საქართველოს პრეზიდენტის
ბრძანებულება №387
2004 წლის 14 სექტემბერი
ქ. თბილისი
საქართველოს მეანაბრე-აქციონერთა საზოგადოებების ზედამხედველობის სამსახურის სალიკვიდაციო ღონისძიებათა შესახებ
1. ლიკვიდირებულ იქნეს საქართველოს პრეზიდენტის 1997 წლის 28 დეკემბრის №765 ბრძანებულებით შექმნილი საქართველოს პრეზიდენტის გამგებლობაში მყოფი სახელმწიფო საქვეუწყებო დაწესებულება – საქართველოს მეანაბრე-აქციონერთა საზოგადოებების ზედამხედველობის სამსახური.
2. შეიქმნას საქართველოს მეანაბრე-აქციონერთა საზოგადოებების ზედამხედველობის სამსახურის სალიკვიდაციო კომისია შემდეგი შემადგენლობით:
ვაჟა ბერიძე – სამსახურის უფროსი, კომისიის თავმჯდომარე
პავლე მაწკეპლაძე – საქართველოს ფინანსთა სამინისტროს სამმართველოს უფროსი
რუსუდან ნახუცრიშვილი – სამსახურის ბუღალტერი.
3. სალიკვიდაციო კომისიამ კანონმდებლობით დადგენილი წესით 2004 წლის 1 ნოემბრამდე უზრუნველყოს:
ა) საქართველოს მეანაბრე-აქციონერთა საზოგადოებების ზედამხედველობის სამსახურის ბალანსზე რიცხულ მატერიალურ ფასეულობათა სრული ინვენტარიზაცია და სალიკვიდაციო ბალანსის შედგენა;
ბ) თანამშრომელთა გათავისუფლება;
გ) მოქმედი კანონმდებლობით გათვალისწინებულ სხვა სალიკვიდაციო ღონისძიებათა განხორციელება.
საქართველოს პრეზიდენტის 2004 წლის 22 ოქტომბრის ბრძანებულება №461 - სსმ III, №119, 22.10.2004 წ., მუხ.1029
4. საქართველოს ფინანსთა სამინისტრომ (ზ. ნოღაიდელი) უზრუნველყოს „საქართველოს 2004 წლის სახელმწიფო ბიუჯეტის შესახებ“ საქართველოს კანონით საქართველოს მეანაბრე-აქციონერთა საზოგადოებების ზედამხედველობის სამსახურისათვის გათვალისწინებული სალიკვიდაციო თანხის გამოყოფა.
5. ძალადაკარგულად გამოცხადდეს „საქართველოს რესპუბლიკის საფინანსო, საინვესტიციო-სატრასტო და სადაზღვევო კომპანიათა (საზოგადოებათა) საქმიანობის კოორდინაციისა და ზედამხედველობის სამსახურის საქართველოს მეანაბრე-აქციონერთა საზოგადოებების ზედამხედველობის სამსახურად გარდაქმნის შესახებ“ საქართველოს პრეზიდენტის 1997 წლის 28 დეკემბრის №765 ბრძანებულება.
მ. სააკაშვილი
შეტანილი ცვლილებები:
1. საქართველოს პრეზიდენტის 2004 წლის 22 ოქტომბრის ბრძანებულება №461 - სსმ III, №119, 22.10.2004 წ., მუხ.1029