სახელმწიფო სარეგისტრაციო კოდი 040.170.280.17.014.005.399
საქართველოს ფასიანი ქაღალდების ეროვნული კომისიის
დადგენილება №17
ქ. თბილისი
საქართველოს ფასიანი ქაღალდების ეროვნული კომისიის 2000 წლის 29 მარტის №5 დადგენილებასა და ამ დადგენილებით დამტკიცებულ “საბროკერო კომპანიებისათვის კაპიტალის ადეკვატურობის მოთხოვნათა შესახებ” წესში ცვლილებების შეტანის თაობაზე
“ფასიანი ქაღალდების ბაზრის შესახებ” საქართველოს კანონის 49-ე მუხლის პირველი პუნქტის “ა” ქვეპუნქტის მოთხოვნის შესაბამისად და საქართველოს ფასიანი ქაღალდების ბაზრის საერთაშორისო სტანდარტებამდე ეტაპობრივად განვითარებისათვის ხელშეწყობის მიზნით კომისიამ დაადგინა:
1. საქართველოს ფასიანი ქაღალდების ეროვნული კომისიის 2000 წლის 29 მარტის №5 დადგენილებას დაემატოს შემდეგი შინაარსის 21 პუნქტი:
“21. საბროკერო კომპანიებისათვის კაპიტალის ადეკვატურობის მოთხოვნათა შესახებ” წესის მე-3 მუხლის მე-2 პუნქტის “ა” ქვეპუნქტი ამოქმედდეს 2002 წლის 1 აგვისტოდან”.
2. საქართველოს ფასიანი ქაღალდების ეროვნული კომისიის 2000 წლის 29 მარტის №5 დადგენილებით დამტკიცებულ წესში “საბროკერო კომპანიებისათვის კაპიტალის ადეკვატურობის მოთხოვნათა შესახებ” შეტანილ იქნეს შემდეგი ცვლილება:
მე-3 მუხლის პირველი პუნქტის “ზ” ქვეპუნქტი ჩამოყალიბდეს შემდეგი რედაქციით:
“ზ) არალიკვიდური აქტივები შემდეგი ოდენობით: 2002 წლის 1 აგვისტოდან – 10%; 2004 წლის 1 იანვრიდან – 25%; 2005 წლის 1 იანვრიდან –50%; 2006 წლის 1 იანვრიდან – 75%; 2007 წლის 1 იანვრიდან და შემდეგ - 100 %;”
3. ეს დადგენილება ამოქმედდეს მისი გამოქვეყნების დღიდან.
4. ამ დადგენილების ამოქმედებასთან დაკავშირებით ძალადაკარგულად ჩაითვალოს საქართველოს ფასიანი ქაღალდების ეროვნული კომისიის 2000 წლის 29 მარტის №5 დადგენილების მე-2 პუნქტი.
კომისიის თავმჯდომარე მ. ჯიბუტი