საქართველოს ფინანსთა სამინისტრო
ბრძანება № 174
1998 წლის 7 ივლისი
ქ. თბილისი
საქართველოს ფინანსთა მინისტრის 1998 წლის 30 აპრილის №112 ბრძანებით დამტკიცებული „პირველი ჯგუფის ინვალიდი მოქალაქეების ანაბრებზე რიცხული ფულადი სახსრების გაცემის წესში“ (რეგისტრაციის № 090.012.003.256) ცვლილებების შეტანის შესახებ
„საქართველოს პრეზიდენტის 1997 წლის 8 დეკემბრის №716 ბრძანებულებაში ცვლილების შეტანის შესახებ“ საქართველოს პრეზიდენტის 1998 წლის 10 მარტის № 136 ბრძანებულების შესაბამისად ექსპერტიზაზე გასაგზავნად, დევნილი პირველი ჯგუფის ინვალიდი მეანაბრეების შემნახველი წიგნაკების შეგროვების პროცესის ორგანიზებულად წარმართვის მიზნით ვბრძანებ:
საქართველოს ფინანსთა მინისტრის 1998 წლის 30 აპრილის №112 ბრძანებით დამტკიცებულ „პირველი ჯგუფის ინვალიდი მოქალაქეების ანაბრებზე რიცხული ფულადი სახსრების გეცემის წესის“ ზოგადი დებულების მე-8 პუნქტის „ბ“ ქვეპუნქტი ჩამოყალიბდეს შემდეგი რედაქციით:
„ბ. დევნილმა მეანაბრემ ექსპერტიზაზე გასატარებლად საშემნახველო წიგნაკი ჩააბაროს შესაბამის მომსახურე ბანკებს ან მათ ფილიალებს, შემუშავებული მიღება-ჩაბარების აქტის (დანართი №2, ერთ გვერდზე) საფუძველზე, საიდანაც შეგროვებული საბუთები გადმოეგზავნოს საექსპორტო კომისიას“ .
მინისტრი მ. ჭკუასელი