ნოტარიუსების კანდიდატთა საკვალიფიკაციო გამოცდის ჩატარების წესისა და ნოტარიუსობის კანდიდატის კონკურსის წესით შერჩევის შესახებ დებულებებისა და ნოტარიუსობის კანდიდატთა საკვალიფიკაციო გამოცდის პროგრამის დამტკიცების თაობაზე

სახელმწიფო სარეგისტრაციო კოდი 170.050.000.11.106.005.338

საქართველოს იუსტიციის

მინისტრის ბრძანება №422

2002 წლის 6 ივნისი

ქ. თბილისი

ნოტარიუსობის კანდიდატთა საკვალიფიკაციო გამოცდების ჩატარების წესისა და ნოტარიუსობის კანდიდატის კონკურსის წესით შერჩევის შესახებ დებულებებისა და ნოტარიუსობის კანდიდატთა საკვალიფიკაციო გამოცდების პროგრამის დამტკიცების თაობაზე

„ნოტარიატის შესახებ“ საქართველოს კანონის მე-12 და მე-13 მუხლების საფუძველზე და მათ შესასრულებლად ვბრძანებ:

1. დამტკიცდეს „ნოტარიუსობის კანდიდატთა საკვალიფიკაციო გამოცდის ჩატარების წესის შესახებ თანდართული დებულება (დანართი №1).

2. დამტკიცდეს „ნოტარიუსობის კანდიდატის კონკურსის წესით შერჩევის შესახებ” თანდართული დებულება (დანართი №2);

3. დამტკიცდეს ნოტარიუსობის კანდიდატთა საკვალიფიკაციო გამოცდის პროგრამა (დანართი №3).

4. ეს ბრძანება ამოქმედდეს გამოქვეყნებისთანავე.

რ. გილიგაშვილი

შეტანილი ცვლილებები:

1. საქართველოს იუსტიციის მინისტრის 2004 წლის 14 სექტემბრის ბრძანება №1109-სსმIII, №101, 16.09.2004წ.; მუხ. 866

2. საქართველოს იუსტიციის მინისტრის 2006 წლის 19 ივნისის ბრძანება №597-სსმIII, №82, 20.06.2006წ.; მუხ. 1102

3. საქართველოს იუსტიციის მინისტრის 2007 წლის 6 ივნისის ბრძანება №163-სსმIII, №80, 08.06.2007წ.; მუხ. 852

4. საქართველოს იუსტიციის მინისტრის 2008 წლის 20 ნოემბრის ბრძანება №269-სსმIII, №165, 20.11.2008წ.; მუხ. 1674

5. ძალადაკარგულია - საქართველოს იუსტიციის მინისტრის 2010 წლის 31 მარტის ბრძანება №98-სსმIII, №33, 31.03.2010წ.; მუხ. 514

დანართი №1

დებულება

ნოტარიუსობის კანდიდატთა საკვალიფიკაციო გამოცდის ჩატარების წესის შესახებ

თავი I. ზოგადი დებულებანი

მუხლი 1. საკვალიფიკაციო გამოცდის საფუძველი და მიზნები

1. ნოტარიუსობის საკვალიფიკაციო გამოცდა (შემდგომ ტექსტში – „გამოცდა”) ტარდება „ნოტარიატის შესახებ” საქართველოს კანონის მე-12 მუხლის საფუძველზე და მის შესასრულებლად.

2. გამოცდის მიზანია ნოტარიუსის ვაკანტურ თანამდებობაზე დასანიშნად ისეთი პირების შერჩევა, რომლებიც გამორჩევიან საფუძვლიანი ცოდნით და შეუძლიათ იურიდიულ და ფიზიკურ პირთა კანონიერი უფლებებისა და ინტერესების დაცვის უზრუნველყოფა.

3. გამოცდამ უნდა განსაზღვროს, თუ რამდენად შეესაბამება გამოსაცდელი პირის (კანდიდატის) კვალიფიკაცია ნოტარიუსისთვის წაყენებულ მოთხოვნებს.

მუხლი 2. გამოცდის ჩაბარების უფლების მქონე პირები

1. გამოცდის ჩაბარების უფლება აქვს საქართველოს მოქალაქეს, რომელსაც აქვს უმაღლესი იურიდიული განათლება, „ნოტარიატის შესახებ” საქართველოს კანონის შესაბამისად გავლილი აქვს სტაჟირება და ფლობს სახელმწიფო ენას.

2. უმაღლესი იურიდიული განათლების მქონედ ითვლება პირი, თუ მას დამთავრებული აქვს უმაღლესი საგანმანათლებლო დაწესებულების იურიდიული ფაკულტეტის სრული კურსი სპეციალობით “სამართალმცოდნეობა” ან „საერთაშორისო სამართალი” და სახელმწიფო საგამოცდო კომისიის მიერ მინიჭებული აქვს „იურისტის” კვალიფიკაცია.

3. ამ მუხლის მე-2 პუნქტით განსაზღვრული საქართველოს საგანმანათლებლო დაწესებულების მიერ გაცემულ დიპლომს უთანაბრდება სსრკ-ს საგანმანათლებლო დაწესებულებების მიერ გაცემული დიპლომი.

4. გამოცდაზე დაიშვება პირი, რომელსაც უმაღლესი იურიდიული განათლება მიღებული აქვს საზღვარგარეთ და მისი დიპლომი აღიარებულია საქართველოს შესაბამისი ორგანოების მიერ.

5. გამოცდაზე დაიშვებიან აგრეთვე ის პირები, რომლებსაც აქვთ ნოტარიუსად, ნოტარიუსის მდივნად, ან კონსულტანტად მუშაობის არანაკლებ ერთი წლის სტაჟი და ცნობილი არ არის მათი ნოტარიუსად მუშაობისათვის შეუფერებლობის დამადასტურებელი ფაქტი.

6. პირი თავისუფლდება გამოცდის ჩაბარებისაგან, თუ მას აქვს სამეცნიერო ხარისხი სამოქალაქო, საერთაშორისო კერძო სამართლის, ან სამოქალაქო საპროცესო სამართლის სპეციალობით. თუ პირს სამეცნიერო ხარისხი მინიჭებული აქვს საქართველოს ფარგლებს გარეთ არსებული სამეცნიერო და/ან საგანმანათლებლო დაწესებულების მიერ, მაშინ ამ პუნქტით გათვალისწინებული პირობის მასზე გავრცელებისათვის აუცილებელია საქართველოს შესაბამისი ორგანოს მიერ გაცემული დოკუმენტი, რომელიც ადასტურებს სამეცნიერო ხარისხის საქართველოში გამოყენების შესაძლებლობას.

მუხლი 3. ნოტარიუსობის კანდიდატის ასაკი

გამოცდაზე არ დაიშვება პირი, რომლის ასაკი აღემატება ნოტარიუსის თანამდებობაზე ყოფნის ზღვრულ ასაკს.

მუხლი 4. საკვალიფიკაციო საგამოცდო კომისია

1. ნოტარიუსობის კანდიდატი ნოტარიუსობის კვალიფიკაციის მისაღებად გამოცდას აბარებს საკვალიფიკაციო-საგამოცდო კომისიას.

2. საკვალიფიკაციო-საგამოცდო კომისია პარიტეტულ საწყისებზე იქმნება საქართველოს იუსტიციის სამინისტროსა და საქართველოს ნოტარიუსთა პალატის წარმომადგენლებისაგან, სწავლული იურისტებისა და მაღალკვალიფიციური სპეციალისტ-ნოტარიუსების შემადგენლობით.

3. საკვალიფიკაციო-საგამოცდო კომისიის რიცხობრივ და პერსონალურ შემადგენლობას განსაზღვრავს საქართველოს იუსტიციის მინისტრი.

4. საქართველოს იუსტიციის მინისტრი საკვალიფიკაციო-საგამოცდო კომისიის წევრთაგან ნიშნავს კომისიის თავმჯდომარეს.

მუხლი 5. გამოცდის დანიშვნა

1. გამოცდას ნიშნავს საქართველოს იუსტიციის მინისტრი.

2. გამოცდის დანიშვნის შესახებ საქართველოს იუსტიციის მინისტრი გამოცემს ბრძანებას, რომელიც გამოცდის ჩატარებამდე არანაკლებ ერთი თვით ადრე უნდა გამოქვეყნდეს „საქართველოს საკანონმდებლო მაცნეში”.

3. ამ მუხლის მე-2 პუნქტით გათვალისწინებული მინისტრის ბრძანებით იუსტიციის სამინისტროს შესაბამის სამსახურთან უნდა შეიქმნას საკვალიფიკაციო-საგამოცდო კომისიის სამდივნო.

საქართველოს იუსტიციის მინისტრის 2004 წლის 14 სექტემბრის ბრძანება №1109-სსმIII, №101, 16.09.2004წ.; მუხ.866

მუხლი 6. გამოცდაზე დასაშვებად საბუთების მიღება

1. გამოცდაზე დაშვების მიზნით განცხადებების მიღება იწყება გამოცდის ჩატარების თარიღის გამოცხადებიდან მეორე სამუშაო დღეს და მთავრდება გამოცდის ჩატარებამდე ხუთი დღით ადრე. დაგვიანებით შემოსული განცხადება არ მიიღება.

2. გამოცდის ჩაბარების მსურველებს განცხადება შეაქვს იუსტიციის მინისტრის ბრძანებით შექმნილ სამდივნოში. მსურველებმა უნდა წარადგინონ შემდეგი საბუთები:

ა) იუსტიციის მინისტრის მიმართ განცხადება საკვალიფიკაციო გამოცდაზე დაშვების შესახებ;

ბ) უმაღლესი იურიდიული განათლების დამადასტურებელი საბუთი – სანოტარო წესით დამოწმებული დიპლომის ასლი და ჩაბარებული საგნების ჩამონათვალი - დანართი;

გ) ავტობიოგრაფია;

დ) სტაჟირების გავლის დამადასტურებელი საბუთი – იუსტიციის მინისტრის შესაბამისი ბრძანების ასლი (ხოლო სტაჟირების ვადის შემცირების შემთხვევაში, აგრეთვე, – იუსტიციის მინისტრის შესაბამისი ბრძანების ასლი);

ე) პირადობის დამადასტურებელი მოწმობის ასლი;

ვ) ორი ფერადი ფოტოსურათი ზომით 3/4-ზე;

ზ) სანოტარო წესით დამოწმებული ამონაწერი შრომის წიგნაკიდან.

3. გამოცდამდე თითოეულ კანდიდატს გადაეცემა საგამოცდო ბარათი, რომელიც წარმოადგენს პირის გამოცდაზე დაშვების დამადასტურებელ დოკუმენტს.

საგამოცდო ბარათში აღინიშნება კანდიდატის სახელი, გვარი და სხვა მონაცემები, რომელიც აუცილებელია პირის იდენტიფიკაციისათვის.

4. კანდიდატი, რომელიც არ წარმოადგენს ამ მუხლით გათვალისწინებულ დოკუმენტებს ან ისინი არ შეესაბამება დოკუმენტისადმი წაყენებულ მოთხოვნას, გამოცდაზე არ დაიშვება.

მუხლი 7. საკვალიფიკაციო გამოცდა

გამოცდა ტარდება წერითი ან ტესტური ფორმით. გამოცდის ჩატარების ფორმას განსაზღვრავს იუსტიციის მინისტრი.

მუხლი 8. საკვალიფიკაციო გამოცდის ენა

გამოცდა ტარდება ქართულ ენაზე, აფხაზეთში – ქართულ და/ან აფხაზურ ენაზე.

