სახელმწიფო სარეგისტრაციო კოდი 430.020.000.11.101.004.880
საქართველოს განათლების მინისტრის
ბრძანება №181
2001 წლის 31 ივლისი
ქ. თბილისი
“განათლების განყოფილების ტიპური დებულების დამტკიცების შესახებ“ საქართველოს განათლების მინისტრის 2001 წლის 17 მაისის №111 ბრძანებით დამტკიცებულ დებულებაში ცვლილების შეტანის თაობაზე
“ნორმატიული აქტების შესახებ” საქართველოს 1996 წლის 29 ოქტომბრის კანონის 36-ე მუხლის მოთხოვნათა შესაბამისად, ვბრძანებ:
1. “განათლების განყოფილების ტიპური დებულების” დამტკიცების შესახებ საქართველოს განათლების მინისტრის 2001 წლის 17 მაისის №111 ბრძანებით დამტკიცებული დებულების მე-7 მუხლის პირველ პუნქტში სიტყვები “სამი მოადგილე” შეიცვალოს სიტყვით “მოადგილეები”.
2. ეს ბრძანება ძალაშია გამოქვეყნებისთანავე.
ალ. კარტოზია