„საქართველოს რესპუბლიკაში საგზაო ფონდის შესახებ“ საქართველოს რესპუბლიკის კანონის ამოქმედების თაობაზე

საქართველოს პარლამენტის დადგენილება

1. საქართველოს რესპუბლიკის კანონი „საქართველოს რესპუბლიკაში საგზაო ფონდის შესახებ“ ამოქმედდეს გამოქვეყნებისთანავე.

2. საქართველოს რესპუბლიკის მინისტრთა კაბინეტმა განსაზღვროს საქართველოს რესპუბლიკის საგზაო ფონდის გადასახადების ამოღებისა და მიზნობრივი გამოყენების წესი.

3. საქართველოს რესპუბლიკის სოციალურ-ეკონომიკური ინფორმაციის კომიტეტმა დააზუსტოს საქართველოს რესპუბლიკის საერთო სარგებლობის საავტომობილო გზებზე დანახარჯების ანგარიშგების წესი.

4. დაევალოს საქართველოს რესპუბლიკის მინისტრთა კაბინეტს წარმოადგინოს წინადადებანი მოქმედ კანონმდებლობაში სათანადო ცვლილებების შეტანის შესახებ.

საქართველოს პარლამენტის

თავმჯდომარე – სახელმწიფოს

მეთაური ე. შევარდნაძე

თბილისი,

1995 წლის 2 სექტემბერი.

№803