თავი II. ტესტური გამოცდა

მუხლი 9. ტესტური გამოცდის მიზანი

ტესტური გამოცდის მიზანია შემოწმდეს, თუ რამდენად იცნობს გამოსაცდელი პირი პოზიტიურ სამართალს და შეუძლია თუ არა მას ალტერნატიული გადაწყვეტილებიდან სწორის არჩევა.

მუხლი 10. საკვალიფიკაციო-საგამოცდო პროგრამა

საკვალიფიკაციო-საგამოცდო პროგრამას შეიმუშავებს იუსტიციის სამინისტროს შესაბამისი სამსახური ნოტარიუსთა პალატის წინადადებათა გათვალისწინებით და ამტკიცებს იუსტიციის მინისტრი. საკვალიფიკაციო-საგამოცდო პროგრამა ექვემდებარება გამოქვეყნებას.

მუხლი 11. საგამოცდო ტესტი

1. ტესტი არის კითხვა ოთხი სავარაუდო პასუხით. სავარაუდო პასუხებიდან ერთი პასუხი არის სწორი.

2. ტესტები უნდა შეესაბამებოდეს საქართველოს იუსტიციის მინისტრის მიერ დამტკიცებულ ნოტარიუსობის კანდიდატთა საკვალიფიკაციო გამოცდის პროგრამას (დანართი №3).

3. გამოცდა ტარდება წინასწარ გამოქვეყნებული ტესტებიდან ასი საკითხის შერჩევის გზით. ის ასი საკითხი, რასაც პასუხი უნდა გაეცეს ტესტირებისას, აირჩევა უშუალოდ გამოცდის დაწყების წინ და დაყოფილი იქნება სამ ვარიანტად (A, B, C).

4. გამოსაცდელის ამოცანაა თითოეული ტესტის ოთხი სავარაუდო პასუხიდან გამოიცნოს სწორი პასუხი და სათანადო აღნიშვნა გააკეთოს პასუხის ფურცელში.

5. თუ პასუხის ფურცელში აღნიშნულია ერთზე მეტი პასუხი, მაშინ ტესტის ამოხსნა შეფასდება 0-ით. თუ არ არის აღნიშნული არც ერთი პასუხი, ასეთი ამოხსნაც შეფასდება 0-ით. შეფასება 0-ს დაიმსახურებს ტესტის ისეთი ამოხსნაც, როცა ტესტის პასუხი გადასწორებულია.

საქართველოს იუსტიციის მინისტრის 2006 წლის 19 ივნისის ბრძანება №597-სსმIII, №82, 20.06.2006წ.; მუხ. 1102

მუხლი 12. ტესტის შეფასება

1. ტესტის ყოველ საკითხზე სწორი პასუხი ფასდება – 1 ქულით, არასწორი პასუხი კი – 0 ქულით.

2. ტესტური გამოცდის მინიმალური შეფასება არის – 0, ხოლო მაქსიმალური შეფასებაა - 100.

მუხლი 13. გამსვლელი ქულა

თუ გამოსაცდელმა ტესტურ გამოცდაში მოაგროვა 75 ან მეტი ქულა, ითვლება, რომ მან ჩააბარა ნოტარიუსობის საკვალიფიკაციო გამოცდა, რის შესახებაც პირს ეცნობება გამოცდის ჩატარებიდან მეორე დღეს.

მუხლი 14. საგამოცდო დრო

1. ტესტური გამოცდის ჩასაბარებლად გამოსაცდელს ეძლევა ექვსი ასტრონომიული საათი, დროის გადაცილების შემდეგ საგამოცდო კომისიისათვის გადაცემული ნამუშევარი არ გასწორდება და გამოსაცდელს დაეწერება შეფასება 0.

2. გამოსაცდელები მიიღებენ გაფრთხილებას საგამოცდო დროის ამოწურვის შესახებ ორჯერ – დროის დამთავრებამდე 30 წუთით და 15 წუთით ადრე. 30 წუთით ადრე გაფრთხილების შემდეგ არავის არა აქვს უფლება დატოვოს საგამოცდო დარბაზი საგამოცდო ტესტის ჩაბარების გარეშე.

მუხლი 15. საგამოცდო ტესტების წიგნის დარიგების წესი

1. გამოცდის დაწყების წინ ყოველ გამოსაცდელს გადაეცემა დალუქული ტესტების წიგნი.

2. საგამოცდო დარბაზში უნდა დარიგდეს ზუსტად იმდენი ტესტების წიგნი, რამდენი გამოსაცდელიც იქნება დაშვებული გამოცდაზე.

3. სამდივნო ითვლის დარჩენილი ტესტების წიგნების რაოდენობას, ადგენს აქტს და ლუქავს მათ სპეციალურ ყუთში.

მუხლი 16. სავალდებულო ინსტრუქტაჟი ტესტური გამოცდის დაწყებამდე

საგამოცდო კომისიის წარმომადგენელი ტესტის კითხვებზე პასუხის გაცემამდე ვალდებულია ინსტრუქტაჟი ჩაუტაროს გამოსაცდელებს, აუხსნას მათ ტესტების ამოხსნის მეთოდიკა, წინსართის შევსების წესი და სხვა საკითხები, რაც აუცილებელია გამოცდის ნორმალური ჩატარებისათვის.

მუხლი 17. საკანონმდებლო მასალის გამოყენების აკრძალვა

1. გამოცდის განმავლობაში გამოსაცდელს ეკრძალება ნორმატიული აქტების, კანონის კომენტარების, სახელმძღვანელოების ან სხვა ანალოგიური მასალის გამოყენება.

2. ტესტურ გამოცდაზე დაუშვებელია აუდიო ან ტექნიკური საშუალებების (მათ შორის მობილური ტელეფონების) შეტანა.

3. ამ მუხლის პირველ და მე-2 პუნქტებში გათვალისწინებულ შემთხვევებში დგება შესაბამისი შინაარსის აქტი, ხოლო გამოსაცდელი, რომელიც შემჩნეული იქნება მითითებული მასალისა თუ ტექნიკური საშუალებების გამოყენებაში, მოიხსნება გამოცდიდან და დაეწერება შეფასება 0.

მუხლი 18. ტესტური გამოცდის შედეგების შემოწმება

1. ტესტური გამოცდის პასუხები მოწმდება საკვალიფიკაციო-საგამოცდო კომისიის მიერ კომპიუტერის ან სხვა საშუალებების გამოყენებით.

2. გასწორების დროს დაცული უნდა იყოს როგორც გამოსაცდელის, ისე გამომცდელების ანონიმურობა: გამომცდელისათვის უცნობია, თუ ვის ნაშრომს ამოწმებს იგი. ასევე გამოსაცდელისათვის უცნობია, თუ ვინ გაასწორა მისი ნაშრომი.

თავი III. წერითი გამოცდა

მუხლი 19. წერითი გამოცდის მიზანი

1. წერითი გამოცდის მიზანია გამოსაცდელის თეორიული ცოდნის, საკანონმდებლო მასალის გამოყენების უნარისა და ცხოვრებისეული მოვლენებისადმი ამ ცოდნის მისადაგების შესაძლებლობის შემოწმება.

2. წერითი გამოცდის საკითხები ისე უნდა იყოს შედგენილი, რომ შესაძლებელი იყოს გამოსაცდელის როგორც თეორიული ცოდნის, ისე ამ ცოდნის პრაქტიკული გამოყენების უნარ-ჩვევების გამოვლენა.

მუხლი 20. საგამოცდო ბილეთი

1. წერითი გამოცდა ტარდება საგამოცდო ბილეთის ფორმით. თითოეული ბილეთი შედგება ხუთი საკითხისაგან, რომელთაგან სამი არის თეორიული საკითხი, ხოლო ორი – პრაქტიკული (კაზუსები). საგამოცდო საკითხები უნდა შეებამებოდეს საკვალიფიკაციო-საგამოცდო პროგრამას და მოიცავდეს ყველა იმ დარგს, რომლის გამოყენებაც ყველაზე ხშირად უხდება ნოტარიუსს.

2. საკვალიფიკაციო-საგამოცდო კომისიის თავმჯდომარე საგამოცდო ბილეთის საკითხებს გამოცდის დაწყებამდე არჩევს და ათანხმებს იუსტიციის მინისტრთან.

3. საგამოცდო ბილეთის საკითხები თავსდება კონვერტში, ილუქება საკვალიფიკაციო-საგამოცდო კომისიის თავმჯდომარის მიერ.

4. კაზუსის ამოხსნის დროს გამოსაცდელმა უნდა შეძლოს სამართლებრივი კვალიფიკაცია – სამართლებრივი ნორმების შეფარდება ამოსახსნელ კაზუსში მოცემულ სიტუაციასთან, ასევე საკითხის ამგვარი გადაწყვეტის დასაბუთება როგორც თეორიული, ისე პრაქტიკული არგუმენტებით.

მუხლი 21. შეფასება

1. ბილეთის თითოეული საკითხი ფასდება ათქულიანი სისტემით. მაქსიმალური შეფასება არის 10, ხოლო მინიმალური – 0.

2. ყოველ ბილეთზე ქულათა მაქსიმალური რაოდენობა შეადგენს 50-ს, ხოლო მინიმალური –0-ს.

3. ბილეთზე დადებითი შეფასების მიღებად ჩაითვლება თითოეულ საკითხზე არანაკლებ 6 ქულის, ხოლო ჯამში – არანაკლებ 30 ქულის მოგროვება.

მუხლი 22. წერითი გამოცდის ჩაბარების დრო

1. წერითი გამოცდის ჩასაბარებლად გამოსაცდელს ეძლევა 5 ასტრონომიული საათი. დროის გადაცილების შემდეგ საგამოცდო კომისიისათვის გადაცემული ნამუშევარი არ შეფასდება და გამოსაცდელს დაეწერება შეფასება 0.

2. გამოსაცდელები კომისიის თავმჯდომარისაგან მიიღებენ გაფრთხილებას დროის ამოწურვის შესახებ ორჯერ – დროის დამთავრებამდე 30 წუთით ადრე და 15 წუთით ადრე. პირველი გაფრთხილების შემდეგ გამოსაცდელს არა აქვს უფლება დატოვოს საგამოცდო დარბაზი წერითი ნამუშევრის ჩაბარების გარეშე.

მუხლი 23. საგამოცდო რვეული

1. წერითი გამოცდის დაწყების წინ გამოსაცდელებს დაურიგდებათ საგამოცდო რვეულები იუსტიციის სამინისტროს სათანადო აღნიშვნით.

2. გამოსაცდელს ეკრძალება წერითი ნამუშევრის შესრულება სხვა რვეულში. სხვა რვეულში შესრულებული ნაშრომი არ შეფასდება და გამოსაცდელს დაეწერება შეფასება 0.

მუხლი 24. წინასაგამოცდო ინსტრუქტაჟი

წერითი გამოცდის დაწყებამდე საგამოცდო კომისიის ერთ-ერთი წევრი ვალდებულია გამოსაცდელებს ჩაუტაროს ინსტრუქტაჟი, აუხსნას საგამოცდო რვეულის თავფურცელის შევსების წესი და სხვა ტექნიკური საკითხები, რომლებიც აუცილებელია გამოცდის ჯეროვანი ჩატარებისათვის.

მუხლი 25. საგამოცდო ბილეთის გამოცხადება

1. წერითი გამოცდის დაწყებამდე საგამოცდო კომისიის თავმჯდომარეს საგამოცდო დარბაზში შემოაქვს დალუქული კონვერტი, რომელშიც მოთავსებულია საგამოცდო ბილეთები და ხსნის მას კომისიის წევრთა და გამოსაცდელთა თანდასწრებით.

2. საგამოცდო კომისიის ერთ-ერთი წევრი ვალდებულია ხმამაღლა წაიკითხოს საგამოცდო ბილეთის საკითხები.

