საზოგადოებრივი წესრიგის დაცვისა და დამნაშავეობის წინააღმდეგ ბრძოლის საქმეში სამედიცინო გამოსაფხიზლებლებისა და შს სამმართველოების (განყოფილებების) მუშაობის ორგანიზაციის სრულყოფისა და ეფექტიანობის ამაღლების ღონისძიებების შესახებ

საზოგადოებრივი წესრიგის დაცვისა და დამნაშავეობის წინააღმდეგ ბრძოლის საქმეში სამედიცინო გამოსაფხიზლებლებისა და შს სამმართველოების (განყოფილებების) მუშაობის ორგანიზაციის სრულყოფისა და ეფექტიანობის ამაღლების ღონისძიებების შესახებ

საქართველოს შინაგან საქმეთა მინისტრის

ბრძანება № 563

1997 წლის 8 ოქტომბერი

ქ. თბილისი

საზოგადოებრივი წესრიგის დაცვისა და დამნაშავეობის წინააღმდეგ ბრძოლის საქმეში სამედიცინო გამოსაფხიზლებლებისა და შს სამმართველოების ( განყოფილებების ) მუშაობის ორგანიზაციის სრულყოფისა და ეფექტიანობის ამაღლების ღონისძიებების შესახებ

ქუჩებისა და საზოგადოებრივი თავშეყრის ადგილებში საზოგადოებრივი წესრიგის დაცვა ჯერ ვერ პასუხობს თანამედროვე მოთხოვნებს .

სამედიცინო გამოსაფხიზლებლებისა და პოლიციის დანაყოფების შესაბამისი სამსახურები სათანადოდ ვერ უზრუნველყოფენ სახელმწიფოსა და მოქალაქეთა ინტერესების ჯეროვან დაცვას .

სამსახურის შესრულების არასწორად შემუშავებულმა მეთოდებმა ხელი შეუწყო სისხლის სამართლის ზოგიერთი დანაშაულებების ზრდას . როგორც ანალიზი გვიჩვენებს , დანაშაულობათა უმეტესი ნაწილი ჩადენილია არაფხიზელ მდგომარეობაში , ან ნარკოტიკული ზემოქმედების ქვეშ მყოფი მოქალაქეების მიერ .

სამედიცინო გამოსაფხიზლებლების და შს დანაყოფების სამსახურის სრულყოფისა და მათი მუშაობის ეფექტიანობის ამაღლების მიზნით , ვ ბ რ ძ ა ნ ე ბ :

1. დამტკიცდეს " ინსტრუქცია საშუალო ან მძიმე ალკოჰოლური სიმთვრალეში მყოფ პირთა აყვანისა და სამედიცინო გამოსაფხიზლებელში მიყვანის წესის შესახებ ." ( თან ერთვის ).
2. საქართველოს შს მთავარი სამმართველოების , სამმართველოების , საქალაქო და რაიგანყოფილებების , სამედიცინო გამოსაფხიზლებლების უფროსებმა :

2.2 კრიტიკულად გააანალიზონ მათდამი დაქვემდებარებულ ტერიტორიაზე შექმნილი ოპერატიული ვითარება , ხელი შეუწყონ დისციპლინის განმტკიცებას , სხვადასხვა ნეგატიური მოვლენების წინააღმდეგ ბრძოლას , საზოგადოებრივი წესრიგის დაცვის სწორ ორგანიზაციას , ქუჩებისა და საზოგადოებრივი თავშეყრის ადგილებში დროულად აღკვეთონ ლოთობის , ნარკოტიკული ნივთიერებების გამოყენების , პროსტიტუციისა და სხვა სახის სამართალდარღვევების ფაქტები .

2.3. შინაგან საქმეთა დანაყოფების განწესებებმა სამედიცინო გამოსაფხიზლებლებში გადაიყვანონ მხოლოდ ის პირები , რომლების წარმოდგენაც გათვალისწინებულია საქართველოს კანონით " პოლიციის შესახებ ", დებულებით „ს ამედიცინო გამოსაფხიზლებლების შესახებ " და ინსტრუქციით " საშუალო ან მძიმე ალკოჰოლური სიმთვრალეში მყოფ პირთა აყვანისა და სამედიცინო გამოსაფხიზლებლებში მიყვანის წესის შესახებ ".

2.4. სამედიცინო გამოსაფხიზლებლებში წარმოდგენილი კონტინგენტის სრულყოფილი დიაგნოსტიკის , მომსახურებისა და მათი ჯანმრთელობის უსაფრთხოების მიზნით , აღნიშნულ დანაყოფებში შეიქმნას სათანადოდ აღჭურვილი სამედიცინო კაბინეტ - ლაბორატორიები .

3. კადრებთან და პირად შემადგენლობასთან მუშაობის მთავარმა სამმართველომ ( ზ . უროტაძე ) უზრუნველყოს კონტრაქტით ოთხ - ოთხი ექიმისა და ამავე რაოდენობის ექთნის საშტატო ერთეულების შემოღება .

