაქის პირადობის მოწმობისა და საქართველოში მცხოვრებ უცხოელთა და ლტოლვილთა ბინადრობის მოწმობის გაფორმება-გაცემა ხორციელდება საქართველოს კანონმდებლობით და ამ ინსტრუქციით დადგენილი წესის შესაბამისად.

მუხლი 4. საქართველოს მოქალაქეთა, საქართველოში მცხოვრებ უცხოელთა და ლტოლვილთა რეგისტრაციისა და პირადობის დადასტურების პროცესის წარმართვაზე პასუხისმგებელი ორგანოები

1. საქართველოს მოქალაქეთა, საქართველოში მცხოვრებ უცხოელთა და ლტოლვილთა რეგისტრაციისა და პირადობის დადასტურებას აწარმოებენ სამოქალაქო რეესტრის სააგენტოს (შემდგომში – სააგენტო) ტერიტორიული სამსახურები საქართველოს მოქმედი კანონმდებლობით და ამ ინსტრუქციით დადგენილი წესით.

2. საზღვარგარეთ მყოფ საქართველოს მოქალაქეთა რეგისტრაციას და პირადობის დადასტურებას აწარმოებენ საქართველოს საგარეო საქმეთა სამინისტროს დიპლომატიური წარმომადგენლობები და საკონსულო დაწესებულებები სააგენტოდან მიღებული მონაცემების საფუძველზე.

3. საზღვარგარეთ მყოფ საქართველოს მოქალაქის საკონსულო აღრიცხვაზე დაყენებას ახორციელებს სააგენტო, საქართველოს საგარეო საქმეთა სამინისტროს დიპლომატიური წარმომადგენლობა ან საკონსულო დაწესებულება.

4. საზღვარგარეთ მყოფ საქართველოს მოქალაქის საკონსულო აღრიცხვიდან მოხსნას ახორციელებს საქართველოს საგარეო საქმეთა სამინისტროს დიპლომატიური წარმომადგენლობა ან საკონსულო დაწესებულება, ხოლო საქართველოში მყოფ საქართველოს მოქალაქის საკონსულო აღრიცხვიდან მოხსნას – სააგენტო.

საქართველოს იუსტიციის მინისტრის 2010 წლის 31 დეკემბრის ბრძანება №249 - სსმ III, №172, 31.12.2010წ., მუხ.2537

მუხლი 5. საქართველოს მოქალაქეთა, საქართველოში მცხოვრებ უცხოელთა და ლტოლვილთა პირადობის დამადასტურებელი მონაცემების დადგენა-დაფიქსირება

1. საქართველოს მოქალაქეთა და საქართველოში მცხოვრებ უცხოელთა პირადობის დამადასტურებელი მონაცემების დადგენა-დაფიქსირებას წინ უსწრებს პირის მიერ შესაბამის ტერიტორიულ ორგანოში განცხადებისა და ამ ინსტრუქციით გათვალისწინებული დოკუმენტების წარდგენა.

2. საქართველოს მოქალაქეთა და საქართველოში მცხოვრებ უცხოელთა რეგისტრაციისა და პირადობის დადასტურების თაობაზე განცხადებების განხილვისას, მათი პირადობის დამადასტურებელი მონაცემების უშეცდომოდ დადგენა-დაფიქსირების მიზნით, ტერიტორიული ორგანოები ვალდებულნი არიან:

ა) დაეხმარონ პირს განცხადება-ანკეტის სწორად და უშეცდომოდ შევსებაში;

ბ) მიიღონ რეგისტრაციისა და პირადობის დასადასტურებლად საჭირო ამ ინსტრუქციით გათვალისწინებული განცხადება-ანკეტა და დოკუმენტები (საბუთები);

გ) დაადასტურონ დოკუმენტების (საბუთების) მიღება და განმცხადებელს მისცენ სამახსოვრო ბარათი, სადაც აღნიშნული უნდა იყოს განცხადების მიმღები თანამდებობის პირის გვარი, საკონტაქტო ტელეფონი და მოწმობის მისაღებად პირის გამოცხადების თარიღი;

დ) საფუძვლიანად შეისწავლონ წარდგენილი განცხადება-ანკეტა და დოკუმენტები (საბუთები) მათში ჩანაწერების, ბეჭდების, შტამპების, ხელმოწერების შესაძლო გადაკეთებისა და გაყალბების, ან ფოტოსურათების შეცვლის დადგენის მიზნით. ამ ინსტრუქციის 28¹ მუხლის პირველი პუნქტით გათვალისწინებულ შემთხვევაში გადაამოწმონ დოკუმენტების (საბუთების) კანონიერება, დაადგინონ, ერიცხება თუ არა ასეთი დოკუმენტის სერია და ნომერი ორგანოს, რომელიც მის გამცემადაა დასახელებული.

ე) პირის რეგისტრაციის და პირადობის დამადასტურებელი დოკუმენტების გაცემის შესახებ ინფორმაცია შეამოწმონ სააგენტოს ერთიან ელექტრონულ მონაცემთა ბაზაში. საჭიროების შემთხვევაში გააგზავნონ მოთხოვნა სააგენტოს საინფორამციო-სამისამართო ბიუროში პირის მონაცემების გადამოწმების მიზნით. საინფორამციო-სამისამართო ბიუროში მოთხოვნა შეიძლება გაიგზავნოს და მასზე პასუხი მიღებული იქნეს, როგორც წერილობით ისე ელექტრონული ფორმით;

ვ) (ამოღებულია);

ზ) (ამოღებულია);

თ) წარმოდგენილი საბუთებისა და მოპოვებული ცნობების საფუძველზე დაადგინონ განმცხადებლის მოქალაქეობა.

ი) პირის პირადობის დამადასტურებელი საკმაო მონაცემების მოპოვებით, მასალების ერთობლიობაში განხილვისა და ურთიერთშეჯერების შემდეგ ამ ინსტრუქციით დადგენილი წესების შესაბამისად გაატარონ პირი რეგისტრაციაში (თუ პირი რეგისტრირებული არ არის), მიანიჭონ პირადი ნომერი (თუ პირს მინიჭებული არ აქვს პირადი ნომერი) და შესაბამისად გასცენ პირადობის (ბინადრობის) მოწმობა;

კ) პირზე გაცემულ დოკუმენტებში შეუსაბამობის არსებობისას კანონიერ (ნამდვილ) მონაცემებად მიიჩნევა დაბადების სააქტო ჩანაწერში მითითებული მონაცემები. ხოლო იმ პირთა მიმართ, რომელთა დაბადებაც რეგისტრირებულია აფხაზეთის ავტონომიური რესპუბლიკის ან ყოფილი სამხრეთ ოსეთის ავტონომიური ოლქის ტერიტორიაზე ან საზღვარგარეთ, კანონიერ (ნამდვილ) მონაცემებად მიიჩნევა დაბადების მოწმობაში მითითებული მონაცემები.

3. თუ პირი პირველად იღებს პირადობის (ბინადრობის) მოწმობას და არ გააჩნია მანამდე გაცემული სხვა ფოტოსურათიანი საბუთი ან ვერ დგინდება პირის იდენტურობა განცხადება-ანკეტაზე არსებულ სურათთან ხანდაზმულობის ან სხვა მიზეზის გამო, პირადობის (ბინადრობის) მოწმობაში ჩასაკრავად განკუთვნილ ფოტოსურათზე გამოსახული პირის იდენტურობა წარდგენილ ფოტოსურათთან წერილობით შეიძლება დაადასტუროს ნებისმიერმა სრულწლოვანმა პირმა. საბავშვო დაწესებულების ხელმძღვანელი, ზოგადასაგანმანათლებლო დაწესებულების ხელმძღვანელი, რწმუნებული, უბნის ინსპექტორი, პატიმრობის/თავისუფლების აღკვეთის დაწესებულების ადმინისტრაციის ხელმძღვანელი, სამხედრო ნაწილის მეთაური, ყოფილი სამხრეთ ოსეთის ავტონომიური ოლქის ტერიტორიაზე დროებითი ადმინისტრაციულ-ტერიტორიული ერთეულის ადმინისტრაციის და აფხაზეთის ავტონომიური რესპუბლიკის მთავრობის წარმომადგენლობა დადასტურებას ამოწმებენ შესაბამისი ბეჭდით.

4. კონფლიქტებისა და სტიქიური უბედურებების ზონებიდან იძულებით გადაადგილებულ და საცხოვრებლად იქ დარჩენილ პირთა რეგისტრაციისა და პირადობის დადასტურების სპეციფიკური პირობების გათვალისწინებით, მათი პირადობის დამადასტურებელი მონაცემების უკმარისობის პირობებში ტერიტორიული ორგანოები ვალდებულნი არიან:

ა) საფუძვლიანად შეისწავლონ წარდგენილი დოკუმენტები: დაბადების მოწმობა, ყოფილი სსრკ სიმბოლიკიანი პასპორტი, იძულებით გადაადგილებული პირის მოწმობა, სამხედრო ბილეთი, საპენსიო წიგნაკი, მძღოლის მოწმობა, დიპლომი, ატესტატი, ქორწინების (განქორწინების) მოწმობა, საბინაო წიგნი და სხვა დოკუმენტები;

ბ) სააგენტოში გააგზავნონ მოთხოვნა, შეამოწმონ, ხომ არ არის იძულებით გადაადგილებული პირი რეგისტრირებული საქართველოს სხვა დასახლებულ პუნქტში ან ხომ არ გაცემულა მასზე პირადობის დამადასტურებელი მოწმობა სხვა ტერიტორიული სამსახურის მიერ;

გ) (ამოღებულია);

დ) საქართველოს ლტოლვილთა და განსახლების სამინისტროსა და მისი ადგილობრივი ორგანოებიდან საჭირო ინფორმაციის გამოთხოვის მიზნით, გააგზავნონ შესაბამისი მოთხოვნა;

ე) თუ იძულებით გადაადგილებულ პირს არ გააჩნია მუდმივი საცხოვრებელი ადგილის დამადასტურებელი საბუთი, იგი წარადგენს ყოფილი სამხრეთ ოსეთის ავტონომიური ოლქის ტერიტორიაზე დროებითი ადმინისტრაციულ-ტერიტორიული ერთეულის ადმინისტრაციის, აფხაზეთის ავტონომიური რესპუბლიკის მთავრობის შესაბამისი წარმომადგენლობის ან ადგილობრივი თვითმმართველობის უფლებამოსილი ორგანოს დასკვნას მუდმივი საცხოვრებელი ადგილის დადგენის თაობაზე.

5. იძულებით გადაადგილებული პირის პირადობის დამადასტურებელი მონაცემები დადგენილად ჩაითვლება, თუ დასახელებული მოთხოვნების შესრულების შედეგად მოპოვებული მონაცემებისა და წარდგენილი დოკუმენტების (საბუთები) განხილვა-ურთიერთშეჯერება იძლევა შესაბამისი გადაწყვეტილების მიღების საფუძველს.

6. (ამოღებულია).

6¹. ეს მუხლი გარდა მისი მე-2 პუნქტის „თ” ქვეპუნქტის, მე-4 და მე-5 პუნქტებისა მოქმედებს ასევე ლტოლვილის პირადობის დამადასტურებელი მონაცემების დადგენა-დაფიქსირების შემთხვევაშიც.

საქართველოს იუსტიციის მინისტრის 2006 წლის 25 აგვისტოს ბრძანება №699 - სსმ III, №117, 31.08.2006წ., მუხ.1584

საქართველოს იუსტიციის მინისტრის 2007 წლის 14 მარტის ბრძანება №75 - სსმ III, №34, 14.03.2007წ., მუხ.409

საქართველოს იუსტიციის მინისტრის 2007 წლის 8 ივნისის ბრძანება №167- სსმ III, 08.06.2007წ., №80, მუხ.859

საქართველოს იუსტიციის მინისტრის 2008 წლის 19 სექტემბრის ბრძანება №218 - სსმ III, №139, 19.09.2008წ., მუხ.1372

საქართველოს იუსტიციის მინისტრის 2010 წლის 7 დეკემბრის ბრძანება №227 - სსმ III, №160, 07.12.2010წ., მუხ.2266

საქართველოს იუსტიციის მინისტრის 2011 წლის 9 მარტის ბრძანება №35 - ვებგვერდი, 09.03.2011 წ.

მუხლი 6. მოქალაქეობის დადგენა

1. „საქართველოს მოქალაქეობის შესახებ” საქართველოს ორგანული კანონის მე-3 მუხლის შესაბამისად, საქართველოს მოქალაქედ ითვლება:

ა) პირი, რომელიც „საქართველოს მოქალაქეობის შესახებ” საქართველოს ორგანული კანონის სამოქმედოდ შემოღების დღისათვის (1993 წლის 25 მარტი) ცხოვრობდა საქართველოს ტერიტორიაზე და ამ მომენტისათვის მისი საქართველოში ცხოვრების ხანგრძლივობა შეადგენდა არანაკლებ 5 წელს, თუ მან კანონის მიღებიდან 6 თვის ვადაში წერილობით არ განაცხადა უარი საქართველოს მოქალაქეობაზე;

ბ) პირი, რომელმაც 1991 წლის 21 დეკემბრის შემდეგ დატოვა საქართველოს ტერიტორია და ამის გამო ვერ აკმაყოფილებს ამ მუხლის „ა” ქვეპუნქტის მოთხოვნებს და არ არის სხვა სახელმწიფოს მოქალაქე;

გ) პირი, რომელიც „საქართველოს მოქალაქეობის შესახებ” საქართველოს ორგანული კანონით დადგენილი წესით შეიძენს საქართველოს მოქალაქეობას.

2. ამ მუხლის პირველი პუნქტით გათვალისწინებულ შემთხვევებში საქართველოს მოქალაქეობა უნდა დადგინდეს სათანადო დოკუმენტებით.

მუხლი 7. პირადი ნომრის მინიჭება

1. პირადი ნომერი შედგება თერთმეტი ციფრისაგან. პირველი ორი ციფრი (01-დან 99-მდე) არის ადმინისტრაციულ-ტერიტორიული ერთეულის კოდი, მომდევნო ერთი ციფრი (1-დან 9-მდე) საკონტროლოა, რომელიც გარკვეული ფორმულის საფუძველზე მიიღება დანარჩენი ათი ციფრისაგან. შემდეგი ორი ციფრი (01-დან 99-მდე) არის სამოქალაქო რეესტრის სააგენტოს იმ ტერიტორიული სამსახურის კოდი, რომელმაც პირს მიანიჭა პირადი ნომერი, ხოლო ბოლო ექვსი ციფრი ამ პირისათვის პირადი ნომრის მინიჭების შესახებ ჩანაწერის რიგით ნომერია (000001-დან 999999-მდე).

1¹. საკონტროლო ციფრის მიღების ფორმულას განსაზღვრავს სამოქალაქო რეესტრის სააგენტოს თავმჯდომარე.

2. საზღვარგარეთ მყოფ საქართველოს მოქალაქისათვის მინიჭებული პირადი ნომრის პირველი ორი ციფრი საქართველოს საგარეო საქმეთა სამინისტროს აღმნიშვნელია, მომდევნო ერთი ციფრი (1-დან 9-მდე) საკონტროლოა, შემდეგი ორი ციფრი პირადი ნომრის მიმნიჭებელ საკონსულო დაწესებულებაზე მიუთითებს. დანარჩენი ექვსი ციფრი პირადი ნომრის მინიჭების შესახებ ჩანაწერის რიგითი ნომერია.

3. საქართველოს კანონმდებლობის შესაბამისად, პირადი ნომერი პირს მიენიჭება დაბადების რეგისტრაციის, საცხოვრებელი ადგილის მიხედვით რეგისტრაციისა და პირადობის (ბინადრობის) მოწმობის გაცემის დროს და ეს ნომერი ერთერთი ძირითადი რეკვიზიტის სახით შეტანილი უნდა იქნეს ამ პირზე გაცემულ ყველა დოკუმენტში.

4. ერთიდაიგივე პირისათვის ორი ან მეტი პირადი ნომრის მინიჭება დაუშვებელია. დაუშვებელია აგრეთვე კანონიერ საფუყველზე ერთხელ მინიჭებული პირადი ნომრის შეცვლა, გაუქმება ან სხვა პირზე მინიჭება. პირის გარდაცვალება ამ წესს არ ცვლის, მისი რეგისტრაციიდან მოხსნისა და მონაცემთა ბაზებში (სააღრიცხვო ბარათებში) სათანადო აღნიშვნების შეტანის შემდეგ გარდაცვლილის პირადი ნომერი განმეორებით არ გამოიყენება.

4¹. ტექნიკური მიზეზის გამო ერთ პირზე ორი პირადი ნომრის მინიჭების ან ორ პირზე ერთი პირადი ნომრის მინიჭების შემთხვევაში, მოქალაქეთა ინტერესების გათვალისწინებით პირადი ნომრის შენარჩუნების ან გაუქმების საკითხის გადაწყვეტა შესაძლებელია ტერიტორიული სამსახურის უფროსის გადაწყვეტილებით.

5. პირადი ნომრის მინიჭება აღირიცხება ამისათვის განკუთვნილ სპეციალურ ჟურნალში.

6. პირადი ნომრის მინიჭების წესის დარღვევა, რასაც შედეგად მოჰყვება პიროვნების მონაცემების გაორება და იურიდიული მნიშვნელობის ფაქტის გაყალბება, გამოიწვევს თანამდებობის პირების პასუხისმგებლობას მოქმედი კანონმდებლობის შესაბამისად.

საქართველოს იუსტიციის მინისტრის 2005 წლის 31 აგვისტოს ბრძანება №1551 - სსმ III, №103, 01.09.2005წ., მუხ.1151

საქართველოს იუსტიციის მინისტრის 2009 წლის 19 ოქტომბრის ბრძანება №201 - სსმ III, №127, 20.10.2009წ., მუხ.1469

მუხლი 8. პირის რეგისტრაცია და პირადობის (ბინადრობის) მოწმობის გაცემა

1. პირის რეგისტრაცია საცხოვრებელი ადგილის მიხედვით და პირადობის (ბინადრობის) მოწმობის გაცემა ერთიანი სამართლებრივი პროცესია და ხორციელდება თანმიმდევრულად.

2. საქართველოს მოქალაქე და საქართველოში მცხოვრები უცხოელი 14 წლის ასაკის მიღწევიდან არა უგვიანეს 6 თვისა ვალდებულნი არიან გაიარონ რეგისტრაცია საცხოვრებელი ადგილის მიხედვით და მიიღონ პირადობის (ბინადრობის) მოწმობა. 14 წლის ასაკს მიღწეული პირის რეგისტრაცია საცხოვრებელი ადგილის მიხედვით და პირადობის (ბინადრობის) მოწმობის გაცემა ხორციელდება ამ პირის ან მისი კანონიერი წარმომადგენლის განცხადების საფუძველზე.

2¹. საცხოვრებელი ადგილის მიხედვით რეგისტრაცია ან/და პირადობის (ბინადრობის) მოწმობის აღება სურვილისამებრ შესაძლებელია აგრეთვე 14 წლამდე საქართველოს მოქალაქისათვის და საქართველოში მცხოვრები უცხოელისათვის.

3. 16 წლამდე ასაკის საქართველოს მოქალაქე, აგრეთვე მეურვეობისა და მზრუნველობის ქვეშ მყოფი პირები რეგისტრაციას გაივლიან ერთ-ერთ მშობელთან, მეურვესთან ან სხვა კანონიერ წარმომადგენლთან ერთად. ასეთ შემთხვევაში მათი რეგისტრაციისათვის საცხოვრისის მესაკუთრის თანხმობა საჭირო არ არის. 16 წლამდე ასაკის პირის სხვა მისამართზე რეგისტრაცია დასაშვებია მხოლოდ ზემოხსენებულ პირთაგან ერთ-ერთის წერილობითი თანხმობით. სააგენტოს უფლებამოსილი პირის წინაშე, აღნიშნული თანხმობა, აგრეთვე შეიძლება გამოხატულ იქნეს ელექტრონული კომუნიკაციის საშუალებით ამ ინსტრუქციის 22¹ მუხლით დადგენილი წესით.

3¹. 14 წლამდე ასაკის უცხოელი რეგისტრაციას გაივლის „უცხოელთა სამართლებრივი მდგომარეობის შესახებ” საქართველოს კანონით დადგენილი წესით, საქართველოს კანონმდებლობით განსაზღვრულ მის ოჯახის წევრებთან და მიიღებს ბინადრობის მოწმობას. მათი დამოუკიდებლად რეგისტრაცია დასაშვებია მხოლოდ მშობლის ან სხვა კანონიერ წარმომადგენლის წერილობითი თანხმობით.