მუხლი 26. სასწავლო მასალისა და ტექნიკური საშუალებების გამოყენების აკრძალვა

1. წერითი გამოცდის მიმდინარეობისას გამოსაცდელებს უფლება აქვთ გამოიყენონ ნორმატიული აქტების ტექსტები.

2. გამოსაცდელს ეკრძალება კანონის კომენტარების, სახელმძღვანელოების ან სხვა სასწავლო მასალის გამოყენება.

3. წერით გამოცდაზე დაუშვებელია აუდიო ან სხვა ტექნიკური საშუალებების (მათ შორის მობილური ტელეფონების) შეტანა.

4. ამ მუხლის მე-2 და მე-3 პუნქტებით გათვალისწინებულ შემთხვევებში დგება შესაბამისი შინაარსის აქტი, ხოლო გამოსაცდელი, რომელიც შემჩნეული იქნება მითითებული მასალისა თუ ტექნიკური საშუალებების გამოყენებაში, მოიხსნება გამოცდიდან და დაეწერება შეფასება 0.

მუხლი 27. წერითი ნამუშევრის გასწორება

1. წერითი გამოცდის დამთავრების შემდეგ თითოეული გამოსაცდელი ვალდებულია წერითი ნამუშევარი ჩააბაროს საგამოცდო კომისიის წარმომადგენელს.

2. წერით ნამუშევარს ასწორებს კომისიის წევრები ანონიმურად: გასწორების დროს გამსწორებლისათვის უცნობია წერითი ნამუშევრის ავტორის ვინაობა.

თავი IV. საპრეტენზიო კომისია

მუხლი 28. საპრეტენზიო კომისიის შემადგენლობა

1. საპრეტენზიო კომისიას ქმნის საქართველოს იუსტიციის მინისტრი.

2. საპრეტენზიო კომისიის შემადგენლობა ანონიმურია.

მუხლი 29. საპრეტენზიო კომისია

1. გამოცდის შემდეგ საგამოცდო კომისიის შეფასებით უკმაყოფილო გამოსაცდელი უფლებამოსილია განცხადებით მიმართოს საპრეტენზიო კომისიას შეფასების გადასინჯვის მოთხოვნით.

2. პრეტენზია მიიღება გამოცდის შეფასების გამოცხადების დღეს ამ დებულების მე-5 მუხლის მე-2 პუნქტით გათვალისწინებულ სამდივნოში. დაგვიანებული პრეტენზიები არ მიიღება.

3. საპრეტენზიო კომისიისათვის უცნობია, თუ ვისი ნამუშევარი სწორდება.

4. თუ საპრეტენზიო კომისია დარწმუნდება, რომ საგამოცდო კომისიის შეფასება არ არის სწორი, იგი ვალდებულია შეცვალოს შეფასება.

5. საპრეტენზიო კომისიის შედეგები აისახება შესაბამის ოქმში.

6. საპრეტენზიო კომისიის შეფასება ადმინისტრაციული წესით არ გასაჩივრდება.

თავი V. გამოცდაზე გამოცხადების წესი. ზედამხედველობა გამოცდის მიმდინარეობაზე. გამოცდის ჩაბარების შესახებ ცნობის გაცემა

მუხლი 30. გამოცდაზე გამოცხადების დრო

1. გამოცდის დღეს ყველა გამოსაცდელი უნდა გამოცხადდეს გამოცდის ჩატარების ადგილზე დილის 8 საათსა და 30 წუთზე. გამოსაცდელებმა თან უნდა იქონიონ პირადობის დამადასტურებელი საბუთი.

2. პირადობის დამადასტურებელი საბუთისა და საგამოცდო ბარათის გარეშე გამოცხადებული პირი გამოცდაზე არ დაიშვება.

3. გამოსაცდელი დარბაზის კარები იხურება 9 საათზე და დაგვიანებული პირები გამოცდაზე არ დაიშვებიან.

მუხლი 31. გამოცდაზე გამოუცხადებლობის შედეგები

გამოცდაზე გამოუცხადებლობა პირს უფლებას ართმევს მოითხოვოს დამატებითი გამოცდის ჩატარება. ამ შემთხვევაში არა აქვს მნიშვნელობა გამოცდაზე გამოუცხადებლობის საფუძველს.

მუხლი 32. საგამოცდო დარბაზში ადგილის დაკავების წესი

1. საგამოცდო დარბაზში შესვლამდე გამოსაცდელები იღებენ ადგილის განმსაზღვრელ ბარათებს და ამ ბარათების ნომრის მიხედვით იკავებენ ადგილს საგამოცდო დარბაზში.

2. საგამოცდო დარბაზში ადგილის თვითნებურად დაკავების შემთხვევაში გამოსაცდელი მოიხსნება გამოცდიდან.

მუხლი 33. საჯაროობა გამოცდების ჩატარებისას

1. საკვალიფიკაციო გამოცდის ჩატარებისას, საზოგადოებრივი კონტროლისა და საჯაროობის უზრუნველყოფის მიზნით, გამოცდაზე მეთვალყურეებად დაიშვებიან საზოგადოებრიობის წარმომადგენლები.

2. აღნიშნული მუხლის პირველ პუნქტში გათვალისწინებულმა პირებმა გამოცდის ჩატარებამდე ათი დღით ადრე განცხადებით უნდა მიმართონ იუსტიციის მინისტრს ან ნოტარიუსთა პალატას. თანხმობის შემთხვევაში ისინი აკრედიტაციას გადიან იუსტიციის სამინისტროს შესაბამის სამსახურში.

3. მეთვალყურეები საგამოცდო დარბაზში დაიკავებენ მათთვის სპეციალურად გამოყოფილ ადგილებს. საგამოცდო პროცესში ჩარევის უფლება მათ არა აქვთ. ამ მოთხოვნის დარღვევის შემთხვევაში მეთვალყურე დათხოვილ იქნება საგამოცდო დარბაზიდან.

მუხლი 34. გამოცდის ჩაბარების შესახებ ცნობის გაცემა

1. გამოცდის წარმატებულად ჩაბარების შემთხვევაში ნოტარიუსობის კანდიდატზე გაიცემა გამოცდის ჩაბარების შესახებ ცნობა (მოწმობა).

თავი VI. საკვალიფიკაციო გამოცდები აფხაზეთისა და აჭარის ავტონომიურ რესპუბლიკაში

მუხლი 35. გამოცდის ჩატარების წესი აფხაზეთისა და აჭარის ავტონომიურ რესპუბლიკაში

1. საკვალიფიკაციო გამოცდები აფხაზეთისა და აჭარის ავტონომიურ რესპუბლიკაში ტარდება ნოტარიუსობის საკვალიფიკაციო გამოცდების ჩატარების ამ დებულების შესაბამისად.

2. აფხაზეთსა და აჭარის ავტონომიურ რესპუბლიკაში გამოცდის ჩატარების ვადას განსაზღვრავენ შესაბამისად აფხაზეთისა და აჭარის ავტონომიური რესპუბლიკის იუსტიციის მინისტრები საქართველოს იუსტიციის მინისტრთან შეთანხმებით.

3. საკვალიფიკაციო-საგამოცდო კომისია შეიძლება შეიქმნას აფხაზეთისა და აჭარის ავტონომიური რესპუბლიკის იუსტიციის სამინისტროებთან და შესაბამის ნოტარიუსთა პალატებთან.

4. საქართველოს იუსტიციის სამინისტროსა და საქართველოს ნოტარიუსთა პალატის წარმომადგენლები სათათბირო ხმის უფლებით მონაწილეობენ ამ მუხლის მე-3 პუნქტით განსაზღვრული საკვალიფიკაციო საგამოცდო კომისიის მუშაობაში.

თავი VII. საგამოცდო დოკუმენტების შენახვის წესი

მუხლი 36. საგამოცდო დოკუმენტების შენახვა

1. საკვალიფიკაციო გამოცდაში მონაწილე პირთა ნამუშევრები და სხვა დოკუმენტები ინახება საქართველოს იუსტიციის სამინისტროსა და ავტონომიური რესპუბლიკების იუსტიციის სამინისტროების შესაბამის სამსახურებში გამოცდის ჩაბარებიდან სამი წლის განმავლობაში.

2. პირს, რომელმაც ვერ ჩააბარა საკვალიფიკაციო გამოცდა (ე. ი. ვერ დააგროვა გამსვლელი ქულა), უფლება აქვს გამოცდის შედეგების გამოქვეყნებიდან 1 თვის ვადაში მოითხოვოს განცხადებაზე თანდართული ყველა დოკუმენტის დაბრუნება.

დანართი №2

დ ე ბ უ ლ ე ბ ა

ნოტარიუსობის კანდიდატის კონკურსის წესით შერჩევის შესახებ

მუხლი 1. ნოტარიუსობის კანდიდატის შესარჩევი კონკურსის ჩატარების საფუძველი და მიზნები

1. ნოტარიუსის ვაკანტური თანამდებობისათვის ნოტარიუსობის კანდიდატის შესარჩევი კონკურსი ტარდება „ნოტარიატის შესახებ“ საქართველოს კანონის მე-13 მუხლის საფუძველზე და მის შესასრულებლად.

2. ნოტარიუსობის კანდიდატის შესარჩევი კონკურსის მიზანია ნოტარიუსის ვაკანტურ თანამდებობაზე დასანიშნად ისეთი პირების შერჩევა, რომლებიც გამოირჩევიან მაღალი პროფესიული მომზადების დონით, მაღალი ზნეობრივი თვისებებით და ღირსეულად შე-უძლიათ უზრუნველყონ ფიზიკურ და იურიდიულ პირთა კანონიერი ინტერესების დაცვა.

მუხლი 2. კონკურსის გამოცხადების წესი

1. ნოტარიუსის ვაკანტური თანამდებობის დასაკავებლად კონკურსს ვაკანსიის წარმოშობიდან 1 თვის ვადაში აცხადებს საქართველოს იუსტიციის მინისტრი. ბრძანება უნდა გამოქვეყნდეს „საქართველოს საკანონმდებლო მაცნეში” კონკურსის ჩატარებამდე 30 დღით ადრე მაინც.

2. კონკურსის დანიშვნის შესახებ ბრძანებაში უნდა მიეთითოს:

ა) ვაკანსიის დასახელება;

ბ) კონკურსის ჩატარების ადგილი;

გ) დოკუმენტაცია, რომლის წარდგენა სავალდებულოა კონკურსში მონაწილეობის მისაღებად.

დ) საკონკურსო დოკუმენტაციის მიღების დაწყებისა და დამთავრების დრო;

ე) საკონკურსო დოკუმენტაციის მიმღები ორგანოს დასახელება და ზუსტი მისამართი.

3. მინისტრის ამავე ბრძანებით უნდა შეიქმნას საკონკურსო კომისიის სამდივნო.

მუხლი 3. ნოტარიუსის კანდიდატის რეგისტრაციის წესი

1. კონკურსში მონაწილეობის მისაღებად ნოტარიუსობის კანდიდატი ვალდებულია საკონკურსო კომისიის სამდივნოში წარადგინოს შემდეგი დოკუმენტაცია:

ა) განცხადება საქართველოს იუსტიციის მინისტრის სახელზე კონკურსში დაშვების შესახებ; განცხადებაში უნდა მიეთითოს ის ვაკანსია, რომლის დაკავებაც სურს კანდიდატს;

ბ) ავტობიოგრაფია;

გ) სანოტარო წესით დამოწმებული ამონაწერი შრომის წიგნაკიდან;

დ) ნოტარიუსობის საკვალიფიკაციო გამოცდის ჩაბარების შესახებ ცნობა (მოწმობა).