4. მატერიალურ - ტექნიკური და ფინანსური უზრუნველყოფის დეპარტამენტმა ( ვ . დავითაია ) ჩაატაროს შსს სისტემაში არსებული სამედიცინო გამოსაფხიზლებლების შენობების სარემონტო სამუშაოები . მანვე უზრუნველყოს სამედიცინო კაბინეტ - ლაბორატორიების სამედიცინო ტექნიკით , ინვენტარითა და მედიკამენტებით აღჭურვა და მომარაგება .

5. წარმოდგენილი კონტინგენტის მომსახურების სპეციფიკიდან გამომდინარე, სამედიცინო სამმართველომ ( გ . აბესაძე ) უზრუნველყოს მომსახურე სამედიცინო პერსონალის დონის ამაღლება .

6. ბრძანება ძალაში შევიდეს ოფიციალური ბეჭდვით ორგანოში მისი გამოქვეყნებისთანავე .

7. ბრძანება დაიგზავნოს დანიშნულებისამებრ .

მ ი ნ ი ს ტ რ ი   კ . თარგამაძე

საქ . შსს

"8".10. I997 წელი .

ბრძანების დანართი

ი ნ ს ტ რ უ ქ ც ი ა

საშუალო ან მძიმე ალკოჰოლურ სიმთვრალეში მყოფ პირთა აყვანისა და სამედიცინო გამოსაფხიზლებელში მიყვანის წესის შესახებ

1. ქუჩებიდან და საზოგადოებრივი თავშეყრის სხვა ადგილებიდან საშუალო ან მძიმე ალკოჰოლური , ნარკოტიკული ან ტოქსიკური სიმთვრალის ნიშნების მქონე პირების აყვანისა და სამედიცინო გამოსაფხიზლებელში წარმოდგენას ახორციელებენ შს დანაყოფების განწესებები , რომლებიც უზრუნველყოფენ წესრიგის დაცვას .

2. სამედიცინო გამოსაფხიზლებლებში განწესებების ან სხვათა მიერ ქუჩებისა და საზოგადოებრივი თავშეყრის ადგილებიდან წარმოდგენილი მძიმე ან საშუალო ალკოჰოლური , ნარკოტიკული ან ტოქსიკური სიმთვრალის ნიშნების მქონე პირები , სამედიცინო გამოსაფხიზლებლის ექიმის დასკვნის შემდეგ , თუ ისინი არ ექვემდებარებიან გამოსაფხიზლებელში მოთავსებას , ექიმის მითითებით იმავე განწესების მიერ გადაყვანილი უნდა იქნენ შესაბამის სამკურნალო დაწესებულებებში , ხოლო იმ შემთხვევაში , როდესაც სამედიცინო გამოსაფხიზლებელში მოთავსებულ პირს გაუუარესდა ჯანმრთელობის მდგომარეობა და ადგილობრივი მედ . პერსონალი ვერ უზრუნველყოფს შესაბამის დახმარებას , ასეთი პირები სამედიცინო გამოსაფხიზლებლის მორიგის მითითებით მორიგი განწესების მიერ ექიმის თანდასწრებით გადაყვანილი უნდა იქნენ შესაბამის სამკურნალო დაწესებულებაში .

3. აკრძალულია ოჯახური კონფლიქტების ნიადაგზე მთვრალ მოქალაქეთა მიყვანა გამოსაფხიზლებელში უშუალოდ საცხოვრებელი ბინიდან .

4. განწესების უფროსი მთვრალ მდგომარეობაში მყოფი პირის მიყვანისას ღებულობს ზომებს , რომლებიც უზრუნველყოფენ მასთან არსებული ნივთების , დოკუმენტებისა და ფასეულობების დაცვას ( ფული , საათი , საიუველირო ნაკეთობანი და ა . შ .), რის შესახებაც დგება სათანადო ოქმი .

5. ავტომობილის სალონში მთვრალის ჩაჯენის წინ ეკიპაჟი უნდა დარწმუნდეს იმაში , რომ წასაყვან პირს არ აქვს თან ისეთი საგნები , რომლებიც შეიძლება გამოყენებულ იქნეს თავდასხმისათვის , თავისთვის ან სხვა მოქალაქეებისათვის დაზიანებების მიყენებისათვის .

6. სამედიცინო გამოსაფხიზლებელში მისაყვანი პირი , რომელსაც არ შეუძლია დამოუკიდებლად იმოძრაოს , გადაყვანილი უნდა იქნეს სპეციალური ავტომობილით. განწესებებმა ამ პირებს ავტომობილში ჩაჯდომისას უნდა აღმოუჩინოს საჭირო დახმარება . ავტომობილის სალონში ისინი უნდა მოთავსდნენ საჯდომებზე და უნდა დამაგრდნენ უსაფრთხოების ქამრით . 