3². იძულებით გადაადგილებული არასრულწლოვანი პირი და იძულებით გადაადგილებული პირის შვილი (გარდა იმ პირისა, რომელმაც იძულებით გადაადგილებამდე მიღწია სრულწლოვანების ასაკს), რომლებიც საქართველოში რეგისტრირებული არ არიან, შეიძლება გატარდნენ რეგისტრაციაში ერთ-ერთი მშობლის ან სხვა კანონიერი წარმომადგენლის მუდმივი საცხოვრებელი ადგილის მიხედვით.

3³. პირი, რომელიც რეგისტრირებული იყო ცხინვალის რეგიონის ან აფხაზეთის ავტონომიური რესპუბლიკის ტერიტორიაზე და რომელიც მოხსნილ იქნა რეგისტრაციიდან ამ ინსტრუქციის მე-13 მუხლის მე-3 პუნქტის ,,ვ” ქვეპუნქტის თანახმად, საქართველოს მოქალაქეობის მინიჭების, მიღების ან აღდგენის შემთხვევაში შეიძლება დარეგისტრირდეს იმავე მისამართზე მხოლოდ მისივე განცხადების საფუძველზე.

3⁴. პირი, რომელიც რეგისტრირებული იყო ცხინვალის რეგიონში ან აფხაზეთის ავტონომიური რესპუბლიკის ტერიტორიაზე და რომელიც მოხსნილ იქნა რეგისტრაციიდან ამ ინსტრუქციის მე-13 მუხლის მე-3 პუნქტის „ბ“, „გ“ და „დ“ ქვეპუნქტების თანახმად, საქართველოში დაბრუნების შემთხვევაში შეიძლება დარეგისტრირდეს იმავე მისამართზე მხოლოდ მისივე განცხადების საფუძველზე.

4. საცხოვრებელი ადგილის 6 თვეზე მეტი ვადით შეცვლისას პირი ვალდებულია 6 თვის გასვლიდან არა უგვიანეს 10 დღისა, ამ ინსტრუქციის მოთხოვნათა დაცვით რეგისტარციისა და პირადობის მოწმობის მისაღებად ახალი საცხოვრებელი ადგილის მიხედვით მიმართოს სააგენტოს ტერიტორიულ სამსახურს, რომელიც 10 სამუშაო დღის ვადაში მოახდენს მის რეგისტრაციას.

5. წინასწარი პატიმრობის ან სასჯელის მოხდის ან სამსახურეობრივი მოვალეობის შესრულების გამო, სამ თვეზე მეტი ვადით საცხოვრებელი ადგილის შეცვლისას იმ დაწესებულების ადმინისტრაცია, სადაც პირი იმყოფება ვალდებულია 3 თვის გასვლიდან არა უგვიანეს 10 დღისა მიმართოს სააგენტოს ტერიტორიულ სამსახურს პირის რეგისტრაციის ადგილის მიხედვით და აცნობოს პირის ადგისამყოფელი, რის შესახებ შესაბამისი აღნიშვნა კეთდება სააგენტოს მონაცემთა ბაზაში.

6. საქართველოს მოქალაქე რეგისტრაციისა და პირადობის მოწმობის მისაღებად მიმართავს სააგენტოს ტერიტორიულ სამსახურს მისი საცხოვრებელი ადგილის მიხედვით, ავსებს ამ ინსტრუქციის დანართი №4-ით გათვალისწინებული ფორმის განცხადება-ანკეტას და მასთან ერთად წარადგენს:

ა) დაბადების მოწმობას (დედანი), ხოლო თუ პირის დაბადების ფაქტი რეგისტრირებულია საქართველოს ტერიტორიის ფარგლებს გარეთ – დაბადების მოწმობას ან შესაბამისი ქვეყნის უფლებამოსილი დაწესებულების მიერ გაცემულ დოკუმენტს, რომელიც ადასტურებს პირის ვინაობას, მისი დაბადების ფაქტს და მშობლების ვინაობას;

ბ) 2 ფერად ფოტოსურათს (3.5X4.5სმ);

გ) საცხოვრისის საკუთრების დამადასტურებელ დოკუმენტს ან საცხოვრისის მესაკუთრის თანხმობას, რაც ნიშნავს საცხოვრისის მესაკუთრის ან სახელმწიფო საკუთრებაში მყოფი საცხოვრისის დამქირავებლის წერილობით თანხმობას, საკუთრების ან ქირავნობის დამადასტურებელი დოკუმენტის წარდგენის და სანოტარო წესით დამოწმების გარეშე;

დ) თუ წარდგენილი დოკუმენტები არ ადასტურებს პირის საქართველოს მოქალაქეობას, პირი აგრეთვე წარადგენს საქართველოს მოქალაქეობის დამადასტურებელ საბუთს ან საქართველოს ტერიტორიაზე კანონით დადგენილი ვადის განმავლობაში ცხოვრების დამადასტურებელ საბუთს;

ე) თუ პირს არ გააჩნია დაბადების მოწმობა, სააგენტოს ტერიტორიული სამსახური უფლებამოსილია თვითონ მოიპოვოს პირის დაბადების რეგისტრაციის მონაცემები და დადგენილი წესით გასცეს პირადობის (ბინადრობის) მოწმობა.

6¹. ამ მუხლის 3² პუნქტით გათვალისწინებულ შემთხვევებში საქართველოს მოქალაქე რეგისტრაციაში გატარებისა და პირადობის მოწმობის მისაღებად მიმართავს შესაბამის ტერიტორიულ სამსახურს, ავსებს ამ ინსტრუქციის დანართი №4-ით გათვალისწინებული ფორმის განცხადება-ანკეტას და მასთან ერთად წარადგენს:

ა) დაბადების მოწმობას (დედანი);

ბ) 2 ფერად ფოტოსურათს (3,5X4,5სმ);

გ) დევნილის მოწმობას (დევნილად ცნობილი პირის შემთხვევაში);

დ) ერთ-ერთი მშობლის (მეურვის, მზრუნველის) პირადობის მოწმობას.

7. საქართველოში მცხოვრები ან დროებით მყოფი უცხოელი რეგისტრაციისათვის და ბინადრობის მოწმობის მისაღებად მიმართავს შესაბამის ტერიტორიულ სამსახურს, ავსებს ამ ინსტრუქციის №4 დანართით გათვალისწინებული ფორმის განცხადება-ანკეტას და მასთან ერთად წარადგენს:

ა) უცხოეთის სახელმწიფოს მოქალაქეობის ან მოქალაქეობის არქონის დამადასტურებელ საბუთს;

ბ) 2 ფერად ფოტოსურათს (3.5X4.5სმ);

გ) ბინადრობის ნებართვას („უცხოელთა სამართლებრივი მდგომარეობის შესახებ“ საქართველოს კანონის 21-ე მუხლის პირველი პუნქტით გათვალისწინებული შემთხვევის გარდა);

დ) საცხოვრისის საკუთრების დამადასტურებელ დოკუმენტს ან საცხოვრისის მესაკუთრის თანხმობას, რაც ნიშნავს საცხოვრისის მესაკუთრის ან სახელმწიფო საკუთრებაში მყოფი საცხოვრისის დამქირავებლის წერილობით თანხმობას, საკუთრების ან ქირავნობის დამადასტურებებელი დოკუმენტის წარდგენის და სანოტარო წესით დამოწმების გარეშე.

7¹. ამ მუხლის მე-6, 6¹ და მე-7 პუნქტებით გათვალისწინებულ შემთხვევებში განცხადება-ანკეტა წარდგენილ უნდა იქნეს ელექტრონული ფორმით (ფორმა №1გ), წარმოების დასრულების შემდეგ განცხადება-ანკეტა ინახება როგორც ელექტრონული, ისე მატერიალური (ამობეჭდილი და ხელმოწერილი) ფორმით.

7². ამ მუხლის მე-7 პუნქტის „დ” ქვეპუნქტი არ ვრცელდება დროებითი ბინადრობის მოწმობის მიღების მსურველ უცხოელზე, რომლის მისამართად მიეთითება განცხადება-ანკეტის შევსების დროს მითითებული მისამართი.

8. პირი, რომელსაც არ გააჩნია საცხოვრებელი ადგილი, მისამართის მითითების გარეშე რეგისტრაციას გაივლის იმ დასახლებული პუნქტის მიხედვით, სადაც იმყოფება. ასეთ შემთხვევაში განცხადება ანკეტაზე მიეთითება მისი ფაქტობრივი საცხოვრებელი ადგილის მისამართი და შესაბამისი აღნიშვნა კეთდება სააგენტოს ელექტრონულ მონაცემთა ბაზაში.

9. (ამოღებულია).

10. პირი, რომელიც რეგისტრაციას გაივლის მისამართის მითითების გარეშე, რეგისტრაციაში გატარებისა და პირადობის (ბინადრობის) მოწმობის მისაღებად შესაბამისად წარადგენს ამ მუხლით გათვალისწინებულ დოკუმენტებს, გარდა ამ მუხლის მე-6 პუნქტის „გ” ქვეპუნქტით და მე-7 პუნქტის “დ” ქვეპუნქტით გათვალისწინებული დოკუმენტებისა.

11. (ამოღებულია).

12. ტერიტორიული სამსახური ვალდებულია პირის რეგისტრაციაში გატარებიდან ათი დღის განმავლობაში აცნობოს ადგილობრივი თვითმმართველობის შესაბამისი ორგანოს სამხედრო განყოფილებას რეგისტრაციაში გატარების თარიღი და ახალი საცხოვრებელი ადგილის მისამართი.

საქართველოს იუსტიციის მინისტრის 2010 წლის 20 მაისის ბრძანება №99 - სსმ III, №56, 20.05.2010წ., მუხ.869

მუხლი 9. რეგისტრაციისა და პირადობის (ბინადრობის) მოწმობის გაცემის (შეცვლის) ვადები

1. დაუშვებელია პირს უარი ეთქვას რეგისტრაციაში გატარებასა ან/და პირადობის (ბინადრობის) მოწმობის გაცემაზე (შეცვლაზე), თუ მან წარადგინა კანონმდებლობით და ამ ინსტრუქციით გათვალისწინებული შესაბამისი დოკუმენტები.

2. ტერიტორიული სამსახურები პირს რეგისტრაციაში გაატარებენ ან/და პირადობის (ბინარობის) მოწმობას გასცემენ (შეცვლიან) კანონმდებლობით და ამ ინსტრუქციით გათვალისწინებული შესაბამისი დოკუმენტების წარდგენიდან 10 სამუშაო დღის ვადაში.

3. საქართველოს საგარეო საქმეთა სამინისტროს დიპლომატიური წარმომადგენლობები და საკონსულო დაწესებულებები პირს რეგისტრაციაში გაატარებენ ან/და პირადობის (ბინადრობის) მოწმობას გასცემენ (შეცვლიან) კანონმდებლობით და ამ ინსტრუქციით გათვალისწინებული შესაბამისი დოკუმენტების წარდგენიდან ერთი თვის განმავლობაში.

4. (ამოღებულია).

მუხლი 10. პირადობის (ბინადრობის) მოწმობის მოქმედების ვადები და რეკვიზიტები

1. საქართველოს მოქალაქის პირადობის მოწმობა, პირის ასაკის მიხედვით, შეიძლება იყოს ვადიანი ან უვადო. 20 წლამდე ასაკის პირებზე მოწმობა გაიცემა 3 წლის ვადით, 20-დან 65 წლამდე ასაკის პირებზე – 10 წლის ვადით, ხოლო 65 წლის ასაკის ზევით – უვადოდ.

2. დროებითი ბინადრობის მოწმობის მოქმედების ვადა განისაზღვრება ბინადრობის ნებართვის ვადით, ხოლო მუდმივი ბინადრობის მოწმობის – 5 წლით.

3. საქართველოს მოქალაქის პირადობის მოწმობის რეკვიზიტებია:

ა) სახელი – სახელი, რომლის ფუძე მთავრდება ხმოვანზე, იწერება მთლიანად, ხოლო სახელი, რომლის ფუძე მთავრდება თანხმოვანზე, იწერება „ი“ ხმოვნის გარეშე;

ბ) გვარი - თუ პირი ატარებს ორ შერწყმულ გვარს, მოწმობაში ჩაიწერება ორივე გვარი, გამოყოფილი დეფისით მათი თანმიმდევრობა განისაზღვრება ფაქტის დამადასტურებელი შესაბამისი დოკუმენტით;

გ) დაბადების წელი, რიცხვი, თვე – დაბადების რიცხვი, თვე და წელი ამ თანამიმდევრობით იბეჭდება ერთმანეთისაგან წერტილებით გამოყოფილი ციფრობრივი გამოსახულების სახით. ამასთან, ათ რიცხვამდე და მეათე თვემდე დაბადებულების თარიღებს წინ ემატება ნული;

დ) დაბადების ადგილი – საქართველოში დაბადებული პირის მოწმობაში ჩაიწერება ქალაქის, რაიონის (დაბის) შესაბამისი სახელწოდება, ხოლო საზღვარგარეთ დაბადებული პირის მოწმობაში – ქვეყნის დასახელება;

ე) პირადი ნომერი – მოწმობის ამ გრაფაში ჩაიბეჭდება მისი მფლობელისათვის ამ დებულებით დადგენილი წესით მინიჭებული პირადი ნომერი (საიდენტიფიკაციო კოდი);

ვ) ფოტოსურათი – მოწმობაში ჩასაკრავად განკუთვნილ ფოტოსურათზე გამოსახული უნდა იყოს პირი, ვის სახელზეც მოწმობა ივსება. ფოტოსურათი გადაღებული უნდა იყოს იმ ასაკში, რა ასაკშიც პირზე გაიცემა მოწმობა.

ზ) პირადი ხელმოწერა – მფლობელის ხელმოწერა მოწმობის შესაბამის გრაფაში შესრულდება უშუალოდ მის მიერ იმ ფორმით, რომლითაც იგი პრაქტიკაში სარგებლობს;

თ) მოწმობის გამცემი ორგანოს დასახელება – რეკვიზიტის შევსება დასაშვებია შემოკლებული სახით;

ი) თანამდებობის პირის ხელმოწერა – შესაბამისი ტერიტორიული სამსახურის უფროსის, დიპლომატიური ან საკონსულო დაწესებულების ხელმღვანელის ხელმოწერა;

კ) რელიეფური ბეჭედი – რელიეფური ბეჭედი წარმოადგენს ფოტოსურათის წინა ხედის ქვედა მარჯვენა კუთხის ნაწილისა და მოწმობის ბლანკზე ფოტოსურათისათვის განკუთვნილი ჩარჩოს ქვედა მარჯვენა კუთხის ნაწილზე ჭყლეტის შედეგად წარმოქმნილ 20 მმ-იანი დიამეტრის ბეჭდის რელიეფურ კვალს, რომელიც მიიღება სპეციალური დანადგარის მეშვეობით. კვალზე იკითხება: „ტერიტორიული ორგანოს კოდი, გამოხატული ხუთი ციფრით, რომელიც შეესაბამება პირადი ნომრის პირველი, მეორე, მესამე, მეოთხე და მეხუთე ციფრებს და წარწერა “საქართველოს იუსტიციის სამინისტრო”;

ლ) მოწმობის გაცემის თარიღი – მოწმობის გაცემის თარიღის შევსება დაბადების თარიღის შევსების ანალოგიურია;

მ) მოწმობის მოქმედების ვადა – რეკვიზიტი ივსება იმავე ანალოგიით, ამ მუხლის პირველი და მე-2 პუნქტით გათვალისწინებული ნორმების დაცვით;

ნ) მისამართი - მისამართი აღნიშნება სრული სახით, ქალაქის, რაიონის, დაბის, სოფლის, ქუჩის დასახელებით და მიკრორაიონის, კვარტლის, კორპუსის (სახლის) ნომრისა და ბინის ნომრის ჩვენებით. დასაშვებია ზოგიერთი ჩანაწერის შემოკლება. რაიონი – „რ-ნი“, სოფელი – „ს.“, დაბა – „დ.“, მიკრორაიონი – „მ/რ“, კვარტალი – „კვ`, კორპუსი – „კორ.“, ბინა „ბ.“ და სხვა. ქალაქის დასახელებისას წინსართი „ქალაქი“ ან მისი შემოკლებული მინიშნება „ქ“ არ გამოიყენება;

ო) გერბიანი ბეჭედი – გერბიანი ბეჭედი წარმოადგენს 20 მმ-იანი დიამეტრის მრგვალ ტვიფრს, რომლის ცენტრალურ ნაწილში გამოსახულია საქართველოს გერბი. გერბის ირგვლივ წრიულად იკითხება წარწერა: „საქართველოს იუსტიციის სამინისტრო, „სამოქალაქო რეესტრის სააგენტო” და ხუთნიშნა რიცხვით გამოსახული შესაბამისი ტერიტორიული სამსახურის კოდი. გერბიანი ბეჭედი დაისმება მოწმობის ყველა რეკვიზიტის შევსების შემდეგ, დამზადებული მოწმობის ფოტოსურათის მარჯვენა ზედა კუთხეში და მოწმობის უკანა გვერდზე, მონიშნულ ადგილზე;

პ) რეგისტრაციის თარიღი – რეგისტრაციის თარიღის შევსების წესი დაბადების თარიღის შევსების წესის იდენტურია.

4. ბინადრობის მოწმობა და საქართველოს მოქალაქის პირადობის მოწმობა შეიცავს ერთი და იმავე რეკვიზიტებს, ბინადრობის მოწმობაში დამატებით შეიტანება გრაფა „მოქალაქეობა”, რომელშიც აღინიშნება იმ ქვეყნის დასახელება, რომლის მოქალაქეზეც გაიცემა ბინადრობის მოწმობა. თუ ბინადრობის მოწმობა გაიცემა პირზე, რომელსაც არ გააჩნია რომელიმე ქვეყნის მოქალაქეობა, გრაფაში „მოქალაქეობა” ჩაიბეჭდება სიტყვები: „მოქალაქეობის არმქონე“. აგრეთვე ბინადრობის მოწმობაში არ შეიტანება გრაფა „მისამართი”. თუ ბინადრობის მოწმობა გაიცემა ლტოლვილზე, მოწმობაში დამატებით მოქალაქეობასთან ერთად მიეთითება სიტყვა „ლტოლვილი“.

4¹. თუ პირადობის (ბინადრობის) მოწმობაზე შეუძლებელია სახელის/გვარის სრულად დატანა მისი სიგრძის გამო, დასაშვებია სახელი/გვარი დატანილ იქნეს შემოკლებით. შემოკლება გულისხმობს სიმბოლოების ჩამოცილებას სიტყვის ბოლოში. ორი სახელის/გვარის (ორმაგი სახელის/გვარის) შემთხვევაში, დასაშვებია ორივე სახელის/გვარის (სახელის/გვარის ორივე კომპონენტის) შემოკლება.

4². ორი სახელის/გვარის (ორმაგი სახელის/გვარის) შემთხვევაში, შემოკლება უნდა განხორციელდეს ისე, რომ მოწმობაზე აღინიშნოს ორივე სახელის/გვარის (სახელის/გვარის ორივე კომპონენტის) გარკვეული ნაწილი მაინც. ნებისმიერ შემთხვევაში, შემოკლებული სახელის/გვარის ან მისი კომპონენტის ბოლოში უნდა დაისვას წერტილი, რომელიც შემოკლებაზე მიუთითებს.

4³. შემოკლების დროს შესაძლებელია გონივრულობის ფარგლებში გათვალისწინებულ იქნეს პირადობის (ბინადრობის) მოწმობის მფლობელის სურვილი იმის თაობაზე, თუ ორ სახელში/გვარში (ორმაგ სახელში/გვარში) რომელი კომპონენტი შემოკლდეს და რამდენად.

5. პირადობის (ბინადრობის) მოწმობას გაფორმება განხორციელდება ამ ინსტრუქციის დანართით გათვალისწინებული წესის შესაბამისად (დანართი №2).

6. ამ მუხლის მე-2 პუნქტის „კ“ ქვეპუნქტით გათვალისწინებული რელიეფური ბეჭდის დასმა პირადობის (ბინადრობის) მოწმობაზე განხორციელდება დამცავი გარსის გადაკვრის შემდეგ.

საქართველოს იუსტიციის მინისტრის 2011 წლის 7 ივნისის ბრძანება №66 - ვებგვერდი, 07.06.2011 წ.

მუხლი 11. პირადობის (ბინადრობის) მოწმობის შეცვლა

1. პირი ვალდებულია შეცვალოს პირადობის (ბინადრობის) მოწმობა შემდეგ შემთხვევებში:

ა) საცხოვრებელი ადგილის შეცვლისას (თუ პირი საქართველოს მოქალაქეა);

ბ)მოწმობის მოქმედების ვადის გასვლისას;

გ) სახელის ან გვარის შეცვლისას;

დ) ჩანაწერში უზუსტობის დადგენისას;

ე) ხმარებისათვის უვარგისობის ან დაკარგვისას.