2. კანდიდატის განცხადება არ მიიღება ამ მუხლის პირველ პუნქტში მითითებული პირობების დარღვევის შემთხვევაში.

3. კანდიდატი ვალდებულია საკონკურსო დოკუმენტა-ციის წარდგენისას პირადად წარადგინოს პირადობის დამადასტურებელი დოკუმენტი.

4. კანდიდატის რეგისტრაცია იწყება კონკურსის ჩატარების თარიღის გამოცხადებიდან მეორე სამუშაო დღეს და მთავრდება კონკურსის ჩატარებამდე შვიდი დღით ადრე.

5. საკონკურსო კომისიის სამდივნო ვალდებულია კანდიდატის რეგისტრაციის შესახებ გასცეს მოწმობა.

მუხლი 4. მოთხოვნები, რომელიც კონკურსის დროს წაეყენებათ ნოტარიუსობის კანდიდატებს

1. კონკურსში მონაწილეობისათვის დაიშვება უმაღლესი იურიდიული განათლების მქონე საქართველოს მოქალაქე, რომელსაც გავლილი აქვს სტაჟირება „ნოტარიატის შესახებ“ საქართველოს კანონით დადგენილი წესით და ჩაბარებული აქვს ნოტარიუსობის საკვალიფიკაციო გამოცდა.

2. კონკურსში მონაწილეობის მისაღებად დაიშვებიან აგრეთვე პირები, რომლებსაც აქვთ სამეცნიერო ხარისხი სამოქალაქო, საერთაშორისო კერძო სამართლის ან სამოქალაქო საპროცესო სამართლის სპეციალობით და გავლილი აქვთ „ნოტარიატის შესახებ“ საქართველოს კანონის 27-ე მუხლის მე-2 პუნქტითა და 28-ე მუხლით გათვალისწინებული სტაჟირება.

საქართველოს იუსტიციის მინისტრის 2007 წლის 6 ივნისის ბრძანება №163-სსმIII, №80, 08.06.2007წ.; მუხ. 852

მუხლი 5. საკონკურსო კომისია

კონკურსის ჩატარებამდე იუსტიციის მინისტრი ქმნის საკონკურსო კომისიას, რომლის შემადგენლობა ცხადდება კონკურსის ჩატარების დღეს. საკონკურსო კომისიაში პარიტეტულ საწყისებზე შედიან საქართველოს იუსტიციის სამინისტროსა და საქართველოს ნოტარიუსთა პალატის წარმომადგენლები. კომისიის შემადგენლობაში შედიან აგრევე სწავლული იურისტები და კერძო სამართლის სპეციალისტები.

მუხლი 6. საკონკურსო ადგილის შეცვლის უფლება

კანდიდატის რეგისტრაციის ვადის დასრულებამდე კანდიდატს უფლება აქვს უკან გამოითხოვოს ან შეცვალოს საკონკურსო ადგილი შესაბამისი განცხადებით.

მუხლი 7. კონკურსის ჩატარების ფორმა

1. კონკურსი ტარდება გასაუბრებით ან წერილობითი ფორმით. კონკურსის ფორმას ადგენს საქართველოს იუსტიციის მინისტრი.

2. კომისია კანდიდატის შესახებ გადაწყვეტილებას იღებს კანდიდატის დაუსწრებლად.

მუხლი 8. გარემოებები, რომლებიც კანდიდატის შერჩევისას გაითვალისწინება

გადაწყვეტილების მიღებისას საკონკურსო კომისიის წევრები ითვალისწინებენ შემდეგ გარემოებებს: კანდიდატის კვალიფიკაციას, ნოტარიუსის თანამდებობაზე მუშაობის სტაჟს, სპეციალობით მუშაობის გამოცდილებას, საკვალიფიკაციო გამოცდაზე დაგროვებული ქულების ოდენობას, საქმიან და მორალურ რეპუტაციას, ჯანმრთელობის მდგომარეობას, აგრეთვე სხვა გარემოებებს, რომლებიც ადასტურებენ კანდიდატის შესაბამისობის ხარისხს.

მუხლი 9. კენჭისყრის წესი, გადაწყვეტილების მიღება და გამოცხადება

1. გადაწყვეტილების მისაღებად საკონკურსო კომისია თავის სხდომაზე ატარებს ღია კენჭისყრას, რის შესახებაც დგება ოქმი. ოქმს ხელს აწერს კომისიის დამსწრე ყველა წევრი.

2. ნოტარიუსის კონკრეტულ ვაკანტურ ადგილზე კონკურსში მონაწილე ყველა კანდიდატს ცალკე ეყრება კენჭი.

3. გადაწყვეტილება მიიღება ხმათა უმრავლესობით.

4. ხმების თანაბრად გაყოფის შემთხვევაში უპირატესობა ენიჭება პირს, რომელიც მუშაობს ვაკანტურ თანამდებობაზე ნოტარიუსის მოვალეობის შემსრულებლად, ან აქვს საკვალიფიკაციო გამოცდაზე დაგროვებულ ქულათა მეტი ოდენობა, ან აქვს ნოტარიუსად მუშაობის უფრო მეტი სტაჟი, ანდა უფრო მეტი ხნის იურიდიული პრაქტიკა.

5. კონკურსში გამარჯვებული ნოტარიუსობის კანდიდატის შესახებ დგება მოტივირებული დასკვნა, რომელსაც ხელს აწერენ კომისიის წევრები.

6. კანდიდატის მიმართ კომისიის წევრთა მიერ გამოთქმული განსხვავებული მოსაზრება ფიქსირდება დამოუკიდებელ დასკვნაში, რომელიც თან ერთვის კომისიის ოქმსა და კონკურსის შედეგებთან ერთად წარედგინება საქართველოს იუსტიციის მინისტრს.

მუხლი 10. კანდიდატის წარდგენა და დანიშვნა

1. საკონკურსო კომისია იუსტიციის მინისტრს კონკურსის ჩატარებიდან თოთხმეტი დღის ვადაში წარუდგენს კონკურსში გამარჯვებულ კანდიდატს.

2. წარდგენიდან 7 დღის ვადაში იუსტიციის მინისტრი ნიშნავს კანდიდატს ნოტარიუსად კონკრეტული სამუშაო უბნის მითითებით.

3. თუ ამ მუხლის მე-2 პუნქტით გათვალისწინებულ ვადაში საქართველოს იუსტიციის მინისტრისათვის ცნობილი გახდა მისთვის წარდგენილი ნოტარიუსობის კანდიდატის შესახებ ნოტარიუსად მუშაობისათვის შეუფერებლობის დამადასტურებელი ფაქტი, მინისტრი უარყოფს წინადადებას კანდიდატის ნოტარიუსად დანიშვნის შესახებ და მის კანდიდატურას განსახილვლად უბრუნებს საკონკურსო კომისიას.

4. საკონკურსო კომისია ხელმეორედ განხილვის შედეგებს წარუდგენს იუსტიციის მინისტრს.

საქართველოს იუსტიციის მინისტრის 2008 წლის 20 ნოემბრის ბრძანება №269-სსმIII, №165, 20.11.2008წ.; მუხ. 1674

მუხლი 11. განმეორებითი კონკურსი

თუ კონკურსის შედეგად ვერ შეირჩა ნოტარიუსის ვაკანტურ თანამდებობაზე დასანიშნი პირი ან იგი არ დაინიშნა, განმეორებითი კონკურსი ტარდება წინამდებარე დებულებით დადგენილი წესით.

დანართი №3

ნოტარიუსთა საკვალიფიკაციო საგამოცდო პროგრამა

შინაარსი

1. საქართველოს საკონსტიტუციო სამართალი;

2. სამოქალაქო სამართალი;

3. სამოქალაქო საპროცესო სამართალი;

4. საქართველოს ზოგადი ადმინისტრაციული სამართალი;

5. ნოტარიატი.

საქართველოს საკონსტიტუციო

სამართალი

თემა I. კონსტიტუციის ცნება, დამახასიათებელი ნიშნები და მნიშვნელობა (ზოგადი მიმოხილვა)

კონსტიტუციის ცნება, არსი და იურიდიული მნიშვნელობა. კონსტიტუციის ნორმების ადგილი სამართლის სისტემაში. კონსტიტუცია – მიმდინარე კანონმდებლობის იურიდიული ბაზა. კონსტიტუციის უზენაესობა.

თემა II. საქართველოს 1995 წლის კონსტიტუცია

საქართველოს 1995 წლის 24 აგვისტოს კონსტიტუცია – ქვეყნის უზენაესი კანონი, უმნიშვნელოვანესი პოლიტიკური და სამართლებრივი დოკუმენტი. საქართველოს კონსტიტუციის სისტემა. საქართველოს კონსტიტუციის მიღებისა და გადასინჯვის წესი.

თემა III. საქართველოს საზოგადოებრივი წყობილების კონსტიტუციური საფუძვლები

საქართველოს საზოგადოებრივი წყობილების ცნება და არსი. სახელმწიფოს მართვაში ხალხის მონაწილეობის ფორმები. პოლიტიკური პარტიების შექმნისა და ფუნქციონირების წესი. სახელმწიფო ხელისუფლების ორგანოები და ადგილობრივი თვითმმართველობა. სახელმწიფო და ეკლესია. კონსტიტუციური შეთანხმება.

თემა IV. მოქალაქეობა

საქართველოს მოქალაქეობის ცნება. საქართველოს მოქალაქეობის მოპოვების წესი და საფუძვლები. ორმაგი მოქალაქეობა. საქართველოს მოქალაქეობის შეწყვეტის საფუძვლები. ბავშვების მოქალაქეობის შეცვლის წესი. საქართველოს მოქალაქეობის აღდგენის წესი. საქართველოს მოქალაქეობის შესახებ საქმეთა გადაწყვეტის წესი.

თემა V. საქართველოს კონსტიტუციით აღიარე-ბული ადამიანის ძირითადი უფლებები და თავისუფლებები

ადამიანის ძირითადი უფლებებისა და თავისუფლებების ცნება და იურიდიული ბუნება. ძირითადი უფლებებისა და თავისუფლებების გარანტიები, მათი რეალიზაციის პირობები და საშუალებები. საჩივრისა და პეტიციის უფლება. სახელმწიფო ორგანოების თანამდებობის პირთა არაკანონიერი მოქმედებებით მიყე-ნებული ზიანის ანაზღაურების უფლება. სასამართლო წესით დაცვის (სამართლიანი სასამართლოს) უფლება. საქართვლოს სახალხო დამცველი. საქართველოს მოქალაქეთა კონსტიტუციური მოვალეობები. უცხოელი მოქალაქეებისა და მოქალაქეობის არმქონე პირების სამართლებრივი მდგომარეობა საქართველოში. თავშესაფრის უფლება.

თემა VI. საქართველოს ტერიტორიული სახელმწიფოებრივი მოწყობა

საქართველოს, როგორც ერთიანი სახელმწიფოს კონსტიტუციურ-სამართლებრივი სტატუსი. ავტონომიური რესპუბლიკების კონსტიტუციურ-სამართლებრივი სტატუსი საქართველოს შემადგენლობაში. საქართველოს ადმინისტრაციულ-ტერიტორიული ერთეულები – ქალაქი, რაიონი, ქალაქის რაიონი, სოფელი, დაბა, თემი.

თემა VII. სახელმწიფო ორგანოთა სისტემა. მათი ორგანიზაციისა და საქმიანობის კონსტიტუციური პრინციპები

საქართველოს სახელმწიფო ორგანოების ცნება და სისტემა. ხელისუფლების დანაწილება, როგორც სახელმწიფოს დემოკრატიული ორგანიზაციის ფუძემდებლური კონსტიტუციური პრინციპი. ხელისუფლების განშტოებათა შორის კონტროლისა და ბალანსის მექანიზმი.

