სახელმწიფო სარეგისტრაციო კოდი 010.230.000.09.010.005.308
საქართველოს ცენტრალური საარჩევნო
კომისიის დადგენილება №11/2002
2002 წლის 20 მაისი
ქ. თბილისი
ქალაქ თბილისში არსებული საარჩევნო ოლქებში შესაბამისად, გარდა №6 სამგორის საოლქო საარჩევნო კომისიისა, შექმნილი სპეციალური ჯგუფების ფინანსური უზრუნველყოფის შესახებ
საქართველოს ორგანული კანონის „საქართველოს საარჩევნო კოდექსის“ 29-ე მუხლის მე-3 პუნქტის „ბ“ ქვეპუნქტის შესაბამისად, ცენტრალური საარჩევნო კომისიის 2002 წლის 18 მაისის განკარგულება №62/2002-ით შექმნილი ცენტრალური საარჩევნო კომისიის სპეციალური ჯგუფის ფინანსური უზრუნველყოფის შესახებ, საქართველოს ცენტრალური საარჩევნო კომისია ადგენს:
1. საქართველოს ორგანული კანონის „საქართველოს საარჩევნო კოდექსის“ 29-ე მუხლის მე-3 პუნქტის „ბ“ ქვეპუნქტის მოთხოვნათა შესაბამისად, ქალაქ თბილისში არსებული საარჩევნო ოლქების შესაბამისად, გარდა №6 სამგორის საოლქო საარჩევნო კომისიისა, შექმნილი სპეციალური ჯგუფების დაფინანსების ოდენობა განისაზღვროს თბილისის საოლქო საარჩევნო კომისიებისათვის, გარდა №6 სამგორის საოლქო საარჩევნო კომისიისა, გათვალისწინებული დაფინანსების ოდენობით.
2. ფულადი სახსრების განკარგვა და მათ მართლზომიერად გამოყენებაზე პასუხისმგებლობა დაეკისროს ქალაქ თბილისში არსებული საარჩევნო ოლქების შესაბამისად, გარდა №6 სამგორის საოლქო საარჩევნო კომისიისა, შექმნილი სპეციალური ჯგუფების ხელმძღვანელს და ბუღალტერს.
3. საფინანსო ანგარიშსწორებისათვის გამოყენებულ იქნეს საოლქო საარჩევნო კომისიის თავმჯდომარის ფაქსიმელია, ოლქის ბეჭედი და საბანკო რეკვიზიტები.
კომისიის თავმჯდომარე ჯუმბერ ლომინაძე