2. გამოსაცვლელი პირადობის (ბინადრობის) მოწმობა, რეგისტრაციის მოწმობა, საბჭოთა სიმბოლიკიანი პასპორტი გაუქმების შემდეგ ახალ პირადობის (ბინადრობის) მოწმობასთან ერთად უბრუნდება მფლობელს. პირადობის (ბინადრობის) მოწმობის, რეგისტრაციის მოწმობის, საბჭოთა სიმბოლიკიანი პასპორტის გაუქმებისათვის აუცილებელია:

ა) პირადობის (ბინადრობის) მოწმობის, რეგისტრაციის მოწმობის ნომრის ამოჭრა და განცხადება-ანკეტაზე დართვა;

ბ) საბჭოთა სიმბოლიკიანი პასპორტის გახვრეტა მთელს სისქეზე, მისი პირველი გვერდიდან ნომრის ამოჭრა და განცხადება-ანკეტაზე დართვა.

გ) ამ მუხლის მე-2 პუნქტის „ბ” ქვეპუნქტით გათვალისწინებული საბჭოთა სიმბოლიკიანი პასპორტის გაუქმების წესი არ ვრცელდება აფხაზეთის ავტონომიური რესპუბლიკის ტერიტორიიდან და ცხინვალის რეგიონიდან იძულებით გადაადგილებულ პირებზე, აგრეთვე აფხაზეთის ავტონომიური რესპუბლიკისა და ცხინვალის რეგიონის ტერიტორიაზე ამჟამად მცხოვრებ მოსახლეობაზე. მათ საბჭოთა სიმბოლიკიანი პასპორტი დაუბრუნდებათ გახვრეტისა და პირადი ნომრის ამოჭრის გარეშე.

3. თუ საქართველოს მოქალაქე არ იცვლის საცხოვრებელ ადგილს, მოწმობის შესაცვლელად იგი ავსებს განცხადება-ანკეტას და წარადგენს შესაცვ-ლელ მოწმობას და ორ ცალ ფოტოსურათს დაბეჭდილი და ელექტრონული ფორმით. ამ მუხლის პირველი პუნქტის „გ“ ქვეპუნქტით გათვალისწინებულ შემთხვევაში, საქართველოს მოქალაქე წარადგენს აგრეთვე ამ ქვეპუნქტში აღნიშნული გარემოებების დამადასტურებელ შესაბამის ოფიციალურ დოკუმენტებს.

4. თუ პირადობის მოწმობის შეცვლა უკავშირდება საცხოვრებელი ადგილის შეცვლას, საქართველოს მოქალაქე წარადგენს ამ ინსტრუქციის მე-8 მუხლის მე-6 პუნქტის „გ” ქვეპუნქტით გათვალისწინებულ დოკუმენტებს.

5. საქართველოში მცხოვრები უცხოელი ბინადრობის მოწმობის შესაცვლელად წარადგენს ამ ინსტრუქციის მე-8 მუხლის მე-6 პუნქტით გათვალისწინებულ დოკუმენტებს, ხოლო ამ მუხლის პირველი პუნქტის „გ” ქვეპუნქტით გათვალისწინებულ შემთხვევაში წარადგენს აგრეთვე ამ ქვეპუნქტში აღნიშნული გარემოებების დამადასტურებელ შესაბამის ოფიციალურ დოკუმენტებს.

6. ახალი პირადობის (ბინადრობის) მოწმობის გაფორმება-გაცემა ხორციელდება ამ ინსტრუქციით დადგენილი წესებისა და ვადების დაცვით.

საქართველოს იუსტიციის მინისტრის 2005 წლის 27 სექტემბრის ბრძანება №1740 - სსმ III, №115, 30.09.2005წ., მუხ.1269

მუხლი 11¹. საბჭოთა სიმბოლიკიანი პასპორტის შეცვლა

1. საბჭოთა სიმბოლიკიანი პასპორტის ნაცვლად პირადობის მოწმობის მისაღებად პირი მიმართავს საცხოვრებელი ადგილის მიხედვით ტერიტორიულ სამსახურს, ავსებს ამ ინსტრუქციის დანართი №4-ით გათვალისწინებულ ელექტრონული ფორმის განცხადება-ანკეტას (ფორმა №1გ) და მასთან ერთად წარადგენს:

ა) საბჭოთა სიმბოლიკიან პასპორტს;

ბ) 2 ფერად ფოტოსურათს (3,5X4,5სმ);

გ) თუ წარდგენილი დოკუმენტები არ ადასტურებს პირის საქართველოს მოქალაქეობას, პირი აგრეთვე წარადგენს საქართველოს მოქალაქეობის დამადასტურებელ საბუთს ან საქართველოს ტერიტორიაზე კანონით დადგენილი ვადის განმავლობაში ცხოვრების დამადასტურებელ საბუთს.

2. წარმოების დასრულების შემდეგ განცხადება-ანკეტა ინახება როგორც ელექტრონული, ისე მატერიალური (ამობეჭდილი და ხელმოწერილი) ფორმით.

მუხლი 12. დაკარგული პირადობის (ბინადრობის) მოწმობის შეცვლა

1. პირადობის (ბინადრობის) მოწმობის დაკარგვის შემთხვევაში პირი ვალდებულია განაცხადოს ამის შესახებ და მიიღოს ახალი მოწმობა.

2. დაკარგულის ნაცვლად ახალი მოწმობის მისაღებად პირი მიმართავს საცხოვრებელი ადგილის მიხედვით ტერიტორიულ სამსახურს, ავსებს განცხა-დება-ანკეტას და წარადგენს 2 ფოტოსურათს (თუ დაკარგული მოწმობა გაცემულია სხვა სამსახურში – 3 ფოტოსურათს) დაბეჭდილი და ელექტრონული ფორმით. ახალი მოწმობა გაიცემა სააგენტოს ფოტო-სურათიანი ელექტრონულ მონაცემთა ბაზის ან განცხადება-ანკეტის საფუძველზე.

2¹. თუ პირი არ არის რეგისტრირებული სააგენტოს ელექტრონულ მონაცემთა ბაზაში ან ბაზაში არ არის დაცული მისი ფოტოსურათი და არც ფოტოსურათიანი განცხადება-ანკეტა მოიპოვება, პირადობის მოწმობის მისაღებად განმცხადებელმა უნდა წარმოადგინოს დაბადების მოწმობა და პირადობის დამადასტურებელი სხვა დოკუმენტი, ხოლო ახალი ბინადრობის მოწმობის მისაღებად –ბინადრობის ნებართვა და უცხოეთის სახელმწიფოს მოქალაქეობის ან მოქალაქეობის არქონის დამადასტურებელ საბუთს.

2². ამ ინსტრუქციის მიზნებისათვის პირადობის დამადასტურებელ სხვა დოკუმენტს წარმოადგენს:

ა) პასპორტი;

ბ) მართვის მოწმობა;

გ) საპენსიო წიგნაკი;

დ) სამხედრო ბილეთი;

ე) სახელწიფო ორგანოების მიერ გაცემული სხვა ფოტოსურათიანი საბუთი.

2³. თუ პირი არ აკმაყოფილებს ამ მუხლის მე-2 და 2¹ პუნქტების მოთხოვნებს, პირადობის მოწმობა გაიცემა ამ ინსტრუქციის მე-8 მუხლით დადგენილი წესის შესაბამისად.

3. დაკარგულის მაგიერ ახალი მოწმობის გაცემის თაობაზე განცხადებათა მიღება, განხილვა, გადაწყვეტილების მიღება და სათანადო დოკუმენტების გაფორმება-გაცემა ხორციელდება ამ ინსტრუქციით დადგენილი წესებისა და ვადების დაცვით.

4. ახალი მოწმობის გაცემამდე დაკარგული მოწმობის პოვნის შემთხვევაში განცხადების განხილვა წყდება, თუ ახალი მოწმობა შევსებულია, იგი გაუქმდება და განადგურდება დადგენილი წესის შესაბამისად, ხოლო ფოტოსურათები დაუბრუნდება განმცხადებელს.

5. პირი, რომელიც შეიცვლის საცხოვრებელ ადგილს (მისამართს) და ახალ მისამართზე რეგისტრაციამდე დაკარგავს პირადობის (ბინადრობის) მოწმობას, მასზე ახალი მოწმობის გაცემას ახორციელებს ტერიტორიული სამსახური, რომლის სამოქმედო ტერიტორიაზეც პირი ცხოვრობს და ითხოვს რეგისტრაციას.

6. დაკარგული მოწმობები ერთიან ელექტრონულ მონაცემთა ბაზაში აღირიცხება და ელექტრონული ფორმით მონაცემთა ბაზა ეგზავნება ტერიტორიულ და საქართველოს შინაგან საქმეთა სამინისტროს შესაბამის სამსახურებს.

7. ნაპოვნი პირადობის (ბინადრობის) მოწმობა ბარდება შესაბამის ტერიტორიული ორგანოს, იხსნება კონტროლიდან და მონაცემთა ბაზაში სათანადო ინფორმაციის შეტანის შემდეგ ნადგურდება, რის შესახებას ფორმდება შესაბამისი ოქმი.

საქართველოს იუსტიციის მინისტრის 2010 წლის 10 აგვისტოს ბრძანება №147 - სსმ III, №98, 12.08.2010წ., მუხ.1468

მუხლი 13. პირის რეგისტრაციიდან მოხსნა

1. საქართველოს მოქალაქეთა და საქართველოში მუდმივად მცხოვრებ ან დროებით მყოფ უცხოელთა რეგისტრაციიდან მოხსნა დასაშვებია მხოლოდ კანონმდებლობით გათვალისწინებულ შემთხვევებში.

2. საქართველოს მოქალაქე რეგისტრაციიდან მოხსნას ექვემდებარება შემდეგ შემთხვევებში:

ა) საცხოვრებელი ადგილის შეცვლისას;

ბ) გარდაცვალებისას.

2¹. საქართველოში მცხოვრები ან დროებით მყოფი უცხოელი გარდა ამ მუხლის მე-2 პუნქტით გათვალისწინებულ შემთხვევებისა რეგისტრაციიდან შეიძლება მოიხსნას აგრეთვე პირადი განცხადების საფუძველზე.

2². ამ მუხლის მე-2 პუნქტით გათვალისწინებული შემთხვევების გარდა, პირის რეგისტრაციიდან მოხსნა წარმოებს აგრეთვე საცხოვრისის ახალი მესაკუთრის განცხადების წარდგენისთანავე, თუ საკუთრების უფლების რეგისტრაციისას ახალი მესაკუთრე წერილობით მოითხოვს შეძენილ ბინაში (სახლში) რეგისტრირებული პირის (პირების) რეგისტრაციიდან მოხსნას. სააგენტო ვალდებულია პირს, რომლის რეგისტრაციიდან მოხსნას მოითხოვს საცხოვრისის მესაკუთრე, აცნობოს აღნიშნულის შესახებ.

3. ამ მუხლის მე-2 პუნქტის „ა“ ქვეპუნქტით გათვალისწინებულ შემთხვევაში პირის რეგისტრაციიდან მოხსნა წარმოებს:

ა) მისი ახალ საცხოვრებელ ადილზე რეგისტრაციისთანავე;

ბ) საქართველოდან პირის სხვა სახელმწიფოში მუდმივ საცხოვრებლად გასვლის (ემიგრაციის) შესახებ სააგენტოს მოქალაქეობისა და მიგრაციის სამმართველოს მიერ შესაბამისი ნებართვის გაცემისთანავე;

გ) საზღვარგარეთ პირის მუდმივ საცხოვრებლად დარჩენის (საქართველოს დიპლომატიურ წარმომადგენლობაში ან საკონსულო დაწესებულებაში რეგისტრაციის) შესახებ საქართველოს დიპლომატიური წარმომადგენლობიდან ან საკონსულო დაწესებულებიდან შეტყობინების მიღებიდან ერთი დღის ვადაში“;

დ) საქართველოდან დროებით წასული პირის სხვა სახელმწიფოში საცხოვრებლად დარჩენის თაობაზე შესაბამისი სამსახურის შეტყობინების მიღების ან აღნიშნული ფაქტის დამადასტურებელი სხვა დოკუმენტის წარმოდგენიდან ერთი დღის ვადაში;

ე) ნებისმიერი სრულწლოვანი ფიზიკური პირის წერილობითი განცხადების საფუძველზე, თუ დასტურდება, რომ პირი აღნიშნულ მისამართზე არ ცხოვრობს უკანასკნელი ექვსი თვის განმავლობაში;

ვ) საქართველოს მოქალაქეობის შეწყვეტისას – თუ აღნიშნული პირი მოქალაქეობის შეწყვეტიდან ერთი თვის ვადაში არ მიმართავს საცხოვრებელი ადგილის მიხედვით ტერიტორიულ სამსახურს ბინადრობის მოწმობის მისაღებად;

ზ) შესაბამისი შენობა-ნაგებობის დემონტაჟის, დაზიანების ან მსგავსი გარემოების (რის გამოც შეუძლებელია შენობა-ნაგებობის საცხოვრებლად გამოყენება) შესახებ ადგილობრივი თვითმმართველობის უფლებამოსილი ორგანოს შეტყობინების საფუძველზე, აღნიშნული გარემოების დადგომიდან ექვსი თვის გასვლის შემდეგ.

4. ამ მუხლის მე-2 პუნქტის „ბ“ ქვეპუნქტით გათვალისწინებულ შემთხვევაში გარდაცვლილი ექვემდებარება რეგისტრაციიდან მოხსნას გარდაცვალების რეგისტრაციასთან ერთად. რეგისტრაციიდან მოხსნის თარიღად მიეთითება გარდაცვალების რეგისტრაციის თარიღი.

4¹. ამ მუხლის მე-3 პუნქტის „ე“ ქვეპუნქტით გათვალისწინებულ შემთხვევაში სააგენტოს ტერიტორიული სამსახური რეგისტრაციიდან მოხსნის ან მასზე უარის თქმის შესახებ გადაწყვეტილებას იღებს განცხადების წარდგენიდან 15 დღის ვადაში.

4². ამ მუხლის მე-3 პუნქტის „ზ“ ქვეპუნქტის შესაბამისად პირის რეგისტრაციიდან მოხსნის შემთხვევაში, ადგილობრივი თვითმმართველობის უფლებამოსილი ორგანოს შეტყობინების საფუძველზე, სააგენტოს მიერ ელექტრონულ მონაცემთა ბაზაში კეთდება აღნიშვნა პირის ფაქტობრივი საცხოვრებელი ადგილის შესახებ.

4³. ამ მუხლის მე-3 პუნქტის „ე“ ქვეპუნქტით გათვალისწინებულ შემთხვევაში განცხადებას პირის რეგისტრაციიდან მოხსნის შესახებ თან უნდა ერთოდეს ორი სრულწლოვანი ფიზიკური პირის წერილობითი ახსნა-განმარტება, რომლებიც ადასტურებენ, რომ პირს უკანასკნელი ექვსი თვის განმავლობაში არ უცხოვრია განცხადებაში მითითებულ მისამართზე. რეგისტრაციის მოხსნასთან დაკავშირებით წარსადგენი განცხადებისა და ახსნა-განმარტების ფორმას განსაზღვრავს სამოქალაქო რეესტრის სააგენტოს თავმჯდომარე.

5. ტერიტორიული სამსახური ვალდებულია პირის რეგისტრაციიდან მოხსნის შემთხვევაში, ათი დღის განმავლობაში აცნობოს ადგილობრივი თვითმმართველობის შესაბამის ორგანოს სამხედრო განყოფილებას რეგისტრაციიდან მოხსნის თარიღი.

6. საქართველოდან დროებით წასული პირის საკონსულო აღრიცხვაზე აყვანის შემთხვევაში საქართველოს დიპლომატიური წარმომადგენლობიდან ან საკონსულო დაწესებულებიდან მიღებული შეტყობინების საფუძველზე კეთდება შესაბამისი აღნიშვნა სამოქალაქო რეესტრის მონაცემთა ბაზაში და ფორმა №1-ზე. პირი არ იხსნება რეგისტრაციიდან.

7. დროებითი ბინადრობის ნებართვის მქონე უცხოელი რეგისტრაციიდან მოხსნილად ითვლება დროებითი ბინადრობის მოწმობის ვადის გასვლისთანავე.

8. კანონის დარღვევით პირის რეგისტრაციის ან რეგისტრაციიდან მოხსნის ფაქტის გამოვლენის შემთხვევაში, სააგენტოს ტერიტორიული სამსახური უფლებამოსილია თავისი ინიციატივით დაიწყოს ადმინისტრაციული წარმოება და მიიღოს გადაწყვეტილება პირის რეგისტრაციის ან რეგისტრაციიდან მოხსნის ბათილად ცნობის შესახებ.

საქართველოს იუსტიციის მინისტრის 2010 წლის 24 მარტის ბრძანება №63 - სსმ III, №31, 24.03.2010წ., მუხ.468

მუხლი 14. პირადობის (ბინადრობის) მოწმობის ჩაბარება

1. საქართველოს მოქალაქე, რომელსაც შეუწყდა საქართველოს მოქალაქეობა, ვალდებულია ჩააბაროს პირადობის მოწმობა შესაბამის ტერიტორიულ სამსახურს.

2. საქართველოში მცხოვრები უცხოელი, რომელიც აღარ ცხოვრობს საქართველოში, ვალდებულია ჩააბაროს ბინადრობის მოწმობა შესაბამის ტერიტორიულ სამსახურს.

3. გარდაცვლილი პირის, აგრეთვე ნაპოვნი პირადობის (ბინადრობის) მოწმობა უნდა ჩაბარდეს შესაბამის ტერიტორიულ სამსახურს.

4. აკრძალულია პირადობის (ბინადრობის) მოწმობის ჩამორთმევა საქართველოს კანონმდებლობით გათვალისწინებული შემთხვევების გარდა, აგრეთვე მოწმობის დატოვება გირაოდ.

მუხლი 15. (ამოღებულია)

მუხლი 16. სააღრიცხვო ჟურნალების წარმოება

1. ტერიტორიული სამსახურები ვალდებულნი არიან აწარმოონ რეგისტრაციისა და პირადობის დადასტურების, საქართველოს მოქალაქის პასპორტის, საქართველოში მუდმივად მცხოვრები მოქალაქეობის არმქონე პირის სამგზავრო პასპორტისა და ლტოლვილის სამგზავრო დოკუმენტის გაცემის, აგრეთვე რეგისტრაციიდან მოხსნის პროცესის ამსახველი ჟურნალები. ჟურნალში რეგისტრაციისას დოკუმენტს სარე-გისტრაციო ნომერი მიენიჭება რიგითობის მიხედვით.

2. ტერიტორიული სამსახურები პირადობის (ბინადრობის) მოწმობის, საქართველოს მოქალაქის პასპორტის, საქართველოში მუდმივად მცხოვრები მოქალაქეობის არმქონე პირის სამგზავრო პასპორტისა და ლტოლვილის სამგზავრო დოკუმენტის გაცემას აღრიცხავენ ამ ინსტრუქციის დანართი №4-ით (ფორმა №2 და ფორმა №2^ა) და დანართი №5-ით დადგენილი წესის შესაბამისად.

3. რეგისტრაციისა და პირადობის დადასტურების, საქართველოს მოქალაქის პასპორტის, საქართველოში მუდმივად მცხოვრები მოქალაქეობის არმქონე პირის სამგზავრო პასპორტისა და ლტოლვილის სამგზავრო დოკუმენტის გაცემის, აგრეთვე რეგისტრაციიდან მოხსნის, სათანადო შეტყობინებების და მოთხოვნების (შუამდგომლობების) მიღება-გაგზავნასთან დაკავშირებული პროცედურები ხორციელდება საქმისწარმოების დადგენილი წესების შესაბამისად.

4. ამ მუხლის პირველი პუნქტით განსაზღვრული ჟურნალები იწარმოება მატერიალური და/ან ელექტრონული ფორმით.

საქართველოს იუსტიციის მინისტრის 2010 წლის 26 იანვრის ბრძანება №17 - სსმ III, №8, 26.01.2010წ., მუხ.81

მუხლი 17. პასუხისმგებლობა რეგისტრაციისა და პირადობის დადასტურების წესების დარღვევისათვის.

საქართველოს მოქალაქეთა, საქართველოში მცხოვრებ უცხოელთა და ლტოლვილთა რეგისტრაციისა და პირადობის დადასტურების წესების დარღვევა გამოიწვევს პასუხისმგებლობას საქართველოს კანონმდებლობის შესაბამისად.

