საქართველოს პარლამენტის დადგენილება
საქართველოს რესპუბლიკის საკოლმეურნეობათაშორისო და მუნიციპალური ტყეების შესახებ
ითვალისწინებს რა საქართველოს ტყეებში შექმნილ უმძიმეს ვითარებას და ერთიანი სახელმწიფო სატყეო სამსახურის შექმნის საჭიროებას, საქართველოს პარლამენტი ადგენს:
1. საქართველოს რესპუბლიკის მინისტრთა კაბინეტმა:
ა) ორი თვის ვადაში უზრუნველყოს საკოლმეურნეობათაშორისო და მუნიციპალური ტყეების გადაცემა საქართველოს რესპუბლიკის სატყეო მეურნეობის დეპარტამენტის გამგებლობაში;
ბ) მოაწყოს ტყეების მოვლა - პატრონობასთან დაკავშირებული ინფრასტრუქტურის ობიექტების ინვენტარიზაცია და საქართველოს რესპუბლიკის სატყეო მეურნეობის დეპარტამენტისათვის გადაცემა;
გ) რეგულარულად აცნობოს აღნიშნული დადგენილების შესრულების მიმდინარეობა საქართველოს პარლამენტს.
საქართველოს პარლამენტის
სპიკერი ვახტანგ გოგუაძე
თბილისი
1995 წლის 7 მარტი
№671–11ს