7. მთვრალების აყვანის ფუნქციების შესასრულებლად განწესების მიერ ავტომობილის დატოვების შემთხვევაში მძღოლი - პოლიციელი ვალდებულია მიიღოს ავტომობილის გატაცების საწინააღმდეგო ზომები და უზრუნველყოს მუდმივი მეთვალყურეობა სალონში პირებზე .

8. სამედიცინო გამოსაფხიზლებელში მთვრალების მიყვანის დროს ეკიპაჟის ერთ - ერთი წევრი ვალდებულია იმყოფებოდეს სალონში და მუდმივი მეთვალყურეობა გაუწიოს მათ მოქმედებას და მდგომარეობას დაკავებულის ჯანმრთელობის გაუარესების შემთხვევაში იგი უნდა გადაეცეს ჯანმრთელობის დაცვის ორგანოს ახლომდებარე სამკურნალო დაწესებულებას .

9. აკრძალულია მთვრალ მოქალაქეთა სამედიცინო გამოსაფხიზლებლებში მიყვანა მოტოროლერებზე ან მოტოციკლეტებზე , თვითმცლელებზე და სხვა სატრანსპორტო საშუალებებზე , რომლებიც არ არიან მოწყობილი ადამიანთა გადაყვანისათვის .

10. ქუჩებსა და სხვა საზოგადოებრივ ადგილებში მთვრალ პირთა აღმოჩენისას , რომლებიც იმყოფებიან უგონო მდგომარეობაში , მძიმე მოწამვლის , ნარკოტიკული სიმთვრალის , ფსიქოზის სიმპტომებით , თავის ქალის დაზიანებით და სხეულის სხვა ნაწილის სახიფათო დაზიანებით , განწესებამ დაუყოვნებლივ უნდა გამოუძახოს ადგილზე სასწრაფო დახმარებას . ასეთ პირთა სამედიცინო გამოსაფხიზლებელში მიყვანა აკრძალულია .

11. დაკავებულთა გადაყვანის დროს სპეციალურ ავტომობილის ავარიის ან ცეცხლის გაჩენის შემთხვევაში განწესება ვალდებულია უპირველეს ყოვლისა გაიყვანოს გარეთ სალონში მყოფი პირები და მიიღოს ზომები ცეცხლის ლიკვიდაციისათვის არსებული ხანძარსაწინააღმდეგო საშუალებებით , აუცილებელ შემთხვევაში კი გამოიძახოს სახანძროს დაცვის რაზმი . განწესების მეთაურმა უნდა მოახსენოს შს განყოფილების მორიგეს . ხანძრის დროს დაზარალებულთათვის დახმარების აღმოჩენისათვის გამოძახებული უნდა იქნეს სასწრაფო სამედიცინო დახმარება .

12. საზოგადოებრივი თავშეყრის ადგილებში საშუალო ან მძიმე სიმთვრალის მდგომარეობაში მყოფი პირები გადაცემული უნდა იქნენ : სამხედრო მოსამსახურენი და შეკრებაზე გაწვეული სამხედროვალდებულნი , ფორმის ტანსაცმელში ჩაცმულები ან სამოქალაქო ტანსაცმელში მყოფნი , რომლებსაც გააჩნიათ პირადობის დამადასტურებელი საბუთები - სამხედრო კომენდატურის წარმომადგენლებს ; შინაგან საქმეთა ორგანოების , სახელმწიფო უშიშროების ორგანოებისა და პროკურატურის მუშაკები - შესაბამისი ორგანოების წარმომადგენლებს ; ქალები ორსულობის აშკარა ნიშნებით უნდა გადაიყვანონ სამკურნალო დაწესებულებებში .

13. სამედიცინო გამოსაფხიზლებლებში არასრულწლოვანთა მოთავსება აკრძალულია .

14. მთვრალ მდგომარეობაში მყოფი უცხო სახელმწიფოთა მოქალაქენი , რომლებიც
სარგებლობენ დიპლომატიური იმუნიტეტით , სამედიცინო გამოსაფხიზლებელში არ თავსდებიან . ასეთ პირთა აღმოჩენის შემთხვევაში ეკიპაჟის მეთაური ახსენებს ამ ი ს შესახებ შინაგან საქმეთა ორგანოს მორიგეს და მოქმედებს შემდეგ მისი მითითების შესაბამისად .  უცხო სახელმწიფოთა მოქალაქენი , რომლებიც არ სარგებლობენ დიპლომატიური იმუნიტეტით , მიყვანილი უნდა იქნენ სამედიცინო გამოსაფხიზლებელში საერთო წესის მიხედვით .

15. პირები , რომლებიც ეჭვმიტანილნი არიან დანაშაულთა ჩადენაში , სამედიცინო გამოსაფხიზლებელში არ თავსდებიან . ისინი გადაეცემიან შინაგან საქმეთა ორგანოს სამორიგეო ნაწილს .

შსს საზოგადოებრივი წესრიგის დაცვის

მთავარი სამმართველო