თავი II. საქართველოს მოქალაქის პასპორტის, საქართველოში მუდმივად მცხოვრები მოქალაქეობის არმქონე პირის სამგზავრო პასპორტისა და ლტოლვილის სამგზავრო დოკუმენტის გაცემის წესები

მუხლი 18. რეგულირების სფერო

1. ინსტრუქციის ეს თავი აწესრიგებს საქართველოს მოქალაქის პასპორტის, საქართველოში მუდმივად მცხოვრები მოქალაქეობის არმქონე პირის სამგზავრო პასპორტისა და ლტოლვილის სამგზავრო დოკუმენტის გაფორმება-გაცემის, შეცვლის, აგრეთვე მოქმედების ვადის გაგრძელების წესსა და პირობებს.

2. ეს ინსტრუქცია არ არეგულირებს დიპლომატიური და სამსახურებრივი პასპორტების, ასევე მეზღვაურის წიგნაკის გაცემის წესებს.

მუხლი 19. საქართველოს მოქალაქის პასპორტი

1. საქართველოს მოქალაქის პასპორტი (შემდგომში – პასპორტი) არის საქართველოს მოქალაქის პირადობის და მოქალაქეობის დამადასტურებელი დოკუმენტი, როგორც საქართველოს ტერიტორიაზე, ისე მის ფარგლებს გარეთ.

2. პასპორტი საქართველოს კუთვნილებაა და გაიცემა საქართველოს მოქალაქეებზე მათი საქართველოდან გასვლის, საზღვარგარეთ გადაადგილების და საქართველოში შემოსვლის მიზნით.

3. პასპორტის კანონიერ მფლობელს, სადაც არ უნდა იმყოფებოდეს იგი, გარანტირებული აქვს კონსტიტუციური უფლებების დაცვა საქართველოს სახელმწიფოს მხრიდან.

4. პასპორტის შენახვისა და დანიშნულებისამებრ გამოყენებისათვის პასუხისმგებლობა ეკისრება მის კანონიერ მფლობელს.

5. (ამოღებულია).

6. (ამოღებულია).

7. ერთი და იგივე პირი შეიძლება ერთდროულად ფლობდეს რამდენიმე მოქმედ პასპორტს. იმ შემთხვევაში, თუ პირზე გაცემულია პასპორტი, იმავდროულად ახალი პასპორტი გაიცემა მისი წერილობითი შუამდგომლობის საფუძველზე.

საქართველოს იუსტიციის მინისტრის 2006 წლის 19 ივნისის ბრძანება №594 - სსმ III, №83, 21.06.2006წ., მუხ.1106

მუხლი 20. მოქალაქეობის არმქონე პირის სამგზავრო პასპორტი

1. საქართველოში მუდმივად მცხოვრები მოქალაქეობის არმქონე პირის სამგზავრო პასპორტი (შემდგომში – სამგზავრო პასპორტი) წარმოადგენს მისი პირადობის და მოქალაქეობრივი მდგომარეობის დამადასტურებელ დოკუმენტს, როგორც საქართველოს ტერიტორიაზე, ისე მის ფარგლებს გარეთ.

2. სამგზავრო პასპორტი საქართველოს კუთვნილებაა და გაიცემა საქართველოში მუდმივად მცხოვრებ მოქალაქეობის არმქონე პირებზე მათი საქართველოდან გასვლის, საზღვარგარეთ გადაადგილების და საქართველოში შემოსვლის მიზნით.

3. სამგზავრო პასპორტის კანონიერ მფლობელს, სადაც არ უნდა იმყოფებოდეს იგი, გარანტირებული აქვს კონსტიტუციური უფლებების დაცვა საქართველოს სახელმწიფოს მხრიდან.

4. სამგზავრო პასპორტის შენახვისა და დანიშნულებისამებრ გამოყენებისათვის პასუხისმგებლობა ეკისრება მის კანონიერ მფლობელს.

5. (ამოღებულია).

6. (ამოღებულია).

მუხლი 20¹. ლტოლვილის სამგზავრო დოკუმენტი

1. ლტოვლილის სამგზავრო დოკუმენტი (შემდგომში – სამგზავრო დოკუმენტი) არის მისი პირადობის და მოქალაქეობრივი მდგომარეობის დამადასტურებელი დოკუმენტი როგორც საქართველოს ტერიტორიაზე, ისე მის ფარგლებს გარეთ.

2. სამგზავრო დოკუმენტი გაიცემა ლტოლვილად ცნობილ პირზე მათი საქართველოდან გასვლის, საზღვარგარეთ გადაადგილების და საქართველოში შემოსვლის მიზნით.

3. სამგზავრო დოკუმენტი გამოიყენება ლტოლვილის გასვლისათვის საქართველოდან საზღვარგარეთის ყველა სახელმწიფოში, გარდა თავისი მოქალაქეობის ან ადრინდელი მუდმივი საცხოვრებელი ქვეყნისა და აგრეთვე გარდა იმ სახელმწიფოებისა, რომლებშიც მისი და მისი ოჯახის წევრების მდგომარეობა არ ითვლება უსაფრთხოდ.

4. სამგზავრო დოკუმენტის შენახვისა და დანიშნულებისამებრ გამოყენებისათვის პასუხისმგებლობა ეკისრება მის კანონიერ მფლობელს.

5. (ამოღებულია).

მუხლი 20². ბიომეტრული პასპორტი

სააგენტოს ტერიტორიული სამსახურების მიერ პასპორტი, სამგზავრო პასპორტი და სამგზავრო დოკუმენტი გაიცემა მხოლოდ ბიომეტრული მონაცემების შემცველობით (ბიომეტრული პასპორტი), გარდა იმ შემთხვევებისა, როდესაც ჯანმრთელობის მდგომარეობის, ფიზიკური ნაკლის ან სხვა მიზეზის გამო შეუძლებელია პირისაგან ბიომეტრული მონაცემების მიღება. საზღვარგარეთ მყოფ საქართველოს მოქალაქეზე წარმომადგენლის მეშვეობით ბიომეტრული პასპორტი არ გაიცემა.

საქართველოს იუსტიციის მინისტრის 2010 წლის 21 აპრილის ბრძანება №91 - სსმ III, №45, 21.04.2010წ., მუხ.679

საქართველოს იუსტიციის მინისტრის 2010 წლის 2 სექტემბრის ბრძანება №162 - სსმ III, №110, 03.09.2010წ., მუხ.1697

მუხლი 21. პასპორტის, სამგზავრო პასპორტისა და სამგზავრო დოკუმენტის გამცემი ორგანოები

1. საქართველოს ტერიტორიაზე მცხოვრებ საქართველოს მოქალაქეზე პასპორტის გაცემას (შეცვლას) ახორციელებენ სამოქალაქო რეესტრის სააგენტოს ამ უფლებამოსილების მქონე ტერიტორიული სამსახურები.

2. სხვა სახელმწიფოში მცხოვრებ საქართველოს მოქალაქეზე პასპორტის გაცემას (შეცვლას) ახორციელებს სააგენტოს ტერიტორიული სამსახურები და საქართველოს საგარეო საქმეთა სამინისტროს დიპლომატიური წარმომადგენლობა ან საკონსულო დაწესებულება.

3. საქართველოში მუდმივად მცხოვრებ მოქალაქეობის არმქონე პირებზე სამგზავრო პასპორტის და ლტოლვილის სამგზავრო დოკუმენტის გაცემას (შეცვლას) ახორციელებს სამოქალაქო რეესტრის სააგენტოს ამ უფლებამოსილების მქონე ტერიტორიული სამსახურები.

4. ტერიტორიული სამსახურები პასპორტის, სამგზავრო პასპორტისა და სამგზავრო დოკუმენტის გაფორმებასა და გაცემას (შეცვლას) ახორციელებენ კანონმდებლობითა და ამ ინსტრუქციით დადგენილი წესების შესაბამისად.

5. საქართველოს დიპლომატიური წარმომადგენლობები და საკონსულო დაწესებულებები პასპორტის გაფორმებას, გაცემასა (შეცვლას) და ვადის გაგრძელებას ახორციელებენ იუსტიციის სამინისტროს შესაბამისი სამსახურებიდან მიღებული მონაცემების საფუძველზე, ამ ინსტრუქციის შესაბამისად.

საქართველოს იუსტიციის მინისტრის 2006 წლის 17 აპრილის ბრძანება №411 - სსმ III, №54, 19.04.2006წ., მუხ.666

მუხლი 22. პასპორტის, სამგზავრო პასპორტის და სამგზავრო დოკუმენტის გაცემის (მოქმედების ვადის გაგრძელების) თაობაზე განცხადებათა მიღება

1. პასპორტის გაცემის თაობაზე შუამდგომლობის აღძვრის უფლება აქვს სრულწლოვან და ქმედუნარიან საქართველოს მოქალაქეს, არასრულწლოვნის წარმომადგენელს, აგრეთვე 14 წლის ასაკს მიღწეულ არასრულწლოვან პირს, თუ მას მიღებული აქვს პირადობის მოწმობა.

2. სამგზავრო პასპორტის გაცემის თაობაზე შუამდგომლობის აღძვრის უფლება აქვს სრულწლოვან და ქმედუნარიან საქართველოში მუდმივად მცხოვრებ მოქალაქეობის არმქონე პირს, აგრეთვე არასრულწლოვანის წარმომადგენელს.

2¹. სამგზავრო დოკუმენტის გაცემის თაობაზე შუამდგომლობის აღძვრის უფლება აქვს სრულწლოვან და ქმედუნარიან ლტოლვილს, აგრეთვე ლტოლვილის სტატუსის მქონე არასრულწლოვნის წარმომადგენელს.

3. არასრულწლოვან პირზე შეიძლება გაიცეს პასპორტი, სამგზავრო პასპორტი და სამგზავრო დოკუმენტი მათი კანონიერი წარმომადგენლების სანოტარო წესით დამოწმებული თანხმობის საფუძველზე.

3¹. ერთ-ერთი მშობლის ან მისი აღმავალი შტოს ნათესავის სანოტარო წესით დამოწმებული, სააგენტოს უფლებამოსილი პირის ან საკონსულო თანამდებობის პირის თანდასწრებით გამოხატული წერილობითი თანხმობა, აგრეთვე საქართველოს იუსტიციის მინისტრის ბრძანებით დადგენილი წესით სააგენტოს უფლებამოსილი პირის წინაშე ელექტრონული კომუნიკაციის საშუალებით გამოხატული თანხმობა საკმარისია, თუ:

ა) მეორე მშობელი იძებნება საქართველოს სისხლის სამართლის საპროცესო კოდექსით დადგენილი წესით;

ბ) მეორე მშობელი გარდაცვლილი, ქმედუუნარო ან უგზო-უკვლოდ დაკარგულია;

გ) მეორე მშობლის მძიმე ავადმყოფობის გამო შეუძლებელია ნების გამოხატვა, რაც დასტურდება შესაბამისი ცნობით;

დ) არასრულწლოვანი 16 წელს მიღწეულია;

ე) არასრულწლოვანი მარტოხელა დედის შვილია;

ვ) პასპორტის გაცემას არსებითი მნიშვნელობა აქვს არასრულწლოვნის უფლებებისა და თავისუფლებების რეალიზაციისათვის და მეორე მშობლისაგან თანხმობის მიღება ვერ ხერხდება მასთან კავშირის დამყარების შეუძლებლობის გამო ან სხვა მიზეზით, და საქმის გარემოებიდან გამომდინარე, არსებობს საფუძვლიანი ვარაუდი, რომ ის არ იქნება თანხმობის გაცემის წინააღმდეგი.

3². 16-დან 18-წლამდე არასრულწლოვანს, თუ იგი იმყოფება რეგისტრირებულ ქორწინებაში, პასპორტის მისაღებად არ ესაჭიროება კანონიერი წარმომადგენლის თანხმობა.

3³. თუ არასრულწლოვან ლტოლვილზე სამგზავრო დოკუმენტის გაცემისას შუძლებელია ორივე კანონიერი წარმომადგენლის სანოტარო წესით დამოწმებული თანხმობის წარმოდგენა იმ მიზეზით, რომ მეორე კანონიერი წარმომადგენელი იმყოფება არასრულწლოვნის დევნის ქვეყანაში, არასრულწლოვანი მარტოხელა დედის შვილია, მეორე კანონიერი წარმომადგენელი გარდაცვლილი, ქმედუუნარო ან უგზო-უკვლოდ დაკარგულია და ამ გარემოებების დადასტურება ვერ ხერხდება სათანადო დოკუმენტებით, მათ მაგივრად შეიძლება წარდგენილი იქნას საქართველოს ლტოლვილთა და განსახლების სამინისტროს მიერ გაცემული შესაბამისი ცნობა.

3⁴. სხვა სახელმწიფოს ნოტარიუსის ან სხვა კომპეტენტური ორგანოს მიერ დამოწმებული თანხ-მობა პასპორტის გაცემაზე საქართველოს უფლებამოსილმა ორგანოებმა შეიძლება მიიღონ ლეგალიზე-ბისა და აპოსტილით დამოწმების გარეშე.

4. საქართველოს მოქალაქის პასპორტის მისაღებად პირი პირადად ან სხვა პირის მეშვეობით მიმართავს სამოქალაქო რეესტრის სააგენტოს შესაბამის ტერიტორიულ სამსახურს, ხოლო სამგზავრო პასპორტის მისაღებად – ამ უფლებამოსილების მქონე ტერიტორიულ სამსახურს. პასპორტის მისაღებად პირი ავსებს ამ ინსტრუქციის დანართი №4-ით გათვალისწინებული ფორმის განცხადება-ანკეტას. განცხადება ივსება ქართულ ენაზე, შეცდომებისა და გასწორებების გარეშე. განმცხადებლის სურვილით, მის მიერ მიწოდებული მონაცემების განცხადების ბლანკში შეტანის უფლება აქვს განცხადების მიმღებ უფლებამოსილ პირს. განცხადებას ხელს აწერს უშუალოდ განმცხადებელი. პასპორტის მიმღების პირადად გამოცხადება სავალდებულოა მხოლოდ ხელმოწერისას, გარდა ამ მუხლის მე-13 და მე-14 პუნქტებით გათვალისწინებული შემთხვევებისა.

4¹. ამ მუხლის პირველი და მე-4 პუნქტებით გათვალისწინებულ შემთხვევაში განცხადება-ანკეტა წარდგენილ უნდა იქნეს ელექტრონული ფორმით (ფორმა №1დ). წარმოების დასრულების შემდეგ განცხადება-ანკეტა ინახება როგორც ელექტრონული, ისე მატერიალური (ამობეჭდილი და ხელმოწერილი) ფორმით.

5. განცხადებას პასპორტის (სამგზავრო პასპორტის, სამგზავრო დოკუმენტის) გაცემის (მოქმედების ვადის გაგრძელების) თაობაზე თან ერთვის:

ა) საქართველოს მოქალაქის პირადობის მოწმობა (თუ მთხოვნელი საქართველოს მოქალაქეა) ან ბინადრობის მოწმობა (თუ მთხოვნელი არ არის საქართველოს მოქალაქე) ან საქართველოს მოქალაქის პასპორტი (თუ მთხოვნელი ემიგრაციაში მყოფი პირია);

ბ) 2 ფერადი ფოტოსურათი ზომებით 3.5 X 4.5 სმ დაბეჭდილი და ელექტრონული ფორმით. ფოტოსურათი გადაღებული უნდა იყოს შესაბამის ასაკში;

გ) პასპორტის გაცემისათვის დაწესებული მომსახურების საფასურის გადახდის დამადასტურებელი ქვითარი. (ლტოლვილის სამგზავრო დოკუმენტის მისაღებად პირი არ წარადგენს მომსახურების საფასურის გადახდის დამადასტურებელ ქვითარს).

5¹. ამ მუხლის მე-5 პუნქტის „ბ“ და „გ“ ქვეპუნქტებით გათვალისწინებული ფოტოსურათი და მომსახურების საფასურის გადახდის დამადასტურებელი ქვითარი (ან ინფორმაცია, რომელის საშულებითაც შეიძლება დადასტურდეს გადახდა) სააგენტოს ან მისი ტერიტორიული სამსახურის უფლებამოსილი პირის მიერ წარმომადგენლობის დადასტურებისას შეიძლება წარმოდგენილ იქნეს ელექტრონული ფორმით.

6. (ამოღებულია).

7. (ამოღებულია).

8. (ამოღებულია).

9. (ამოღებულია).

10. 18 წლამდე ასაკის (გარდა ამ მუხლის 3² პუნქტით გათვალისწინებული შემთხვევისა) და ქმედუუნარო სრულწლოვან პირებზე პასპორტის გასაცემად აუცილებელია ამ პირის კანონიერ წარმომადგენელთა სანოტარო წესით დამოწმებული შუამდგომლობა ან ერთი კანონიერი წარმომადგენლის შუამდგომლობა და ამ მუხლის 3¹ და 3³ პუნქტებით გათვალისწინებული ერთ-ერთი შემთხვევის დამადასტურებელი დოკუმენტი. შუამდგომლობას თან უნდა დაერთოს:

ა) დაბადების მოწმობა (დედანი), ხოლო თუ პირის დაბადების ფაქტი რეგისტრირებულია საქართველოს ტერიტორიის ფარგლებს გარეთ – დაბადების მოწმობა ან შესაბამისი ქვეყნის უფლებამოსილი დაწესებულების მიერ გაცემული დოკუმენტი, რომელიც ადასტურებს პირის ვინაობას, მისი დაბადების ფაქტს და მშობლების ვინაობას;

ბ) პირადობის (ბინადრობის) მოწმობა, თუ პირს პასპორტის გაცემამდე შეუსრულდა 14 წლის ასაკი;

გ) 2 ფერადი ფოტოსურათი ზომებით 3.5X4.5 სმ;

დ) პასპორტის გაცემისათვის დაწესებული მომსახურების საფასურის გადახდის დამადასტურებელი ქვითარი.

11. განცხადების მიმღები ტერიტორიული სამსახურები ვალდებულნი არიან:

ა) დაეხმარონ პირს განცხადება-ანკეტის სწორად და უშეცდომოდ შევსებაში, თუ ამის საჭიროება არსებობს;

ბ) წარდგენილი საბუთების ვიზუალური დათვალიერებით დაადგინონ, ხომ არ შეინიშნება მათი მონაცემების გადაკეთების, ფოტოსურათის შეცვლის ან გაყალბების მცდელობის სხვა ნიშანები;

გ) განმცხადებლის თანდასწრებით დაადასტურონ განცხადებისა და თანდართული საბუთების მიღება, რაც ნიშნავს:

გ.ა) სამახსოვრო ბარათის მიცემას განმცხადებლისათვის, რომელშიც აღნიშნული იქნება განცხადების მიღების თარიღი განცხადების მიმღები თანამდებობის პირის გვარი და საკონტაქტო ტელეფონი, რომლის მეშვეობითაც მას მიეწოდება ინფორმაცია მიღებული გადაწყვეტილების შესახებ.

გ.ბ) შესაბამისი ჩანაწერების შეტანას განცხადება-ანკეტის უკანა გვერდზე, სამსახურებრივი აღნიშვნების გრაფაში.

12. (ამოღებულია).

13. საზღვარგარეთ მყოფ საქართველოს მოქალაქეზე, რომელსაც მიღებული აქვს საქართველოს პასპორტი ან პირადობის მოწმობა და სააგენტოში, საქართველოს დიპლომატიურ წარმომადგენლობაში ან საკოსულო დაწესებულებაში ინახება შესაბამისი განცხადება-ანკეტა, პასპორტის გაცემაზე არ ვრცელდება ამ ინსტრუქციით გათვალისწინებული პირადად გამოცხადების ვალდებულება. საქართველოს საგარეო საქმეთა სამინისტროს ან დიპლომატიურ წარმომადგენლობას ან საკონსულო დაწესებულებას განცხადება-ანკეტა და შესაბამისი დოკუმენტები შეიძლება გაეგზავნოს ფოსტით, რომელიც ასევე ფოსტის საშუალებით უგზავნის პასპორტს განმცხადებელს.

14. საზღვარგარეთ მყოფი საქართველოს მოქალაქე, რომელსაც მიღებული აქვს საქართველოს მოქალაქის პასპორტი ან პირადობის მოწმობა და მის შესახებ არსებობს შესაბამისი განცხადება-ანკეტა, უფლებამოსილია პასპორტის მისაღებად წარმომადგენლის მეშვეობით მიმართოს სააგენტოს ტერიტორიულ სამსახურს, საქართველოს საგარეო საქმეთა სამინისტროს, საქართველოს დიპლომატიურ წარმომადგენლობას ან საკონსულო დაწესებულებას. წარმომადგენლობა უნდა დადასტურდეს ამ ინსტრუქციით ან სხვა ნორმატიული აქტით დადგენილი წესით.

