სახელმწიფო სარეგისტრაციო კოდი 360.160.000.11.103.005.996
საქართველოს გარემოსა და ბუნებრივი
რესურსების დაცვის
მინისტრის ბ რ ძ ა ნ ე ბ ა №74
2003 წლის 5 აგვისტო
ქ. თბილისი
ქალაქ თბილისის საზღვრებში და მიმდებარე ტერიტორიაზე არსებული მწვანე ნარგავების ჯგუფებში ხე-მცენარეების, ბუჩქებისა და ხვიარა მცენარეების სახეობების მიკუთვნების შესახებ
საქართველოს კანონის „ქალაქ თბილისის საზღვრებში და მიმდებარე ტერიტორიაზე არსებული მწვანე ნარგავებისა და სახელმწიფო ტყის ფონდის განსაკუთრებული დაცვის შესახებ“ მე-5 მუხლის მე-6 ქვეპუნქტის შესაბამისად, ვბრძანებ:
1. საქართველოს კანონის „ქალაქ თბილისის საზღვრებში და მიმდებარე ტერიტორიაზე არსებული მწვანე ნარგავებისა და სახელმწიფო ტყის ფონდის განსაკუთრებული დაცვის შესახებ“ მე-5 მუხლით განსაზღვრულ ჯგუფებს მიეკუთვნოს ხე-მცენარეების, ბუჩქებისა და ხვიარა მცენარეების შემდეგი სახეობები:
ა) მაღალი ღირებულების ფოთლოვან სახეობათა ხე-მცენარეების ჯგუფს – ძელქვა, მაგნოლია, ევკომია, პალმა;
ბ) დაბალი ღირებულების ფოთლოვან სახეობათა ხე-მცენარეების ჯგუფს – ვერხვი, ირმის რქა, მურყანი, ტირიფი, ნუში, ალვის ხე;
გ) წიწვოვან სახეობათა ხე-მცენარეების ჯგუფს – კრიპტომერია, სექვოია;
დ) ხილ-კენკროვან სახეობათა ხე-მცენაარების ჯგუფს – ხურმა, ნუში, კვრინჩხი, ზღმარტლი;
ე) ბუჩქებისა და ხვიარა მცენარეების ჯგუფს – ბზა (ყველა სახეობის), ჩიტვაშლა, ვაზი (ყველა სახეობის), იასამანი, შინდანწლა, სურო (ყველა სახეობის), გრაკლა, თრიმლი, ფშატი, ვარდი (ყველა სახეობის), იაპონური კომში, ბროწეული, დეიცია, ბუდლეია, ხე-ტუხტი, გლიცინია, ამპელოფსისი, პართენოცესუსი.
2. ეს ბრძანება ამოქმედდეს გამოქვეყნებისთანავე.
საფუძველი: ქ. თბილისის გარემოს დაცვისა და ბუნებრივი რესურსების რეგულირების კომიტეტის 28.01.2003 წლის №01-11/76 წერილი.
ნ. ჩხობაძე
შეტანილი ცვლილებები:
1. ძალადაკარგულია - საქართველოს გარემოს დაცვის მინისტრის 2011 წლის 12 სექტემბრის ბრძანება №43 - ვებგვერდი, 13.09.2011 წ.