თემა VIII. საქართველოს საარჩევნო სისტემა

საარჩევნო სისტემის ძირითადი პრინციპები. საქართველოს საარჩევნო სისტემის სახეები. საარჩევნო პროცესი და მისი სტადიები.

აფხაზეთისა და აჭარის ავტონომიური რესპუბლიკების საარჩევნო სისტემა, მისი თავისებურებანი.

თემა IX. საქართველოს პარლამენტი

საქართველოს პარლამენტი – საკანონმდებლო ხე-ლისუფლების უმაღლესი წარმომადგენლობითი ორგანო. უფლებამოსილების ვადა, კომპეტენცია და სტრუქტურა. საქართველოს პარლამენტის წევრის სტატუსი. სადეპუტატო მანდატის ხასიათი. პარლამენტის წევრის უფლებამოსილების შეწყვეტის საფუძვლები. პარლამენტის წევრის საქმიანობის გარანტიები. საქართველოს პარლამენტის აქტები. საქართველოს პარლამენტის სესიები და პლენარული სხდომები. საკანონმდებლო პროცესი და მისი სტადიები.

თემა X. საქართველოს პრეზიდენტი

საქართველოს პრეზიდენტის არჩევის წესი და პირობები. საქართველოს პრეზიდენტის სამართლებრივი სტატუსი. პრეზიდენტი, როგორც სახელმწიფო მეთაური. პრეზიდენტი, როგორც საქართველოს სამხედრო ძალების უმაღლესი მთავარსარდალი. ეროვნული უშიშროების საბჭო, როგორც პრეზიდენტის სათათბირო ორგანო. საქართველოს პრეზიდენტის კომპეტენცია. პრეზიდენტის უფლებამოსილებანი, დაკავშირებული საქართველოს მთავრობასთან. პრეზიდენტის უფლებამოსილებანი სახელმწიფო ორგანოების ფორმირების პროცესში. პრეზიდენტის უფლებამოსილებანი, დაკავშირებული პარლამენტის საქმიანობასთან. სუსპენზიური ვეტოს უფლება. საქართველოს პრეზიდენტის თანამდებობიდან გადაყენების წესი (იმპიჩმენტი). საქართველოს პრეზიდენტის სამართალშემოქმედებითი საქმიანობა.

თემა XI. საქართველოს მთავრობა

საქართველოს მთავრობის სამართლებრივი სტატუსი. მთავრობის შემადგენლობა, სტრუქტურა, უფლებამოსილებანი და საქმიანობის წესი. მთავრობის წევრთა უფლებამოსილების მოხსნის წესი და პირობები. მთავრობის კონსტიტუციურსამართლებრივი ურთიერთობა საქართველოს პარლამენტთან. მთავრობის კონსტიტუციურ-სამართლებრივი ურთიერთობა საქართველოს პრეზიდენტთან. მთავრობის სამართალშემოქმედებითი საქმიანობა.

საქართველოს პროკურატურა. პროკურატურის სტრუქტურა, უფლებამოსილება და საქმიანობის წესი.

თემა XII. სასამართლო ხელისუფლების კონსტიტუციური საფუძვლები

სასამართლო ხელისუფლების სისტემა. მართლმსაჯულების განხორციელება და საკონსტიტუციო სამართალწარმოება. საერთო სასამართლოების სისტემა.

საქართველოს იუსტიციის უმაღლესი საბჭო, როგორც პრეზიდენტის სათათბირო ორგანო.

საქართველოს უზენაესი სასამართლო. მისი ფორმირების წესი და უფლებამოსილება.

რაიონული (საქალაქო) სასამართლოები.

სააპელაციო სასამართლოები.

მართლმსაჯულების განხორციელების კონსტიტუციური პრინციპები.

საქართველოს საკონსტიტუციო სასამართლოს შექმნის წესი, კომპეტენცია. საკონსტიტუციო სამართალწარმოების განხორციელების პროცესი. საკონსტიტუციო სასამართლოში კონსტიტუციური წარდგინებით შესვლის უფლება.

მოსამართლეთა საქმიანობის კონსტიტუციური გარანტიები.

საქართველოს ადვოკატურა.

თემა XIII. ადგილობრივი თვითმმართველობის კონსტიტუციური საფუძვლები

ადგილობრივი თვითმმართველობის ცნება. ადგილობრივი თვითმმართველობისა და მმართველობის სისტემა. ადგილობრივი თვითმმართველობის უფლებამოსილება.

ლ ი ტ ე რ ა ტ უ რ ა:

საქართველოს 1995 წლის 24 აგვისტოს კონსტიტუცია, თბ., 1995 წ.

საქართველოს კონსტიტუციური კანონი „აჭარის ავტონომიური რესპუბლიკის სტატუსის შესახებ“.

საქართველოს ორგანული კანონი „საერთო სასამართლოების შესახებ“.

საქართველოს კანონი „ადვოკატთა შესახებ“.

საქართველოს კანონი „ადგილობრივი თვითმმართველობისა და მმართველობის შესახებ“.

საქართველოს კანონი „საქართველოს პარლამენტის დროებითი საგამოძიებო კომისიის შესახებ“.

საქართველოს კანონი „საქართველოს პარლამენტის დროებითი კომისიის შესახებ“.

საქართველოს ორგანული კანონი „რეფერენდუმის შესახებ“.

საქართველოს კანონი „ნორმატიული აქტების შესახებ“.

საქართველოს ორგანული კანონი „საქართველოს სახალხო დამცველის შესახებ“.

საქართველოს ორგანული კანონი „ეროვნული უშიშროების საბჭოს შესახებ“.

საქართველოს კანონი „საკონსტიტუციო სამართალწარმოების შესახებ“.

საქართველოს კანონი „კონტროლის პალატის შესახებ“.

საქართველოს საარჩევნო კოდექსი.

საქართველოს ორგანული კანონი „საქართველოს მოქალაქეობის შესახებ“.

საქართველოს კანონი „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“.

საქართველოს ორგანული კანონი „უზენაესი სასამართლოს შესახებ“.

საქართველოს პარლამენტის რეგლამენტი.

სამოქალაქო სამართალი

თემა I. ზოგადი დებულებანი

სამოქალაქო სამართლის ადგილი სამართლის სისტემაში. კერძო და საჯარო სამართალი. სამოქალაქო კანონმდებლობა. სამოქალაქო კანონის შესვლა ძალაში. კანონისა და სამართლის ანალოგია. სამოქალაქო კანონთა უკუქცევითი ძალა. სამოქალაქო კანონთა მიზანი.

კერძო სამართლის სისტემა. სამოქალაქო კოდექსის სისტემა. ზოგადი ნაწილის ცნება, მნიშვნელობა და სახეები.

დისპოზიციური და იმპერატიული ნორმები სამოქალაქო სამართალში.

თემა II. პირები სამოქალაქო სამართალში

ა) ფიზიკური პირები

უფლებაუნარიანობა. ქმედუნარიანობის ცნება და მნიშვნელობა. ქმედუუნაროდ პირის მიჩნევის საფუძვლები (ასაკი, ჯანმრთელობა). შეზღუდული ქმედუნარიანობა.

სახელის უფლება. სამოქალაქო სახელი. კომერციული სახელი.

პირადი არაქონებრივი უფლებები: სახელი, პატივი, ღირსება, პირადი ცხოვრების საიდუმლოება, პირადი ხელშეუხებლობა, საქმიანი რეპუტაცია.

უფლება საკუთარ გამოსახულებაზე. პირადი უფლებების დაცვა გარდაცვალების შემდეგ.

საცხოვრებელი ადგილი. რამდენიმე საცხოვრებელი ადგილი. არჩევით საცხოვრებელი ადგილი და კანონით საცხოვრებელი ადგილი. საცხოვრებელი ადგილის გაუქმების დაუშვებლობა პირის ნების საწინააღმდეგოდ.

პირის აღიარება უგზო-უკვლოდ დაკარგულად, მისი შედეგები.

პირის გამოცხადება გარდაცვლილად და მისი შედეგები.

ბ) იურიდიული პირები

იურიდიული პირის ცნება და ნიშნები. იურიდიული პირის სახეები: კერძო სამართლისა და საჯარო სამართლის იურიდიული პირები. სამეწარმეო (კომერციული) და არასამეწარმეო (არაკომერციული) იურიდიული პირები.

საჯარო სამართლის იურიდიული პირები და მათი მონაწილეობა სამოქალაქო-სამართლებრივ ურთიერთობებში. სახელმწიფოს მონაწილეობა კერძო სამართლებრივ ურთიერთობებში.

იურიდიული პირის უფლებაუნარიანობა. ზოგადი და სპეციალური უფლებაუნარიანობა.

კერძო სამართლის იურიდიული პირების სახელწოდება (საფირმო სახელწოდება).

კავშირისა და ფონდის დაფუძნება, რეგისტრაცია, წესდების სამართლებრივი ბუნება. ხელმძღვანელობა და წარმომადგენლობა. კავშირისა და ფონდის რეორგანიზაცია და ლიკვიდაცია. კავშირისა და ფონდის მიერ მიყენებული ზიანის ანაზღაურება.

კავშირის მართვის ორგანოები: კავშირის წევრთა საერთო კრება, გამგეობა, კომისიები, საკონსულტაციო ორგანოები. კავშირის წევრობა.

არარეგისტრირებული კავშირი.

ფონდის მართვის ორგანოები: გამგეობა, სამეთვალყურეო ორგანო (კურატორიუმი). ფონდი დესტინატერებისათვის. ფონდში შეტანის უზრუნველყოფის ვალდებულება. ფონდის მიზნის შეცვლა.

თემა III. გარიგებანი

ზოგადი ნორმები გარიგებათა შესახებ.

გარიგების ცნება. ნების გამოვლენის ნამდვილობა. მართლსაწინააღმდეგო და ამორალუი გარიგებანი. გარიგების ბათილობა ძალაუფლების ბოროტად გამოყენების, ნების გამოვლენის არასერიოზულობის, ქმედუუნარობის ან ფსიქიკური მოშლილობის გამო. მოჩვენებითი და თვალთმაქცური გარიგებანი. ფორმის დაუცველად დადებული გარიგება. გარიგების კონვერსია. გარიგების ნაწილის ბათილობა. დადასტურების მნიშვნელობა გარიგებათა ბათილობისას.

ქმედუნარიანობა, როგორც გარიგების ნამდვილობის პირობა.

არასრულწლოვანის მიერ დადებული გარიგება. არასრულწლოვანის ემანსიპაცია. წარმომადგენლის თანხმობის გარეშე დადებული გარიგება.

გარიგების ფორმა.

საცილო გარიგებანი.

შეცდომით დადებული გარიგებანი. მოტყუებით დადებული გარიგებანი. იძულებით დადებული გარიგებანი.

პირობითი გარიგებანი.

პირობითი გარიგების ცნება. ამორალური პირობა. ნებაზე დამოკიდებული, პოზიტიური და ნეგატიური პირობა. გარიგებები გადადების და გაუქმების პირობით.

თანხმობა გარიგებებში.

წარმომადგენლობა გარიგებებში.

თემა IV. ვადები. ხანდაზმულობა

ვადების გამოთვლა. ხანდაზმულობა. მოთხოვნები, რომლებზედაც ხანდაზმულობის ვადები არ ვრცელდება. ხანდაზმულობის ვადები. ხანდაზმულობის ვადის დაწყება. ხანდაზმულობის ვადის დენის შეჩერება. ხანდაზ-მულობის ვადის დენის შეწყვეტა. ხანდაზმულობის ვადა სანივთო მოთხოვნათა მიმართ. ვალდებული პირის უფლება ხანდაზმულობის ვადის გასვლისას. დამატე-ბითი მოთხოვნის ხანდაზმულობის ვადა. ხანდაზმულობის ვადის შეცვლის დაუშვებლობა მხარეთა შეთანხმებით.

