სახელმწიფო სარეგისტრაციო კოდი 200.010.000.11.117.006.355
საქართველოს ფინანსთა მინისტრის
ბრძანება №58
2004 წლის 11 თებერვალი
ქ. თბილისი
„საქართველოს ფინანსთა სამინისტროს საგადასახადო დეპარტამენტის მსხვილ გადამხდელთა ინსპექციაში გადასახადის გადამხდელთა შერჩევის პროცედურებისა და კრიტერიუმების შესახებ” დებულების დამტკიცების შესახებ” საქართველოს ფინანსთა მინისტრის 2002 წლის 16 ივლისის №223 ბრძანებაში დამატების შეტანის თაობაზე
„ნორმატიული აქტების შესახებ” საქართველოს კანონის 36-ე მუხლის საფუძველზე, ვბრძანებ:
1. „საქართველოს ფინანსთა სამინისტროს საგადასახადო დეპარტამენტის მსხვილ გადამხდელთა ინსპექციაში გადასახადის გადამხდელთა შერჩევის პროცედურებისა და კრიტერიუმების შესახებ” დებულების დამტკიცების შესახებ” საქართველოს ფინანსთა მინისტრის 2002 წლის 16 ივლისის სსმ III, 2002 წელი, №72, მუხ.672) №223 ბრძანებით (საქართველოს საკანონმდებლო მაცნე №72, III ნაწილი, მუხლი 672, 2002 წელი) დამტკიცებული დებულების მე-2 მუხლს დაემატოს მე-3 პუნქტი შემდეგი რედაქციით:
„3. ცალკეულ შემთხვევებში, ამ მუხლის პირველი პუნქტით განსაზღვრული კრიტერიუმების გაუთვალისწინებლად, მსხვილ გადამხდელთა ინსპექციაში გადასახადის გადამხდელთა საგადასახადო აღრიცხვაზე აყვანა ხორციელდება გადასახადის გადამხდელთა საქმიანობის სფეროებიდან გამომდინარე საქართველოს ფინანსთა მინისტრის ადმინისტრაციული აქტის საფუძველზე.”.
2. ეს ბრძანება ამოქმედდეს გამოქვეყნებისთანავე.
მინისტრის პირველი მოადგილე ზ. სოსელია