სახელმწიფო სარეგისტრაციო კოდი 100.020.010.11.106.005.874
საქართველოს იუსტიციის მინისტრის
ბრძანება №556
2003 წლის 12 ივნისი
ქ. თბილისი
,,საქართველოს იუსტიციის სამინისტროს სასჯელაღსრულების დეპარტამენტის დებულების დამტკიცების თაობაზე” საქართველოს იუსტიციის მინისტრის 2001 წლის 6 დეკემბრის №464 ბრძანებით დამტკიცებულ დებულებაში ცვლილებებისა და დამატებების შეტანის შესახებ
ნორმატიული აქტების შესახებ საქართველოს კანონის 36-ე მუხლის მოთხოვნათა შესაბამისად, ვბრძანებ:
I. “საქართველოს იუსტიციის სამინისტროს სასჯელაღსრულების დეპარტამენტის დებულების დამტკიცების თაობაზე” საქართველოს იუსტიციის მინისტრის 2001 წლის 6 დეკემბრის №464 ბრძანებით (სსმ III, 2001 წ., №132, მუხ. 945) დამტკიცებულ დებულებაში შეტანილ იქნეს შემდეგი სახის ცვლილება და დამატება:
1. მე-4 მუხლის ,,ზ” პუნქტი ჩამოყალიბდეს შემდეგი რედაქციით:
,,ზ) უფლებამოსილების ფარგლებში ახორციელებს მოსამსახურეთა მიღებას, დანიშვნას, გათავისუფლებას, გადაადგილებას, აღდგენას, მათ წახალისებას, პრემირებას და დისციპლინარული პასუხისმგებლობის დაკისრებას, აგრეთვე დადგენილი ნიმუშის სამსახურებრივი მოწმობების გაცემას;”.
2. მე-18 მუხლის მე-2 პუნქტის ,,ე” ქვეპუნქტი ჩამოყალიბდეს შემდეგი რედაქციით:
,,ე) უფლებამოსილების ფარგლებში უზრუნველყოფს სასჯელაღსრულების დეპარტამენტის და მის დაქვემდებარებაში მყოფი დაწესებულებების თანამშრომლებზე დადგენილი ნიმუშის სამსახურებრივი პირადობის მოწმობების გაცემას”.
II. ბრძანება ამოქმედდეს გამოქვეყნებისთანავე.
რ. გილიგაშვილი