სანივთო (ქონებრივი) სამართალი

თემა I. ქონება

ქონების ცნება. ნივთის სახეები. არამატერიალური ქონებრივი სიკეთის ცნება. აქცესორული და შეზღუდული უფლებები. ნივთისა და უფლების ნაყოფი.

თემა II. მფლობელობა

მფლობელობის ცნება და სახეები. მფლობელობის შეწყვეტა, მესაკუთრედ ყოფნის პრეზუმფცია. კეთილსინდისიერი მფლობელი, მისი უფლებები, არაუფლებამოსილი კეთილსინდისიერი მფლობელისა და არაკეთილსინდისიერი მფლობელის მოვალეობანი. საკუთ-რების შეძენა ხანდაზმულობით.

თემა III. საკუთრება

საკუთრების უფლების შინაარსი. უკანონო მფლო-ბელობიდან ნივთის გამოთხოვის უფლება. მესაკუთრის მიერ ნივთით სარგებლობის ხელისშემშლელი მოქმედების აღკვეთის მოთხოვნა. საერთო საკუთრება.

თემა V. საკუთრების შეძენა და დაკარგვა

საკუთრების შეძენა უძრავ ნივთებზე. საკუთრების შეძენა მოძრავ ნივთებზე. პირობადადებული საკუთრება. საკუთრების შეძენა უპატრონო ნივთზე. ნაპოვარი. განძი. თანასაკუთრება შერწყმის შედეგად წარმოშობილ ნივთზე. ახალი მესაკუთრისაგან ზიანის ანაზღაურების მოთხოვნა.

თემა VI. საკუთრების შეძენა უფლებებსა და მოთხოვნებზე

უფლებებსა და მოთხოვნებზე საკუთრების შეძენის ცნება და შინაარსი. მოთხოვნის დათმობა. ვალის გადაკისრება.

თემა VII. ბინის საკუთრება მრავალბინიან სახლებში

მრავალბინიან სახლებში ბინის საკუთრების ცნება. ბინის უპირატესი შესყიდვის უფლება. წილის განსაზღვრა საერთო საკუთრებაში. ბინის საკუთრების რეგისტრაცია საჯარო რეესტრში. ურთიერთობანი ბინის მესაკუთრეთა შორის.

თემა VIII. სხვისი საკუთრებით შეზღუდული სარგებლობა

ა) აღნაგობა

აღნაგობის ცნება. აღნაგობის უფლების წარმოშობის საფუძვლები.

აღნაგობის უფლების გასხვისება. საზღაური აღნაგობის უფლებისათვის. აღნაგობის უფლების რეგისტრაცია. აღნაგობის უფლების შეწყვეტა.

ბ) უზუფრუქტი

უზუფრუქტის ცნება. უზუფრუქტის სახეები. უზუფრუქტუარის უფლება-მოვალეობანი. უზუფრუქტის შეწყვეტა.

გ) სერვიტუტები

სერვიტუტის ცნება. სერვიტუტის პირობები. ნაგებობის მოვლის ვალდებულება. მიწის გაყოფის შედეგები. უფლებამოსილი პირის უფლებების დაცვა. პირადი სერვიტუტი.

თემა IX. საკუთრება, როგორც მოთხოვნის უზრუნველყოფის საშუალება

ა) გირავნობა

ცნება. მოძრავი ნივთებისა და ფასიანი ქაღალდების დაგირავების წესი. გირავნობის სახეები. რეგისტრირებული გირავნობა. გარიგების დადება გირავნობის საგანზე. გირავნობის გაუქმების საფუძვლები. გირავნობის საგნის რეალიზაცია. გირაოს გასხვისების შედეგები.

ბ) იპოთეკა

ცნება. საერთო იპოთეკა. იპოთეკის რეგისტრაცია. ნივთის დატვირთვა იპოთეკით რამდენჯერმე. მესაკუთრის უფლება კრედიტორის დაკმაყოფილებისას. იპოთეკის გადასვლა ახალ კრედიტორზე. იპოთეკით დატვირთული ნივთის რეალიზაციის წესი. ნივთის იძულებით მართვა (სეკვესტრი).

თემა X. საჯარო რეესტრი

საჯარო რეესტრის დანიშნულება. რეესტრში ჩანაწერის უტყუარობისა და სისრულის პრეზუმფცია. რეგისტრირებულ უფლებათა რიგითობა.

ვალდებულებითი სამართალი

ზოგადი ნაწილი

თემა I. ზოგადი დებულებანი ვალდებულებათა შესახებ

ვალდებულების ცნება და სახეები. ვალდებულების წარმოშობის საფუძვლები. ვალდებულების წარმოშობა ხელშეკრულების მომზადების საფუძველზე. ხელშეკრულების დასადებად გაწეული ხარჯების ანაზღაურება.

თემა II. ზოგადი დებულებანი ხელშეკრულებათა შესახებ

ხელშეკრულების ცნება და სახეები. ხელშეკრულების თავისუფლება. ხელშეკრულების დადების ვალდებულება.

თემა III. ხელშეკრულების დადება

ხელშეკრულების დადების წესი (ოფერტი, აქცეპტი). ქუჩაში ხელშეკრულების დადების თავისებურება.

თემა IV. ხელშეკრულების შინაარსი

ხელშეკრულების პირობები (არსებითი, ჩვეულებ-რივი, შემთხვევითი პირობები). ხელშეკრულების სტანდარტული პირობები. მესამე პირთა სასარგებლოდ დადებული ხელშეკრულებები.

თემა V. ხელშეკრულებიდან გასვლა

თემა VI. ვალდებულების შესრულება

თემა VII. ვალდებულების დარღვევა

ზიანის ანაზღაურების მოთხოვნა ვალდებულების დარღვევისას. ხელშეკრულების მისადაგება შეცვლილი გარემოებებისადმი. უარი გრძელვადიან ვალდებულებით ურთიერთობებზე. მოვალის მიერ ვადის გადაცილება. ვალდებულების დარღვევა ორმხრივი ხელშეკრულების დროს.

თემა VIII. მოთხოვნის უზუნველყოფის დამატებითი საშუალებები

პირგასამტეხლო, ბე, მოვალის გარანტია.

თემა IX. ვალდებულების შეწყვეტა

ვალდებულების შეწყვეტა მისი შესრულებით, ნოვაციით, დეპონირებით, ურთიერთმოთხოვნათა გაქვითვით, ვალის პატიებით. ვალდებულების შეწყვეტა, როცა მოვალე და კრედიტორი ერთი და იგივე პირი აღმოჩნდება. ვალდებულების შეწყვეტა მოვალის ან კრედიტორის გარდაცვალების გამო. ვალდებულების შეწყვეტა იურიდიული პირის ლიკვიდაციის გამო.

თემა X. კრედიტორთა ან მოვალეთა სიმრავლე ვალდებულებებში

სოლიდარული კრედიტორები. სოლიდარული მოვალეები.

განსაკუთრებული ნაწილი

თემა XI. ნასყიდობის ხელშეკრულება

ნასყიდობის ხელშეკრულების ცნება და შინაარსი. გამყიდველისა და მყიდველის უფლებები და მოვალეობები. ნივთის შემთხვევით დაღუპვის რისკის გადასვლა. ნასყიდობა გადახდის განვადებით. გამოსყიდვის უფლება. ოფცია. უპირატესი შესყიდვის უფლება. ნასყიდობა ნივთის მოწონების პირობით.

თემა XII. გაცვლის ხელშეკრულება

თემა XIII. ჩუქების ხელშეკრულება

ჩუქების ხელშეკრულების ცნება. ჩუქების ხალშეკრულების დადება. საჩუქრის დაპირება. შეწირულობა. ჩუქების გაუქმება და გაჩუქებული ნივთის გამოთხოვა.

თემა XIV. ქირავნობის ხელშეკრულება

ქირავნობის ხელშეკრულების ცნება. მხარეთა უფლებები და მოვალეობანი. ქირავნობის ხელშეკრულების შეწყვეტა.

თავი XV. ლიზინგის ხელშეკრულება

თემა XVI. იჯარის ხელშეკრულება

იჯარის ხელშეკრულების ცნება და შინაარსი. მისი განსხვავება ქირავნობის ხელშეკრულებისაგან. მიწის იჯარა ინვენტართან ერთად. იჯარის ხელშეკრულების მოშლა.

თემა XVII. სასოფლო-სამეურნეო მიწის იჯარის ხელშეკრულება

ცნება და შინაარსი. მხარეთა უფლებები და მოვალეობები. ხელშეკრულების შეწყვეტა.

თემა XVII. სესხის ხელშეკრულება

სესხის ხელშეკრულების ცნება. სესხის ზეპირი ხელშეკრულების ნამდვილობა. პროცენტი სესხისათვის. ვალის დაუყოვნებლივ მოთხოვნის უფლება. სესხის შეპირება. ხელშეკრულების შეწყვეტა.

თემა XVIII. დავალების ხელშეკრულება

დავალების ხელშეკრულების ცნება. მხარეთა უფლებები და მოვალეობები. დავალების გადანდობა მესამე პირისათვის. დავალების ხელშეკრულების შეწყვეტა. მარწმუნებლისა და რწმუნებულის გარდაცვალების შედეგები.

თემა XIX. საკუთრების მინდობა

საკუთრების მინდობის ცნება. მინდობილი მესაკუთრის უფლება-მოვალეობანი. მინდობილი მესაკუთრისათვის ხარჯების ანაზღაურება. მინდობილი მესაკუთრის პასუხისმგებლობა.

თემა XX. შუამავლობის ხელშეკრულება

შუამავლობის ხელშეკრულების ცნება და შინაარსი. ექსკლუზიური დავალება. საშუამავლო ხელშეკრულების მოშლა. შუამავლობა ბინის ქირავნობისას. შუამავლობა სესხებისას.

თემა XXI. მიბარების ხელშეკრულება

მიბარების ხელშეკრულების ცნება და შინაარსი. მხარეთა უფლებები და მოვალეობები. გვაროვნული ნივთის მიბარების თავისებურებანი. სასტუმროში მიბარების თავისებურებანი.

თემა XXII. ერთობლივი საქმიანობის (ამხანაგობის) ხელშეკრულება

ამხანაგობის ხელშეკრულების ცნება. ამხანაგობის მონაწილეთა უფლებები და მოვალეობები. ამხანაგობის მონაწილეთა სოლიდარული პასუხისმგებლობა. ამხანაგობიდან ერთ-ერთი მონაწილის გასვლის შედეგები. ამხანაგობის შეწყვეტის საფუძვლები და წესი.

თემა XXIII. სამისდღეშიო რჩენის ხელშეკრულება

სამისდღეშიო რჩენის ხელშეკრულების ცნება და შინაარსი. მარჩენალისათვის გადაცემული ქონების გასხვისების დაუშვებლობა. ხელშეკრულების შეწყვეტა. მარჩენალის გარდაცვალების შედეგები.

საოჯახო სამართალი

თემა I. ქორწინების წესი და პირობები

ქორწინების ცნება. დაქორწინების პირობები. დაქორწინების გაფორმება. ქორწინების დამაბრკოლებელი გარემოებები. ხელმეორედ დაქორწინების წესი.

თემა II. ქორწინების შეწყვეტა

ქორწინების შეწყვეტის საფუძვლები. განქორწინების დაუშვებლობა. განქორწინების წესი. ქორწინების აღდგენა გარდაცვლილად გამოცხადებული მეუღლის დაბრუნებისას. მსჯავრდადებულ მეუღლესთან განქორწინების წესი.

