საქართველოს პრეზიდენტის
ბრძანებულება №323
2004 წლის 11 აგვისტო
ქ. თბილისი
საქართველოს პრეზიდენტის 1997 წლის 21 იანვრის №42 ბრძანებულებით დამტკიცებული სახელმწიფო საიდუმლოებას მიკუთვნებულ ცნობათა ნუსხაში ცვლილების შეტანის შესახებ
„სახელმწიფო საიდუმლოების შესახებ“ საქართველოს კანონის ამოქმედებასთან დაკავშირებული ნორმატიული აქტების დამტკიცების თაობაზე“ საქართველოს პრეზიდენტის 1997 წლის 21 იანვრის №42 ბრძანებულებით (საქართველოს პრეზიდენტის ბრძანებულებებისა და განკარგულებების კრებული, 1997 წ., №2, გვ. 41) დამტკიცებული სახელმწიფო საიდუმლოებას მიკუთვნებულ ცნობათა ნუსხაში შეტანილ იქნეს ცვლილება და ნუსხის 5.5. პუნქტს დაემატოს შემდეგი შინაარსის 5.6. პუნქტი:
„5.6. ინფორმაცია სასჯელაღსრულების დაწესებულებებისათვის ჩასატარებელი საპროექტო-სამშენებლო და სარემონტო სამუშაოების შესახებ. ცნობები მშენებლობის დროს გამოყენებული ტექნიკური საშუალებებისა და ძალების შესახებ;“.
მ. სააკაშვილი