სახელმწიფო სარეგისტრაციო კოდი 010.190.020.15.008.006.749
საქართველოს ცენტრალური საარჩევნო
კომისიის დადგენილება №57/2004
2004 წლის 7 ოქტომბერი
ქ. თბილისი
საქართველოს პარლამენტის 2004 წლის 24 ოქტომბრის შუალედური არჩევნებისათვის საარჩევნო სუბიექტთა რიგითობის დადგენის შესახებ
საქართველოს ორგანული კანონის „საქართველოს საარჩევნო კოდექსი” 25-ე მუხლის მე-2 პუნქტის საფუძველზე, საქართველოს ცენტრალური საარჩევნო კომისია ადგენს:
მუხლი 1
საქართველოს პარლამენტის 2004 წლის 24 ოქტომბრის შუალედური არჩევნებისათვის კანონით დადგენილი წესით რეგისტრირებული საარჩევნო სუბიექტების (პარტია/საარჩევნო ბლოკი) მიერ ერთმანდატიან საარჩევნო ოლქში წარდგენილ მაჟორიტარი დეპუტატობის კანდიდატებს მიენიჭოთ იგივე რიგითი ნომერი, რომელიც მათ წარმდგენ სუბიექტებს ჰქონდათ საქართველოს პარლამენტის 2004 წლის 28 მარტის ხელახალი არჩევნებისათვის.
მუხლი 2
ეს დადგენილება შეიძლება გასაჩივრდეს თბილისის საოლქო სასამართლოში (მისამართი: ქ. თბილისი, გრ. რობაქიძის გამზ. №7ა) მისი გამოქვეყნებიდან 3 კალენდარული დღის ვადაში.
მუხლი 3
ეს დადგენილება ამოქმედდეს გამოქვეყნებისთანავე.
კომისიის თავმჯდომარის
მოვალეობის შემსრულებელი ზ. ნონიკაშვილი
კომისიის მდივანი კ. კვიტაიშვილი