საქართველოს პრეზიდენტის
ბრძანებულება №555
2004 წლის 30 ნოემბერი
ქ. თბილისი
„საჯარო მოხელეთა საკლასო ჩინების მინიჭების წესის შესახებ დებულების დამტკიცების თაობაზე“ საქართველოს პრეზიდენტის 2003 წლის 13 თებერვლის №47 ბრძანებულებაში ცვლილების შეტანის შესახებ
„ნორმატიული აქტების შესახებ“ საქართველოს კანონის 36-ე მუხლის შესაბამისად „საჯარო მოხელეთა საკლასო ჩინების მინიჭების წესის შესახებ დებულების დამტკიცების თაობაზე“ საქართველოს პრეზიდენტის 2003 წლის 13 თებერვლის №47 ბრძანებულებით (საქართველოს საკანონმდებლო მაცნე III, 24.02.2003წ., №14, ) დამტკიცებული „საჯარო მოხელეთა საკლასო ჩინების მინიჭების წესის შესახებ“ დებულების მე-2 მუხლის მე-8 პუნქტი ჩამოყალიბდეს შემდეგი რედაქციით:
„8. მთავარი საჯარო თანამდებობის მოხელეებისათვის განსაზღვრულ ვადაზე ადრე საკლასო ჩინის მინიჭება ხდება მხოლოდ ერთხელ, განსაკუთრებული დამსახურებისათვის, პრეზიდენტის მიერ, მთავარ საჯარო თანამდებობაზე დანიშვნის უფლების მქონე პირის წარდგინებით, ხოლო იმ მთავარი საჯარო თანამდებობის მოხელისათვის, რომელსაც თანამდებობაზე ნიშნავს საქართველოს პრეზიდენტი – საქართველოს პრეზიდენტის ადმინისტრაციის უფროსის წარდგინებით“.
მ. სააკაშვილი