“საქართველოს ლტოლვილთა და განსახლების სამინისტროს საზოგადოებასთან ურთიერთობის დეპარტამენტის დებულების დამტკიცების შესახებ”

“საქართველოს ლტოლვილთა და განსახლების სამინისტროს საზოგადოებასთან ურთიერთობის დეპარტამენტის დებულების დამტკიცების შესახებ”

 

( ძალადაკარგულია - 23.03.2021, № 01-22/ ნ )

 

საქართველოს ლტოლვილთა და განსახლების

მინისტრის ბრძანება №412

2004 წლის 4 ოქტომბერი

ქ. თბილისი

საქართველოს ლტოლვილთა და განსახლების სამინისტროს საზოგადოებასთან ურთიერთობის დეპარტამენტის დებულების დამტკიცების შესახებ

�საქართველოს მთავრობის სტრუქტურის, უფლებამოსილებისა და საქმიანობის წესის შესახებ� საქართველოს კანონის მე-18 მუხლის მე-2 პუნქტისა და საქართველოს მთავრობის 2004 წლის 29 მაისის №43 დადგენილებით დამტკიცებული საქართველოს ლტოლვილთა და განსახლების სამინისტროს დებულების მე-5 მუხლის მე-2 პუნქტის �ნ� ქვეპუნქტის შესაბამისად, ვბრძანებ:

1. დამტკიცდეს საქართველოს ლტოლვილთა და განსახლების სამინისტროს საზოგადოებასთან ურთიერთობის დეპარტამენტის თანდართული დებულება.

2. ეს ბრძანება ამოქმედდეს გამოქვეყნებისთანავე.

ე. ასტემიროვა

საქართველოს ლტოლვილთა და განსახლების სამინისტროს საზოგადოებასთან ურთიერთობის დეპარტამენტის

დ ე ბ უ ლ ე ბ ა

��� მუხლი 1. ზოგადი დებულებანი

1. საქართველოს ლტოლვილთა და განსახლების სამინისტროს (შემდგომში � სამინისტრო) საზოგადოებასთან ურთიერთობის დეპარტამენტი (შემდგომში � დეპარტამენტი) არის სამინისტროს სტრუქტურული ქვედანაყოფი, რომელიც თავის საქმიანობაში ხელმძღვანელობს საქართველოს კონსტიტუციით, �საქართველოს მთავრობის სტრუქტურის, უფლებამოსილებისა და საქმიანობის წესის შესახებ� და �საჯარო სამსახურის შესახებ� საქართველოს კანონებით, საქართველოს ზოგადი ადმინისტრაციული კოდექსით, სამინისტროს დებულებით, ამ დებულებითა და საქართველოს სხვა ნორმატიული აქტებით.

2. დეპარტამენტი ანგარიშვალდებულია საქართველოს ლტოლვილთა და განსახლების მინისტრისა და კურატორი მინისტრის მოადგილის წინაშე.

��� მუხლი 2. დეპარტამენტის ამოცანები

დეპარტამენტის ამოცანებია:

ა) სამინისტროს კომპეტენციის ფარგლებში ერთიანი სახელმწიფო პოლიტიკის შემუშავებისა და განხორციელების ინფორმაციული უზრუნველყოფა;

ბ) სამინისტროს საქმიანობის სტრატეგიისა და პოლიტიკის შემუშავებისა და განხორციელების ინფორმაციული უზრუნველყოფა;

გ) საზოგადოებრივი აზრის შესწავლა და ანალიზი;

დ) საზოგადოებაში გავრცელებული მოსაზრებების თაობაზე სამინისტროს პოზიციის დაფიქსირება;

ე) სამინისტროს ავტორიტეტის განმტკიცებისათვის ზრუნვა და სამინისტროს მიერ გაწეული საქმიანობის ანალიზი საზოგადოებრივი აზრის გათვალისწინებით;

ვ) კანონმდებლობის შესაბამისად, საჯარო ინფორმაციის ხელმისაწვდომობის უზრუნველყოფა;

ზ) მასობრივი ინფორმაციის საშუალებებთან, არასამთავრობო და სხვა საზოგადოებრივ ორგანიზაციებთან მინისტრისა და სამინისტროს ურთიერთობის უზრუნველყოფა და ხელშეწყობა;

თ) მოქალაქეებისა და საზოგადოების ინფორმირება სამინისტროს კომპეტენციას მიკუთვნებულ საკითხებზე;

ი) კომპეტენციის ფარგლებში, ნორმატიული აქტებისა და პროგრამების პროექტების მომზადება.

��� მუხლი 3. დეპარტამენტის უფლებამოსილებანი

დეპარტამენტი უფლებამოსილია:

ა) შეიმუშაოს დეპარტამენტის საქმიანობის გეგმა;

ბ) სახელმწიფო და ადგილობრივი ხელისუფლების ორგანოებისგან, დაწესებულებებისა და ორგანიზაციებისგან, თანამდებობის პირებისგან, სამინისტროს სტრუქტურული ქვედანაყოფებისგან გამოითხოვოს მასზე დაკისრებული ამოცანების შესასრულებლად აუცილებელი ინფორმაცია და დოკუმენტაცია კანონმდებლობით დადგენილი წესით;

გ) განიხილოს მოქალაქეთა განცხადებები, წერილები, საჩივრები და წინადადებები;

დ) მოაწყოს სემინარები, კონფერენციები, თავად მიიღოს მონაწილეობა ანალოგიურ ღონისძიებებში;

ე) თავისი საქმიანობის ეფექტურად წარმართვის მიზნით მოამზადოს და წარუდგინოს სამინისტროს ხელმძღვანელობას სათანადო პროგრამათა პროექტები.