საქართველოს იუსტიციის მინისტრის 2008 წლის 18 თებერვლის ბრძანება №32 - სსმ III, №26, 20.02.2008წ., მუხ.287

მუხლი 22¹. საქართველოს მოქალაქის პასპორტის გაცემისა და მასთან დაკავშირებული სხვა მოქმედებების განხორციელების შესახებ ელექტრონული კომუნიკაციის საშუალებით განცხადების წარდგენის წესი

1. საზღვარგარეთ მყოფ საქართველოს მოქალაქეს პასპორტის მისაღებად განცხადება-ანკეტა და კანონმდებლობით გათვალისწინებული სხვა დოკუმენტები შეუძლია წარადგინოს ელექტრონული ფორმით.

2. ელექტრონული ფორმით წარმოდგენილი განცხადების მიღება დასაშვებია იმ შემთხვევაში, თუ ელექტრონული კომუნიკაცია იძლევა განმცხადებლისა და განცხადების მიღებაზე უფლებამოსილი პირის პირდაპირი ვიზუალური კონტაქტის საშუალებას და განმცხადებლის იდენტიფიცირება და პირადობის დადასტურება შესაძლებელია სააგენტოს ელექტრონულ მონაცემთა ბაზაში არსებული ინფორმაციის გამოყენებით.

3. სააგენტო უზრუნველყოფს ვიზუალური კონტაქტის ამსახველი ჩანაწერის ელექტრონული ფორმით შენახვას.

4. ამ მუხლის პირველი პუნქტით გათვალისწინებული წესით წარდგენილი განცხადების საფუძველზე, საქართველოს მოქალაქის პასპორტის გაცემისათვის აუცილებელი, უცხო სახელმწიფოში გაცემული დოკუმენტები წარდგენილ უნდა იქნეს მატერიალური ფორმით, სათანადო წესით ლეგალიზაციის ან აპოსტილით დამოწმების შემდეგ, თუ საქართველოს საერთაშორისო ხელშეკრულებით ან შეთანხმებით სხვა რამ არ არის დადგენილი.

5. ამ მუხლის მე-4 პუნქტით გათვალისწინებული დოკუმენტები შეიძლება მიღებულ იქნეს ელექტრონული ფორმით დედნის წარმოდგენის გარეშე, თუ შესაძლებელია ამ დოკუმენტების აპოსტილით დამოწმებისა და ლეგალიზაციის ფაქტის ნამდვილობის შემოწმება შესაბამისი ელექტრონული რეესტრის ან სხვა საშუალებით.

6. ამ მუხლით დადგენილი წესით წარდგენილი განცხადების საფუძველზე, პასპორტის გაცემისათვის დაწესებული საფასურის გადახდა დასტურდება საქართველოს საბანკო დაწესებულების მიერ გაცემული ქვითრით.

7. ქვითრის წარდგენა საჭირო არ არის, თუ მომსახურების საფასურის გადახდა განხორციელდა უნაღდო ანგარიშსწორებით და სააგენტოს აქვს შესაძლებლობა კომუნიკაციის ელექტრონული საშუალებებით შეამოწმოს ანგარიშსწორების განხორციელების ფაქტი.

8. ამ მუხლის მე-4 და მე-6 პუნქტებით განსაზღვრული დოკუმენტების განცხადებასთან ერთად წარუდგენლობის შემთხვევაში, განცხადების განხილვის კანონმდებლობით ვადის ამოწურვამდე, განმცხადებელს განესაზღვრება ვადა დოკუმენტების წარსადგენად არა უმეტეს ერთი თვისა, რის თაობაზეც ეცნობება ელექტრონული ფოსტის საშუალებით, განცხადებაში მითითებულ ელექტრონულ მისამართზე. დოკუმენტების წარდგენამდე განცხადების განხილვის ვადის დინება შეჩერებულად ითვლება.

9. ამ მუხლის მე-8 პუნქტით განსაზღვრულ ვადაში დოკუმენტების დადგენილი ფორმით წარმოუდგენლობის შემთხვევაში სააგენტო უფლებამოსილია გამოიტანოს გადაწყვეტილება განცხადების განუხილველად დატოვების შესახებ.

10. განმცხადებლის ვინაობასა ან საქართველოს პასპორტის გაცემისათვის არსებითი მნიშვნელობის მქონე სხვა გარემოებებთან დაკავშირებით საფუძვლიანი ეჭვის წარმოშობის შემთხვევაში, შესაბამისი თანამდებობის პირი უფლებამოსილია უარი განაცხადოს ამ მუხლის პირველი პუნქტით გათვალისწინებული წესით მომსახურების გაწევაზე.

11. განმცხადებლის მიერ სახელის და/ან გვარის შეცვლის შემთხვევაში, პასპორტი შეიძლება, გაიცეს ამ მუხლით დადგენილი წესით, წარდგენილი განცხადების საფუძველზე, მიუხედავად იმისა, მიღებული აქვს თუ არა განმცხადებელს საქართველოს მოქალაქის პირადობის მოწმობა ახალი მონაცემებით. განმცხადებლის იდენტიფიცირება და პირადობის დადასტურება შესაძლებელი უნდა იყოს სააგენტოს ელექტრონულ მონაცემთა ბაზაში არსებული ინფორმაციის გამოყენებით.

12. განმცხადებლის მიერ საქართველოს მოქალაქეობის მოპოვების შემთხვევაში, პასპორტი შეიძლება გაიცეს ამ მუხლით დადგენილი წესით, წარდგენილი განცხადების საფუძველზე, მიუხედავად იმისა, მიღებული აქვს თუ არა განმცხადებელს საქართველოს მოქალაქის პირადობის მოწმობა. განმცხადებლის იდენტიფიცირება და პირადობის დადასტურება შესაძლებელი უნდა იყოს სააგენტოს ელექტრონულ მონაცემთა ბაზაში არსებული ინფორმაციის გამოყენებით.

13. განმცხადებლის მოთხოვნით, საქართველოს მოქალაქის პასპორტი შეიძლება გაიცეს განცხადებაში დასახელებულ პირზე ან გაეგზავნოს განმცხადებელს ფოსტით. საფოსტო ხარჯები ეკისრება განმცხადებელს

14. სააგენტოს ტერიტორიული სამსახურების მიერ ამ ბრძანებით გათვალისწინებული საქმიანობის განხორციელებისათვის საჭირო უფლებამოსილი პირის თანხმობის გამოხატვა, ასევე ამ ბრძანების შესაბამისად განცხადებაზე უფლებამოსილი პირის მიერ წარმომადგენლობითი უფლებამოსილების მესამე პირისათვის მინიჭება შეიძლება განხორციელდეს ამ მუხლის პირველი, მე-2, მე-3 და მე-10 პუნქტებით დადგენილი წესით.

მუხლი 23. პასპორტის, სამგზავრო პასპორტისა და სამგზავრო დოკუმენტის გაცემის (მოქმედების ვადის გაგრძელების) თაობაზე განცხადებათა განხილვა-გადაწყვეტა

1. თანამდებობის პირები, რომელთაც დაევალათ პასპორტის ან სამგზავრო პასპორტის ან სამგზავრო დოკუმენტის გაცემის (მოქმედების ვადის გაგრძელების) თაობაზე განცხადების განხილვა, ვალდებულნი არიან:

ა) დეტალურად შეისწავლონ განცხადებაზე დართული საბუთების კანონიერება და მათში აღნიშნული მონაცემების შესაბამისობა განცხადება-ანკეტაში შეტანილ მონაცემებთან;

ბ) პირადობის დამადასტურებელ და სარეგისტრაციო მონაცემთა ელექტრონულ ბაზაში არსებული მონაცემების შემოწმებით დაადგინონ:

ბ.ა) შეესაბამება თუ არა განმცხადებლის პირად ნომერი ამ პირის მიერ წარდგენილი პირადობის (ბინადრობის) მოწმობის შესაბამის გრაფაში მითითებული პირადი ნომერი, ამასთანავე, არის თუ არა ერთმანეთის იდენტური პასპორტისათვის წარდგენილი ფოტოსურათი, პირადობის (ბინადრობის) მოწმობაში ჩაკრული ფოტოსურათი;

ბ.ბ) ირიცხება თუ არა განმცხადებელი რეგისტრირებულად იმ მისამართზე, რომელიც მან უჩვენა განცხადება-ანკეტაში;

ბ.გ) შეესაბამება თუ არა განმცხადებლის მიერ წარდგენილი პირადობის (ბინადრობის) მოწმობის რეკვიზიტები (სერია და ნომერი) მონაცემთა ელექტრონულ ბაზაში მასზე გაცემულად რიცხული პირადობის (ბინადრობის) მოწმობის რეკვიზიტებს. თუ მონაცემთა ბაზა იძლევა ინფორმაციას იმის შესახებ, რომ განმცხადებელ პირზე გაცემულად ირიცხება რამდენიმე მოწმობა, აუცილებელია გაირკვეს, რა გარემოების საფუძველზე (დაკარგვა, მოქალაქეობის ან გვარ-სახელის შეცვლა, ზღვრული ასაკის დადგომა და ა.შ.) მოხდა ახალი მოწმობის (მოწმობების) გაცემა. ამასთანავე, უნდა დადგინდეს, გაცემული მოწმობებიდან რომელია ძალადაკარგული, რომელი – მოქმედი და მოქმედი მოწმობის რეკვიზიტები შეუდარდეს განმცხადებლის მიერ წარდგენილი მოწმობის რეკვიზიტებს;

გ) საფუძვლიანად შეისწავლონ წარდგენილი განცხადება-ანკეტა და დოკუმენტები (საბუთები) მათში ჩანაწერების, ბეჭდების, შტამპების, ხელმოწერების შესაძლო გადაკეთებისა და გაყალბების, ან ფოტოსურათების შეცვლის დადგენის მიზნით. ამ ინსტრუქციის 28¹ მუხლის პირველი პუნქტით გათვალისწინებულ შემთხვევაში გადაამოწმონ დოკუმენტების (საბუთების) კანონიერება, დაადგინონ, ერიცხება თუ არა ასეთი დოკუმენტის სერია და ნომერი ორგანოს, რომელიც მის გამცემადაა დასახელებული.

დ) თუ პირი, რომლის სახელზეც პასპორტი უნდა გაფორმდეს, გადაცილებულია 14 წლის ასაკს, შესაბამის საინფორმაციო წყაროებზე დაყრდნობით შეამოწმონ და დაადგინონ ხომ არ იძებნება იგი სამართალდამცავი ორგანოების მიერ;

ე) დადებითი გადაწყვეტილების შემთხვევაში უზრუნველყონ პასპორტის, სამგზავრო პასპორტისა და სამგზავრო დოკუმენტის დაუყოვნებლივი გაფორმება და გაცემა ამ ინსტრუქციის №2 დანართის შესაბამისად. პასპორტის, სამგზავრო პასპორტისა და სამგზავრო დოკუმენტის გაცემაზე (მოქმედების ვადის გაგრძელებაზე) უარის შემთხვევაში გამოიტანოს წერილობითი გადაწყვეტილება, რომელიც უნდა გადაეცეს განმცხადებელს ან გაეგზავნოს ფოსტით.

2. პასპორტის გაცემაზე განმცხადებელს უარი შეიძლება ეთქვას მხოლოდ იმ შემთხვევაში, თუ:

ა) იგი იძებნება სამართალდამცავი ორგანოების მიერ;

ბ) პასპორტის მისაღებად წარადგინა ყალბი ან ძალადაკარგული დოკუმენტები.

3. ტერიტორიული სამსახურები პასპორტს (სამგზავრო პასპორტს) გასცემენ დაინტერესებული პირის მიერ ამ თავით გათვალისწინებული ყველა დოკუმენტის წარდგენიდან 10 სამუშაო დღის ვადაში, ხოლო საქართველოს დიპლომატიური წარმომადგენლობები ან საკონსულო დაწესებულებები 1 თვის ვადაში.

4. თუ პირის საქართველოდან გასვლა დაკავშირებულია მკურნალობასთან ან საქართველოს მოქალაქის საზღვარგარეთ სასამართლო პროცესში მონაწილეობასთან, პასპორტის, სამგზავრო პასპორტისა და სამგზავრო დოკუმენტის გაცემის თაობაზე განცხადების განხილვა, გადაწყვეტილების მიღება და პასპორტის, სამგზავრო პასპორტისა და სამგზავრო დოკუმენტის გაცემა უნდა განხორციელდეს ამ თავით გათვალისწინებული ყველა დოკუმენტის წარდგენიდან არა უმეტეს 3 დღის ვადისა.

5. (ამოღებულია).

6. პასპორტების (სამგზავრო პასპორტების) გაცემა აღირიცხება ამ ინსტრუქციის №5 დანართის შესაბამისად.

მუხლი 24. პასპორტის და სამგზავრო პასპორტის მოქმედების ვადა

1. პასპორტის მოქმედების ვადა არის 10 წელი მისი გაცემის დღიდან. პასპორტის მოქმედების ვადა შეიძლება მხოლოდ ერთხელ გაგრძელდეს 5 წლით, თუ იგი გაცემულია 5 წლის მოქმედების ვადით და მისი მფლობელი იმყოფება საქართველოს ფარგლებს გარეთ. პასპორტის მოქმედების ვადას აგრძელებს საქართველოში საგარეო საქმეთა სამინისტრო, ხოლო საზღვარგარეთ – საქართველოს დიპლომატიური წარმომადგენლობა ან საკონსულო დაწესებულება.

2. სამგზავრო პასპორტის მოქმედების ვადა განისაზღვრება 5 წლით მისი გაცემის დღიდან.

2¹. სამგზავრო დოკუმენტის მოქმედების ვადა განისაზღვრება 2 წლის ვადით.

3. არასრულწლოვან პირზე გაცემული პასპორტისა და სამგზავრო პასპორტის მოქმედების ვადაა 3 წელი მისი გაცემის დღიდან. არასრულწლოვან პირზე გაცემული პასპორტისა და სამგზავრო პასპორტის მოქმედების ვადა გაგრძელებას არ ექვემდებარება და საჭიროების შემთხვევაში მასზე უნდა გაიცეს ახალი პასპორტი.

მუხლი 25. პასპორტის და სამგზავრო პასპორტის რეკვიზიტები

პასპორტისა და სამგზავრო პასპორტის რეკვიზიტებია:

ა) პასპორტის მფლობელის სახელი;

ბ) პასპორტის მფლობელის გვარი;

გ) პასპორტის მფლობელის მოქალაქეობა;

დ) პასპორტის მფლობელის დაბადების თარიღი;

ე) პასპორტის მფლობელის პირადი ნომერი;

ვ) პასპორტის მფლობელის ფოტოსურათი;

ზ) პასპორტის მფლობელის სქესი;

თ) პასპორტის მფლობელის დაბადების ადგილი;

ი) პასპორტის გაცემის თარიღი;

კ) პასპორტის მოქმედების ვადა;

ლ) თანამდებობის პირის ხელმოწერა.;

მ) პასპორტის მფლობელის ხელმოწერა;

ნ) ბეჭედი;

ო) (ამოღებულია);

პ) (ამოღებულია);

ჟ) პასპორტის გამცემი ორგანო;

რ) პასპორტის ტიპი;

ს) ქვეყნის კოდი;

ტ) პასპორტის ნომერი;

უ) მანქანური კითხვისათვის განკუთვნილი ველი (ივსება ავტომატურ რეჟიმში, სათანადო პროგრამული უზრუნველყოფის საფუძველზე).

მუხლი 25¹. სამგზავრო დოკუმენტის რეკვიზიტები:

ა) სამგზავრო დოკუმენტის მფლობელის სახელი;

ბ) სამგზავრო დოკუმენტის მფლობელის გვარი;

გ) სამგზავრო დოკუმენტის მფლობელის დაბადების თარიღი;

დ) სამგზავრო დოკუმენტის მფლობელის პირადი ნომერი;

ე) სამგზავრო დოკუმენტის მფლობელის ფოტოსურათი;

ვ) სამგზავრო დოკუმენტის მფლობელის სქესი;

ზ) სამგზავრო დოკუმენტის მფლობელის დაბადების ადგილი;

თ) სამგზავრო დოკუმენტის გაცემის თარიღი;

ი) სამგზავრო დოკუმენტის მოქმედების ვადა;

კ) სამგზავრო დოკუმენტის გამცემი ორგანოს დასახელება;

ლ) სამგზავრო დოკუმენტის ტიპის შესახებ მითითება;

მ) ქვეყნის კოდი;

ნ) სამგზავრო დოკუმენტის ნომერი;

ო) თანამდებობის პირის ხელმოწერა;

პ) სამგზავრო დოკუმენტის მფლობელის ხელმოწერა;

ჟ) ბეჭედი;

რ) შენიშვნები (სამგზავრო დოკუმენტში შესატანი განსაკუთრებული აღნიშვნებისათვის).

მუხლი 25². პასპორტში, სამგზავრო პასპორტსა და სამგზავრო დოკუმენტში სახელების/გვარების შემოკლება

1. თუ პასპორტში, სამგზავრო პასპორტში ან სამგზავრო დოკუმენტში შეუძლებელია სახელის/გვარის სრულად დატანა მისი სიგრძის გამო, დასაშვებია სახელი/გვარი დატანილ იქნეს შემოკლებით. შემოკლება გულისხმობს სიმბოლოების ჩამოცილებას სიტყვის ბოლოში. ორი სახელის/გვარის (ორმაგი სახელის/გვარის) შემთხვევაში, დასაშვებია ორივე სახელის/გვარის (სახელის/გვარის ორივე კომპონენტის) შემოკლება.

2. ორი სახელის/გვარის (ორმაგი სახელის/გვარის) შემთხვევაში, შემოკლება უნდა განხორციელდეს ისე, რომ აღინიშნოს ორივე სახელის/გვარის (სახელის/გვარის ორივე კომპონენტის) გარკვეული ნაწილი მაინც. ნებისმიერ შემთხვევაში, შემოკლებული სახელის/გვარის ან მისი კომპონენტის ბოლოში უნდა დაისვას წერტილი, რომელიც შემოკლებაზე მიუთითებს.

3. შემოკლების დროს შესაძლებელია გონივრულობის ფარგლებში გათვალისწინებულ იქნეს პასპორტის, სამგზავრო პასპორტისა და სამგზავრო დოკუმენტის მფლობელის სურვილი იმის თაობაზე, თუ ორ სახელში/გვარში (ორმაგ სახელში/გვარში) რომელი კომპონენტი შემოკლდეს და რამდენად.

4. ამ მუხლით გათვალისწინებულ შემთხვევაში, თუ შესაძლებელია, მოკლდება სახელის/გვარის მხოლოდ ქართული ჩანაწერი.

მუხლი 26. პასპორტის, სამგზავრო პასპორტისა და სამგზავრო დოკუმენტის შეცვლა

1. პასპორტი (სამგზავრო პასპორტი, სამგზავრო დოკუმენტი) ექვემდებარება შეცვლას შემდეგ შემთხვევებში:

ა) სახელის, გვარის გამოცვლისას;

ბ) ჩანაწერებში უზუსტობის დადგენისას;

გ) ვიზებისა და მოქმედების ვადის გაგრძელებისათვის განსაზღვრული ფურცლების გახარჯვისას;

დ) ხმარებისათვის უვარგისობისას (გაცვეთა, დაზიანება).

2. პასპორტის შესაცვლელად განმცხადებელმა შესაბამის ტერიტორიული სამსახურში, უნდა შეავსოს ახალი განცხადება-ანკეტა და წარადგინოს: პირადობის მოწმობა, შესაცვლელი პასპორტი (გამონაკლისია დაკარგვის შემთხვევა), მომსახურების საფასურის გადახდის დამადასტურებელი ქვითარი და 1 ფერადი ფოტოსურათი 3.5X4.5.

2¹. სამგზავრო პასპორტის შესაცვლელად განმცხადებელმა შესაბამის ტერიტორიულ სამსახურში, უნდა შეავსოს ახალი განცხადება-ანკეტა და წარადგინოს: ბინადრობის მოწმობა, შესაცვლელი სამგზავრო პასპორტი (გამონაკლისია დაკარგვის შემთხვევა), მომსახურების საფასურის გადახდის დამადასტურებელი ქვითარი და 2 ფერადი ფოტოსურათი 3.5X4.5).

2². სამგზავრო დოკუმენტის შესაცვლელად განმცხადებელმა შესაბამის ტერიტორიული სამსახურში უნდა შეავსოს ახალი განცხადება-ანკეტა (ფორმა №1დ) და წარადგინოს: ბინადრობის მოწმობა, შესაცვლელი სამგზავრო დოკუმენტი (გამონაკლისია დაკარგვის შემთხვევა) და 2 ფერადი ფოტოსურათი 3.5X4.5.