თემა III. ქორწინების ბათილობა

ქორწინების ბათილობის საფუძველი. ქორწინების ბათილობის მომენტი.

თემა IV. მეუღლეთა უფლებები და მოვალეობები

მეუღლეთა პირადი უფლებები. კანონით დადგენილი ქონებრივი უფლებები და მოვალეობები. მეუღლეთა სახელშეკრულებო ქონებრივი ურთიერთობები. მეუღლეთა ურთიერთრჩენის მოვალეობა.

თემა V. შვილება

შვილების ცნება. შვილად აყვანის შესახებ გადაწყვეტილების რეგისტრაცია. მშვილებელი. შვილად აყვანა მეუღლეების მიერ. მშობლების თანხმობა გაშვილებისას. მეურვეობაში მყოფი ბავშვის შვილება. ათი წლის ასაკს მიღწეული ბავშვის შვილება. ნაშვილების ურთიერთობანი ღვიძლ მშობლებთან. შვილად აყვანის გაუქმება და მისი შედეგები. შვილად აყვანის ბათილად ცნობის საფუძველები.

თემა VI. მეურვეობა და მზრუნველობა

მეურვეობისა და მზრუნველობის ცნება. მეურვეობა, მზრუნველობა. მეურვეობისა და მზრუნველობის ორგანოები. მეურვეობისა და მზრუნველობის დაწესება. მეურვის ან მზრუნველის დანიშვნის წესი. მეურვის და მზრუნველის უფლებები. მეურვისა და მზრუნველის მოვალეობანი. მეურვისა და მზრუნველის უფლებამოსილება, შეზღუდვა. მეურვისა და მზრუნველის გათავისუფლება მათი მოვალეობისაგან. მეურვეობის შეწყვეტის საფუძვლები.

მემკვიდრეობითი სამართალი

თემა I. ზოგადი დებულებანი

მემკვიდრეობის ცნება. მამკვიდრებელი. მემკვიდრეები. თანამემკვიდრეები. უღირსი მემკვიდრე. სამკვიდრო (სამკვიდრო ქონება). სამკვიდროს გახსნა. სამკვიდროს გახსნა კომლში.

თემა II. მემკვიდრეობა კანონით

კანონით მემკვიდრეები. კანონით მემკვიდრეთა რიგითობა. არაშრომისუნარიან პირთა უფლებები მემკვიდრეობისას. მემკვიდრეობის უფლებების ჩამორთმევა ცოცხლად დარჩენილი მეუღლისათვის. უმკვიდრო ქონების გადასვლა ხაზინაზე.

თემა III. მემკვიდრეობა ანდერძით

ანდერძის ცნება. ერთობლივი ანდერძი. წილის განსაზღვრა მოანდერძის მიერ. ანდერძით მემკვიდრეობის უფლების ჩამორთმევა.

თემა IV. ანდერძის ფორმა

სანოტარო ფორმა. შინაურული ანდერძი. დახურული ანდერძი.

თემა V. მემკვიდრის მემკვიდრის დანიშვნა

თემა VI. სავალდებულო წილი

სავალდებულო წილის ცნება. სავალდებულო წილის განსაზღვრა. უარი სავალდებულო წილის მიღებაზე. სავალდებულო წილის მიღების უფლების ჩამორთმევა.

თემა VII. საანდერძო დანაკისრი (ლეგატი)

ლეგატის ცნება. საანდერძო დანაკისრის საგანი. საანდერძო დანაკისრის შესრულების ფარგლები და ვადა. საანდერძო დანაკისრი სავალდებულო წილის მიღებისას. უარი საანდერძო დანაკისრის მიღებაზე. საანდერძო დანაკისრი საერთო სასარგებლო მიზნით.

თემა VIII. ანდერძის შეცვლა ან მოშლა

ანდერძის შეცვლის საშუალებები. ანდერძის ძალადაკარგულად გამოცხადების საფუძვლები.

თემა IX. ანდერძის აღსრულება

თემა X. სამკვიდროს მიღება და უარი მის მიღებაზე

სამკვიდროს მიღება. სამკვიდროს მიღების ვადა და ვადის გაგრძელება. სამკვიდროს განკარგვის დაუშვებლობა. მემკვიდრეობითი ტრანსმისია. უარის თქმა სამკვიდროს მიღებაზე.

თემა XI. სამკვიდროს გაყოფა

სამკვიდროს გაყოფის წესის განსაზღვრა მოანდერძის მიერ. საჩუქრის ჩათვლა მოანდერძის წილში. სასოფლო-სამეურნეო მიწის გაყოფა მემკვიდრეებს შორის. საადგილმამულო მეურნეობის გადასვლა მემკვიდრეობით. ჩასახული მემკვიდრის უფლება სამკვიდროს გაყოფისას. წილის მიღების უზრუნველყოფის ვალდებულება. წილის განკარგვის უფლება. წილის გათანაბრება. მემკვიდრის გამოუცხადებლობის შედეგები. უპირატესი მემკვიდრეობის უფლება.

თემა XII. კრედიტორების დაკმაყოფილება მემკვიდრეთა მიერ

თემა XIII. სამკვიდროს დაცვა

თემა XIV. სამკვიდრო მოწმობა

სამეწარმეო სამართალი

ზოგადი ნაწილი

თემა I. სამეწარმეო (კომერციული) საქმიანობის ცნება

სამეწარმეო (კომერციული) საქმიანობის მართლზომიერება, არაერთჯერადობა, მოგების მიზანი, და-მოუკიდებლობა და ორგანიზებულობა. არასამეწარმეო (არაკომერციული) საქმიანობა. თავისუფალი პროფესიების ცნება.

თემა II. საწარმოთა ორგანიზაციულ-სამართლებრივი ფორმები

საწარმოს ცნება. ინდივიდუალური საწარმო. სოლიდარული პასუხისმგებლობის საზოგადოება (სპს). კომანდიტური საზოგადოება (კს). შეზღუდული პასუხისმგებლობის საზოგადოება (შპს). სააქციო საზოგადოება (სს). კოოპერატივი. პარტნიორის ცნება. ფიზიკური პირი, იურიდიული პირი და სახელმწიფო, როგორც პარტნიორები. რეგისტრაციის ცნება და მნიშვნელობა. იურიდიული პირის ცნება. იურიდიული პირის ზოგადი უფლებაუნარიანობა.

თემა III. საწარმოს დაფუძნება. რეგისტრაციის პირობები

სამეწარმეო რეესტრის ცნება და მნიშვნელობა. საწარმოთა რეგისტრაციის მოთხოვნის უფლების მქონე პირები. რეგისტრაციისათვის სავალდებულო ფაქტები. რეგისტრაციის გაუქმება. რეგისტრაციის სისწორის პრეზუმფცია. რეგისტრაციის განხორციელების პრეზუმფცია.

თემა IV. საწარმოთა პასუხისმგებლობა

პასუხისმგებლობის ცნება. პასუხისმგებლობის პირობები. კრედიტორის ცნება. მესამე პირის ცნება. შესატანის ცნება. ფულადი და არაფულადი შესატანები. შესატანის შეტანის წესი. შესატანის შემცირება საწესდებო კაპიტალის შემცირებით. პარტნიორთა თანასწორუფლებიანობის პრინციპები.

თემა V. ხელმძღვანელობა და წარმომადგენლობა

საზოგადოების ხელმძღვანელობის უფლების მქონე პირები. საერთო კრება. ხელმძღვანელობითი საქმიანობა. საზოგადოების ხელმძღვანელობის უფლებამოსილებათა შეზღუდვა. საზოგადოების ხელმძღვანელობის საგარეო ურთიერთობა. კონკურენციის აკრძალვა. საზოგადოების ხელმძღვანელთა ვალდებულება. მტკიცების ტვირთი. იმპერატიული ნორმა რეგრესული ანაზღაურების მოთხოვნის შესახებ. საწესდებო კაპიტალის შენარჩუნების უზრუნველყოფა. საკონსულტაციო საბჭო.

თემა VI. ხანგრძლივობა. რეორგანიზაცია. ლიკვიდაცია

ხანგრძლივობა. სპს-ის, კს-ის, შპს-ის, სს-ისა და კოოპერატივის ლიკვიდაცია. საზოგადოების ლიკვიდაცია საზოგადოების ქონების განაწილების წესი. საზოგადოების რეორგანიზაცია, საწარმოთა შერწყმა, გაყოფა ნატურით.

თემა VII. ხანდაზმულობა. გასაჩივრების ვადები

ხანდაზმულობის ცნება. პრეტენზიის ცნება.

თემა VIII. ფილიალები

ფილიალის ცნება. ფილიალის რეგისტრაცია. საზღვარგარეთის საწარმოთა ფილიალის რეგისტრაცია.

კერძო ნაწილი

თემა IX. სოლიდარული პასუხისმგებლობის საზოგადოება

ცნება. პარტნიორთა კრება. საზოგადოების ხელმძღვანელობა. პარტნიორის კონტროლის უფლება. ლიკვიდაციის საფუძვლები. წილი კაპიტალის გასხვისება. პარტნიორის გარდაცვალება.

თემა X. კომანდიტური საზოგადოება

ცნება. კონკურენციის აკრძალვა. კომანდიტის კონტროლის უფლება. საზოგადოების ხელმძღვანელობა. მოგება და ზარალი. კომანდიტის პასუხისმგებლობა. კომანდიტის წილის გასხვისება ან მემკვიდრეობით გადაცემა.

თემა XI. შეზღუდული პასუხისმგებლობის საზოგადოება

ცნება. შპს-ის განსხვავება სს-გან. საწესდებო კაპიტალი. პარტნიორის უფლება-მოვალეობანი. წილის გასხვისება. წილის ცნება. წილის გასხვისებას გათანაბრებული გარიგებანი. დამატებითი შენატანების გადახდა.

პარტნიორთა კრების მოწვევა. კონტროლი საზოგადოების ხელმძღვანელობაზე. კრებაზე გადაწყვეტილების მიღების პროცედურა.

თემა XII. სააქციო საზოგადოება.

ცნება. საზოგადოების წიგნი. აქციათა ფორმები. აქციის ცნება და აქციათა სახეები. ჩვეულებრივი და პრივილეგირებული აქციები. აქციის ნომინალური ღირებულება. აქციების გასხვისების წესი. ფასიანი ქაღალდების კაპიტალის სხვა ფორმები.

აქციონერთა უფლებები და მოვალეობები. საერთო კრება და მისი კომპეტენცია. სამეთვალყურეო საბჭო და მისი კომპეტენცია. დირექტორები.

წლიური ანგარიში და მოგების გამოყენება. ქონების მოვლის ვალდებულება. რევიზია. კაპიტალის შეძენის ღონისძიებები.

თემა XIII. კოოპერატივი

ცნება. პაი. კოოპერატივში გაწევრიანება. წევრის გასვლა კოოპერატივიდან. საერთო კრება. წარმომადგენელთა კრება. სამეთვალყურეო საბჭო. გამგეობა. დირექტორები.

ლ ი ტ ე რ ა ტ უ რ ა:

საქართველოს სამოქალაქო კოდექსი, 1997 წ.;

საქართველოს კანონი „მეწარმეთა შესახებ“, 1994 წ.

სამოქალაქო სამართლის პროცესი

თემა I. სასამართლო

სამართალწარმოების ძირითადი დებულებები. უწყებრივი ქვემდებარეობა. განსჯადობა. სასამართლოს შემადგენლობა. აცილება. პროცესის ხარჯები. საპროცესო უზრუნველყოფა. საპროცესო ვადები. სასამართლო შეტყობინება და დაბარება.