��� მუხლი 4. დეპარტამენტის ხელმძღვანელობა

1. დეპარტამენტს ხელმძღვანელობს უფროსი, რომელსაც თანამდებობაზე ნიშნავს და თანამდებობიდან ათავისუფლებს მინისტრი. იგი უშუალოდ ექვემდებარება მინისტრსა და კურატორ მინისტრის მოადგილეს.

2. დეპარტამენტის უფროსი:

ა) ხელმძღვანელობს და წარმართავს დეპარტამენტის საქმიანობას;

ბ) ანაწილებს მოვალეობებს დეპარტამენტის საჯარო მოსამსახურეებს შორის და აძლევს მათ მითითებებს და განკარგულებებს;

გ) თვალყურს ადევნებს დეპარტამენტის მოსამსახურეების მიერ სამსახურებრივი მოვალეობების შესრულებას;

დ) ხელს აწერს ან ვიზას ადებს დეპარტამენტში მომზადებულ დოკუმენტებს;

ე) ანგარიშვალდებულია საქართველოს ლტოლვილთა და განსახლების მინისტრისა და კურატორი მინისტრის მოადგილის წინაშე;

ვ) წარმოადგენს დეპარტამენტს საკუთარი მოვალეობების შესრულებისას და დეპარტამენტის სახელით წარუდგენს დასკვნებს მინისტრსა და კურატორ მინისტრის მოადგილეს;

ზ) წარუდგენს სამინისტროს ხელმძღვანელობას წინადადებებს დეპარტამენტის სტრუქტურის, შტატების, მუშაობის ორგანიზაციის, დეპარტამენტის საჯარო მოსამსახურეების წახალისების ან დისციპლინური პასუხისმგებლობის დაკისრების თაობაზე;

თ) შუამდგომლობს დეპარტამენტის მოსამსახურეთა კვალიფიკაციის ამაღლების შესახებ;

ი) შუამდგომლობს იმ სახსრების გამოყოფის თაობაზე, რომლებიც საჭიროა დეპარტამენტის ამოცანების შესასრულებლად;

კ) ასრულებს სამინისტროს დებულებით, ამ დებულებითა და მინისტრის ან/და კურატორი მინისტრის მოადგილის მიერ განსაზღვრულ ამოცანებს.

��� მუხლი 5. დეპარტამენტის სტრუქტურა

1. დეპარტამენტი იყოფა სამმართველოებად, რომლებსაც ხელმძღვანელობენ სამმართველოს უფროსები.

2. სამმართველოს უფროსებს თანამდებობაზე ნიშნავს და თანამდებობიდან ათავისუფლებს მინისტრი.

3. დეპარტამენტის სამმართველოებია:

ა) მასმედიასთან ურთიერთობის სამმართველო;

ბ) მოქალაქეებთან ურთიერთობის სამმართველო;

4. მასმედიასთან ურთიერთობის სამმართველოს ამოცანებია:

ა) პრესაში, ტელე- და რადიომაუწყებლობაში სამინისტროს კომპეტენციას მიკუთვნებულ საკითხებზე გამოთქმული მოსაზრებების შესწავლა და ანალიზი;

�ბ) მასმედიის საშუალებებით საზოგადოების ოპერატიული ინფორმირება სამინისტროს კომპეტენციას მიკუთვნებული საქმიანობის განხორციელების თაობაზე;

გ) სამინისტროს საქმიანობასთან დაკავშირებით მასმედიაში გავრცელებულ მოსაზრებებზე პოზიციის გამოხატვა და შესაბამისი რეაგირება;

დ) მასმედიასთან ურთიერთობის სრულყოფის თაობაზე წინადადებების შემუშავება;

ე) სამინისტროს საქმიანობის შესახებ ინფორმაციული და საცნობარო ხასიათის მასალების (ბიულეტენები, ბუკლეტები და სხვ.) მომზადება.

5. მოქალაქეებთან ურთიერთობის სამმართველოს ამოცანებია:

ა) მოქალაქეთათვის პირველადი კონსულტაციის გაწევა სამინისტროს კომპეტენციას მიკუთვნებულ საკითხებზე;

ბ) ინფორმაციის მიწოდება მიზნობრივი ჯგუფების უფლება-მოვალეობათა შესახებ;

გ) სამინისტროში არსებული საჯარო ინფორმაციის გაცემა კანონით დადგენილ წესითა და ვადებში;

დ) არასამთავრობო ორგანიზაციებთან მჭიდრო ურთიერთობა და თანამშრომლობა;

ე) საზოგადოებრივი აზრის შესწავლა და ანალიზი, საზოგადოებრივი განწყობის შეფასება, საზოგადოებრივი აზრის გათვალისწინებით წინადადებების მომზადება სამინისტროს მუშაობის სრულყოფის მიზნით; საჯარო აზრზე ზეგავლენის მოხდენა ურთიერთთანხმობისა და გამჭვირვალობის კუთხით;

ვ) სამინისტროს საქმიანობის ძირითადი მიმართულებებისა და სამომავლო გეგმების თაობაზე საზოგადოების ინფორმირება;

ზ) სამინისტროს გარშემო არსებული სიტუაციის კვლევა და ანალიზი;

თ) სამინისტროს სტრუქტურული ქვედანაყოფების საქმიანობის ანალიზი საზოგადოებასთან ურთიერთობის სფეროში;

ი) სამინისტროს მიერ საზოგადოების წინაშე აღებულ ვალდებულებათა შესრულების ანგარიში.

6. დეპარტამენტის საჯარო მოსამსახურეებს თანამდებობაზე ნიშნავს და თანამდებობიდან ათავისუფლებს მინისტრი.

7. დეპარტამენტის საჯარო მოსამსახურეთა ფუნქციები განისაზღვრება თანამდებობრივი ინსტრუქციებით, რომელთაც ამტკიცებს მინისტრი.