3. სახელის, გვარის გამოცვლისას, აგრეთვე ჩანაწერებში უზუსტობის დადგენისას პასპორტის (სამგზავრო პასპორტი) შეცვლის დროს შუამდგომლობას დამატებით დაერთვის ამ გარემოებათა დამადასტურებელი საბუთები (სახელის, გვარის გამოცვლის მოწმობის პირი, დაბადების, ქორწინების მოწმობის პირი და ა.შ.).

4. (ამოღებულია).

5. დაკარგული პასპორტები კომპიუტერულ მონაცემთა ბანკში აღირიცხება ცალკე და კონტროლისათვის რეკვიზიტები გადაეცემა საქართველოს შინაგან საქმეთა სამინისტროს სასაზღვრო გამტარ პუნქტებს, საქართველოს საგარეო საქმეთა სამინისტროს საკონსულო დეპარტამენტს და ტერიტორიულ ორგანოებს. დაკარგული პასპორტის გამოყენების მცდელობის შემთხვევაში დაუყოვნებლივ მიიღება კანონით გათვალისწინებული ზომები. ნაპოვნი პასპორტები ბარდება შესაბამის ტერიტორიულ ორგანოს, იხსნება კონტროლიდან და მონაცემთა ბაზაში სათანადო ინფორმაციის შეტანის შემდეგ ნადგურდება ოქმის გაფორმებით. ოქმი ინახება შესაბამისი ტერიტორიული ორგანოს არქივში.

6. იმ პასპორტის (სამგზავრო პასპორტი) გამოცვლისას, რომელსაც ახლავს სხვა სახელმწიფოს მოქმედი საკონსულო ვიზა, ძალადაკარგული პასპორტის ბოლო გვერდზე აღინიშნება, რომ იგი შეიცავს მოქმედ საკონსულო ვიზას.

7. გამოცვლილი პასპორტი ანულირების შემდეგ, ახალ პასპორტთან ერთად უბრუნდება მფლობელს. გამოცვლილი პასპორტის ანულირებისათვის აუცილებელია:

ა) ნომრის ამოჭრა პასპორტის 1-ლი გვერდიდან და მასალებზე დართვა ან პასპორტის პერფორაცია (გახვრეტა) მთელ სისქეზე;

ბ) სათანადო ინფორმაციის შეტანა სამოქალაქო რეესტრის მონაცემთა ბაზაში.

8. პასპორტის გამოცვლის თაობაზე განცხადებათა მიღება, განხილვა, გადაწყვეტილების მიღება და სათანადო დოკუმენტების გაფორმება-გაცემა ხორციელდება ამ ინსტრუქციით დადგენილი წესებისა და ვადების დაცვით.

მუხლი 27. პასპორტის (სამგზავრო პასპორტი) ჩაბარება

1. პირი, რომელსაც საქართველოს კანონმდებლობის შესაბამისად შეუწყდა საქართველოს მოქალაქეობა ვალდებულია ჩააბაროს პასპორტი შესაბამის ტერიტორიულ ორგანოს, საქართველოს დიპლომატიურ წარმომადგენლობას ან საკონსულო დაწესებულებას საზღვარგარეთ.

2. საქართველოში მუდმივად მცხოვრები მოქალაქეობის არმქონე პირი, რომელსაც საქართველოს კანონმდებლობის შესაბამისად აღარ აქვს საქართველოში მუდმივად ცხოვრების უფლება, ვალდებულია ჩააბაროს სამგზავრო პასპორტი შესაბამის ტერიტორიულ ორგანოს, საქართველოს დიპლომატიურ წარმომადგენლობას ან საკონსულო დაწესებულებას საზღვარგარეთ.

3. პასპორტი (სამგზავრო პასპორტი), რომელშიც თვითნებურად არის შეტანილი შესწორებები ან შეიმჩნევა გაყალბება, დაშლა და სხვა, უნდა ჩამოერთვას მფლობელს.

მუხლი 28. პასუხისმგებლობა

პირები, რომლებიც თვითნებურად შეიტანენ შესწორებებს, გააყალბებენ პასპორტს (სამგზავრო პასპორტი) ან სხვაგვარად დაარღვევენ კანონმდებლობით ან ამ თავით დადგენილ წესებს, პასუხს აგებენ საქართველოს კანონმდებლობის შესაბამისად.

თავი II¹. საქართველოს მოქალაქეთა პირადობის მოწმობის, ბინადრობის მოწმობისა და საქართველოს მოქალაქის პასპორტის (სამგზავრო პასპორტისა და დოკუმენტის) გაცემის შეჩერებისა და უარის თქმის წესები

მუხლი 28¹. საქართველოს მოქალაქეთა პირადობის მოწმობის, ბინადრობის მოწმობისა და საქართველოს მოქალაქის პასპორტის (სამგზავრო პასპორტისა და დოკუმეტის) გაცემის შეჩერება და გაცემაზე უარის თქმა

1. სამოქალაქო რეესტრის სააგენტოს ტერიტორიულ სამსახურებში საქართველოს მოქალაქეთა პირადობის მოწმობის, ბინადრობის მოწმობის და პასპორტის (სამგზავრო პასპორტისა და დოკუმენტის) გაცემისას განმცხადებლის მიერ წარდგენილ ან მის სახელზე ადრე გაცემულ დოკუმენტებში ურთიერთშეუსაბამობის ან უზუსტობის აღმოჩენის, აგრეთვე ჩანაწერების, ბეჭდების, შტამპების, ხელმოწერების შესაძლო გადაკეთებისა და გაყალბების, ან ფოტოსურათების შეცვლის ნიშნების აღმოჩენისას, ტერიტორიული სამსახურის შესაბამისი თანამშრომელი ვალდებულია აღნიშნულის შესახებ დაუყოვნებლივ აცნობოს ტერიტორიული სამსახურის უფროსს და არა უგვიანეს მომდევნო დღისა წარუდგინოს მოხსენებითი ბარათი.

2. ამ მუხლის პირველი პუნქტით გათვალისწინებულ შემთხვევებში ტერიტორიული სამსახურის უფროსი უფლებამოსილია დოკუმენტების გადამოწმების მიზნით შეაჩეროს საქართველოს მოქალაქეთა პირადობის მოწმობის, ბინადრობის მოწმობის და პასპორტის (სამგზავრო პასპორტისა და დოკუმენტის) გაცემა არა უმეტეს 10 დღისა, რის შესახებაც გამოაქვს წერილობითი გადაწყვეტილება, რომელიც უნდა გადაეცეს განმცხადებელს ან გაეგზავნოს ფოსტის საშუალებით.

3. საქართველოს მოქალაქეთა პირადობის მოწმობის, ბინადრობის მოწმობის და პასპორტის (სამგზავრო პასპორტისა და დოკუმენტის) ასაღებად განმცხადებლის მიერ წარდგენილ ან მის სახელზე ადრე გაცემულ დოკუმენტებში ურთიერთშეუსაბამობის აღმოჩენის, აგრეთვე ჩანაწერების, ბეჭდების, შტამპების, ხელმოწერების შესაძლო გადაკეთებისა და გაყალბების, ან ფოტოსურათების შეცვლის დადასტურების შემთხვევაში მოპოვებულ დოკუმენტებში დანაშაულის ნიშნების არსებობისას ტერიტორიული სამსახურის უფროსი ვალდებულია შეადგინოს შესაბამისი დასკვნა, რომელიც სავარაუდო გაყალბების დამადასტურებელ მასალებთან ერთად წერილობითი მიმართვით დაუყოვნებლივ ეგზავნება საგამოძიებო ორგანოს, რის შესახებაც უნდა ეცნობოს სააგენტოს შიდა კონტროლის სამსახურს დადგენილი წესით.

4. საქართველოს მოქალაქეთა პირადობის მოწმობის, ბინადრობის მოწმობის და პასპორტის (სამგზავრო პასპორტისა და დოკუმენტის) ასაღებად განმცხადებლის მიერ წარდგენილ ან მის სახელზე ადრე გაცემულ დოკუმენტებში არსებული მონაცემების ურთიერთშეუსაბამობის ან უზუსტობის აღმოჩენის შემთხვევაში, რაც გამოწვეულია მექანიკური შეცდომით და არ შეიცავს დანაშაულის ნიშნებს, ტერიტორიული სამსახურის უფროსი ვალდებულია შეადგინოს დასკვნა დოკუმენტებში დაშვებული შეცდომის გასწორების შესახებ, რის თაობაზეც უნდა აცნობოს სააგენტოს შიდა კონტროლის სამსახურს დადგენილი წესით.

5. ამ მუხლის მე-3 და მე-4 პუნქტებით გათვალისწინებულ შემთხვევებში პირადობის (ბინადრობის) მოწმობისა და პასპორტის კანონიერი (ნამდვილი) მონაცემებით გაცემისათვის საჭირო დოკუმენტების არსებობისას სააგენტოს ტერიტორიული სამსახური ვალდებულია გასცეს აღნიშნული პირადობის დამადასტურებელი დოკუმენტები დადგენილი წესით, ხოლო თუ შეუძლებელია პირის კანონიერი (ნამდვილი) მონაცემების დადგენა – გამოიტანოს წერილობითი გადაწყვეტილება საქართველოს მოქალაქეთა პირადობის მოწმობის, საქართველოში მცხოვრებ უცხოელთა და ლტოლვილთა ბინადრობის მოწმობის და პასპორტის (სამგზავრო პასპორტის და სამგზავრო დოკუმენტის) გაცემაზე უარის თქმის შესახებ, რომელიც უნდა გადაეცეს განმცხადებელს ან გაეგზავნოს ფოსტის საშუალებით.

6. საქართველოს საგარეო საქმეთა სამინისტროს დიპლომატიური წარმომადგენლობები და საკონსულო დაწესებულებები ამ მუხლის პირველი პუნქტით გათვალისწინებულ შემთხვევებში უფლებამოსილნი არიან შეაჩერონ საქართველოს მოქალაქის პირადობის მოწმობისა და პასპორტის გაცემა დოკუმენტების გადამოწმების მიზნით არა უმეტეს 10 დღისა, რის შესახებაც გამოაქვთ წერილობითი გადაწყვეტილება, რომელიც უნდა გადაეცეს განმცხადებელს ან გაეგზავნოს ფოსტის საშუალებით. საქართველოს მოქალაქის პირადობის მოწმობისა და პასპორტის კანონიერი (ნამდვილი) მონაცემებით გაცემისათვის საჭირო დოკუმენტების არსებობისას საქართველოს დიპლომატიური წარმომადგენლობები და საკონსულო დაწესებულებები ვალდებულნი არიან გასცენ აღნიშნული პირადობის დამადასტურებელი დოკუმენტები კანონით დადგენილი წესით, ხოლო თუ შეუძლებელია პირის კანონიერი (ნამდვილი) მონაცემების დადგენა – გამოიტანონ წერილობითი გადაწყვეტილება საქართველოს მოქალაქეთა პირადობის მოწმობის და საქართველოს მოქალაქის პასპორტის გაცემაზე უარის თქმის შესახებ, რომელიც უნდა გადაეცეს განმცხადებელს ან გაეგზავნოს ფოსტის საშუალებით.

7. საქართველოს მოქალაქეთა პირადობის მოწმობის და პასპორტის ასაღებად განმცხადებლის მიერ წარდგენილ ან მის სახელზე ადრე გაცემულ დოკუმენტებში ურთიერთშეუსაბამობის აღმოჩენის, აგრეთვე ჩანაწერების, ბეჭდების, შტამპების, ხელმოწერების შესაძლო გადაკეთებისა და გაყალბების, ან ფოტოსურათების შეცვლის დადასტურების შემთხვევაში მოპოვებულ დოკუმენტებში დანაშაულის ნიშ-ნების არსებობისას, საქართველოს საგარეო საქმეთა სამინისტროს დიპლომატიური წარმომადგენლობები და საკონსულო დაწესებულებები ვალდებულნი არიან შეადგინონ შესაბამისი დასკვნა, რომელიც სავარაუდო გაყალბების დამადასტურებელ მასალებთან ერთად წერილობითი მიმართვით დაუყოვნებლივ ეგზავნება საგამოძიებო ორგანოს, რის შესახებაც უნდა ეცნობოს სააგენტოს შიდა კონტროლის სამსახურს დადგენილი წესით.

საქართველოს იუსტიციის მინისტრის 2009 წლის 2 აპრილის ბრძანება №69 - სსმ III, №41, 02.04.2009წ., მუხ.486

თავი III. გარდამავალი დებულებები

საქართველოს იუსტიციის მინისტრის 2004 წლის 28 დეკემბრის ბრძანება №1608- სსმ III, №154, 29.12.2004 წ., მუხ.1407

მუხლი 29. იძულებით გადაადგილებულ პირთა – დევნილთა პირადობის მოწმობისა და პასპორტის გაცემა

1. აფხაზეთისა და ცხინვალის რეგიონის ტერიტორიაზე საქართველოს იურისდიქციის სრულად აღდგენამდე, „იძულებით გადაადგილებულ პირთა – დევნილთა შესახებ” საქართველოს კანონით განსაზღვრული დევნილების პირადობის მოწმობას გასცემენ (შეცვლიან) შესაბამისად აფხაზეთის ავტონომიური რესპუბლიკისა და ცხინვალის მოსახლეობის რეგისტრაციის სამსახურები. ამასთან, აღნიშნული კატეგორიის პირებზე პასპორტის გაცემას (შეცვლას) ახორციელებენ სააგენტოს შესაბამისი ტერიტორიული სამსახურები.

2. დევნილი, რომელსაც „იძულებით გადაადგილებულ პირთა – დევნილთა შესახებ” საქართველოს კანონის პირველ მუხლში ჩამოთვლილი მიზეზების გამო მოუხდა საქართველოს ფარგლებს გარეთ გასვლა, ამ მუხლის პირველ პუნტში აღნიშნულ საკითხებთან დაკავშირებით მიმართავს საქართველოს საგარეო საქმეთა სამინისტროს დიპლომატიურ წარმომადგენლობებს და საკონსულო დაწესებულებებს.

მუხლი 30. დასკვნისა და სავარაუდო გაყალბების დამადასტურებელი მასალების საგამოძიებო ორგანოებისთვის გადაგზავნის ვალდებულებისაგან გათავისუფლება

ამ ინსტრუქციის 28¹ მუხლის მე-3 და მე-7 პუნქტების მოქმედება არ ვრცელდება შემთხვევებზე, როდესაც დოკუმენტებში არსებული ურთიერთშეუსაბამობა, უზუსტობა, აგრეთვე ჩანაწერების, ბეჭდების, შტამპების, ხელმოწერების შესაძლო გადაკეთებისა და გაყალბების, ან ფოტოსურათების შეცვლის ნიშნები აღმოჩნდება იმ პირის სახელზე გაცემულ (შედგენილ) დოკუმენტებში, რომელიც, „ამნისტიის შესახებ“ საქართველოს 2009 წლის 11 ივლისისა და 2011 წლის 14 ივნისის კანონების შესაბამისად, გათავისუფლებულია სისხლისსამართლებრივი პასუხისმგებლობისა და სასჯელისაგან.

საქართველოს იუსტიციის მინისტრის 2009 წლის 18 აგვისტოს ბრძანება №167 - სსმ III, №103, 19.08.2009წ., მუხ.1146

საქართველოს იუსტიციის მინისტრის 2011 წლის 1 ივლისის ბრძანება №79 - ვებგვერდი, 01.07.2011 წ.

მუხლი 31. საქართველოს მოქალაქის პირადობის დროებითი მოწმობა

1. 2010 წლის 1 ივნისამდე საცხოვრებელი ადგილის შეცვლის გამო რეგისტრაციის დროს, საქართველოს საარჩევნო კოდექსის 129¹⁵ მუხლის შესაბამისად საქართველოს მოქალაქის პირადობის დროებითი მოწმობის გაცემისას, შესაცვლელი პირადობის მოწმობის მიმართ არ გამოიყენება ამ ინსტრუქციის მე-11 მუხლის მე-2 პუნქტის „ა“ ქვეპუნქტით დადგენილი წესი.

2. საქართველოს მოქალაქის პირადობის დროებითი მოწმობის გაცემისას საქართველოს მოქალაქის პირადობის მოწმობა უქმდება სააგენტოს ელექტრონულ მონაცემთა ბაზაში შესაბამისი აღნიშვნის გაკეთებით და, როგორც პირადობის დამადასტურებელი დოკუმენტი, შეიძლება გამოყენებულ იქნეს საქართველოს საარჩევნო კოდექსის 129¹⁵ მუხლის მოთხოვნათა რეალიზაციის მიზნით, მხოლოდ 2010 წლის ადგილობრივი თვითმმართველობის ორგანოების არჩევნებზე აქტიური საარჩევნო უფლების განხორციელებისათვის.

3. საქართველოს მოქალაქის პირადობის დროებითი მოწმობის მოქმედების ვადა იწურება მისი საქართველოს მოქალაქის პირადობის მოწმობით შეცვლისთანავე, მაგრამ არა უგვიანეს 2010 წლის 1 სექტემბრისა.

მუხლი 32. რეგისტრაციის ადგილის დაზუსტება

1. თუ დამისამართების მოუწესრიგებელი სისტემის გამო დასახლებაში ან თვითმმართველ ერთეულში მცხოვრები პირების რეგისტრირებულ მისამართს წარმოადგენს დასახლება ან თვითმმართველი ერთეული და არა კონკრეტული სახლი, შესაბამის დასახლებაში ან თვითმმართველ ერთეულში დამისამართების სისტემის მოწესრიგების (სახლების ნუმერაციის განსაზღვრის) შემთხვევაში, მათი მისამართების დაზუსტება (კონკრეტულ სახლში რეგისტრაცია) განხორციელდება შესაბამისი თვითმმართველი ერთეულის გამგეობის (მერიის) რწმუნებულისა ან ქალაქის რაიონული გამგეობის ტერიტორიული ერთეულის სამსახურის (განყოფილების) უფროსის მიერ მიწოდებული ინფორმაციის საფუძველზე.

2. თუ დამისამართების მოუწესრიგებელი სისტემის გამო მრავალბინიან სახლში მცხოვრები პირების რეგისტრირებულ მისამართს წარმოადგენს მრავალბინიანი სახლი და არა კონკრეტული ბინა, შესაბამის მრავალბინიან სახლში დამისამართების სისტემის მოწესრიგების (ბინების ნუმერაციის განსაზღვრის) შემთხვევაში, მათი მისამართის დაზუსტება (კონკრეტულ ბინაში რეგისტრაცია) განხორციელდება მრავალბინიანი სახლის ბინათმესაკუთრეთა ამხანაგობის გადაწყვეტილების, შესაბამისი თვითმმართველი ერთეულის გამგეობის (მერიის) რწმუნებულის ან ქალაქის რაიონული გამგეობის ტერიტორიული ერთეულის სამსახურის (განყოფილების) უფროსის მიერ მიწოდებული ინფორმაციის საფუძველზე.

3. ამ მუხლის პირველ და მე-2 პუნქტებით გათვალისწინებულ შემთხვევებში მისამართის დაზუსტება არ წარმოშობს პირისთვის საქართველოს მოქალაქის პირადობის (ბინადრობის) მოწმობის შეცვლის ვალდებულებას. დაზუსტებული მისამართი აისახება სააგენტოს ელექტრონულ მონაცემთა ბაზაში.

საქართველოს იუსტიციის მინისტრის 2010 წლის 29 ივლისის ბრძანება №139 - სსმ III, №93, 30.07.2010წ., მუხ.1370

დანართი №1

(ამოღებულია)

საქართველოს იუსტიციის მინისტრის 2005 წლის 17 თებერვლის ბრძანება №305 - სსმ III, №18, 17.02.2005წ., მუხ.175

საქართველოს იუსტიციის მინისტრის 2005 წლის 16 მარტის ბრძანება №457 - სსმ III, №31, 18.03.2005წ., მუხ.300

საქართველოს იუსტიციის მინისტრის 2005 წლის 22 მარტის ბრძანება №506 - სსმ III, №32, 22.03.2005წ., მუხ.310

საქართველოს იუსტიციის მინისტრის 2005 წლის 17 მაისის ბრძანება №857 - სსმ III, №57, 17.05.2005წ., მუხ.639

საქართველოს იუსტიციის მინისტრის 2006 წლის 30 იანვრის ბრძანება №215 - სსმ III, №13, 31.01.2006წ., მუხ.158

დანართი №2

პირადობის (ბინადრობის) მოწმობებისა და პასპორტების პერსონალიზაციისა და ლამინირების წესები

1. პირადობის (ბინადრობის) მოწმობის პერსონალიზაცია ანუ შევსება წარმოებს ქართულ ენაზე, ხოლო აფხაზეთის ავტონომიური რესპუბლიკის მოსახლეობისათვის _ ქართულ და აფხაზურ ენებზე, სპეციალური საბეჭდი მოწყობილობის გამოყენებით, შესწორების გარეშე.