თემა II. მხარეები

მხარეთა საპროცესო უფლებაუნარიანობა და ქმედუნარიანობა. საპროცესო თანამონაწილეობა. მესამე პირები. წარმომადგენლობა სასამართლოში.

თემა III. სასამართლო მტკიცებულებები

მტკიცებულებათა შეგროვება და შეფასება. მტკიცებულებათა უზრუნველყოფა. ადგილზე დათვალიერება. მხარეთა ახსნა-განმარტებები. წერილობითი მტკიცე-ბულება. მოწმეთა ჩვენება. ნივთიერი მტკიცებულება. ექსპერტის დასკვნა.

თემა IV. სასარჩელო წარმოება

საქმეების განხილვა I ინსტანციით. შეგებებული სარჩელი. სარჩელის უზრუნველყოფა. საქმის მომზადება მთავარ სხდომაზე განსახილველად. სასამართლოს მთავარი სხდომა. დაუსწრებელი გადაწყვეტილება. სასამართლო გადაწყვეტილება. სასამართლო გადაწყვეტილების კანონიერი ძალა. გადაწყვეტილების დაუყოვნებლივ აღსრულება. საქმის წარმოების დამთავრება გადაწყვეტილების გამოტანის გარეშე. საქმის წარმოების შეჩერება. სასამართლო განჩინება. სასამართლო ოქმი.

თემა V. გამარტივებული წარმოება

თამასუქისა და ჩეკის თაობაზე აღძრული სარჩელების განხილვა. დავალიანების გადახდევინების შესახებ საქმის განხილვის გამარტივებული წესი. ლიზინგის საგნის გამცემის მფლობელობაში ლიზინგის საგნის დაბრუნების თაობაზე საქმის განხილვის გამარტივებული წესი.

თემა VI. უდავო წარმოება

ზოგადი დებულებები. იურიდიული მნიშვნელობის მქონე ფაქტების დადგენა. მოქალაქის უგზო-უკვლოდ დაკარგულად აღიარება და მოქალაქის გარდაცვლილად გამოცხადება. მოქალაქის შეზღუდულ ქმედუნარიანად და ქმედუუნაროდ აღიარება. დაკარგულ ან განადგურებულ საწარმდგენლო ფასიან ქაღალდსა და საორდენო ფასიან ქაღალდზე უფლების აღდგენა (გამოწვევითი წარმოება). ქონების უპატრონოდ ცნობა. შვილად აყვანა.

თემა VII. საოჯახო, ადმინისტრაციული, სახელმწიფო-სამართლებრივი ურთიერთობიდან წარმოშობილი და რეკეტული ქონების ჩამორთმევასა და სახელმწიფოსათვის გადაცემასთან დაკავშირებული საქმეების განხილვის თავისებურებები

საოჯახო საქმეთა განხილვის თავისებურებანი. წარმოება რეკეტული ან ქურდული სამყაროს წევრის ქონების ჩამორთმევასა და სახელმწიფისათვის გადაცემასთან დაკავშირებით.

თემა VIII. სასამართლო გადაწყვეტილებათა გასაჩივრება

აპელაციის დასაშვებობა. საქმის წარმოება სააპელაციო სასამართლოში. სააპელაციო სასამართლოს გადაწყვეტილება. კასაციის დასაშვებობა. საქმის წარმოება საკასაციო სასამართლოში. საკასაციო სასამართლოს გადაწყვეტილება. კერძო საჩივრის დასაშვებობა და განხილვის წესი.

თემა IX. საქმის წარმოების განახლება

განცხადება საქმის წარმოების განახლების შესახებ და მისი განხილვის წესი. გარდამავალი დებულებები.

ლ ი ტ ე რ ა ტ უ რ ა:

საქართველოს სამოქალაქო საპროცესო კოდექსი.

ნოტარიატი

1. ნოტარიატის წარმოშობის ისტორია. ნოტარიატის სისტემები თანამედროვე მსოფლიოში.

2. ლათინური ნოტარიატის საერთაშორისო კავშირი.

3. მმართველობა და თვითმმართველობა ნოტარიატის სისტემაში.

4. ნოტარიატის კომპეტენცია და მისი ადგილი სამოქალაქო ბრუნვაში.

5. სანოტარო მოქმედება და მისი შესრულების ძირითადი მოთხოვნები (ვადები, შესრულების გადადე-ბა, შეჩერება, უარი სანოტარო მოქმედების შესრულებაზე).

6. გარიგების დამოწმების ზოგადი წესი, პირობები და შედეგები.

7. კანონით უფლებამოსილ თანამდებობის პირთა მიერ შესრულებული სანოტარო მოქმედებები. მათი შესრულების ფარგლები და სპეციფიკა.

8. საზღვაო პროტესტი.

9. სანოტარო საქმიანობის განხორციელებაზე ზედამხედველობა და კონტროლი. ნოტარიუსის ქონებრივი პასუხისმგებლობა და სამსახურებრივი დაზღვევა.

10. მინდობის, დავალების და რწმუნების დადასტურების თავისებურებანი (მათი მოქმედების ვადა. მოქმედების შეწყვეტის საფუძვლები. გადანდობის უფლება).

11. ნოტარიუსის შემოსავლის დაბეგვრის წესი.

12. სანოტარო მოქმედებები, რომლებსაც ასრულებენ ადგილობრივი თვითმმართველობის ორგანოებისა და საკონსულო დაწესებულებების თანამდებობის პირები.

13. თანამდებობის პირების მიერ იმ ანდერძებისა და რწმუნებულებების დადასტურება, რომლებიც უთანაბრდება სანოტარო წესით დადასტურებულ დოკუმენტებს.

14. სამკვიდროს გახსნა საზღვარგარეთ და მათთან დაკავშირებული სანოტარო მოქმედებების შესრულების წესი და პირობები.

15. დოკუმენტის ასლისა და დოკუმენტიდან ამონაწერის დადასტურების წესი. დუბლიკატი.

16. დოკუმენტზე ხელმოწერის ნამდვილობის დადასტურების წესი.

17. მოქალაქის ცოცხლად ყოფნის ფაქტის სანოტარო წესით დადასტურება.

18. მოქალაქის განსაზღვრულ ადგილას ყოფნის ფაქტის სანოტარო წესით დადასტურება.

19. მოქალაქის ფოტოსურათზე გამოსახულ პირთან იგივეობის სანოტარო წესით დადასტურება.

20. მოქალაქეთა, დაწესებულებათა და ორგანიზაციათა განცხადებების მიღების წესი, დოკუმენტთა შესანახად მიღება.

21. ფულისა და ფასიანი ქაღალდების დეპოზიტში მიღება.

22. სააღსრულებო ფურცლის გაცემა.

23. ქონების წილზე საკუთრების მოწმობის, მეუღლეთა საერთო ქონებაში წილზე საკუთრების მოწმობის გაცემა.

24. საზღვარგარეთ სამოქმედოდ გაცემულ დოკუმენტთა სანოტარო წესით დამოწმების წესი და თავისებურებანი „ლეგალიზაცია, აპოსტილი“.

25. საქართველოს მოქალაქეთა, უცხოელთა და მოქალაქეობის არმქონე პირთა უფლება მემკვიდრეობასა და საკუთრებაზე.

26. არასამეწარმეო იურიდიულ პირთა დაფუძნების და რეორგანიზაციისათვის საჭირო დოკუმენტთა დამოწმების წესი და პირობები.

27. სამეწარმეო იურიდიულ პირთა დაფუძნების და რეორგანიზაციისათვის საჭირო დოკუმენტთა დამოწმების წესი და პირობები.

28. საქორწინო ხელშეკრულება, მისი დამოწმების წესი.

29. წილის განკარგვის დადასტურების წესი და პირობები კომერციულ საზოგადოებებში.

ლ ი ტ ე რ ა ტ უ რ ა:

საქართველოს კანონი „ნოტარიატის შესახებ.“;

საქართველოს კანონი „სანოტარო მოქმედებათა შესრულებისათვის საზღაურის შესახებ.“;

საქართველოს იუსტიციის მინისტრის 2005 წლის 22 დეკემბრის №2359 ბრძანება „სანოტარო მოქმედებათა შესრულების წესის შესახებ ინსტრუქციის დამტ-კიცების თაობაზე“.

საქართველოს ზოგადი ადმინისტრაციული სამართალი

თემა I. ადმინისტრაციულ ორგანოთა საქმიანობის ზოგადი დებულებები

ადმინისტრაციული ორგანოების ურთიერთდახმარების ვალდებულება, სამართლებრივი დახმარების პირობა და ფარგლები, უარის თქმა სამართლებრივი დახმარების აღმოჩენაზე, სამართლებრივ დახმარებაზე გაწეული ხარჯების ანაზღაურება, დოკუმენტის ოფიციალური დამოწმების უფლება, საზოგადოებრივი ექსპერტი, საზოგადოებრივი ექსპერტის მიერ დასკვნის წარდგენა, საექსპერტო დასკვნის იურიდიული ძალა, საზოგადოებრივი ექსპერტის მოვალეობის შეწყვეტა.

თემა II. ინფორმაციის თავისუფლება

პირადი საიდუმლოება, კომერციული საიდუმლოება, პროფესიული საიდუმლოება, სახელმწიფო საიდუმლოება, საჯარო ინფორმაციის ხელმისაწვდომობა, საჯარო ინფორმაციის გასაიდუმლოების ვადა, საჯარო რეესტრი, ინფორმაცია, რომლის გასაიდუმლოება დაუშვებელია, პერსონალური მონაცემების საიდუმლოება, მონაცემებში შესწორების შეტანა ან მათი განადგურება, მონაცემებში შესწორების შეტანა ან მათი განადგურება.

თემა III. ადმინისტრაციული ორგანოსათვის მიმართვის უფლება

თემა IV. საჯარო ინფორმაციის მოთხოვნა, გაცემა და გაცემაზე უარი

საჯარო ინფორმაციის მოთხოვნა, პერსონალური ინფორმაციის ხელმისაწვდომობა, საჯარო ინფორმაციის გაცემა, საჯარო ინფორმაციის გაცემაზე უარის თქმა.

თემა V. ადმინისტრაციულ-სამართლებრივი აქტების სახეები

ინდივიდუალური ადმინისტრაციულ-სამართლებრივი აქტის ფორმა, ინდივიდუალური ადმინისტრაციულ-სამართლებრივი აქტის რეკვიზიტები, ნორმატიული ადმინისტრაციულ-სამართლებრივი აქტის რეკვიზიტები.

თემა VI. ადმინისტრაციულ-სამართლებრივი აქტის გასაჩივრება

ადმინისტრაციულ-სამართლებრივი აქტის გასაჩივრების უფლება, ადმინიტრაციული საჩივრის განმხილველი უფლებამოსილი ადმინისტრაციული ორგანო, ადმინისტრაციულ-სამართლებრივი აქტის გასაჩივრების ვადა, ადმინისტრაციული საჩივრის შინაარსი, ადმინისტრაციული საჩივრის მიღებაზე ან განხილვაზე უარის თქმა, ადმინისტრაციული საჩივრის განხილვის ვადა.

თემა VII. ადმინისტრაციულ-სამართლებრივი აქტის მოქმედების შეჩერება

ადმინისტრაციულ-სამართლებრივი აქტის მოქმედების შეჩერება ადმინისტრაციული საჩივრის წარდგენისას.

ლ ი ტ ე რ ა ტ უ რ ა:

საქართველოს ზოგადი ადმინისტრაციული კოდექსი.

საქართველოს იუსტიციის მინისტრის 2006 წლის 19 ივნისის ბრძანება №597-სსმIII, №82, 20.06.2006წ.; მუხ. 1102