სახელმწიფო სარეგისტრაციო კოდი 010.090.000.13.007.006.465
საქართველოს ცენტრალური საარჩევნო კომისიის
დადგენილება №47/2004
2004 წლის 19 აპრილი
ქ. თბილისი
საქართველოს ცენრალური საარჩევნო კომისიის თავმჯდომარის მოვალეობის შემსრულებლის არჩევის წესის შესახებ
საქართველოს ორგანული კანონის „საქართველოს საარჩევნო კოდექსის” 25-ე მუხლის მე-2 პუნქტის შესაბამისად, საქართველოს ცენტრალური საარჩევნო კომისია ადგენს:
მუხლი 1
იმ შემთხვევაში, თუ საქართველოს ცენტრალური საარჩევნო კომისიის თავმჯდომარეს შეუწყდა უფლებამოსილება ვადამდე, ცენტრალური საარჩევნო კომისია საქართველოს ორგანული კანონის „საქართველოს საარჩევნო კოდექსი”-ს 22(1) მუხლით დადგენილი წესით თავისი შემადგენლობიდან ირჩევს თავმჯდომარის მოვალეობის შემსრულებელს.
მუხლი 2
ამ დადგენილების პირველი მუხლით დადგენილი წესით არჩეულ საქართველოს ცენტრალური საარჩევნო კომისიის თავმჯდომარის მოვალეობის შემსრულებელს უფლებამოსილება შეუწყდება, როგორც კი ცენტრალური საარჩევნო კომისიის ახლადარჩეული (დანიშნული) თავმჯდომარე შეძლებს თავისი უფლებამოსილების განხორციელებას.
მუხლი 3
ეს დადგენილება შეიძლება გასაჩივრდეს თბილისის საოლქო სასამართლოში (ქ. თბილისი, გრ. რობაქიძის გამზ. №7ა) მისი გამოქვეყნებიდან 3 კალენდარული დღის ვადაში.
კომისიის თავმჯდომარე ზ. ჭიაბერაშვილი
კომისიის მდივანი დ. ქიტოშვილი