2. პირადობის (ბინადრობის) მოწმობის პერსონალიზაცია ხდება ამ ინსტრუქციის მე-10 მუხლით გათვალისწინებული წესების დაცვით.

3. პასპორტების პერსონალიზაცია წარმოებს ქართულ და ინგლისურ ენებზე, სამოქალაქო ავიაციის საერთაშორისო ორგანიზაციის (ICAO-ს) მიერ დადგენილი სტანდარტული ნორმატივების შესაბამისად.

4. პასპორტების პერსონალიზაციისათვის გამოიყენება სპეციალური კომპიუტერული ტექნიკა და პასპორტების საბეჭდი მოწყობილობა (პრინტერი).

5. პასპორტების პერსონალიზაცია ხდება პირადობის (ბინადრობის) მოწმობის გაცემისას სამოქალაქო რეესტრში შეტანილი მონაცემების საფუძველზე.

6. პირადობის (ბინადრობის) მოწმობებისა და პასპორტების ბეჭდვის, ასევე ამ მუხლის პირველი პუნქტით გათვალისწინებული სხვა მოქმედებების განსახორციელებლად საჭირო ერთიანი კომპიუტერული პროგრამის შემუშავებას, სისტემაში დანერგვას და ტექნიკური პერსონალის მომზადებას უზრუნველყოფს სააგენტო.

7. პირადობის (ბინადრობის) მოწმობებისა და პასპორტების ბეჭდვის, ასევე ამ მუხლის პირველი პუნქტით გათვალისწინებული სხვა მოქმედებების განსახორციელებლად საჭირო ერთიანი კომპიუტერული პროგრამის შემუშავებას, სისტემაში დანერგვას და ტექნიკური პერსონალის მომზადებას უზრუნველყოფს იუსტიციის სამინისტრო. ტექნიკასთან მომუშავე ყველა ოპერატორმა უნდა იხელმძღვანელოს სპეციალური ინსტრუქციით.

8. პირადობის (ბინადრობის) მოწმობებისა და პასპორტების შევსებისას, შესაბამისი კომპიუტერული პროგრამების შედგენისას და სამოქალაქო რეესტრის მონაცემთა ბაზებში ინფორმაციის შეტანისას გათვალისწინებული და, საჭიროების შემთხვევაში, შესაბამის სახელმწიფო უწყებასთან (ენათმეცნიერების ინსტიტუტთან) შეთანხმებულ უნდა იქნეს ენობრივი ნორმების დაცვასთან დაკავშირებული შემდეგი საკითხები:

ა) ქართული გვარ-სახელების მართლწერა;

ბ) არაქართული გვარ-სახელების მართლწერა;

გ) დაბადებისა და საცხოვრებელი ადგილების აღმნიშვნელი ტოპონიმიკური და გეოგრაფიული სახელების სწორად დაფიქსირება;

დ) ქართული და არაქართული გვარ-სახელების, ასევე გეოგრაფიული სახელების სწორი ინგლისური ტრანსლიტერაცია.

9. შევსების შემდეგ, პირადობის (ბინადრობის) მოწმობისა და პასპორტის გრაფაში „მფლობელის ხელმოწერა“ სავალდებულოა მფლობელმა შეასრულოს საკუთარი ხელმოწერა. იმ შემთხვევაში, როცა 9 წლამდე ასაკის არასრულწლოვანი ან ქმედუუნარო პირის სახელზე გაიცემა პირადობის (ბინადრობის) მოწმობა ან პასპორტი, მფლობელის ხელმოწერის გრაფაში ხელმოწერას შეასრულებს არასრულწლოვანი ან ქმედუუნარო პირის კანონიერი წარმომადგენელი ან მის მიერ უფლებამოსილი პირი.

10. სათანადო უფლებამოსილების მქონე თანამდებობის პირის ხელმოწერით და შესაბამის ორგანოზე მიმაგრებული ბეჭდით დამოწმების შემდეგ პირადობის (ბინადრობის) მოწმობას და პასპორტის უკანა ყდის შიგნითა გვერდს, სადაც მფლობელის ფოტოსურათთან ერთად ვიზუალური და მანქანური კითხვისათვის განკუთვნილი მონაცემებია შეტანილი, 32-ე გვერდის ქვედა ნაწილის ჩათვლით, ლამინირების აპარატით გადაეკვრება სპეციალური დამცავი გარსი. პირადობის (ბინადრობის) მოწმობის პირველ გვერდზე (წინა მხარეზე), დამცავი გარსის გადაკვრამდე, დატანილ უნდა იქნეს 19X40 მმ ზომის ჰოლოგრამა. ჰოლოგრამის 2/3 ნაწილი განთავსდება მოწმობაში ჩაკრული ფოტოსურათის ზედა კიდის გასწვრივ, ხოლო დარჩენილი 1/3 ნაწილი, ფოტოსურათის ზედა მარჯვენა კუთხის დაფარვით გადავა მოწმობის ბლანკზე ფოტოსურათის მარჯვნივ.

12. პასუხისმგებლობა პირადობის (ბინადრობის) მოწმობასა და პასპორტში, ასევე სამოქალაქო რეესტრის მონაცემთა ბაზაში შეტანილი მონაცემების სისწორეზე ეკისრებათ შესაბამის თანამდებობის პირებს. კომპიუტერული მეხსიერების ბანკში მონაცემების უშეცდომოდ შეტანასა და პირადობის (ბინადრობის) მოწმობის ან პასპორტის ბეჭდვაზე პასუხისმგებელია უშუალოდ ტექნიკასთან მომუშავე პერსონალი.

დანართი №3

(ამოღებულია)

დანართი №4

საქართველოს იუსტიციის მინისტრის 2007 წლის 28 დეკემბრის ბრძანება №413- სსმ III, №186, 28.12.2007წ., მუხ.2094

ფორმა №1

(ამოღებულია)

ფორმა №1ა

(ამოღებულია)

ფორმა №1ბ

წინა მხარე

რეგისტრაციის № _________

თარიღი _________________

გ ა ნ ც ხ ა დ ე ბ ა - ა ნ კ ე ტ ა

ფოტო

3.5X4.2

სამგზავრო დოკუმენტის გაცემის შესახებ

1. პირადი №

2. პირადობის (ბინადრობის)			3. გაცემის თარიღი ____________
მოწმობის სერია და ნომერი

4. გვარი ______________ 5. სახელი ______________ 6. მამის სახელი ___________________

___________________________________________________________________________________

(სასურველია მიუთითოთ თქვენი გვარი და სახელი ლათინური ასოებით)

მმ

მდ

7. ________________________________________________ 8. სქესი

(გამოცვლილი გვარი, სახელი)

9. დაბადების წელი

რიცხვი

თვე

10. დაბადების ადგილი ___________________________________ 11. ________________________________

(სახელმწიფო, ქალაქი) (მოქალაქეობა)

12. საცხოვრებელი ადგილი ____________________________________________________________________

(მისამართი, სადაც თქვენ ხართ რეგისტრირებული)

13. თხოვნა: ა) პირველი სამგზავრო დოკუმენტის პასპორტის გაცემა; ბ) სამგზავრო დოკუმენტის შეცვლა; გ)დაკარგული სამგზავრო დოკუმენტის შეცვლა.

14. ჩემთვის ცნობილია, რომ განცხადებაში არასწორი მონაცემების შეტანა და ყალბი საბუთების

წარდგენა გამოიწვევს სამგზავრო დოკუმენტის გაცემაზე უარის თქმას:

_______________________ ___________________ განცხადება მიიღო ___________________

განმცხადებლის ხელმოწერა ტელეფონის ნომერი გვარი, ხელმოწერა

უკანა მხარე

ს ა მ ს ა ხ უ რ ე ბ რ ი ვ ი ა ღ ნ ი შ ვ ნ ე ბ ი

1. განცხადება მიიღო და შევსების სისწორე შეამოწმა:

_______________________ _______________________

(ხელმოწერა) (გვარი)

განცხადების სარეგისტრაციო ნომერი ––––––––––––

რეგისტრაციის თარიღი _________________________

სხვა აღნიშვნები:

აღნიშვნები პასპორტის გაცემის შესახებ

1. გაფორმდა სამგზავრო დოკუმენტი № –-––––––––

სამგზავრო დოკუმენტი მივიღე:

_______________________________________________

(მოქალაქის ხელმოწერა)

„–––––”––––––––––––––200 ––– წ.

სამგზავრო დოკუმენტი გასცა:

______________________________________________

(ხელმოწერა, გვარი)

2. სამგზავრო დოკუმენტის გაცემაზე ეთქვა უარი

საფუძველი: __________________________________

ეცნობა: ______________________________________

(ტელეფონით, პირად მიღებაზე)

––––––––––––––––– „–––––”–––––––––––––200 ––– წ.

__________________________________________ (თანამდებობის პირის ხელმოწერა)

ფორმა №1გ

ფოტო

3,5/4,5სმ

განცხადება

(პირადობის, ბინადრობის) მოწმობის გაცემის შესახებ

(ივსება ელექტრონული ფორმით)

მომსახურების ვადა

რეგისტრაციის №

რეგისტრაციის თარიღი

1. პირადი №

2. გვარი

3. სახელი

4. მამის სახელი

5. გამოცვლილი გვარი, სახელი

6. მოქალაქეობა

7. სქესი

8. დაბადების თარიღი

9. დაბადების ადგილი

10. ძველი რეგისტრაციის ადგილი

11. ახალი რეგისტრაციის ადგილი

12. რეგისტრაციის საფუძველი

13. ტელ.მობ. №

ხელმოწერა

14. განცხადების შინაარსი

15. ფოტოიდენტურობა დაადასტურა

ხელმოწერა

განმცხადებელი ––––––––––––––––––––––––

წარმოდგენილი დოკუმენტები

სისწორე შევამოწმე და მივიღე _________________

ხელმოწერა

დოკუმენტი პასუხისმგებელი პირები

პირადი ნომერი

სერია და ნომერი განცხადება მივიღე ________________

რეგისტრაციის თარიღი იდენტურობა დავუდგინე __________

დაბეჭდვის თარიღი დავბეჭდე _________________________

მოქმედების ვადა გავეცი _____________________________

გაცემის თარიღი

გამცემი სამსახური

ფორმა №1დ

ფოტო

3,5/4,5სმ

განცხადება

სამგზავრო დოკუმენტის გაცემის შესახებ

(ივსება ელექტრონული ფორმით)

მომსახურების ვადა

რეგისტრაციის №

რეგისტრაციის თარიღი

1. პირადი №

2. გვარი

3. სახელი

4. მამის სახელი

5. მოქალაქეობა

6. სქესი

7. დაბადების თარიღი

8. დაბადების ადგილი

9. რეგისტრაციის ადგილი

10. ტელ.მობ. №

11. განცხადების შინაარსი

ხელმოწერა

განმცხადებელი ––––––––––––––––––––––––––––––

წარმოდგენილი დოკუმენტები

დოკუმენტი პასუხისმგებელი პირები

პირადი ნომერი

სერია და ნომერი განცხადება მივიღე ________________

დაბეჭდვის თარიღი იდენტურობა დავუდგინე __________

მოქმედების ვადა დავბეჭდე _________________________

გაცემის თარიღი გავეცი _____________________________

გამცემი სამსახური

სისწორე შევამოწმე და მივიღე _________________

ხელმოწერა

ფორმა №2

________________________________________________________________________ტერიტორიული ორგანოს დასახელება

პირადობის (ბინადრობის) მოწმობებისა და პასპორტების გაცემის აღრიცხვის

ჟურნალი

დაწყება „––––––”––––––––––––––––––––––– 200 წ.

დამთავრება „––––––”––––––––––––––––––––––– 200 წ.

გასაცემი დოკუმენტის დასახელება ––––––––––––––––––––––––––––––––––––––––––––

რიგითი №

ბლანკის სერია და ნომერი

გაცემის თარიღი

გვარი, სახელი

დაბადების

ების წელი

პირადი ნომერი

მისამართი

შენიშვნა

ფორმა №2ა

__________________________________________________________________

სამსახურის დასახელება

მკაცრი აღრიცხვის ბლანკების მოძრაობისა და ხარჯვის აღრიცხვის

ჟურნალი

დაწყება „––––––”––––––––––––––––––––––– 200 წ.

დამთავრება „––––––”––––––––––––––––––––––– 200 წ.

ბლანკის სახეობა ––––––––––––––––––––––––––––––––––––––––––––––

შემოსვლა	ხ ა რ ჯ ვ ა	ნ ა შ თ ი
შემოსვლის (მიღების) თარიღი	ბლანკების (შტამპების) გამცემი სამსახურის დასახელება	მიღებული ბლანკები №-დან №-მდე	რაოდენობა	გაცემის თარიღი	გაცემული ბლანკები №-დან №-მდე	რაოდენობა	პასუხისმგებელი პირის ხელმოწერა მიღებაზე	თარიღი	დარჩენილია №-დან №-მდე	რაოდენობა	შენიშვნა
1	2	3	4	5	6	7	8	9	10	11	12

ფორმა №2ბ

სრს ტერიტორიული სამსახური

(ივსება ელექტრონული ფორმით)

პერიოდი 00/00/0000 – 00/00/0000

მკაცრი აღრიცხვის ბლანკი –-------- დიაპაზონი: 000000 - 000000

სულ გაიხარჯა – 0 ; მათ შორის გაიცა – 0 , ტექნიკურად დაზიანდა - 0 ბლანკი

ბლანკი	გაცემის თარიღი	გვარი	სახელი	მამის სახელი	დაბადების თარიღი	პირადი ნომერი	მისამართი	დღე/ თანხა	ტექწუნი

მთავარი სპეციალისტი \ \

სამსახურის უფროსი \ \ “

ფორმა №3

საცხოვრისის მესაკუთრის (დამქირავებლის)

თანხმობა

საქართველოს მოქალაქის (საქართველოში მცხოვრები უცხოელის) რეგისტრაციაზე

მე, ________________________________________________________________ (სახელი და გვარი),

პირადი №

პირადობის (ბინადრობის) მოწმობის სერია № ______________________________________________________

თანახმა ვარ ჩემს საკუთრებაში (სარგებლობაში) არსებულ ბინაში (სახლში) მისამართზე __________________

______________________________________________________________________________________________________

_______________________ ___________________________________________ ________ (უჩვენეთ ზუსტი მისამართი)

რეგისტრირებულ იქნეს:

სახელი ___________________________________________ გვარი ___________________________________________

დაბადების თარიღი ______________________________მოქალაქეობა _______________________________________

პირადი №

თანხმობას ვადასტურებ ჩემი პირადი ხელმოწერით:

____________________________(ხელმოწერა)

"___" _________________ 201__ წ."

ფორმა №4

პირის რეგისტრაციაში გატარების სააღრიცხვო ბარათი

რეგისტრაციის ბარათი

1. გვარი __________________________________ 2. სახელი _____________________________

3. მამის სახელი _____________________________________ 4. სქესი

მმ

მდ

5. ____________________________________________________________________________

გამოცვლილი გვარი, სახელი, მამის სახელი

დაბადების წელი

რიცხვი

თვე

7. ___________________________________________________________________________

დაბადების ადგილი

8. მოქალაქეობა _______________________________________________________________

9. პირადი №

10. რეგისტრირებულია მისამართზე

_____________________________________________________________________________

ზუსტი მისამართი

_____________________________________________________________________________

11. წინა რეგისტრაციის ადგილი ______________________________________________

_____________________________________________________________________________

ქალაქი, რაიონი, მისამართი

_____________________________________________________________________________

12. პირადობის (ბინადრობის)

მოწმობის სერია, №

გაცემის თარიღი _________________________________

რეგისტრაციის თარიღი "–––" ––––––––––––––––– 200 –– წ.

რეგისტრაციიდან აღმნიშვნელი შტამპის ადგილი

ბ.ა.

ფორმა №5

წინა მხარე

რეგისტრაციიდან მოხსნის ბარათი

1. გვარი ______________________________________________________________________

2. სახელი _________________________________________________________

3. მამის სახელი __________________________________ 4. სქესი

მმ

მდ

5. ____________________________________________________________________________

გამოცვლილი გვარი, სახელი, მამის სახელი

დაბადების წელი

რიცხვი

თვე

7. დაბადების ადგილი ––––––––––––––––––––––––––––––––––––––––––––––––––––––––––––––

8. მოქალაქეობა ––––––––––––––––––––––––––––––––––––––––––––––––––––––––––––––––––––

9. პირადი №

10. პირადობის (ბინადრობის)

მოწმობის სერია, №

11. რეგისტრირებული იყო მისამართზე __________________________________________________

მისამართი

–––––––––––––––––––––––––––––––––––––––––––––––––––––––––––––––––––––––––––––––––––––

12. რეგისტრაციიდან მოხსნის საფუძველი:––––––––––––––––––––––––––––––––––––––––––––––

148X104 მმ

უკანა მხარე

რეგისტრაციიდან მოხსნის თარიღი “ –––––” –––––––––––––––– 200 წ.

რეგისტრაციიდან მოხსნის აღმნიშვნელი შტამპის ადგილი

ბ.ა.

ფორმა №6

(ამოღებულია)

ფორმა №7

(ამოღებულია)

ფორმა №8

წინა მხარე

საინფორმაციო ბარათი

I. მ ო თ ხ ო ვ ნ ა

საინფორმაციო-სამისამართო სამსახურის მონაცემების შემოწმების თაობაზე

გვარი –––––––––––––––––––––––––––––––––––––––––––––––––––––––––––––––––––––––––––––––––

სახელი ––––––––––––––––––––––––––––––––––––––––––––––––––––––––––––––––––––––––––––––––

მამის სახელი –––––––––––––––––––––––––––––––––––––––––––––––––––––––––––––––––––––––––––

დაბადების თარიღი –––––––––––––––––––––––––––––––––––––––––––––––––––––––––––––––––––––

დაბადების ადგილი –––––––––––––––––––––––––––––––––––––––––––––––––––––––––––––––––––––

ინფორმაცია მოგვაწოდეთ მოთხოვნის უკანა მხარეზე შემოხაზული გრაფების მიხედვით.

____________________________________________________________________________________________

(მონაცემების შემოწმებით დაინტერესებული ორგანოს დასახელება)

თანამდებობის პირის ხელმოწერა –––––––––––––––––––––––––––––––––––––––––––––––––––––––––

„____“ ______________________ 200 წ.

გაცემის თარიღი

ბ.ა.

უკანა მხარე

II. საინფორმაციო-სამისამართო სამსახურის

მ ო ნ ა ც ე მ ე ბ ი :

1. გვარი _________________________________________________________________________________

2. სახელი __________________________________ 3. სქესი

მმ

მდ

4. მსგავსი გვარი და სახელი –––––––––––––––––––––––––––––––––––––––––––––––––––––––––––––––––

დაბადების წელი

რიცხვი

თვე

6. დაბადების ადგილი _______________________________________________________________________________

7. მოქალაქეობა ___________________________________________________________________________________

8. პირადი №

9.პირადობის (ბინადრობის)

მოწმობის სერია, №

10. რეგისტრაციის ადგილი და თარიღი _____________________________________________________________

11. რეგისტრაციის მოწმობის № ____________________________________________________________________

12. რეგისტრაციის მოხსნის თარიღი ________________________________________________________________

12. სხვა მონაცემები _______________________________________________________________________________

გვარის გამოცვლა,

___________________________________________________________________________________________________

წინა რეგისტრაციის ადგილი და ა.შ.

___________________________________________________________________________________________________

მონაცემები შეამოწმა და ინფორმაცია გასცა: _________________________________________________________

გვარი და ინიციალები

____________________________

თარიღი

148X104

ფორმა №9

(ამოღებულია)

ფორმა №10

ა ნ გ ა რ ი შ ი

სამოქალაქო რეესტრის სააგენტოს ___________ სამსახური

20 წლის ______________ გაწეული მუშაობის შესახებ

№

გაცემული დოკუმენტის სახე

რაოდენობა

თანხა

გაცემული პირადობის მოწმობების რაოდენობა
და დაჩქარებული წესით გაცემის საფასური

მათ შორის

განცხადების შემოტანის დღესვე

განცხადების შემოტანიდან 24 საათის გასვლისთანავე

განცხადების შემოტანიდან მე-3 დღეს

განცხადების შემოტანიდან მე-5 დღეს

განცხადების შემოტანიდან მე-10 დღეს

XXXXXX

გაცემული მუდმივი ბინადრობის მოწმობის რაოდენობა და საფასურის სახით შემოსული თანხა

მათ შორის

უცხო ქვეყნის მოქალაქეებზე

მოქალაქეობის არმქონე პირებზე

III

გაცემული დროებითი ბინადრობის მოწმობის რაოდენობა

XXXXXX

რეგისტრაციის დადგენილი წესებისა და სხვა სახის ადმინისტრაციული სამართალდარღვევებისათვის შედგენილი ოქმები; ჯარიმის სახით ბიუჯეტში შეტანილი თანხა

მათ შორის

რეგისტრაციის წესების დარღვევისათვის

დაკარგული პირადობის (ბინადრობის) მოწმობისათვის

მოხსნილია რეგისტრაციიდან საქართველოს მოქალაქე, მოქალაქეობის არმქონე პირი და უცხო ქვეყნის მოქალაქე

მათ შორის

საცხოვრებელი ადგილის შეცვლასთან დაკავშირებით

გარდაცვალებასთან დაკავშირებით

სხვა შემთხვევები

საანგარიშო პერიოდში მინიჭებული ბოლო პირადი ნომერი

__________________________ სამსახურის უფროსი _______________________________ ____________________

გვარი, სახელი ხელმოწერა

„____" „____________“ 20 წ.

