სახელმწიფო სარეგისტრაციო კოდი 180.012.003.489
საქართველოს ტრანსპორტის მინისტრის
ბრძანება №16
1999 წლის 26 თებერვალი
ქ. თბილისი
საქართველოს რკინიგზის 1999 საფრახტო წლის სატარიფო პოლიტიკაში ცვლილებების შეტანის შესახებ
რკინიგზაზე ტვირთის მოზიდვის მიზნით, საქართველოს კანონის "სარკინიგზო ტრანსპორტის შესახებ" მე-6 მუხლის შესაბამისად საქართველოს ტრანსპორტის მინისტრის 1998 წლის 30 დეკემბრის №91 ბრძანებით დამტკიცებულ "საქართველოს რკინიგზის 1999 საფრახტო წლის სატარიფო პოლტიკაში" შეტანილ იქნეს შემდეგი ცვლილებები:
1. მუხლ 1.4.- ს დაემატოს მე-5 აბზაცი:
"სომხეთის რესპუბლიკიდან პერლიტის სატრანზიტო გადაზიდვაზე, საქართველოს ტრანსპორტის მინისტრის 1999 წლის 18 იანვრის №7 ბრძანებით დადგენილი 25-პროცენტიანი შეღავათის ნაცვლად დადგინდეს 50-პროცენტიანი შეღავათი".
2. მუხლი 1.4. - ის მე-4 აბზაციდან ამოღებულ იქნეს სიტყვები: "ხაშური-ვალე".
3. მუხლი 4.2.3.-ის ა) ქვეპუნქტის მე-6 აბზაცში სიტყვების "სადგურ გარდაბნიდან" შემდეგ დაემატოს სიტყვები "სადგურ ხაშურამდე".
4. ბრძანება ძალაში შევიდეს მისი ოფიციალურ ბეჭდვით ორგანოში გამოქვეყნების დღიდან.
მინისტრის პირველი მოადგილე ვ. ლომაძე