სახელმწიფო სარეგისტრაციო კოდი 470.230.000.11.119.005.552
საქართველოს შრომის, ჯანმრთელობისა და სოციალური დაცვის მინისტრის ბრძანება №300/ნ
2002 წლის 31 ოქტომბერი
ქ. თბილისი
“დასაქმების სახელმწიფო სამსახურის თანამდებობათა დაკავების წესის განსაზღვრის შესახებ” საქართველოს შრომის, ჯანმრთელობისა და სოციალური დაცვის მინისტრის 2001 წლის 23 ივნისის №236/ნ ბრძანებაში დამატებების შეტანის თაობაზე
“დასაქმების სფეროში რეფორმის განხორციელების შესახებ” საქართველოს პრეზიდენტის 2001 წლის 22 თებერვლის №63 ბრძანებულების შესაბამისად, დასაქმების სახელმწიფო სამსახურის თანამდებობათა საკვალიფიკაციო მოთხოვნების განსაზღვრის მიზნით, ვბრძანებ:
1. “დასაქმების სახელმწიფო სამსახურის თანამდებობათა დაკავების წესის განსაზღვრის შესახებ” საქართველოს შრომის, ჯანმრთელობისა და სოციალური დაცვის მინისტრის 2001 წლის 23 ივნისის №236/ნ ბრძანების მე-6 პუნქტით დამტკიცებულ, დასაქმების სახელმწიფო სამსახურის საკონკურსო თანამდებობათა საკვალიფიკაციო მოთხოვნებში შეტანილ იქნეს შემდეგი დამატებები:
ა) მე-11 პუნქტს დაემატოს:
| ქალაქის საკოორდინაციო განყოფილების უფროსის მოადგილე
| უმაღლესი განათლების მქონე პირი, - ტესტირებისას დაგროვილ ქულათა რაოდენობა აღემატება 140-ს. |
ბ) მე-12 პუნქტს დაემატოს:
| იურიდიული სამმართველოს მთავარი სპეციალისტი
ქუთაისის საქალაქო განყოფილების უფროსის მოადგილე
| უმაღლესი იურიდიული განათლების მქონე პირი, - ტესტირებისას დაგროვილ ქულათა რაოდენობა აღემატება 130-ს.
უმაღლესი განათლების მქონე პირი, - ტესტირებისას დაგროვილ ქულათა რაოდენობა აღემატება 130-ს. |
გ) მე-14 პუნქტს დაემატოს:
| აფხაზეთის დასაქმების სამსახურის მთავარი სპეციალისტი
| უმაღლესი განათლების მქონე პირი, - ტესტირებისას დაგროვილ ქულათა რაოდენობა აღემატება 120-ს. |
დ) მე-15 პუნქტს დაემატოს:
| აფხაზეთის დასაქმების სამსახურის წამყვანი სპეციალისტი | უმაღლესი განათლების მქონე პირი, - ტესტირებისას დაგროვილ ქულათა რაოდენობა აღემატება 110-ს. |
2. ბრძანება ძალაშია გამოქვეყნების დღიდან.
ა. გამყრელიძე