ბ.ა.

მონაცემები მივიღე და სისწორე შევამოწმე _______________________________ __________________________

გვარი, სახელი ხელმოწერა

შენიშვნა: ანგარიში წარმოდგენილი უნდა იქნეს სამოქალაქო რეესტრის სააგენტოს საპასპორტო და მოსახლეობის რეგისტრაციის სამმართველოში ყოველი თვის 2 რიცხვამდე.

ფორმა №11

ა ნ გ ა რ ი შ ი

სამოქალაქო რეესტრის სააგენტოს ___________ სამსახურის

201 წლის ___________ გაწეული მუშაობის შესახებ

№

ბიომეტრიული დოკუმენტების პერსონალიზაციის ცენტრების მიერ გაწეული მომსახურების სტატისტიკა პასპორტის ტიპის და მომსახურების საფასურის მიხედვით

გაცემული პასპორტების რაოდენობა

თანხა

ბიომეტრიული პასპორტი

ბიომეტრიული სამგზავრო პასპორტი

ბიომეტრიული დიპლომატიური პასპორტი

ბიომეტრიული სამსახურებრივი პასპორტი

ბიომეტრიული სამგზავრო დოკუმენტი

32-გვერდიანი პასპორტი

48-გვერდიანი პასპორტი

პასპორტების გაცემის ვადები და საფასურის სახით შემოსული თანხა

მათ შორის

განცხადების შემოტანის დღესვე

განცხადების შემოტანიდან 24 საათის გასვლისთანავე

განცხადების შემოტანიდან მე-3 დღეს

განცხადების შემოტანიდან მე-5 დღეს

განცხადების შემოტანიდან მე-10 დღეს

სრული ღირებულებით

ნახევარი ღირებულებით

უფასო

ელექტრონული ფორმით მიღებული განცხადება

წარმომადგენლის მეშვეობით

განცხადების შემოტანიდან მე-5 დღეს

განცხადების შემოტანიდან მე-10 დღეს

ბიომეტრიული დოკუმენტების პერსონალიზაციის ცენტრების მიერ გაწეული მომსახურების სტატისტიკა პასპორტის ტიპის და ტერიტორიული სამსახურების მიხედვით

_____________ ბიომეტრიული დოკუმენტების პესონალიზაციის ცენტრი ____________ ___________

^{გვარი, სახელი ხელმოწერა}

„____ „____________“ 20 წ.

ბ. ა.

მონაცემები მივიღე და სისწორე შევამოწმე ___________________ __________________

^{გვარი, სახელი}^{ხელმოწერა}

სამახსოვრო ბარათი

მოქ. _______________________________________ -ს

(გვარი და სახელი)

თქვენი განცხადება პირადობის (ბინადრობის) მოწმობის, პასპორტის გაცემის (შეცვლის, აღდგენის, მოქმედების ვადის გაგრძელების), თაობაზე მიღებული და რეგისტრირებულია.

რეგისტრაციის №_____მიღების თარიღი _________________

პირადობის (ბინადრობის) მოწმობის, პასპორტის

მისაღებად

გამოცხადების თარიღი: „_____“___________________ 200 წ.

განცხადება და თანდართული საბუთები მიიღო:

_____________________________________________________

(საპასპორტო სამსახურის დასახელება)

_____________________________________________________

(ხელმოწერა, გვარი)

საკონტაქტო ტელეფონის №: _____________________

ამონარიდი საქართველოს კანონიდან „სამოქალაქო რეესტრის სააგენტოს მიერ გაწეული მომსახურებისათვის დაწესებული საფასურის შესახებ“.

მუხლი 5. საფასურის განაკვეთები და მომსახურების ვადები

1. საქართველოს მოქალაქის პასპორტის:

ა) განაცხადის შეტანიდან მე-10 დღეს გაცემისათვის 32-გვერდიან პასპორტზე სახელმწიფო ბაჟი 35 ლარია, 48-გვერდიან პასპორტზე – 40 ლარი, ხოლო მომსახურების საფასური არ გადაიხდევინება;

ბ) განაცხადის შეტანიდან მე-5 დღეს გაცემისათვის 32-გვერდიან პასპორტზე სახელმწიფო ბაჟი 35 ლარია, 48-გვერდიან პასპორტზე – 40 ლარი, ხოლო მომსახურების საფასურის განაკვეთი – 25 ლარი;

გ) განაცხადის შეტანიდან მე-3 დღეს გაცემისათვის 32-გვერდიან პასპორტზე სახელმწიფო ბაჟი 35 ლარია, 48-გვერდიან პასპორტზე – 40 ლარი, ხოლო მომსახურების საფასურის განაკვეთი – 55 ლარი;

დ) განაცხადის შეტანიდან 24 საათის გასვლისთანავე გაცემისათვის 32-გვერდიან პასპორტზე სახელმწიფო ბაჟი 35 ლარია, 48-გვერდიან პასპორტზე – 40 ლარი, ხოლო მომსახურების საფასურის განაკვეთი – 125 ლარი;

ე) განაცხადის შეტანის დღესვე გაცემისათვის 32-გვერდიან პასპორტზე სახელმწიფო ბაჟი 35 ლარია, 48-გვერდიან პასპორტზე – 60 ლარი, ხოლო მომსახურების საფასურის განაკვეთი – 170 ლარი.

2. საქართველოს მოქალაქის პირადობის მოწმობისა და საქართველოში მუდმივად მცხოვრები უცხო ქვეყნის მოქალაქის და მოქალაქეობის არმქონე პირის ბინადრობის მოწმობის:

ა) განაცხადის შეტანიდან მე-10 დღეს გაცემისათვის მომსახურების საფასური არ გადაიხდევინება;

ბ) განაცხადის შეტანიდან მე-5 დღეს გაცემისათვის მომსახურების საფასურის განაკვეთია 5 ლარი;

გ) განაცხადის შეტანიდან მე-3 დღეს გაცემისათვის მომსახურების საფასურის განაკვეთია 10 ლარი;

დ) განაცხადის შეტანიდან 24 საათის გასვლისთანავე გაცემისათვის მომსახურების საფასურის განაკვეთია 25 ლარი;

ე) განაცხადის შეტანის დღესვე გაცემისათვის მომსახურების საფასურის განაკვეთია 50 ლარი.

3. საზღვარგარეთ მყოფ საქართველოს მოქალაქის მიერ წარმომადგენლის მეშვეობით პასპორტის განცხადების შეტანიდან:

ა) განაცხადის შეტანიდან მე-10 დღეს გაცემისათვის სახელმწიფო ბაჟი 35 ლარია, ხოლო მომსახურეობის საფასური – 70ლარი;

ბ) განაცხადის შეტანიდან მე–5 დღეს გაცემისათვის სახელმწიფო ბაჟი 35 ლარია, ხოლო მომსახურეობის საფასური – 120ლარი;

იუსტიციის სამინისტროს სამოქალაქო რეესტრის სააგენტო

ორგანოს დასახელება) ––––––––––––––––––––––––––––––––––––––––––––––––––––––

გაუქმებული ბლანკებისა და ვადაგასული დოკუმენტების განადგურების

ოქმი № _________

„_______” ___________________ 200 წ. ქ. ______________________________

ჩვენ, მუდმივმოქმედი კომისიის წევრებმა:

1. ______________________________________________________________________________

2. ______________________________________________________________________________

3. ______________________________________________________________________________

4. ______________________________________________________________________________

5. ______________________________________________________________________________

შევადგინეთ ეს ოქმი ქვემოთ ჩამოთვლილი ბლანკებისა და ვადაგასული დოკუმენტების სპეციალურ დანადგარზე ან დაწვის გზით (სწორი პასუხი შემოხაზეთ) განადგურების თაობაზე.

№

განადგურებული დოკუმენტის დასახელება, სერია, ნომერი და თარიღი

გვარი და სახელი პირისა, რომელზედაც განადგურებული დოკუმენტი ან მასალა იყო შედგენილი

შენიშვნა

კომისიის თავმჯდომარე: 1. ________________________________________________

კომისიის წევრები: 2. ________________________________________________

3. ________________________________________________

4________________________________________________

5. ________________________________________________

290X210 მმ

ო ქ მ ი

რეგისტრაციის წესების დარღვევის შესახებ

„____“ _____________ 200 წ. ____________________________________________

ოქმის შედგენის ადგილი

სამოქალაქო რეესტრის სააგენტოს _____________________________________________________________________________

(სამსახურის დასახელება,

_____________________________________________________________________________________________________________

ოქმის შემდგენი პირის თანამდებობა, სახელი, გვარი)

საქართველოს ადმინისტრაციულ სამართალდარღვევათა კოდექსის 239-ე მუხლის -- პუნქტის შესაბამისად, ვიხელმძღვანელე რა ადმინისტრაციულ სამართალდარღვევათა კოდექსის 240-ე მუხლის მოთხოვნებით,

მოქალაქე _____________________________________________________________________________________________________

(გვარი, სახელი, დაბადების თარიღი, სქესი, საცხოვრებელი ადგილი,

_____________________________________________________________________________________________________________

პირადობის დამადასტურებელი დოკუმენტი (დასახელება, როდის, სად და ვის მიერაა გაცემული)

_____________________________________________________________________________________________________________

შევუდგინე ოქმი შემდეგზე:

_____________________________________________________________________________________________________________

(დარღვევის არსი, ადგილი, დრო, ადმინისტრაციულ სამართალდარღვევათა კოდექსის მუხლი, რომელიც

_____________________________________________________________________________________________________________

ითვალისწინებს პასუხისმგებლობას ამ ქმედებისათვის)

_____________________________________________________________________________________________________________

სამართალდამრღვევს _______________________ ოქმის შედგენამდე განემარტა საქართველოს ადმინისტრაციულ სამართალდარღვევათა კოდექსის 252-ე მუხლით გათვალისწინებული უფლება-მოვალეობები: გაეცნოს საქმის მასალებს, მისცეს ახსნა-განმარტებანი, წარადგინოს მტკიცებულებანი, განაცხადოს შუამდგომლობანი, ისარგებლოს ადვოკატის იურიდიული დახმარებით, გამოვიდეს დედაენაზე ან ისარგებლოს თარჯიმანის მომსახურებით, გაასაჩივროს მიღებული დადგენილება, დაესწროს ადმინისტრაციული სამართალდარღვევის საქმის განხილვას.

დამრღვევის ხელმოწერა: ______________________________

(სახელი, გვარი)

დამრღვევის ახსნა-განმარტება

_____________________________________________________________________________________________________________

დამრღვევის ხელმოწერა: ____________________________________

(სახელი, გვარი)

ოქმს გავეცანი, იგი შედგენილია სრულად და სწორად, მასში რაიმე დამატების ან დაზუსტების შეტანა არ მსურს.

დამრღვევის ხელმოწერა: __________________________________________

(სახელი, გვარი)

ოქმი შევადგინე __________________________________________

(თანამდებობა)

__________________________________________

(სახელი, გვარი)

დანართი №5

სამოქალაქო რეესტრის სააგენტოს ტერიტორიული სამსახურების მიერ გამოყენებული მკაცრი აღრიცხვის ბლანკების შენახვისა და აღრიცხვის წესები

1. ამ ინსტრუქციით გათვალისწინებული, ყველა სახეობის პირადობის დამადასტურებელი დოკუმენტი (პირადობის, ბინადრობის მოწმობა, პასპორტი, სამგზავრო პასპორტი, სამგზავრო დოკუმენტი) წარმოადგენს მკაცრი აღრიცხვის ბლანკს, რომელიც ინახება გარეშე ხელყოფისა და ხანძრისაგან დაცვის სპეციალური სასიგნალო და ტექნიკური საშუალებებით აღჭურვილ სათავსში. ბლანკების დაცულ მდგომარეობაში შენახვის უზრუნველყოფაზე პასუხისმგებელია იმ ტერიტორიული სამსახურის უფროსი, რომელსაც ერიცხება ეს ბლანკები.

2. ყველა სახის მკაცრი აღრიცხვის ბლანკების შემოსვლა ტერიტორიულ სამსახურში, გადაცემა ამ სამსახურის თანამშრომლებზე და ხარჯვა (გაფორმებული დოკუმენტის გაცემა) აღირიცხება ამ ინსტრუქციით დადგენილი წესით. ამ წესების დაუცველობა და დარღვევა გამოიწვევს შესაბამისი თანამდებობის პირის დისციპლინურ პასუხისმგებლობას.

„3. უფლებამოსილი თანამდებობის პირის მიერ საწყობიდან მიღებული ბლანკების მთელი მარაგი, ზედდებულში აღნიშნული ნომრების და რაოდენობის მითითებით, მიღების დღესვე აღირიცხება ამ დანართით გათვალისწინებულ სააღრიცხვო ჟურნალში (ფორმა №2ა). იმავე ჟურნალში აღირიცხება მიღებული ბლანკების განაწილება შესაბამის თანამდებობის პირებზე, ამ უკანასკნელთა გვარების, მათზე გაცემული ბლანკების ნომრების და რაოდენობის მითითებით.“;

4. შეფუთული და დალუქული ბლანკების შეკვრა იხსნება კომისიური წესით და გახსნის წინ მოწმდება გულდასმით. ლუქის მთლიანობის დარღვევის ან უსანქციო ხელყოფის სხვა ნიშნების აღმოჩენის შემთხვევაში დაუყოვნებლივ უნდა იქნეს შედგენილი სათანადო ოქმი უფლებამოსილი თანამდებობის პირების მიერ, რომელიც შეკვრის თანხლებით შემდგომი რეაგირებისათვის გადაეცემა სააგენტოს ლოჯისტიკის სამსახურს.

5. კომისიური წესით გახსნის შემდეგ ყურადღებით მოწმდება შეკვრაში მოთავსებული ბლანკების რაოდენობა, ნომრების თანმიმდევრობა და შესაბამისობა ზედდებულში მითითებულ ნომრებთან და რაოდენობასთან. თუ შეკვრაში მოთავსებული ბლანკების ნომრების თანმიმდევრობა დარღვეულია, გამოტოვებულია ან განმეორებულია ერთი ან მეტი ნომერი, რაც შესაბამისად ბლანკის (ბლანკების) ნაკლებობაში ან მეტობაში იქნება გამოხატული, შედგენილი უნდა იქნეს სათანადო ოქმი. ანალოგიური ოქმი ფორმდება იმ შემთხვევაში, თუ შეკვრაში აღმოჩნდა ერთი ან მეტი წუნდებული, უხარისხოდ დამზადებული ბლანკი. ორივე შემთხვევაში ოქმი, ბლანკების დამამზადებელი ორგანიზაციის ინფორმირებისა და შესაბამისი ზომების მიღების მიზნით, მოხსენდება სააგენტოს ლოჯისტიკის სამსახურს. ოქმს თან უნდა ერთოდეს გახსნილი ბლანკების მთლიანი შეკვრა.

„6. ტერიტორიული სამსახურების უფლებამოსილი თანამდებობის პირები მათზე რიცხული ბლანკების ყოველდღიურ ხარჯვას და გაფორმებული დოკუმენტების მოქალაქეებზე გაცემას აღრიცხავენ ამ დანართით გათვალისწინებულ მატერიალურ და/ან ელექტრონულ ჟურნალებში (ფორმა №2 და ფორმა №2ბ).”.

7. ამ დანართით გათვალისწინებული სააღრიცხვო ჟურნალების წარმოებისას აუცილებელია შემდეგი წესების გათვალისწინება:

ა) ყოველი სახეობის ბლანკების აღრიცხვა უნდა წარმოებდეს ცალკე ჟურნალში;

ბ) ჟურნალის ყველა გრაფა უნდა ივსებოდეს ყურადღებით, სრულად და შეცდომების გარეშე. დაუშვებელია ჩანაწერებში შესწორების შეტანა, თუ იგი არ არის დამოწმებული ჟურნალის წარმოებაზე პასუხისმგებელი თანამდებობის პირის მიერ და არ არის განმარტებული მიზეზი;

გ) სააღრიცხვო ჟურნალის ფურცლები უნდა იყოს დანომრილი, ზონარგაყრილი, ლუქით დამაგრებული და რეგისტრირებული სააგენტოს კანცელარიაში;

დ) ბლანკების ხარჯვის აღრიცხვა უნდა წარმოებდეს მათი ნომრების მზარდი თანმიმდევრობის მიხედვით იმ დიაპაზონის ფარგლებში, რომელიც ერიცხება შესაბამის სამსახურს ან თანამდებობის პირს.

8. ბეჭდვის (შევსების) პროცესში ბლანკის ტექნიკურად დაზიანების შემთხვევაში ფორმდება სათანადო ოქმი უფლებამოსილი თანამდებობის პირების მიერ. დაზიანებული ბლანკის ნომერი მიეთითება პირადობის (ბინადრობის) მოწმობებისა და პასპორტების გაცემის აღრიცხვის ჟურნალში (ფორმა №2) იმ ადგილას, სადაც ამ ნომრის მქონე ბლანკის შესახებ ჩანაწერი უნდა ყოფილიყო შეტანილი, ხოლო შენიშვნების გრაფაში კეთდება შესაბამისი ჩანაწერი ბლანკის დაზიანების შესახებ. დაზიანებული ბლანკი ნადგურდება დადგენილი წესის შესაბამისად, ხოლო ოქმი ინახება სააგენტოს კანცელარიაში (არქივში).

საქართველოს იუსტიციის მინისტრის 2009 წლის 28 ივლისის ბრძანება №149 - სსმ III, №94, 29.07.2009წ., მუხ.1002

9. ბლანკის დაზიანება მისი არასწორი შევსების ან სხვა დაუდევარი მოქმედების შედეგად გამოიწვევს შესაბამისი თანამდებობის პირის დისციპლინურ პასუხისმგებლობას.

10. ბლანკების მოძრაობასთან და ხარჯვასთან (გაცემასთან) დაკავშირებული, ამ დანართით გათვალისწინებული ყველა ოპერაცია ერთდროულად აღრიცხული და სრულად ასახული უნდა იქნეს კომპიუტერულ მონაცემთა ბანკში.

11. პირადობის დამადასტურებელი დოკუმენტების გაფორმება-გაცემით დაკავებული ყველა მუშაკი ვალდებულია პერიოდულად შეადგინოს ამ დანართით გათვალისწინებული დაბალანსებული ანგარიში წარმოებაში მიღებული, გახარჯული (გაცემული და ტექნიკურად დაზიანებული) და ნაშთის სახით დარჩენილი ბლანკების შესახებ. თითოეული სახეობის ბლანკზე ანგარიში უნდა შედგეს ცალ-ცალკე და ყოველი თვის ბოლოს მოხსენდეს შესაბამისი სამსახურის უფროსს.

12. ტერიტორიული სამსახურის უფროსი თავის მხრივ ვალდებულია შეჯამებული და დაბალანსებული ანგარიში შესაბამისი კომპიუტერული ინფორმაციის თანხლებით ყოველი თვის ბოლოს წარადგინოს სამოქალაქო რეესტრის სააგენტოში.

13. სააგენტოს საპასპორტო და მოსახლეობის რეგისტრაციის სამმართველო ვალდებულია სისტემატურად აკონტროლოს ბლანკების ხარჯვის კანონიერება და მდგომარეობა, განსაზღვროს დინამიკა და სათანადო ანალიზის საფუძველზე უზრუნველყოს სააგენტოს ხელმძღვანელობისათვის მოსახსენებელი ინფორმაციისა და წინადადებების მომზადება.

14. პირადობის დამადასტურებელი დოკუმენტების ტირაჟირებას და შესაბამისი სამსახურების მომარაგებას ყველა სახეობის ბლანკებით და საჭირო ტექნიკით უზრუნველყოფს სააგენტოს ლოჯისტიკის სამსახური.